تخانقت مع زوجي والسبب تحريض من اختي ...

[وحيده في دنياي]

كالعاده جى يوم الخميس اللي هو زيارتي لبيت اهلي
وكنت مبسوطه ومافيني شي
طبعا انا عندي ولد وبنت
بس بعد ماوصلت ومع السوالف مع اختي
قالت لي
زوجك المفروض مايعطيك 300 في الشهر بس
المفروض دامه عنده فلوس يعطيك 1000
زوجي يشتغل في شركه
وراتبه 2000ريال
ويشتغل شغله ثانيه في عرضات تجيب له في الشهر يمكن 1000
انا انقهرت يوم اتصلعلي ماعطيته وجه علق علي الا يعرف السالفه
وقلت له ان وحده من جماعتنا تقول لي ليه زوجك
مايعطيك الا300 بس مع انه يشتغل شغلتين
هو بخيل عليك وانتي ساكته
المهم يوم جى وقت انه ياخذني قالي هذول يبون يخربون ومن هالكلام
بس صدق انا اشوف عنده فلوس
وهو يعطيني بس 300 ريال
وفوق كيذا يقول انتي تدفعين معي نص سعر المودم لديسي ال
ونص التلفون
وش بيبقى لي
بصراحه يوم يوم وصلت رحت نومة عيالي وانسدحت بنام
هو قالي ليه بتنامين ماجلستي معي:19:
قلت له من دون نفس بكره هو انقهر ومانام نمت واثاريه
نزل جمب اهله ولاجى الا الصبح منهم
ويوم جى طلبني للفراش ومارضيت ونام وهو زعلان :8: ...

 

[وحيده في دنياي]

نسيت اقول انه ماعنده يدفع اجار لانه ساكن مع اهله في شقه فوق

 

[نحمدة ونشكره]

يا اختي انتي ماعليكي من اختك واختك وش دخلها بالي يعطيكي والي مايعطيكي انتي قلتي هو ساكن مع اهله لانه ماعندة يدفع ايجار يعني لو جا اخر الشهر وباقي مع زوجك الف ريال الك حق تقولي انه بخيل بس لو جا اخر الشهر وما معا ولا ريال مالك حق تقولي اي شي يعني طنشي وقلي لاختك لا تتدخلي فيما لايعنيكي.

 

[وحيده في دنياي]

حتى لو جى اخر الشهر يكون عنده فلوس
هذا اللي قاهرني يكون عنده يمكن الفين او 1500 بالقليل

 

[وحيده في دنياي]

معقوله مافي رد الا 1

 

[مدام فلمبان]

حبيبتي الحياه صعبببه
زوجك راتبه 3000 الاف وعنده انتي واولاده الله يخليكم له
ليش تاخذين منه مصروف؟؟؟؟
يعني انذا طلبتيه مابيعطيكي ؟؟؟؟
خلي كل الراتب عنده
واي شي تحتاجيه اطلبيه قدر حاجتك ولاتضغطين عليه
مدري انا مااشوف ان سالفة المصروف اساسيه بين الحرمه وزوجها
هو كله وفلوسه لكي
اتخلين حواج بينكم بسبب الفلوس
بالعكس
دايم قوليله انا وانت واحد
لا تخذين مصروف وهو يسوي كل شي ويدفع كل شي
هو رجال البيت وهو اعرف كيف يدب الامور
يعني ساعتها اتوقع انه ماراح يبخل عليكي بشي
واحمدي ربك غيرك مو ملاقي زيااال

 

[سومسي]

يااختي نصيحه لاتخلي احد ياثر فيك ويشوش عليك ماعليكي من اختك بصراحه لو هي عاقله تهديكي مو تشوش عليكي وانت خلي عندك شخصيه انت ادرى بحياتك وبعدين انت تقولي ان راتبه كله على بعضه 3000 يعني يعطيكي 1000 ليش وش يبقى هو ماعند مصاريف تانيه وانت ماتخبو لكم فلوس للازمات يعني بصراحه اشوف 300 سعر مناسب بالنسبه لراتبه خليكي عاقله ماتخربي على نفسك وعلى زوجك شكله محترم وطيب لوواحد تاني كان بهدلك ليش تسمعي كلام الناس وتقارني حياتك باختك الله يهديكي لاتزعلي

 

[الدمعه الصامته]

