بادئ الموضوع تاريخ البدء
  • المشاهدات 593
  • الردود 3
إنضم
14 سبتمبر 2006
المشاركات
251
مستوى التفاعل
0
النقاط
0
الإقامة
الكويت
الموقع الالكتروني
🔗
خلييييينا نتصور الآتي :1eye: :c028: :

يتفاجأ الشاب في يوم وهو قاعد يقرا كتاب رومانسي وأنواع الأحلام الورديه (يااي) و سرحان في فارسة احلامه على السرير الابيض..
الا وأمه داخلة عليه و توها جاية من الاستراحة و تقوله : يا ولدي ودي اكلمك في موضوع. .
يرد عليها بكل خوف : خير يمه ؟ ....
تقول امه : ترى جارتنا ام خالد تبي تخطبك لبنتها. وانت ماشالله كبرت و احلويت وكلن يبيك. ها وش رايك
ثم ينزل الولد راسه في الارض و يلعب باصبعه في شعره (او شنبه)و يرد و هو مستحي و خدوده حمرة (هذا اذا كان محلق اللحية) و يقول: ....
الراي رايك والشور شورك يايمه..
تقول امه: انا بصراحة ما اشوف في البنت شي. .

ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب ولاتدخن و لا تروح لاستراحات البنات. يعني بنت ما عليها. .
يقول الولد : بس يا يمه هي ما شافتني من اول. انا دايما متلطم بشماغي (والله عيب بس بكمل)
تقول امه: هي شافتك و انت نازل من باص المدرسة (الله واكبر يالروز رايز)...

بس ..و سألت عنك و قالو لها خوش ولد ماهوب راعي سوق و كوفي شوب و ما يطلع الا مع ابوه. (والله فشيلة بس بكمل)
و تراها هي و امها جايين يوم الخميس علشان يشوفونك..
يسأل الولد: طيب يا يمه ابوي وش رايه؟
تقول امه: ابوك ما يدري خليه حايس في المطبخ الله يعينه..
يقول الولد :اللي تشوفينه يمه. .وتطلع امه من الغرفة
وينط الولد قدام المراية و ياخذ نص لفة يمين و نص لفة شمال يشوف جسمه و يمشط شعره و شنبه بدلع (ياعمري)

و يقول : اه اخيرا حسَت و خطبتني. ( لا لا لا والله ما يصير بس بكمل)
و قبل يوم الخميس يروح الولد لكوافيير رجالي و يكون مسوي حجز و يقعد و يصبغ شعره (هاي لايت) و يزين حواجبه و يشيل شعر يده و رجله بحلاوة و يطلع زي فلقة القمر

ويجي البيت و يلبس الثوب اللي فصله عند المصمم (عبده شولق) لثياب الاعراس و الحفلات ، وذاك العطر اللي يشق الخشم وينزل للصالة
ويقول له ابوه : يالله دخل العصير على خطيبتك ترى امك ذبحتنا تسأل عنك
يقول الولد بكل خجل: واي واي يا يبه انا استحي

ابوه يقول له وهو يطق على كتفه و يضحك يا ولد روح لعروسك إهئ إهئ
يقول الولد : يا يبه دايما تحرجني انت واي واي
و ياخذ صينية العصير و يدخل المجلس اللي فيه البنت بكل نعومه ورقه ودلع وأدب و يقول بصوت ناعم: احم احم الس سسسلام عليكم(صاير حكيم على غفلة)
ترد هي بعد ما وقفت و عليكم السلام ( و هي تناظر فيه ) ...
و يقول لها تفضلي....
تقول هي: وش الاحلى العصير الاحمر و لا الاصفر؟ بزعمها تبي تلطف الجو معه <...تتلصق.
يقول الولد: كله حلو
تقول هي: اكيد كله حلو لانك انت اللي مسويه

ثم يحط الصينية بسرعة و يده على فمه و يضحك و يروح داخل بسرعة
ياربييييييييييييييه
الا اخوانه يستنونه و يقولون: ها وشلون شكلها

يقول لهم : واي واي تهبل تهبل حلوة و دمها خفيف و ذوق عالآخر
الا ابوه من المطبخ يلولش (يزغرط بالمصري)

لللللللوووولللللوووووشششششششش مبروك يا ولدي

الا بدخلة اخته من بره و حاطه عبايتها على كتفها و تقول : خير وش فيه !!
يقول لها ابوها : قصري صوتك في وحده داخل خطبت اخوك ..
تقول اخته: وهي وين شافت اخوي علشان تخطبه هاه؟؟؟؟ و تعطيه كف و تصرخ والله لاوريها شغلها اللي جايه تخطب اخوي ...

الا بدخلة امها و تسطر الاخت كف و تطلع الاخت بالسيارة و تفحط و تروح لاستراحة البنات <..تخيلوا عاد

و تمر الايام و الولد يجهز ثوب العرس و الكوشة و بيت الزوجية و خلال هالفترة تمره زوجته بالسيارة يتمشون و تحاول انها تمسك ايده و هو مستحي ( ومن هناك وده و بيموت) و يجي يوم العرس و يقعد الولد في الكوشة و كل الشباب حوالينه يرقصون و يغنون على انغام طيران فرقة الشاطئ للرجال و طبعا مافيه زبيدة او صيته او العنود وسارة
وشوي الا العفسة قايمة : ترى العروس جايه
و ينطون الرجال و الشباب كلن يلبس شماغه و يتلطم ..
و تدخل العروس مع امها و خواتها (خواتها يتيميلحون قدام الشباب ) و تقعد العروس جنبه و ترفع الطرحة (طرحة البسام بصمة خمسة) و تقول له: الله صاير مثل القمر

ثم يلف وجهه وهو مستحي
و يتم الزواج و بعد تسعة شهور الا الولد يصرخ في الليل فيه الطلق
و يودونه المستشفى و يولد و يجيب توأم

ويطلع من المستشفى الى بيت اهله علشان النفاس <....حركات
و تاخذها زوجته فرصة و تسافر مع البنات و يهيصون قبل ما تخلص مدة نفاسه الله يساعده

و يرجع لبيته يربي عياله و يطبخ الغدا لزوجته

ويتخانقون ساعات و ينام و دمعته على شنبه

ويزيد حدة الخلاف و ياخذ شماغه و عياله و يروح لبيت اهله

و تصلح امه ما بينهم و ترجع الحياة مثل اول ،،،

لوووووووووووووووووووول
:c045:
:c045:

منقول بتصرف
 

دبلوماسيه

New member
إنضم
19 يناير 2008
المشاركات
1,036
مستوى التفاعل
0
النقاط
0
:clap:هههههههههههههههه مع السنوات اليايه بيكون العكس البنت تخطب الولد عااااااااادي بيصير ويمكن صار وما ندري:clap:
 
إنضم
20 يوليو 2007
المشاركات
462
مستوى التفاعل
0
النقاط
0
الإقامة
KSA
يااااااااااااااااااااااي
مره ختيره القصه
ههههههههههههههياربي ماتخيل يكون العكس
مره حلوه ومشكوره حبيبتي
 
إنضم
12 مايو 2007
المشاركات
656
مستوى التفاعل
0
النقاط
0
يحليلهم
سلمتي
وهذي الهند مساكين تخطب البنت حق روحه والولد يتشرط
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى