تدري وش الي يجرح البنت ياخوي

[مليت اقول ياليت]

هذي قصيده اعجبتني ونقلتها لكم بس من جد جت على الجرح

تدري وش اللي يتعب البنت ياخوي...؟!
رجـلٍ يخـون اشواقـهـا و الـمـودة

إللي إلا احتـاج الغـلا صـار نمـرود
وليـا شبـع ممـا عـطـاه إسـتـرده

البنت ريحانة غـلا ... ناعمـة عـود
تبـي لهـا رجـلٍ ورث طيـب جــده

رجلٍ فعولـة كلهـا جـود فـي جـود
مـا يلتفـت للـي كفوفـه تمـده ...!!

رجـلٍ إلا جـتـه الليـالـي بمنـقـود
يتكـى لهـا مـا بيـح الوقـت سـده

مهوب خبلٍ مـا رعـى للهوى عهـود
وادنـاة مـا عـارض طريقـه يــرده

ولاهوب لاعلـة ... ولاهـوب ملهـود
ولا شكـوك ... و كـلٍ طـارئٍ يحـده

ما اشين من الرجـال لا جـاك ببـرود
وإن قال له تـرف القـدم شـي صـده

تبـي لهـا بـراق طيـبٍ لـه رعـود
إن اجدبـت يمطـر علـى ريـف خـده

وإن نادته تكفـى لقـت عنـده الفـود
يشيـل عزتهـا علـى قــو زنــده

كفه نفل ... وانفاس صدره لهـا عـود
وظلالـه الضـافـي بيـدهـا تـمـده

البنت خد ... وقـد ... ونواظـرٍ سـود
وريحة غلاً ... ياسعد مـن شـم نـده

البنـت إلا ضحكـت ثمرهـا لـك ورود
يا خوي مـن يقطـف نواويـر وردة

واللي يهين البنت ناقـص ... ومقـرود
فرس غـلا ... ماهـي حمـارة مكـدة​

 

[ضي الفجر]

ياحوبي انتي صراحه قصيده مرررررررره حلووووووووووه
بس صراحه مااتوقع في رجال بكوكب الارض صفاته حلوه زي اللي بالقصيده

 

[مايهمني غيربعلي]

قصيده مررره حلوه
مع اني ما أحب الشعر بس عجبتني هالقصيده وااايد​

 

[الجواااان]

فعلا انا ماحب القصايد ابد بس هذي اعجبتني تسلمين حياتي

 

[ساماري]

وإن نادته تكفـى لقـت عنـده الفـود
يشيـل عزتهـا علـى قــو زنــده ​

كفه نفل ... وانفاس صدره لهـا عـود
وظلالـه الضـافـي بيـدهـا تـمـده ​

الله عليك يا مليت ابياات قوويه جدآآ ​

بس وين تلاقين الصنف هذى من الرجال ​

سلمت اناملك ولا عدمناك يا الغلا​

تقبلي مرووري مع اعطر التحايا ​

ســـــامــــــاريــ​

​

 

[رواق الخريف]

وين نجد مثل هالحياة الطيبة .

إذا صفات المرأة مثل مافي القصيدة تستأهل الرجل الكريم طيب

القول هاب الريح كريم اليد مطيب بالعود .

تسلمين على النقل يامليت ....والله يعطيكي ماتتمنين .

 

[دلة قهوه]

كنت ابرد بس انتي تقولين لا تردين على مواضيعي كيفج

 

[بَعثَرهـ سَتزول]

إللي إلا احتـاج الغـلا صـار نمـرود
وليـا شبـع ممـا عـطـاه إسـتـرده

هذا صفه موجوده بكثير .. إلا من رحم ربي




... ... ...

البنت ريحانة غـلا ... ناعمـة عـود
تبـي لهـا رجـلٍ ورث طيـب جــده

الرجال الله يهديهم .. يعتقدون احياناً إن الطيب معناه مذله ..


... ... ...



الله يعطيك العافيه .. نقل رووعه

 

[ندى الكلام]

تسلمين على القصيدة المعبرة ........وينكم بس يارجال ليتكم تفهمون وش نبي هه مافي امل......

 

[مليت اقول ياليت]

يسلمووووووووووووو على الردود ياحلوات ماتتوقعون شكثر كان ضايق صدري قبل شوي بس الحمدلله هالمنتدى يريح النفس بعدالله عز وجل
والله على قولتكم مافي رجال بهالمواصفات خخخخخخخ

 

[سـمـو الآمـيـرة]

روعه غآاليتي ومآ أعجبكِ أعجبنآ كثيرآ
سلمتِ وطبتِ ودمتِ بنقآء و رآحة وهنآآء

 

[سندريلاااا كيوت]

كلمات رائعه جدا مشكوره يالغلا