تريدين أن تشتري لابتوب !! تعالي أساعدك في المواصفات .. :)

هلا وغلا ..


توشيبا من الماركات المعروفة والمشهورة ...


ومادام أستخدامك مجرد تصفح وتحميل ..


يعني تكفيك مواصفات عادية ..

بس للأسف ترا ما عندي خلفية كبيرة عن أسعار التوشيبا ولا عن فئاته ..!!

لكن فيه منه فئة مخصصة للأستخدام المنزلي يعني مثل استخدامك اللي هي ستالايت .. وهي فئة أقتصادية ومنتشرة جدا ..

(وشخصيا جربت جهاز من هالفئة وفعلا جهاز رائع ..)

وتندرج تحتها فئات أصغر

مثلا فيه حجم شاشة 15

وحجم شاشة 17

وحجم شاشة 13

وحجم شاشة 14 ..



إذا الويندوز فيستا أنتبهي لا يقل حجم الرام عن 2 ميجا مهما كان ..

والهارديسك خلي حجمه 300 وفوق إلا إذا تبين تستعينين بهارديسك خارجي


طبعا المعالج لازم يكون كور تو ديو ..

السرعة على حسب ميزانيتك ما أتوقع راح تجيب لك شي كثير ,,خصوصا في أسواقنا اللي يدبلون السعر على الفاضي :(



أنا ترا ما أدري وش المتوفر في السوق السعودي ووش اللي راح تلقينه ..

بس أنتي شوفي أي شاشة تعجبك

مع إني أتوقع إن شاشة 15 حلوة مرة لأستخدامك ..وإذا تبين صغيرة مو مشكلة 14 أو 13



إذا تبين أشرح لك أكثر مافي مانع ..
 
وعموما إذا لقيتي جهاز ..عطيني مواصفاته قبل تشترينه ,,


بيكون أفضل لك ,,
 
مشكووووووووووره عالرد والتجاوب السريع

نعم انا في جهاز في بالي وسعره الفين ونوعه توشيبا

وهذي مواصفاته 3 جيجا

دي في دي

واي فاي

فيستا

ويب كام

انتل كليرون 2.16 ghz

15.4 كريستال فيو

وبس هذا اللي مكتوب عنه


ومكتوب عنه توشيبا ستالايت L 300
 
هلا ولله معليش


علق علي الجهاز ..

فعلا هذي هي الفئة اللي كنت أقصدها ..

و المواصفات بالنسبة لأستخدامك وميزانيتك

حلوة ومناسبة ..

بس ناقصة !!

حجم الهارديسك ..

عموما سرعة المعالج تمشي حالها ..والرام حلوة مرة ,,


الله يهنييك فيه ..وبشريني إذا شريتيه وأعجبك ..

موفقة ..

تحياتي ,,
 
التعديل الأخير:
باركي لي اشتريته اخيييييييييرا من زمان وانا احلم فيه

والحين نحاول فيه لانه مايكتب عربي هل عندك خلفيه عن هذا الموضوع

تحمليني تعبتك معي


ايوه صح نسيت اقولك الهارديسك 160
 
التعديل الأخير:
مبروووووووووك ..


تستاهلي الخير حبيبتي !!

الهاردسيك تراه قليل إذا أنتي راعية تحميل ..أنصحك بهارديسك خارجي ...



أما كتابة العربي ترا ما فهمت عليك ؟

وضحي أكثر ..
 
على فكرة
مهم جدددددددددددددا جددددددددددددا

قبل كل شي سوي ريكفري للجهاز ,,


عشان إذا تعطل ما تحتاجين ترفمتينه..وتصير لك نسخة إحتياطية ,,
 
موضوعك نآآآآآيس وجاء بوقته :)

انا عندي آيسر بس والله عله

شاريته مستخدم بس قد ماحاولت اعدل فيه مافيه فايده

شفت عرض عند جرير على توشيبا وهالشركه استخدمتها قبل جبآآره وحلووه حيييل بس الاروع أتش بي عشقي الابدي :)

نرجع للعرض

المعالج انتل ديور2 سرعته 2،0 جيجا

الذاكره 1 جيجا بايت

الهارديسك 160

فيه واي فاي وكاميرا ومشغل دي في دي متعدد الاستخدامات

سعره 2990

الموديل sateiiite
L300-A13
الغرض من استخدام الجهاز برامج وتصميم

خبرتي بسيطه بالاجهزه واتمنى استفيد منك


شاكره لك مجهودك


 
الله يبارك فيك
اللي اقصده انه لوحة المفاتيح ماتكتب عربي بس انجلش حتى لو حولت سويت الت شيفت ما يرضى يتعرب

مافهمت عليك وش الريكفري ؟؟؟؟
 
للأسف مواصفاتك يا ضوء قليييييييلة جدا !!!

تدرين إني أعلى منك فقط بألف ريال ..


وجهازي سوني فئة متوسطة ومواصفاته روعة !!! وأمريكي كمان ..

وعلى فكرة إذا الويندوز فيستا ما ينفع له الرام هذا ..

إذا أنتي مو مستعجلة وتقدرين تصبرين ..
عطيني حجم الشاشة المناسب لك ..

وأعلى ميزانية ,,

وراح أجيب لك أحلى مواصفات ..



وأمريكي كمان ..لأني ما أشجع السوق السعودي :(
 
أهاا فهمت يا مييم ..


