تخلت عن طفليها لتتزوج فتخلى عنها زوجها ليتزوج باخرى..

[~أغلى الغاليات~]

السلام عليكم ورحمة الله وبركاته ..​

شلونكم بنات..​

حبيت انقل لكم قصه اخت صديقتي اللي استغربت منها..
وخل نسميها منى..​

​

منى تزوجت في سن ال17 بابن خالتها وكان هذا الزواج بعد قصة حب ..​

بعد الزواج بدت المشاكل بسبب عناد منى وصغر عقلها وسنها فكانت تتشاجر معاه على اتفه الامور وكان عندما يشتمها ترد عليه بالمثل وعندما يضربها ترد عليه بالمثل وظل زواجهم عباره عن حرب ضروس من بينتصر فيها..​

واستمر زواجها 3 سنين وتطلقت وهي حامل بطفله جميله .. بعد انجابها لابنها الاكبر..​

بعد سنه ونصف من طلاقها تعرفت منى على شاب وارتبطت به بالرغم من رفض اهله لها وكان اول شرط له ان تتخلى عن اطفالها ويتزوجها بالسر ووافقت وتم الزواج وسكنها بشقه..​

وللاسف تخلت عن اطفالها بكل بساطه وتربوا على يد جدتهم وخالاتهم..وصارت ما تسال عنهم بالاشهر ولا عن دراستهم حتى ما تكلف نفسها عناء الاتصال بهم حتى لو مرض حد منهم..​

وابوهم من الناحيه الثانيه تزوج ويجي ياخذهم كل شهر مره يقعدون عنده يومين ويرجعهم..​

حملت منى من زوجها الثاني ولكن الله ما تمم الحمل لها وتعرضت للاجهاض..​

والان اهل زوجها يبحثون له عن زوجه ثانيه يتزوجها بعد ما عرفو ان هو تزوجها غصب عنهم ..
وهو راضي بالزواج عليها عشان رضا اهله..​

سبحان الله تخلت عن قطعه منها ونستهم عشان حبها له ..
وهو تخلى عنها عشان حبه لاهله..​

النتيجه ابناء نفسيتهم غير مستقره فولدها الكبير ما ياكل ابد وهزيل وطول الوقت يقضم اظافره ومنعزل..
والبنت حالتها اهون لانها لين الحين ما فهمت اللي صاير حولها لكن دوم تسال عن امها وابوها..
وافتقدو حنان امهم وابوهم بسبب انانيتهم..
وهي خسرت كل شي زوجها بيتزوج عليها ..
لا اطفال ولا زوج..
وللعلم لين الحين تحاول تخلي زوجها يرفض طلب اهله وهذا كل همها..
وما فكرت ان الله يبي يبين لها شي ويعلمها درس..الله يهديها ان شاء الله ويسخرها لاطفالها..​

دمتم بود..​

 

[ام فيصل و دانه]

مشكوره على القصه

فعلا الدنيا دوراه

 

[بدوره]

الحمدلله الذي عافانا مماابتلاها !!!!!!!!!​

 

[~ على نياتها ~]

الله يهديها ويردها لعيالها ويحنن قلبها عليهم

 

[متفائلة باأحلى]

الأطفال دايم يكونوا ضحية وكثروا ضحايا المشاكل الزوجية هالأيام

 

[الدمعة ونيسي]

الله يهديها ويرد لها عيالها ويهيد زوجها ويسخره لها

 

[فتاه]

شلون تتحمل بعد اعيالهاا
انا دوامي طويل اذا خلص الدوام ودي اطير حق ولدي اشتااااااااااااااق له والا بالدوام كل اشوي اشوف صورته الله يخليه لي ياارب
الله يهديهاا

 

[SOoOoMY]

ياالله ربي يهديهاااا

 

[شماليه متطرفه]

عااااااااااااااااااااااااااادي كثير تصير فمجتمعنا وابشع من كذا
علشااان كذا دايم اقوووا مو كل من انجبت اسمها ام
اسمها فقط والده لانها ولدت
ام الامومه معنااااها غييييييييييييييييير

 

[جروح مخفيه]

العيال اهم شى لان ماراح ينفعني
الا هم اذا كبرو ان شاء الله
وولد الناس اكييييد يفضل اهله علي
الله يخلي لي ولدي حبيبي:11:

​

 

[ياربي انصرني]

والله هذا ماتنتج عنه الزواجااات عن طريق العلاقاات المحرمه قبل الزواااج ---والله المستعااان

 

[يحق لك]

استغفر الله العظيم

 

[لؤلؤة السعوديه]

الدنىا سلف ودينا

 

[ليلاس2009]

لاحول ولاقوة الابالله

 

[رنونه الدلوعه]

ربنا يهديها

 

[امجاد الشمال]

معقوله فيه ام كذا مهما يكون لابد قلبها يحن يوم الله لا يبلانا يقولوا المراه اذا حبت رجل تعطيه كل شي الله يهديها ويحنن قلبها وتلحق اطفالها وتحسن من نفسياتهم

 

[مافي احد مثلي]

لاحول ولاقوه الا بالله

صدق الدنيا ماتدوم لحد

والدنيا دوراه

ولازم الواحد يراقب كل تصرفاته