السلام عليكم ورحمة الله وبركاته
حبيبتي لآ تزعلين من اللي بقوله لج
انتي قلتي انه مابينج وبين ريلج اي شي ولما اتصل عليج ماكلمتيه
بنفس حلوه وطبعا هو ستغرب !!؟
وهاي ثاني غلطه بعد سماعج لـ نصيحة اختج
وبعدين حاول يكلمج ويفهمج انه الناس بتخرب بيتكم ومع ذالك
عاندتي ولا جلستي معاه وهو كل هـ المدى
يحااااااااااااول
يراضيج ويطيب خااطرج ورحتي نمتي وخليتيه مع انه
مااسوى شي بحقج وفوق كل هاي طلبج ورفضتي
والملائكه لعنتج ...انتي تشوفين كل اللي سويتيه صح!!!!
يعني لا سبج ولا ضربج ومع ذالك سويتي مشكله من كلام النااس
بقولج قصة واحد من محارمي
منع زوجته من انهاا تروح بيت اهل امهاا ..لما سألته يقولي يكون
مابينا شي تروح وترجع لي قالبه
وجهااا ومعصبه ومادري ليش ولما اسالهاا تقوم تقولي
انهم قالو لي ليش.. وليش.. وليش !! (يعني تحريض عليه)
فيقول مدام هم يسون لي مشاكل وهي عقلهاا صغير تسمع
لكل من هب ودب وماعندهاا راي
فـ الافضل لـ حياتنا انهاا ماتروح
يـ الغالية اخذي بالج لآتخلين ريلج يكره روحتج لـ اهلج ويربط روحتج بـ المشاكل اللي تصير وبـ التالي بيكره أهلج وبيحس انهم
مايحبونه ويشوشونج عليه
وانا مع الاخت الي قالت 3000 فـ هالوقت شتسوي والله
الدنياا نار عليج بـ الاستغفاااااار ..
أسأل الله أن يرزقكم من غير لآ تحتسبون

روحي فديتج راضيه وطيبي خاطره
الله يكتب لكم سعااده لآ تنتهي
​

 

[كشه ناعمه]

300 بالنسبه لراتيه ممتازه واتوقع انه مو مقصر معك بمصروف البيت
واحتياجاتك . ودام طيب معك هذا اهم شي.
ولو كانت معك اي مشكله مع زوجك لو قويه انتبهي تمنعيه من حقه
بالسرير ليه تخلين الملائكه تلعنك وتخيلي انه مات ذاك اليوم
وانتي رافضه حقه بتلعنك الملائكه طول عمرك .. لان ماعندك اي عذر شرعي
من منعه ولا في سبب تمنعيه هذا حقه .
ولاتسمحين لااحد يخرب بيتك واخذي الكلام الي يناسبك والي مايناسبك خليه
يولي .. لاتقولين اختي او صديقتي او امي
انتي ادرى الناس بوضع زوجك وظروفه وماديته فراعيه واكسبيه
والقناعه كنز ريفني فخليك قنوعه وراضيه بقسمه الله
وفكري بعقلك واكسبيه قبل ينفر من اهلك ومن روحتك لهم
وحتى لو كنتي تبين زياده مصورف كنتي تقدرين تزيدينها بطريقه ثانيه
واسلوب اجمل من كذا مثلا تقولين له انا احتياجاتي زادت
والدنيا غلت وش رايك تعطيني زياده سنويه كل مازاد راتبك
تزيد مصروفي وانا اسويها كذا وكسبته وصار يزيد مع راتبه بشكل سنوي
واذا جاته مكافئه عطاني منها .
فانتي خليك ذكيه بتعاملك معه والمفروض تروحين تراضينه وتكشخين له
وتشترين له هديه بعد وتعترفي بغلطك له .
والله يسعدك يارب​

 

[رازيا]

ما يجوز تمنعيه من حقه في الفراش من باتت وزوجها غضبان عليها باتت الملائكة تلعنها حتى الصباح
وبعدين لو زوجك قادر انه يفتح بيت لحاله كان قلنا بس ظروفكم صعبة وساكنين عند اهله يعني لازم تراعي ظروفه المسكين وواضح انه يحبك
انصحك تعوذي من الشيطان وادخلي قسم الزوج والزواج واقرئي كثير انتي محتاجة تقرئي علشان يزيد عندك مستوى الثقافة وكيف تتعاملي مع زوجك واسمعي كلام كشة ناعمة

 

[همي وهم غيري]

بسم الله الرحمن الرحيم
يا اختي ماراح ازيد على كلام البنات ماقصروا بعدين والله بجد اللي يعطيك اياه عند راتبه نعمة الرجال ماقصر انا راتب زوجي ضعف راتب زوجك واخذ اقل منك وما احد يدري لان هذي حياتنا وكل انسان له حياته وبعدين انت شايفة زوجك يستاهل منك كذا انا فيه فترة كنت مثلك اثرت علي اختي بكلامها بس الحمد لله تجاوزة هالمرحلة بعقل مع اني تعبت في البداية لانها جتني من باب المقارنه شوفي فلانه وزوجه ومن هالكلام لكن قلت بنفسي ايش فيه زوجي وجلست ابحث بحسناته لين شفته احسن منهم كلهم وهذي حياتنا ومحد له شغل فيها اهم شي البس زين واظهر بمظهر يليق بي والفلوس اجمعها لنفسي وكل شهر يعطيني وما يسال عنها وين صرفتيها وبس اهم شي ما يقطعها عنك الله يوفقك

 

[رازيا]

انصحك انك ترسلي له رساله وتصالحيه
الطريقة الأولى احضري بطاقات وقلم أحمر وخيط ودباسة واكتبي عل
كل ورقة أحبك بالأحمر ودبسي البطاقات بالخيط ومدي الخيط من
باب المنزل إلى غرفة نومك وطبعا تزيني وفاجئيه وإن شاء الله يختفي الزعل
ـــــــــــــــــــــــــــــــــ
الطريقة الثانية ..
عندما تطفئون الأنوار للنوم وعندما يضع زوجك رأسه على وسادته اقتربي منه
وامسحي على رأسه وقولي أرضى عني
ـــــــــــــــــــــــــــــــــ
الطريقة الثالثة
أرسلي له رسالة إعتذار
1-إن زعلت برضيك وكل عمري فداك ..
والزعل ما أزعله يالغالي عليك
لو تأمر بروحي تلقاك تراضيك
لو تطلب عيوني في لحظة تجيك
2-ولا تزعل ولا تتعب شعورك
ولا تاخذ على خاطرك مني
ابتأسف لين أرضي غرورك
وأقول إني مقصر غصب عني
3-لي قلب ما يقسى ... لي عقل ماينسى
لي أحباب بدونهم ما أسوى وعلى زعلهم ما أقوى
4-إذا كان نظر عيني زعلان اكتب له رسالة
وإن كان رضاك في حبة الكوع .. لكسر يدي وأحب كوعي عشانك
5- يضيق صدري لو عني رحلت
وأفديك روحي لو مني زعلت
وأموت لو غيري عشقت
6-ما علموك ؟! إن الغلا يجرح الروح
وإن على فراقك ... تنزف الجروح
7-على صبر فراقك ما عاد لي حيل
الله يبدل حالة الهجر بوصال
8-لالالا ... أعذرني
لالالا.. ما أقدر
أعيش بدونك
9-اعطف حبيبي وتكلم
القلب بعدك تألم
اسأل علي وسلم
سامحني أن شفت زلة
ــــــــــــــــــــــــــــــــ
الطريقة الرابعة
إذا رفض زوجك إعتذارك بعد إرسال رسالة إعتذار أرسلي له
:رسالة بها والله العظيم إذا ما رديت ولا رضيت إني لأرسل رسائل
كل 30 ثانية فاهم كل 30 ثانية طبعا راح يرد بسرعة إذا كان هو اللي يدفع الفاتورة
لوووول

من ايميلي​

 

[مجنونةحبيبها]

لاتصيرين طماعه وتخربين بيتك علشان وسخ دنيا كبري عقلك وماعليك من اختك وصدقيني لو يخرب بيتك والله ان اخت ماراح تفكر تعطيك لوريال واحد ولابتسال عنك وروحي راضي حبيبك احسن لك ولبيتك

 

[lolo lili]

السلام عليكم
حبيبتي البنات ما قصروا وانا كمان زوجي راتبوا ضعف راتبك وأخد ربع يلي تاخدينه والحمد لله رضياني مع انو كل يلي اتزوجوا من عائلتي رواتب زواجهم أقل وياخدون اكثر لكن ما يهم دام انو هو ما مقصر بالبيت
بعدين هاد تعبه هو يعني ماله هو لمين مش ليكي ولعيالك
حبيبتي بعدين أموال الدنيا كلها لو معك والملائكة بلعنك ايش بتفيدك
استعيذي من الشيطان والنصائح يلي كتبتها رزايا رائعة

 

[جرحني حبيبي]

ماابغى ازود علا الاخوات الا انه مثلا بالعطل والاعياد والحاجات الرسميه قوليؤ له يعطيك زياده ويشيل عنك دفع الدي اس ال وغيره يعني 300 كلها لك او200لك و200للعيال وانتبهي تمنعيه من االفراش مايجوووووووووووووووووووووووووووووووز وربي يسهلك

 

[ميانج&]

حرام عليكي
احمدي ربك والله نعمه انه يعطيك مصروف
غيرك مايعطيها ولا ريال
وتلاتمائه كويس علي قد راتبه

 

[نوف كلها عقل]

حراااام الي تسوينه بزوجك 300 حلوه وبعدين انتي الي عايشه مع زوجك وتعرفين ضروفه صح مو اختك خليك حكيمه ولا تخربين بيتك انا زوجي راتبه 24000 ويعطني اربعه للبيت مصرف خمسميئه لي مبسوطه هو الي يعطي وانا اتقبل اى شي منه ربي يخليه لي ويسعدك

 

[رازيا]

نسيت اقولك اني صارلي متزوجة 12 سنة ولا عمره زوجي اعطاني درهم واحد تدرين ليش لاني مقدرة ظروفه وهو ما يقصر علينا ولله الحمد

 

[الأميره الناعسه]

حرررررام عليك ياأختي 4000 وش تسوي بالزمن هذا راتب زوجي 15 وماحنا ملحقين على الطلبات أطفال وبيت وفواتير وطلبات ماتخلص حتى لو ماعنده آجار تراهم يصرفون بدون مانحس أنا كنت أقول لزوجي وش عندك تصرف وعرفت الأجابه اذا رحت للأهلي يعطيني مصرووف 3000والله أسبوعين ماتجلس وبعدين لالالالاتدخين الناس بحياتك حتى لوأختك ترى مانافعك أحد أنا أشوف 300 ممتازه بالنسبه لراتبه

 

[نوف كلها عقل]

انا كتبت رد بس حذفتو ممكناعرف السبب