تدخلات وكلام اتعبني

[خارج السرب]

ام ريهااام اول شي بااين من كلامك ماشاء الله انك وااااعيه وفاااهمه وش تسوين ووش تقولين
وهذاااا شي حلووو كثير وبيساااااعدك
ثاني شي مو ملزمه تثبتي لاحد ان زوجك يحبك ومو مقصر معك لاني هالشي مايخص احد غيرك انتي
ثالث شي داااائمآ بالتلميح واذا مافهمو بالتصريح قولي حياااتي الزوجيه مااحب احد يتدخل فيها
وانا وزوجي نسوي اللي نحب نسووويه مو اللي الناااس تبينا نسووويه
وخليك وااااثقه من نفسك ومن زوووجك
وابدآ لاتقوليله شي من اللي تسمعيه
مدااام انتي سعيده ورااااضيه وهو كذلك
لاتسمحين لاحد بااانه يخرب عليك حياااتك
واذا على امك كل ماقالت لك شي قووولي ابشري وان شاء الله والايااام الجاااايه بنحاول ومن هالكلام اللي يريحها وبنفس الوووقت انتي مايكلفك شي
وبالاول والاخير انتي اللي رااااح تتصرفي مو ااحد غيرك
واذا غير امك قوووووليها صريحه ومافيه احلى من الصراااحه
قولي انا مااحب اتدخل بين اي زوووجين وبنفس الوووقت مااحب احد يتدخل بيني وبين زووجي
واذا احتجت مساااعده او مشووره من احد رااح اطلبها

والله يووفقك ويديم السعااااده عليك

 

[توتونجد]

يا قلبي اسمعي وطنشي ادري تعب كلامهم عليك بس تحملي

والله انا بدايه زواجي ما كان يبقى من راتب زوجي غير 40 ريال والله وصبرت وتحملت حت بيت ما كان عندي بيت كنت مع اهله عشت ايام صعبه
والان لى عشر سنوات الحمد لله زانت ظروفنا وصار راتبه حلو ومكفينا وزود بعد
الحياه يبيلها صبر

اذا زوجك يحبك ويحترمك ما عليك من كلام احد الحياه مو بالفلوس اهم شي السعاده والعافيه
الله يوفقك ويهنيكم ​

 

[أسماء زكي الدين]

ربنا يوسع عليكم ويرزقه من حيث لا يحتسب ...

حبيبتي ربنا يكملك بعقلك ويهدي أمك ... مرة ردي عليها وقولي لها : أنا ما اني طالبة سفر ,,, ولو حابة أسافر هو بيسفرني لكني أنا بأجل ...

وعادي يا غالية كل واحدة تتحمل مع زوجها خاصة إذا يستاهل والرجل وضح لك كل شيء من البداية وأنت قلتي بنفسك أنه صادق معاك ومش مقصر طيب غيرك ممكن يوعدها كدة وحتى هدية ما يسأل فيها وأحيانا حتى الأساسيات لا يوفيها لها وفي الاخير بعد نهاية صبرها معاه وقبل ما تذوق معه ثمرتها يرميها أو يجيب غيرها ...

دائما ادعي ربك يهون عليك حياتك ويكفيك شر من حولك ... ​

 

[أمةالله الضعيفة]

طيب يا ام ريهام بسألك سؤال
هل والدك واي حد حكلك ظروفه كويسة هل كان كذلك من اول ما تزوج
اذا كان الاجابة لأ
فقولي للوالدة زي ما والدي في بداية حياته تعب شوية
وبعد كده ظروفه زانت
فاحنا كمان نتنازل شوية وبكرة ظروفنا تتحسن زي ما بابا ظروفه تحسنت
ورب يكملك بعقلك ويجملك بعين زوجك

 

[ام ريهـام]

رازيا
...

حابة ابشرك صارلي 11 سنة متزوجة ولحد اليوم ولا سافرت ولا سفرة

تفائلي بالخير وزوجك تمسكي فيه واهلك الله يهديهم ويصلح حالهم بدل ما يكونوا عون صاروا فرعون
ما لهم حق يدخلوا بينك وبين زوجك

حبيبتي كل وحده تمشي مع وضع زوجها...وانتي الله يصبرك وان شالله تسافري بعد كل هالانتظار ...
بس ان شالله يكون انتظارك لأجل ظروف زوجك ومايكون زوجك رافض السفر نهائي ...
لان بهالحاله يكون ظالمك ..
شوفي يالغاليه ... لو كان الانسان متفائل وصابر ومسكر على نفسه بابه
يجيه الكلام لحد رجوله (الله يكرمك)!!
وتتعب نفسيته ,,,,
وشاكره لك حبيبيتي على مرورك ...

LaRosy.net

اولا أهنيك على حكمتك وعقلك اللي يوزن بلد انا
من رأيي أنك تقوليلها
ياماما الله يخليك لي انا راضيه بحياتي ومررررررررررره مبسوطه
والكماليات تجي بعدين

هذا من ذوقك يالغاليه ..
المشكله تعبت وانا افهم امي ...انه حياتي بيت اهلي غير وحياتي مع زوجي غير ..
تعبتني بكلامها اللي لايودي ولايجيب ..
دايم تقول ...
لو كنتي بيت اهلك كان لحيتي انك تسافري...وكان ماجلستي وكان وكان وكان ..!!
خليها على ربك وان شالله ااذا فتحت السالفه هالمررررررره راح اقول لها كلامك ...

نونه حنونه

الله يعينك اخت اصبري وماعليك من احد اهم شي زوجك.

مرحبا بيك يالغاليه ..
الله يصبرني بس
نورتي صفحتـــــــــــــــــي

النفوس الحائره

اختي لاتسمعين الكلام مادمتي مرتاحه مع زوجك وماهو مقصر عليك وياما ناس تسافر وماتخلي مكان بس مع ذالك ماهي حاسه بالراحه ولاالسعاده اهم شي راحة البال الله يسعدكم ولايغير عليكم يارب ويرزقكم من اوسع ابوابه

ولله صدقتي بكل كلمه قلتيها ..
الله يسعدك ويبعد عنك كل شر
والي ابغاه منك انك تدعي لي..

بحب الحياه1

ما شاء الله عليكى ربنا يكملك بعقلك
ما تحطى كلام الناس براسك
حتى امك ما تسمعى لها و خليكى على موقكو الى انتى سويتيه مع زوجك وطالما زوجك مش مقصر معاكى فى شئ احمدى ربنا ياما ناس بتسافر و مش سعيده
و تكون بتسافر علشان الناس تقول شوفو فلانه تسافر المكان الفلانى او العلانى و ياما نس بتداين علشان تسافر و تعيش عمرها كله من دين الى دين
ربنا يكملك بعقلك

بصراحه انا من اسمع امي تتكلم كذا اروح لزوجي اقوله ابي اسافر ..يقول انتي عارفه الوضع حاليا ماقدر
خليني اخلص الفلوس اللي علي بعدها الله يفرجها..
اقوله مو مشكله تدين دبرها باي طريقه ..
وبعد ماهدأ ارجع اقوله مابغى اسافر ولاتحط ديون على راسك ..
كلام امي أثر علي .!!
مشكوره حبابه ع مرورك ويعطيك الف عافيه ...

أتعلم ..

مشاء الله عليك تبارك الله اعرف وحده زيك يقولون لها ليه مسكنك في شقه تقول على طول اغير السالفه

لاني عارفه انهم بس بيفتحون اعيوني على شي ماقدر اغيره وبيسبب لي مشاكل
ترى هذي نعمه من الله انك متفتحه وعاقله وتعرفين انه الحال بس يبغى شوية صبر
فيه بنات على طول يتاثرون ويصدقون كلام الناس
وبعدين ليه مايشوفون انك مبسوطه يعني اهم شي السفر
اعرف ناس كل عمرهم ما سافرو الى على مكه وهم يملكون ملايين ولاحد ردهم عن السفر
بس يقولون اهم شي نحافظ على ديننا احيانا السفر يغير المبادي
ويخفف التمسك بالدين وانا مجربه الحين خارج المملكه وعادتهم غير عاداتنا وهم دوله خليجيه وخايفه على اولادي من الضياع واذا طلعو اتمنى يرجعون بسرعه وهم في المدرسه الله يحفضك ويحفظ دينك

صح كلامك يالغاليه ..كلام الناس لايودي ولايجيب...
ان كانت الوحده ساكنه بشقه يقولو ليه شقه كان حط لها بيت واللي تقول كان حط لها غرفه ..
وان كانت الوحده ماتسافر قالو وليه ماتسافر وان جا موعد السفر يبغو يختارو لها السفره ان قالت بروح تركيا قالو لها روحي مكه
وان صارت الوحده دايم تسافر قالو كلا حاطين فلوسهم بالسفر ومخسره زوجها..
(الــــــــــى كل زوجه ..ارضي نفسك وزوجك وكلام الناس تحت رجولك ...وان مانفع وللاسف حطي الناس اللي كذا كلهااااااا ورا ظهرك .ودوسيها ))
ومشكوره حبابه ع مرورك يالغاليه شرفتينا

انثى تعشق رجل

بصراحة شي يقهر من جد السفر نهائيا مو مهم بحياة الانسان ليش اهلك كذا مصرين عليه مدري!!
انا صار لي 6 سنوات متزوجة وابعد بلد طبيتها هي مكة وعاااااااااادي عندي
الحمد لله مادام زوجك يحبك ويقدرك صدقيني بتنبسطو وين مارحتو حتى لو بس للدمام
ياما في ناس تسافر وتطلع وبينهم مافي حب ومودة
الكلمة الحلوة والعاطفة اللي بين الزوجين تغني عن اي كلام فاضي ثاني

صح كلامك يالغاليه والسفر هو تغيير مو كل شي ... ياليتها امي لما قلت لها ظروفنا ماتسمح عالاقل مدت يدها وقالت خذي فلوس وروحي سافري بدل كلامها اللي يغث ..
ولله مليون بالميه صح كلامك وانا قلت لامي ياما ناس وياما ناس بس ولا كأنها تسمعني خلاص كلامها اللي مقتنعه فيه ...
شاكره لك اهتمامك عزيزتي..

كراميلآ.آ.

نصيحه مني ... لاتسمعين كلام احد اذا اختربت حياتك محد بيوقف معاك ..بالعكس راح يلوموك

حياتك حلوه ماشاء الله الله لايغير عليك ويرزقك ان شاء الله السعاده ياااااااااااااارب

وعجبني تفكيرك وعقلانيتك استمري كذا

وحطي في بالك(( الناس دائما تنتظر من يحقق احلامها)) مثال..تقول لك صاحبتك ليه ماخرجتي مع زوجك واتمشيتوا ايش فيه زوجك كذا ؟!!
اعرفي انه هي تتمنى انها تخرج مع زوجها ويمشيها..لذلك تقولك هذا الكلام .>>هذا تفسير المثال

الله يخليك لاتعطيييييييييييييييييييييييييييييييييييييييينهم باااااااااااااال وعيشي حياتك مبسووووووووطه او قولي لهم بابتسامة مؤدبه ايش رايكم تجهزون لنا سفره على حسابكم اذا انتو مقهورين على الوضع ^_*

انا اذا اختربت حياتي ماراح القى غير الشماته ..او راح يحطو بالرجااااال ...وهم بالنهايه السبب
انا حياتي فيها نوعا ما من التوتر والمشاكل لكن هالشي طبيعي ...والمشاكل ملح الحياه لكن ماقدر اقول اني تعيسه بحياتي دام انه فيه مشاكل اكيد فيه اشياء حلوه هي اللي تخلينا نستمر رغم كل هالامور...
ومن جد بشغله زوجك المفروض تكوني كل اسبوع بسفره ((بس اكيد معكم ظروف واله يصبرك... ))
من جد رجعتي لي البسمه على وجهي بكلامك خصوصا الاخير وامثلتك الرائعه يالغاليه
يعطيك الف عافيه والف شكر على اهتمامك ومساعدتك؟..

توتو..

يا قلبي اسمعي وطنشي ادري تعب كلامهم عليك بس تحملي

والله انا بدايه زواجي ما كان يبقى من راتب زوجي غير 40 ريال والله وصبرت وتحملت حت بيت ما كان عندي بيت كنت مع اهله عشت ايام صعبه
والان لى عشر سنوات الحمد لله زانت ظروفنا وصار راتبه حلو ومكفينا وزود بعد
الحياه يبيلها صبر

اذا زوجك يحبك ويحترمك ما عليك من كلام احد الحياه مو بالفلوس اهم شي السعاده والعافيه
الله يوفقك ويهنيكم

انا قمت اطنش بعد ماكتبت كل الي عندي هنا...
مشكوره حبيبتي على الدرر اللي كتبتيها ..
ويعطيك الف عافيه ع اهتمامك..

أسماء زكي ..

ربنا يوسع عليكم ويرزقه من حيث لا يحتسب ...

حبيبتي ربنا يكملك بعقلك ويهدي أمك ... مرة ردي عليها وقولي لها : أنا ما اني طالبة سفر ,,, ولو حابة أسافر هو بيسفرني لكني أنا بأجل ...

وعادي يا غالية كل واحدة تتحمل مع زوجها خاصة إذا يستاهل والرجل وضح لك كل شيء من البداية وأنت قلتي بنفسك أنه صادق معاك ومش مقصر طيب غيرك ممكن يوعدها كدة وحتى هدية ما يسأل فيها وأحيانا حتى الأساسيات لا يوفيها لها وفي الاخير بعد نهاية صبرها معاه وقبل ما تذوق معه ثمرتها يرميها أو يجيب غيرها ...

دائما ادعي ربك يهون عليك حياتك ويكفيك شر من حولك ...

قلت لها انا ماني حابه اسافر الحين لاني جالسه اتعالج لما احمل ان شالله راح اسافر...
وهيي بعد تقول ليه طيب مارحتي حتى البحرين ..طيب لو بروح البحرين ماراح تسكت وبعدين انا مابي اروح حتى ارضيها
صحيح هي امي على عيني وعلى راسي...
لكن متى ماسافرنااااااا وبعدين انا تعبت الح على زوجي نروح البحرين ع الاقل يقول ان شالله قريب...
ولاني عارفه انها رخيصه لكن حتى جوازات ماعندنأ...
الله يبعد عنك كل شر يالغاليه وشاكره لك اهتمامك وردك الرائع ..

امه الله ؟..

طيب يا ام ريهام بسألك سؤال
هل والدك واي حد حكلك ظروفه كويسة هل كان كذلك من اول ما تزوج
اذا كان الاجابة لأ
فقولي للوالدة زي ما والدي في بداية حياته تعب شوية
وبعد كده ظروفه زانت
فاحنا كمان نتنازل شوية وبكرة ظروفنا تتحسن زي ما بابا ظروفه تحسنت
ورب يكملك بعقلك ويجملك بعين زوجك

ولله يالغاليه ابوي اول ماتزوج كان بأرامكو يعني ظروفه تمام ..
وانا طول عمري اقول عادي لو اخذت واحد راتبه بسيط راح اتحمل ...
اهم شي اعيش قصه حب اللي كنت احلم بيها من قبل.
...الله يكملك بعقلك يارب ومشكوره حبابه ع مرورك

​

 

[ام ريهـام]

عندي اضافه ..

وغير كذا قامو يتدخلو بطلعاتي...
ولو شريت ملابس من شهر لشهرين تدخلو ليه تشتري .؟؟وهذا عندك ملابس .؟؟
والحين تدخلو بحملي ...شفيك ماحملتي وكلا تروحي مستشفى
يالله من جد كلام يغث الواحد
مايحطو ببالهم انه هالشي بيد رب العالمين
والله في اثنين متزوجين سوو تحاليل وكل شي سليم معهم ...
وانتظرو سنتين ماجابو ...بعدها الله رزقهم ..
انا الحين ابغى ارتاح نفسيا حق احمل ...
لكن بهالاجواء ابد ماتنبعث الراحه ...​

 

[خلود بكر]

الله يخليكم لبعض ماشاءالله حياه ناجحه بينكم اتركي الامور الثانيه تجي مع الايام وبالنسبه للوالده فصدقيني الام تبغى كل شئ حلو لعيالها يمكن ماتحس انها ضايقك بس الاكيد انها تبغى الخير لك الله يهدي الجميع يارب

 

[ام ريهـام]

خلود

شاكره لك مرورك حبيبتي وتعليقك فوق راسي دام امي تخاف علي
تقول مره وتحاول تنصحني عالاقل ...
وتجيبها باسلوب حتى احس انها بجد خايفه علي ..

شاكره لك حبيبتي مره 2​

 

[onex]

اسمحيلي اختي دامك مبسوطه ليه تسمعيلهم
لانه باين انه بدا ياثر فيك كلامهم ..
الحياه الزوجيه ماتكتمل وتسعد بالسفر ماوقفت على كذا
وبعدين خليك صارمه قوليلهم لو سمحتو لاتدخلو في حياتي انا كذا مبسوطه وهذا اهم شي
ولو ظليتو تسمعوني ذا الكلام ماعاد اتصل فيكم ..
لاتسمحي لحد يخرب بيتك وحياتك حتى لو اهلك

 

[حلاوة وشقاوة]

الله يهنيك

 

[فتاة الأمل]

اختي الحبيبة
ماشااء الله عليك والله يكملك بعقلك ويثبتك على موقفك ومبادئك..
وفعلا القناعة كنز لايفنى..
والتفاهم بين الزوجين ومرعاة مشاعر وظروف الطرف الآخر هو اساس السعادة.. والله يديمها عليك..
وعمرها السعادة ماكنت بالفلوس والسفرات والمظاهر..
وامك لاتواخذينها.. هي صحيح غلطانة وتضغط عليك.. بس من باب حبها لك وحرصها انك تكونين احسن البنات.. وهي تفكر بعواطفها اكثر من عقلها..
وهذة طبيعة اي اام تحب تشوف عيالها احسن الناس..
ولكن لو ان مكانك راح احل الموضوع بجلسة مع امي واهلي واتكلم معهم بهدوء واطلب منهم عدم التدخل بحياتي واني الحمدلله مرتاحة ومبسوطة مع زوجي.. وعدم فتح الموضوع مرة ثانية لانه يضايقني.. صارحيهم ان الموضوع يضايقك..
وصدقيني راح يحترمون حياتك وخصوصيتك مع زوجك ولا راح يتكلمون معك مرة ثانية..

وياالغالية ترى اغلب البنات تكون ظروفهم مثلك في اول الزواج..
وظروف زوجك مثل ظروف زوجي بالضبط.. كأنك تتكلمين عن زوجي.. وانا الآن صار لي ثلاث سنوات متزوجة..

والله يوفقك ويديم التفاهم والسعادة والهناء بينكم..

​

 

[مشتاااقه]

ام ريهاااااااااااااااااام

الصراحه كأنك تتكلمين عن قصتي مع زوجي
بس اااااه كل شي تغير والسبب اني عطيت الناس اذني وصرت دايم اعصب
الحين احاااول اللمم الشتاااات​

 

[*روعة*]

حبيبتي
لاتقنعين نفسك انو انتي قاعدة تصبرين..وكأن الوضع غير مريح
امك عيشتك هالجو وانتي تميلين لعكس افكارها وكلامها لكن لما تتكلم تحسين بتذبذب
مافي افضل من الاستقرار ولااجمل من الراحة ولااروع من حياة اسرية سعيدة
انا مثلك نفسي اسافر..بس عندي قناعه ان هالسفرة ماراح تكون سبب في سعادتي
ابدا...ابدا...
لما يكون عندي انسان شاريني ويداري خاطري
ماراح ابدله بدول العالم كلها
الغريب انه مبدا اهلك ليه مايسفرك وليه ماتسافرون؟؟؟
الحياة الزوجية فيها اساسيات ومبنية عالحب والاحترام
اذا كانت علاقتك بزوجك طيبة..لاتردين على احد
ربي يسعدك

 

[صغيره بالعمر]

الله يدومها عليك من سعاده يارب ويرزقكم كل خير يارب

والله يكملك بعقلك ^،^

 

[ام ريهـام]

onex

حلاوه وشقاوه

فتاه الامل

مشتاقه

روعه

صغيره بالعمر


الله يسعد كل من مر صفحتي ...
ويارب تعطيكم مرادكم..
كلامكم صح مئه بالمئه ...
وبالنسبه لامي انا جلست معها ومع غيرها وحاولت ابين لها اني سعيده وهم وضحت لها مبدأي بالحياه
وايش الامور المهمه بالنسبه لي بالترتيب!
لكنها ماقتنعت سكتت وناظرتني بنظرات غريبه ..وكأني اتكلم بحاجه لكني مو مقتنعه فيها لاني بالاول اهتم وابغى اسافر واطلع ووو
والحين ماهتم !!
والقضيه كلها متمسكه بالفرق والحياه الماضيه اللي عشتها تحت سقف ابوي والعيشه اللي اعيشها تحت سقف زوجي ...هذا الشي اللي غيرني وغير مبدأي.!!
واللي صبرني زوجي ومداراته لي ...
بحاول قد ماقدر اسكر اذاني لامي وللناس !!

خواتي الغاليات ... بكلامكم شجعتوني واحس اني جالسه من جد بينكم
مو عارفه وش اقول بصراحه غير انه الله يوفقكم ...ويسعدكم

​