معلومات الدنيـ لحظه ـا
- إنضم
- 11 أغسطس 2011
- المشاركات
- 8
- مستوى التفاعل
- 0
- النقاط
- 0
تحملت وصبرت لاكن للأسف ........!!!!
السلام عليكم ورحمه الله
صبآإح/مسآإء آلخير خوآتي كل عام وانتن بالف خير
بدون مقدمات ببدأ بمشكلتي وأبي رأيكن٠٠
وبذكرلكن مشكلتي بالتفصيل واعذرني على الأطاله ....
صبآإح/مسآإء آلخير خوآتي كل عام وانتن بالف خير
بدون مقدمات ببدأ بمشكلتي وأبي رأيكن٠٠
وبذكرلكن مشكلتي بالتفصيل واعذرني على الأطاله ....
أن لي شهر ونص متزوجه من أول لليله ماحسيت بطعم السعآدة وماسمعت الكلمه الحلوة زوجي مآيصلي ولاحتى مايغتسل بعد الجمآع نصحته أكثر من مره لكن للأسف يقول مالك دخل الذنب علي٠٠وفوق هذا ياخواتي يجرحن بالكلام يقول أنتي مافيك شي زين الزين بسوريآولبنآن طبعآ هو راعي سفرآت كثييير ومغرووور جدآ جدآ وبنفس الوقت غني حيل ودايم يمدح بنفسه أناسويت كذا وكذا وأناجمالي مايختلف علية أثنين وأنتي موحلوة مع أني والله ومومدح لنفسي لكن الله يشهد مآقصرت معه بشي وصوتي مارفعته علية جميله وماناقصن شي الحمدلله وكثير الي تقدموا لي قبله بس هذا المكتوب لي سألناعنة قبل الزواج كلن مدحه بس للأسف بوقتنا هذا الواحد يمدح على فلوسه وسيارته ومنصبه مافية أحد يمدح لدينة أوأخلآقه ماأدري شلون انخدعنا فية٠٠والله يابنات البس واتزين له لكن مافية فايده حتى ماينآظر لي شكله شبعآن من البنات من كثر سفرآته للخارج وفوق هذا كله مايحترمن ولايحترم حتى أهلي ابوي يدق علية ببداية زواجنا بيسلم عليه ويتطمن علي لاكن مايرد ولاحتى كلف على نفسه يدق أو يسلم على أبوي وصبآحيتي جوال مامعه شي أبد أبد وخربان بعد جيت بشغله مايشتغل يقول أنة طاح منة قبل الزواج وشكله خرب قسم انصدمت وش هالبخل هو لو يلبس نفسه ذهب عادي بس لويشوف أحد بيموت عنده مايمد له الريآل والله من زواجنا ماعطاني حتى الريال وماجاب للبيت أغراض حتى الخبز ماشفته بس ماء اجلس يومين بدون أكل يذبحن الجوع وهو ولااااهامه طول الوقت نوم وأذا صحى أخر الليل طلع مادري وين يروح ويرجع جايب معه بيتزآ أو بروستد مسوي نفسه كريم ورآحمن ويطلع بعض الأيام يخليني الحالي يوم كامل لا أكل ولاشي ودايم يتطنز بشكلي ولبسي واذا طلعنا يقول ليش ماتطلعين بنطلون قلت ماني متعودة ومااحب وبعدين حرام واناالحمدلله ملتزمه حتى الاغاني مااسمعهن قال اناابي لي وحده على جوي تسمع اغاني وتطلع ببنطلون وووووووالخ واناماارتاح معك الاياما بنفسك تشغلين لي الاغاني قلت مستحيل قال اجل مستحيل نتفاهم وحنا مانصلح لبعض قلت كل شي يجي بالتفاهم بس الشي الحرام صعبه اسويه
وحتى بوقت النوم يأخذ حاجته مني وخلاص ماسمع الكلمه الحلوة تعبت والله ياخواتي وحتى قالي استخدمي حبوب منع الحمل قلت ليش قال احسن مانبي حمل ببدايه زواجنا تفاجأت من كلامه وحتى بأول زواجنا نزلن عندأهلي قال بسافر عندي شغل وجلست عند أهلي اسبوعين واكتشفت أنة ماسافر يكذب علي وصارحته اني عرفت انه ماسافر وزعلت ورجع وخذاني جلست يومين عنده وليتني مارجعت يقول أنا مو مرتاح معك وحاولت أنرفزك وازعلك علشان تروحين لأهلك ويطلع العيب فيك بس مانفع معك شكلك صبوره وأنتي مو عاجبتن >>>> بعد يوم من هالكلام رجعت لأهلي على طول والحين أناعنداهلي من قبل رمضان لادق ولاحتى سأل أوعطاني مصروف أناخلاص ماأبية تحملت وصبرت بس للأسف مايستاهل وخبرت أهلي بكل شي وراح ابوي لأخوانة وقال أذا هذا تصرف ولدكم بنتي تبي ورقته وقاموا يتأسفون وأنهم متفشلين مننآ بس قالوا عطونا فرصه اسبوع ونرد لكم والحين راح اسبوع وماندري وش صار أنامتضايقه علشان اغراضي وملابسي عنده ودي اروح أخذهن بس ابوي رفض يقول مانقدر نأخذ أغراضك قبل نشوف وش رد زوجك٠٠ماابي يمسك علي شي ويقول هي ماتبيني وجت خذت اغراضه أبي الطلاق يجي منة لأن من زواجنا وأنا صابره بس علشان مايمسك علي شي وأندم سكتت حتى يوم نزلني عند أهلي نزلت وأناساكته مابي أغلط بشي وأندم علية٠٠
هذي مشكلتي وش رأيكن وش تنصحني فية أناخلاص أبي أتطلق منة وأبي أخذ اغراضي بس وش الطريقه المناسبه الي أقدر أسويهآ٠٠
والف شكر مقدمآ
اسم الموضوع : تحملت وصبرت لاكن للأسف ........!!!!
|
المصدر : الأستشارات الزوجية العامة