ترددت كثير قبل اطرح مشكلتي ..لاتخيبوني

[sraaab]

السلام عليكم..
بصراحه ترددت كثير قبل اسجل وقبل اطرح مشكلتي:4:ماتعودت اشكي بشكل واضح وصريح..

بصراحه مشكلتي الاولى والاخيرة ابووووووووي:4:
تعامله معنااا زفت فقدت الثقة بنفسي بسببه وحتى اخواني قاعدين يعانون مثلي ..بس بما اني الكبيره دايم انا في الواجهه ..
مع اننا ناس مقتدرين بس مو باين علينا ,,انساان بخييل مع ان وظيفته راقيه وعندنا خير بس ابد مو اضح علينا ، حتى امي موظفه بس راتبها يروح له وموظفه براتب محترم بس ماتاخذ منه الا اقل من الربع ..كل شيء بالبيت هي اللي تدفعه لبسنا واكلنا وشربنا يدفعه من مالها ويقول فلوسي..مع انه انساااااااان غني جدااااااااا

واي شيء نملكه في البيت يقول هذا لي ويتحكم فيه والحجه ان البيت بيته...
واذا تكلمنا قال بيتي ومااحد يدخل شيء في بيتي الاباذني ..
حتى مانقدر نشتري اي شيء ولو تافه الا باذنه ويناقش بالسعر ليش بهذا السعر وليش وليش ولييييييييش لحد مااملينا وكرهته لاتقولوا ليش ادري ابوي بس ولا مرة حسيت بهالشعور كنت من وانا صغيرة اذا شفت بنت مع ابوها يوجعني قلبي ليش انا مو مثلهم..
دايم كان يعودني باشياء واكتشف بعدين انها كذب..

حتى لما جيت ابغي ندخل نت في البيت قال انتي اللي ادفعي فلوووس مو انا ولا امك..
مع ان النت الكل يستخدمه ..

هذا شيء ترددت لاكتبه بس عشان مااحد يظن لني ابالغ..

وانا بالنسبه له دايما فاشله مهما اسوي وحتى اخواني نفس الحاله..

والادهى والامر انه انسان شكاك وماعنده ثقه فينا ..

اذا شافنا عن النت يطب على طول ويشوف ايش اناظر..

حتى مايناديني بااسمي ..

ويدعي علينااا بالموت والعمى ..

ودايما يقول اننا انا وخواتي عار .. لييييش لاننا بنااااااااات

مع اني انا وخواتي محافظات ..

ولووو دخل بيوم وشاف جوالي معي عصصصب وعلى طووووول شك اني اسوي شيء غلط..

وربي اني مابالغت بأي كلمه.. والله حتى الكهرب والمويه يبخل علينا فييييييييه.. والله ماابالغ.. وخصوصا في الصيف تعذبنا مع بخله الزايد يوم بعد يوم عشان المكيف والمويه ..
ومع هذا انا قدام الناس اقاربي وصديقاتي مرحه واضحك بس الله واعلم وش كثر بالقلب من جرووووووووح..والله اني دايم احس بالنقص بسبته وتحطيمه وبخله ...
وربي ولا مررة حسيت انه ابووي مع ان الكل يحسدنا على وظيفته وعلى ماله ..

وفي الاخير يجي يقهر امي ويتزوج عليهاااااااا لحد ماجاب لها الامراض ..
ويوفر لزوجته كل شيء انحرمنا منه..
بس بالاخير فشل بزواجه ..
ومااقول الا حسبي الله ونعم الوكيييييييل

 

[متفائلة دوم]

حسبي الله ونعم الوكيل
وربي اني ما سجلت الا عشان أرد عليك يا قلبي..

الحمدلله على كل حال ودااايم استشعري بأن ربي يحبك وانك في اختبار من ربي يشوف مدى صبرك
وتأكدي بأن ربي ما حرمك الا ليعطيك وبإذن الله ربي يعوضك بالزوج الصالح اللي يعوضك عن جفاف ابوك وبخله..

مشكلتنا يا غاليه..لو تكلمنا بيتهموننا بالعقوق مع ان ربي سبحانه حط لكل شي حد وحتى بر الوالدين

أتذكر مقولة لأحد الدعاة ومعناها"ان الآباء والأمهات هم من يعين الابناء على عقوقهم ولو بالمشاعر بسبب جفافهم في المشاعر وبخلهم وظلمهم

الله كريم يا غالية

انا بقول لك مشكلتي مع ابوي يمكن اذا قريتيها تخف عليك مشكلتك

انا طبعا بنت لوالدين منفصلين عن بعض قبل لا أنولد,,وعشت طووول عمري مع امي في بيت جدي الله يرحمه

ابوي انسان بخيل جدا في مشاعره في واجباته وفي كل شي حتى انه يفرق بيني وبين اخواني اللي من زوجته الحاليه

حارمني من المصروف ويااااله بطلعة الروح في الأعياد والمناسبات الكبيرة يطلع منه كم فلس

اختي يشتري لها فساتينها بمبالغ وانا أقل بكثييييير

ولما خرب جوالي جاب لي جوال من جوالاته قدييييييييييييم لا وخربان بعد واخواني وهو نفسه جوالاتهم عالموضه من آيفون وبيبي والخرابيط هذي..