وللأسف الشديد ما عندي خلفية :(


الريكفري راح أجيب لك معلومات أكثر عنه بكرة إن شاء الله ,, أو الليلة إذا فضيت ..

بس أنتبهي لا تسوين في جهازك أيييييييي شيب حاليا ...لمصلحتك أولا وأخيرا ..


أصبري علي فقط وراح أخبرك ..


خلاص ؟؟
 
خلاص تم

وفي انتظارك يالغلا خذي راحتك
 
نبذه مختصرة جدا عن الريكفري ..

الريكفري أصطلح إطلاقه على إسطوانات ديفيدي تحتوي على نسخة إحتياطية من النظام ..

يعني إذا تعرضتي لمشكل ما ,,

شغلي الأسطوانة وراح تعيد لك الجهاز مثل أول ما شريتيه بالضبط ..

وطبعا يعتبر أفضل من الفورمات الذي قد يحذف التعاريف والبرامج الأصلية الجاية مع الجهاز ..


كيف تحصلين على الريكفري ؟؟


بطريقتين ...

الأولى / تأتي جاهزة مع الجهاز ,,مكتوب عليها بالأنقلش ريكفري..

الثانية / لا يأتي جاهز مع الجهاز ولكن يتم عملة من قبل المشتري ..لذلك أنصح الجميع أول ما يشترون لابتوب أول خطوة يعملوها اللي هي الريكفري ..

والشركات في الفترة الأخيرة بدأت تتبع الطريقة الثانية ..

كيف يتم عمل الريكفري ؟؟

هذا سؤال يبي له شرح وراح أفرد له موضوع مستقل إن شاء الله ..

وعلى فكرة إذا أنت يا مييم جاي أسطوانة مع جهازك مكتوب عليها ريكفري معناها ما يحتاج تسوينه ..

أنت بس عليك تحتفظين بالأسطوانه ولا تضيعينها مهما كان ..



وهذا كلام لأحد الخبراء ..

الريكفري = اعادة الجهاز الى حالته الاصليه مثل ما جاء من المصنع .

الفورمات = اعادة تهيئة الهارددسك و يمسح كل ما في الجهاز .

وطبعا الفورمات لا ينصح فيه
 
التعديل الأخير:
فعلا الويندوز فيستا

بس والله مامعي وقت تعبت من هذا وشكلي مالي غير الموجود عندنا

على العموم وش تنصحيني فيه / ارضى فيه وبمواصفاته ؟؟

أو أبحث عن شركه ثانيه بنفس هالميزانيه ؟؟


نسيت اسألك وش رايك بأجهزة الانترنت المحمول

ال جي منزله عرووض حلووه وشغاله على الجيل الثالث واتوقع هي الشركه الوحيده المتفرده بهالخدمه


مع اني متضايقه من حجمها الصغير اذا عندك اي معلومات عنه ياليت تفيديني


 
إل جي للأسف والله .......أبدا ما عندي أيييي خلفية عنه ..


أنت ما قلتي كم ميزانيتك بالضبط ..

ومن قال لك مالك إلا اللي موجود عندك؟؟

فيه مؤسسة توفر أجهزة أمريكية بالطلب بس يبي لك تنتظرين مدة على بال ما يوصل جهازك ..وفوق هذا ضمناهم سنتين وتعاملهم رائع ..<<بس للأسف ما عندك وقت :(

وطبعا ما أنصحك ترضين فيه !

لأنه بيهنق ..أساسا مستحيل فيستا وواحد قيقا !!
ما راح يتحمل الجهاز ..

عموما ..أهم شي الميزانية والشاشة عشان أحدد لك مواصفات تقريبية ..
أو

أنتي حددي الجهاز وبناء على مواصفاته راح أقول لك إذا هو مناسب أو لا ..

وترا شركة سوني حلوة وهي أكثر شركة أقدر أفيدك فيها ..
 
التعديل الأخير:
اهاا معلومه جديده بالنسبه لي ... للاسف جهازي ماجا معه اي اسطوانه ولا حتى ماوس :)

انا كثير اسمع ان الفورمات تضر بالجهاز بس ماكنت اعرف انه فيه هناك بديل

شي حلو والله

وفي انتظار تنزلين موضوعك عن الريكفري

والله يجزاك خير مادري اشلون اشكرك على خدماتك لنا
 
هلا بميمو ..
ما جا معه شي !

ما قلت لك الشركات بدت تفضل الطريقة الثانية <<أحلى بالنسبة لي نسوي حاجة كذا يعني نتسلى فيها :bleh:


طبعا البديل هذا رااااااااائع جدا وما في أفضل منه ..:icon31:


دامك تنتظرين بحاول أجيب لك روابط تفيدك ...

وراح أرسل لك إذا جبت ...يعني لا تغلبين حالك وتطلين على الموضوع :harhar1:
 
والله اني حبيتك من غير مااشوفك حتى اهلي يسالوني من وين تعرفينها قلت والله مااعرفها
بس هي تحب تساعد البنات
 
أحبك الله الذي أحببتني فيه ..:in_love:

وهذي أحلى جملة ممكن أسمعها ,,,:clap:


لحظات بس وبيكون الموضوع جاهز <<<سرعتي خرافية في كتابة المواضيع :showoff:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل