تذكرون قصتي انتهت بس بقهر اسمعوني

[تفاحة الحلوة]

السلام عليكم ورحمة الله وبركاته ​

ما ادري اذا تذكرون سالفتي اللي باسم ( زوجي وآفه العصر) اللي نزلتها من كم يوم عن خيانه زوجي وتعلقه الشديد فيها


اليوم رجع البيت بحاله نفسيه سيئه ومنهار على الآخر ولا عبرني ولا شي مع انه قبل لايطلع كان احسن حسيت شوي ويبكي تعرفون ليش يوم سالته قال خلالالالاص تركتها ؟؟؟؟؟؟؟؟!!!!!!


تدرون من هي حبيبته !!!!


والله مب عارفه افرح والا ابكي والله اني ميته قهر ولا جفت دموعي من القهر اني اشوف ريلي بكل رجولته وهيبته منهار ولا تعشى ولا شي عشان وحده من الشارع ما تسوى ..

ويوم كان زين معانا لانها كانت موجودة بحياته وكان يغطي على تصرفاته عشان ما احس فيه عايش قصة حبه

قال لي تعرفين ليش تركتها لاني ما اقدر اتزوجها بس من اليوم ورايح بتشوفيني شخص مختلف بطلع بسهر بسوي كل اللي في خاطري ومالج شغل فيني ؟؟ كل هذا عشان تركها تخيلوا وانا يوم طلقني وتركني ما زعل هالكثر ...


والله ميته قهر قلت له احسن يوم تركتها وهو راح وحط راسه ع الفراش ويالس يفكر فيها قولوا لي شو اسوي ابين له اني فرحانه والا طاف

انا الحين بديت مشوار التغيير في نفسي وشخصي بس ولا عبرني باله كله معاها والله احس اني من القهر بولد باي لحظه بليز لاتهملون رسالتي

 

[مهره أصيلة]

أسجدي لله سجدة شكر أن زوجك رجع لك وتركت اللي ما تتسمى
خلي الوضع طبيعي لا تبينين له فرحتك ولا تكلمينه بالموضوع
أهتمي بحالك ولا تقصرين معه .. حاولي تجذبينه للجلسة معك بخفة الروح
وشكلك الكيوتي وكلامك الحلو وأبتسامتك اللي ما تفارقك فييك
أدعي الله وأستغفريه كثير بنية يصرف زوجك عن طريق الحرام وأن يسخره لك ​

 

[الجرح نازف]

حبيبتى ربى نصرك بس خلى تصرفاتك طبيعيه لا تزعلى ولا تفرحى وتجنبيه لا تتكلمى معه بيطلع قهرة فيك

خلى يومين وابدى توددى له بس شوى شوى مو مرة وحدة

 

[ريـآنه]

اسأل الله العلي القدير في هذه الساعة ان يلهمك الصبر بصراحة وان يرده اليك ردا جميلا

 

[ريـآنه]

تعديل0:
بصرااحة تصرفه يقهر

 

[دلع ايامي]

الهي يحرق دمو كمان وكمان البعيد وجي يحكيكي على اساس ايه انكم اخوااااااان بالرضاعه حسبي الله ونعم الوكيل وكلي امرك لربنا وقولي يارب يفرحتي والله بجمالو وهو داخل عليكي منهار انهار ت على عدوينو الطرق والسكك والعماير وجع منجد ماني عارفه ايش اقلك الله يصبرك الله يجبر خاطرك يارب والله حادعيلك في كل صلاه من قهري عليكي

 

[تفاحة الحلوة]

اشكرا لكم خواتي بدعواتكم

كيد اني احمد الله مليون مرة على هالشي بس لللاسف اول بعد تركها وحلف على القرآن وتركها بس يومين والله ما كمل ورجع لها باشواق وحب اكثر عن قبل بس حزتها ما كان منها بالعكس كنت انا اللي منهارة وكان يطيب خاطري ويعتذر لانه كان ضاربني

بس اللي شفته اليوم كانه تركها مش من خاطره يعني مب مقتنع لانه لو كان مقتنع ما كان بهالحاله النفسيه السيئه وهو بروحه كان يعرف انها مش زينه حسبي الله ونعم الوكيل والله احس انس بختنق اكيد هو متضايج عشان هي متضايجه الحين والله اني محترقه يا ناس توقعت يتركها باقتناع لكن شو اقول بس

 

[تفاحة الحلوة]

ودي اقوله خلاص روح لها ارجع لها اذا تبيها خلني افتك منك ومن هالدنيا الحب مب غصب يعين اذا مل مني خلاص كيفه ليش يقولي انا مخلنج بس عشان العيال ليش انا خدامه لانه عرف انهم نقطه ضعفي والله مب متحمله اشوف ريلي متعذب بسبب حرمه ودي اطلع حبه من قلبي صح اني ما ابين له لكن في غيابه احترق على اللي يصير ويبدر منه
يعني يهددني بعد انه رغم انه تركها وترك كل البنات الا انه بيراويني شي عمري ما شفته قال انسي ان بينا فراش وغيره بس بينا العيال هذا اللي كان متزوجني بعد صراع مع اهلي واشكثر تعب عشان يقنعم وكان متمسك فيني والحين ما كملنا 5 سنين ذبل الحب

ودي ارجع لاهلي واخليه يولي ويموت من القهر بروحه اسمحولي على الكلام بس والله تعبانه يارب تريحني وتريح قلبي المسكين يارب تخليني اصير اقوى واقوى يا رب ما تخليني استسلم ولا اضعف يا رب تخليها تصيح دم مثل ما خلتني شهور اتجرع الالم والدموع والضرب من زوجي بسببها يا رب

 

[دلع ايامي]

معليش حبيبتي صلي على النبي واستخيري الله في موضوع الطلاق

ياختي ايش جابرك اولادك خديهم ربيهم انتي بس هو يصرف عليهم النفقه الشهريه وخليه يروح يحب ويعشق على كيف كيفو وانتي عيشي حياتك اللا تمرمط حياتها تحت رجل الرجال والله تموت

 

[تفاحة الحلوة]

لا يا اختي الطلاق مش حل بعدين انا متطلقه مرتين يعني هاي الاخيرة ما منها رجوع وعيال وين بيروحون انا غريبه في البلد ولا عندي اهل هني خليها على الله

 

[مطرية]

مابعرف كيف وصل الامر لهالوضع يجى يحجى قدامك بهالطريقة عن حبيبته

ويبين ألك ذعله على فراقها

بكل الاحوال انتى احمدى ربك انو تركه

حتى لو حالته النفسية سيئه الان

راح تنسى مع الوقت

والان يجى دورك تهتمى بحالك وببيتك وبذوجك

ولاتنتظرين التغير فجأة

لاذم تصبرين وتخليك فى بالك انو التغير والنسيان يأتى جبة حبة

 

[دفى يدينك]

حسبي الله ونعم الوكيل
غاليتي
لااااااتعبرينه وترى عيالك اللي قاعديهزك فيهم كل شوي واللي مومخليك الاعلشانهم تراهم كنز لك بعدالله هم غنيمتك الكبرى
لاتعشمين منه بشي
وبكرةاذاكبروا وشالوك ع روسهم بتتذكرين كلامي وتشكرين الله على فضله عليك
لااااااتحتكين فيه ابد
وقومي بواجبك على اكمل وجه عارفه اش يعني اكمل وجه!؟
بنفس راضيةمحتسبة
واذاجا بكرةاوبعده وتشوفينه لسى المودمحيوس قوليله بكل هدوووء
ياحبيبي ماله تعذب روحك دام الدعوى واصله هالمواصيل
خلاص سو اللي تبي وكلللل اللي تبي
وشرهتك ع اللي يفتح فمه بحرف واحدوعلى اللي يبي حياةطاهرةقدام الله
خلاص انا على قولتك موجودة علشان عيالي
وما اقول الا كلمتين
عندالله تجتمع الخصوم
وبس لاعادتفتحين اي موضوع ولاتذلين عمرك ولاتحاتين زعل رضي حالته تعبانه زينه اتركييييه
الين يطيب كيفه
وعيشي حياتك
والله يكون بعونك
الدنياكبد ولكل منا نصيبه
لكن الاحتساب الاحتساب


دمت بود
....
​

 

[همس الفيافي]

الله يكون في عونك اخيه والحمد الله عندك عيال ان شاء الله تربينهم التربيه الحسنه ويصلحهم ربي وينفعونك بعدين في غيرك لاعيال ولازوج تتمنى طفل تحضنه ولو من دار الرعايه ولاتقدر والدنيا دارممر وليس مقر والاخره كلن وعمله فنتي احسني نيتك وقومي بما اوجب الله عليك في حق بيتك وزوجك وعيالك وبس

 

[الجرح نازف]

اللهم اجعل هذة المشكله على 00تفاحه 00بردا وسلام كما جعلت النار بردا وسلاما على ابراهيم

 

[الجرح نازف]

دعاء الكرب

عَنِ ابْنِ عَبَّاسٍ رضي اللَّه عنْهُما أَنَّ رسُولَ اللَّه صَلّى اللهُ عَلَيْهِ وسَلَّم كَان يقُولُ عِنْد الكرْبِ : « لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ » متفقٌ عليه .
اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً .رواه ابن ماجه .

قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له ..صحيح الترمذي

 

[الجرح نازف]

الدعاء عند الهم والحزن

اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي .رواه أحمد .

اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال ".
​

 

[ام اروئ]

يارب يعينك ويربط علا قلبك بالصبر ولا تنسين الاستغفار والدعاء لله ان يبعد عنك بنات الحرام ما شاء الله عليك والله انك صابره وبعد حامل الله يعينك لونه انه يمدي تتطلقت واخذت اولادي واشتكيته انه ماهو راعي حظانه ومسئوليه

 

[أحبكـ..]

لا حبيبتي الا الطلاق ماتفكري فيه ابد ابد
عشان اولادك حرام اش ذنبهم
اهم شي ادعي ربك وربك ماراح يخيبك
الصبر: اصبري وراح تلاقي بالنهايه
اعرف انو صعب بس لا تخربي بيتك بيدك\
وتتركي زوجك لوحده ماتسوا
وادعي الله ان يصرف زوجك عن طريق الحرام ويرجعه ويسخره لك..

 

[تفاحة الحلوة]

شكرا لكم خواتي يزاكم الله كلكم خير ان شاء الله شكرا للجرح النازف على الدعاء الله يذكرج بالشهاده والله هونتوا علي شوي ووقفت دموعي بعد ما قريت ردودكم ودعواتكم بس قولولا لي الحين بكرة واللي بعده اثقل وابين له مش هامني انه تركها والا اتقرب منه والله خايفه يظن اني ضعيفه وما عندي شخصيه واخاف يشوفني صرت زينه معاه يرجع لها شورو علييي

 

[الحياه وررديه]

الله يفرج همك يارب اصبري الوضع الان لصالحك العبيها صح وعطيه فتره صدقيني بيرجع لك يعني اهتمي بنفسك بيتك بزوجك بس انتبهي تسليه ليش زعلان وين بتطلع خليه فتره وهو برجع من كيف بس اصبري ولاتستعجلي ادري واحس بجرحك اكثرررررري من الاستغفار وستفرج بذن الله