تدخين الزوج

[ام رايم]

السلام عليكم ياعزيزاتي:
أبي مساعدتكم و أبي من الدكتوره ناعمة تساعدني
زوجي مدخن وانا اكره المدخنين بقوة ماأتقبله أبدا لي متزوجه 3سنوات ماقدرت اقتنع إنه مدخن بينا مشاكل مايعلم فيها إلا الله بسبب التدخين حاولت أقنعه يبطل مليون مره لكن بدون فائدة
قلت عشاني مانفع قلت عشان أمك وأبوك مانفع قلت أبي هدية ولادتي إنك تبطل قال إبشري وضحك علية 3شهوروفرحت وصلحت له حفله وجبت له هدية (لابتب وأخر جوال نزل)أخذها ومشى عليه إنه مبطل يمكن بتقولون كيف؟ماشميتي ريحته؟؟؟؟ أبدا مافيه ريحة دخان كنت أحيانا أقول ريحة فمك دخان ويقول إنتي موسوسه يتهيألك عليه إسلوب إقناع فضيع........ قد اقنعني إنه مبطل من يوم تزوجنا 10 مرات طبعا تستمر الكذبه اسبوع احيانا شهر احيانا أكثر على حسب متى اكشفه طبعا الريحه ماهي دليل عنده لازم ألقى دليل أقوى صار في نظري كذاب مررررررره.

تعبت منه من الكذب حقه وفوقها عصبي
ارشدوني

 

[جنة العشاق]

مراحب ام رايم


انا اعاني من نفس المشكله تماما


ومالقيت حل الين الحين

في البدايه حسبت اني مكبره السالفه لاني كنت اظن اني الوحيده بالدنيا الي تتضايق من هالموضوع ومو متقبله الدخان اثر في غيري


والله ماادري شسوي زهقت تعبت من هالموضوع

 

[غرام البحرين]

ياكأنج تتكلمين عني
والله اني مره دخلت الحمام اشم ريحه دخان
يقوول لي هذي الريحه اكيد من (الاالوعه )عزكم الله
اقعد اقووله قوول واسووي روحي ان عادي لو دخن ما في فاايده
جنني
ادري انه يدخن ما اقدر اروح افتش ثياابه ولو اني ادري ان موجودين داخل
لانه لو رحت بقول لي من سمح لج
والحين كل ما طلع ويا ربعه يرجع وريحته ما شاا ءالله
واذا اقوله اتدخن يقوول لا هذا الصبيااان الي وياااي
تعبناا وياهم

 

[ام رايم]

مشكورين على التفاعل معي والله ماأدري وش الحل تعبت مرررررره خلونا نفكر مع بعض في حل ؟

 

[مهجوله]

يابنت الحلال اذا هو مو مقتنع انه يتركه فشطبي على الموضوع اهم شي الاراده والقناعه
وانتي مصدقه بيتركه عشانك

 

[اريد اكون سعيده]

انا اعاني نفس المشكله تماما وزجى صار اليه 4سنوات واهو ادخن
ماكان ادخن من قبل بس كل من اصحاب السوء حسبى الله عليهم


حاولت معاه بس ما في فايده كان ادخن بره البيت بس الحين ادخن داخل البيت وهشى مضايقنى اكثير

 

[mesk-nader]

ام رايم

اخبرك عن تجربتي , أول ماتزوجت كان زوجي يدخن وكنت مش مقتنعه بهالشيء ابدا ومفوض من قاموس حياتي , كان زوجي لما يروح الدوام وينسي تبعه كنت اروح اكبه بالزباله ولما يرجع يقول شفتي تبعي اقوله لا والله ولا شفته , مره من المرات كشفني لكن ما يأست كنت انصحه بين الفتره والثانيه وكنت افهمه واقوله انه مالنا حد غيرك في هالدنيا ولو صار لك شيء بعيد الشر عنك رح يكون هذا انتحار , ورح تغضب ربك ومن هالكلام , وعلى فكره المدمنين سواء سجاير أو اي شيء من المحرمات الله يبعدها عنا وعن كل امة محمد اجمعين دائما يكونون عصبيين ومايتحملون اي شيء ففي هذي الحاله حذااري تردين عليه أو تقوليله كلمه تنرفزه لانه هو نفسه مش مستحمل حاله وإنتي في نفس الوقت لا تحطي نفسك في موقف حرج والمرأه الذكيه هي الي تعرف كيف تمص غضب الزوج في هالحاله , وبعدها بفتره طويله جدا شرحت له كيف عندما يقلع عن التدخين إنه يبدل هالعاده بعاده أخرى بس تكون ايجابية , ليش ؟؟ , لانه من سابع المستحيلات إنه الشخص يتغير بس المرأه الذكيه هي تعرف كيف تدير المواقف وكيف تعالجها بتأني وذكاء وعليها أن تتحلى بالصبر والحكمه , واقلاع زوجي عن التدخين لم يكن بالامر الهين , بل امتد سنواات طويله جدا حتى تركها ولم يعد يعرفها .​