حبيبتي هذا مجرد فيض من غيض

يعني احمدي ربك واحتسبي الأجر وادعي ربي يعوضك الخير عاجلا غير آجلا

وأكيد لي عودة يالغلا

 

[sraaab]

متفائله ....
ربي يسعدك ويفرج لك ارتحت كثير لردك..

الله يفرجها لنا..تدرين انه من كثر ماطفش امي صارت ماعاد تتحمله وكل فترة تطلب الطلاق بس انا كثيييير خايفه لان لو تطلقوا راح ياخذنا ابوي وامي ضعيفه وخوالي مستحيل يوقفون معنا ..وخليها على الله..

انتظر عودتك..
وردود الاخوات..
والله يهونها علي وعليك ويفرج لنا ...

 

[-موج-]

حاولوا دائما تكونون المهدئ لوالديك ولا تثيروا امكم على ابوكم حتى لا يحدث الانفصال

 

[sraaab]

الله يجزاك خييرررر...
اتمنى اسمع تجاربكم ...

 

[رقة ورد 2]

ياحياتي

الله يفرج همك وعليكي بدعاء
ان شالله رببي يفرجها عليكم
ويسخر ابوك لكم ​

 

[متفائلة دوم]

سراااب

رجعت لك مثل ما وعدتكــ..

بالنسبة لأمك لازم ما تترك البيت ،،وانتي وخواتك واخوانك لازم تصبرونها وتذكرونها بالأجر
وذكروها تردد هذا الدعاء.."يارب تشغله عن ظلمكم باللي ينفعه"

والأهم ذروري ما تنسون الدعاء والاستغفار واحتساب الأجر

وما راح انساك من دعواتي ياقلبي

 

[sraaab]

متفااائله ....
قولي اميييين ربي يسعدك وين ماكنتي ...
ويفررج لك ...ويعوضك ويعوضني ....
وانا ماراح انساك من دعائي ....

 

[متفائلة2011]

الله يسر امرك ويحنن قلب ابوك عليكم

 

[احساسي اساسي]

""" ياحياتي انتي شوفي لو انــي ما اعيش نفس حالتك كان اقول كـــذابهـ
لكن حنا هاه تقل اخف شوي لكن الشك وعدم الثقه نفس الشي
انا عانيت منها 23سنه تدرين وين لقيت لها علاج بقيام الليل والاستغفار والله يوفقكـ

 

[مها ال سعود]

يـآحيآتي إنتي *اللــه يفرج عليــكـم يــآرب* ..

أنصحك بسورة البــقره يوميــآ وإن شــآء الله ربي يفرج عنكــم

وسورة البــقره لهــآ فوآئــد عظيــمه ..,

وصـرآحــه من كلآمك إن أبوك غنـي جدآ ف أتوقع إن هـذا من حسد النآس

صـآرت عيون النــآس فـآرغه تحـسد على أقـل شي


عليك بألـدعـآء لأبوك بألـهدآيه ووصـي أمك وأخوانك كلهم بسورة البـقره

وآللـه يفرج همك وهموم جميع المسلمين ..


أختك : مهـآ

 

[sraaab]

الله يسعد ويوفق كل من ردت والله فرحححت ..
ايه احنا محسودين ومن اقرب الناس لنااا بعد ..
بس والله تعبنااا البخل شيء صععععب ..تحتاج للشيء وعندك القدرة انك تشتريه بس محرووووووم انك توفره ...
اشياء تافهه مثل المكيف والمويه مانقدر نتحكم فيهاا ..
ومشاااااكل صعب انك تقوولها .. وصعب تشكي للي حواليك ..
احنا نغطي هالشيء ونحاول مااحد يكتشفه بس في اشياء تبان غصصب ...وصرررت اكررره الرجااااااااال بشكل مو طبيعي .....
هذي بس فضفضه ..لاني ارتحت لما شفت ردودكم ..

 

[غربة إحساس]

الله يفرج عليك حبيبتي ,,,بس احمدي ربك على العافية اكثر شيء وشوفي اللي معاقة او عمياء والله العظيم انك رح تحسين ان اسعد انسانه لو داومتي على الطاعة بكل اشكالها خصوصا الاستغفار والدعاء...

 

[بنت اوبوي]

عليك بالصبر والدعاااااااااااااااااااااء
الله يفرج همك

 

[sraaab]

الله يجزاكم خيييير...
ويبلغنا واياكم رمضان باحسن حال...
والله حسيتكم مثل الخوات لي...

 

[lmoo]

عليكي بالاستغفار في الاسحار وكثرة الدعاء الله يسهلك ابن الحلال اللي يعوضك عن كل حاجه انحرمتي منها وبس
لا تدعين على ابوكي ادعيله بالهداية والصلاح ..لأنه من الصعب تغيرين طبع تطبع عليه من صغره ..انتبهوا توقفون في وجهه ,,,صبري امك والله يعينكم
الله يسهلك ويفتح عليكي..

 

[sraaab]

لمووو ...
ربي يسعدك ويعطيك على قد نيتك ...
الله يسمع منك يااارب ماقصرتي حبيبتي ...
مررررة شككككراااا

 

[احسدني عليك]

يابنت الحلال احمدي ربك والله رح يفرجها ابوكي يمكن ضالم بس ادعي الله يرزقك بزوج يقدرك ويعدك ويحن عليكي