 

[عبير الشمس]

ياام ريم والله اني اعاني من نفس المشكله
بس اعجبني كلام ملكه نشيطه واحاول اسوي زيها والله المستعان وشكر

 

[قيثارة الصمت]

نفس مشكلتي ..
وما اقول إلا الله يعين ..
من تزوجته وهو يوعدني انه بيتركه ..مرة يقولي برمضان ومرة يقولي ماراح نكمل سنة إلا انه تاركة ومرة يقول إذا حملتي ولما حملت يقالي ماتولدين إلا وانه تاركه ولما ولدت قالي خلاص بتركه والحين له تقريبا11 شهر والوضع ماتغير
ولا ادري متى الله بيفكنا من هالبلوة ..صح انه مايدخن عندي ..بس اتضايق من ريحته او إذا ركبت معه بالسيارة؟؟
تجي فترة يخف ..وبعدين يرجع ..ومرة تركته لمدة اسبوعين ورمى البكت قدامي لكن تفاجأت بعد اسبوعين انه شرى واحد ثاني ورجع يدخن..

حبيبتي ..
ما لك إلا الدعاء ..
وبيني له ان الوضع مو عاجبك..

اكثر شي يؤرقني ..ان بكرا اطفاله كيف بينظرون لأبوهم وهو قدوتهم ويدخن..
تأثيره على نفسه وصحته وعلى اطفاله واهل بيته حتى لو يدخن بعيد عنهم يبقى فيه ريحة
تأثيره على حالته النفسية ..فيكون عصبي وناقصه شي لو مادخن من فترة..

الله يعصمه منه ..
الله يعصمه منه..
الله يعصمه منه ..عاجلا غير آجل..

وأخيرا..
خليك متظاهرة انك مصدقته عشان تمنعينه من انه ياخذ راحته في التدخين بكل وقت..وحاولي تجلسين معه اغلب الوقت عشان مايلقى وقت يروح يدخن فيه ويطقعه شوي شوي بإذن الله

 

[وسامي اسلامي]

هذه مشكله عالميه ومن خلال التجربه لاينفع النصح مع المدخن لانه مدمن ولي ينفع الدعاء فقطططططططططططططط ونصيحتي لا تتعسين نفسك بكثرة الجدال والمشاكل مادام الرجال خلوق احمدي الله واصبري واكثري من الدعاء

 

[شكولاه]

سلام حبيبيتي

انا مشترطه على زوجي من الشوفه انه يبطل

وبطل من الشوفه الين زواجنا مره 7 شهور وانا متاكده انه بطل وبعدين واحنا لنا اسبوعين دخن سيجاره وحده وسويت له حكايه عليها وبطللل مررره الين من اربع شهور فاتوا وانا اشم معاه ريحة سجاير وما أرضى انه يقرب مني بسببها يقول انها من الشلة بس ما اصدقها لنها لو بس من اصحابة ماكانت في فمه المهم نتخاصم على أي يوم اشم معاه ريحة سجاير وشفت في درج الكمدينوا حقه بالغط وانا انظفعلبة سجاير بس سويت اني ما شفتها

بعدها باسبوع كنت خارجه وهو بيوصلني قال لي انزلي وانا لاحقك ونزلت السياره وبعدها بكم يوم انتبهت انه خلاني انزل عشان يشيل العلبه ومعد شفت في بيتي علبة سجاير وماني راضيه اساله هوه بطل ولا لا

بس انشاء الله يكون بطل نهاااائي وعقبال ازواجكم كلللهم

 

[ربي ارحمنا]

الله يهدي ازواجكم ويبطلون ذا السموم وجميع رجال المسلمين.......

 

[AUDI]

الله يكون في عونك وعون كل زوجة مدخن لكن نصيحه امنعيه من التدخين في البيت والسياره قولي له ماابي اضر نفسي وطفلي بهذا السم اذاكنت عندنا مافيه تدخين وخليك حاز مه وقولي له ماابغى ولدي يدخن لانه اذا شافك تدخن وانت قدوته مدخن يمكن يدخن وخوفيه من هاالناحيه يمكن اذا فكر في ولده ومستقبله انه يكون حافز له علشان يبطل تدخين . بسسسس اهم شي لاتدخين في البيت لعله وعسى انه تكون بدايه النهايه مع هذه المشكله ....

 

[امها دلعتها]

حبيبتي .. دخان والا شيشة؟؟؟؟

احمدي ربك انا زوجي يطلع مرتين من البيت لجل خاطر عيون هاشيشة.. حتى اذا طلعنا سوا يصير مستعجل يبغى يخلص ويروح لبيته الثاني"المقهى"
كنت في البداية انقهر خصوصا اني ماعرفت الا بعد الزواج بشهور .....
جربت عصير البرتقال لانهم يقولون يخرب طعم السيجار والشيشة ..بس طلع اذكى مني وقال لي يطلع لي حبوب بفمي
سالت وسالت وسالت كثير لين مليت عرفت ان ما لي الا الله

ويابنت ازهليها ..
وش عليه انا ..؟؟
الاثم عليه ..وانا نصحته ماقصرت واسغل الفرص بس ما اكثر علشان مايمل
والريحة صراحة خليته يتعود اول ما يدخل البيت جري عالحمام يتنظف زين وحاطة له لبانة وعطر جسم عالدولاب اللي بالحمام الله لايهينه يتنظف من هالزففت بعدين يجيني..اما اذا ما سواها اخليه يكره نفسه من كثر ما اقوله "وعععععععععععععععععع وش ا الريحة....او التفت عنه اذا تكلم او اقوله بكل صراحة ملابسك حبيبي ريحتها ريحة هنود

صراحة احيانا ارحمه من قسوتي عليه في هالموضوع بس هو اللي جابه لنفسه..

وابدا لاتهملي الدعاء له بالصلاح والهداية .. الله يهدييهم امين يارب

 

[ملاك البراءه]

الله يكون في عوننا
اانا وعدني انه مايدخن في البيت او وهو قريب مني
والحين صار يدخن في غرفة النوم بعد

الله يبعد هالسجاير عنهم
طبعن حاولت وحاولت وحاولت
في النهايه لو هو عنده رغبه انه يبطل بيبطل
بس هو ماعنده رغبه و انا اعصابي تتعب على الفاضي
خليه يجرب و ينقرص و يتعلم

 

[قمر الحجاز]

اختي زوجة المدخن اسمحي لي اذا كان احد والي زوجك يدخن فلن يترك زوجك التدخين بسهولة وربما لا يتركة ابد
الطريقة هي كلما اراد النوم اجلسي بقربه وهو في اللحظات الأخيره قبل النوم وقولي له انا اكره التدخين وانت تكره التدخين كذلك

 

[الورة الناعمة]

الله يعــين قلبك ,,,,والله مصيبه لازم تشوفيـــن حــل ,,, حاولي دايماً معـــاه لا تيأسيـــن والله معاك *
الصبـــــر ,, الحكمة ,, الحــلم * خليهم دايــماً معاك هاذي الخصــــال .... الله يوفقك

تحياتــــي
الوردة الناعمة

 

[صرووح المحبه]

يالله قلبتو المواجع عليناا
من جد يابنات الدخان معاناات كبير والله اغلب مشاكلنا منه
وخاصه اذا الزوج ماعنده احساس مايهمه احد ..اناني
تخيلو انا ساكنه بشقه وماعندنا الا الصاله نجتمع فيها يعني هي جلستنا
وحارمنا منهاا يقعد يزقر وشوفي اصواتنا تطلع من هالقرف
البيت كله اطفال ولا هامه يقول شيليهم عني ..ياعمري وين يروحون بعدين يبون التليفزيون والله نترك له المكان ونروح ننحجر بالغرف وماتفتك من الريحه هم تجينا
هذا غير ملابس اللي كلها احترقة ولا شكله وشفايفه ونفسيته

مانقول الا الله يصبرناا

ويعصمهم عن الحرام

​

 

[خبيره تجميل]

الله يعينك ويعين كل المتزوجااااااااااااااااااااااااااااااااااااااااااات
والحمدلله رب العالمين زوجى ما يدخن ولا يحب المدخنين
وهذه نعمه كبيره وسبب موافقتى على الزواج منه

 

[امن امز]

يابنت الحلال اذا هو مو مقتنع انه يتركه فشطبي على الموضوع اهم شي الاراده والقناعه
وانتي مصدقه بيتركه عشانك

والله انك صادقه هو بأرادته اذا بيتركه مو بأرادتك انتي وقولي له دخن بس ماابي اشمه ابدا والله يهديه ويتركه ان شالله بأرادته