تحديد أيام للمعاشرة الزوجية !!!!!!!!!

[أم غايـــة]

السلام عليكم و رحمة الله و بركاته ،

بصراحة بعرض عليكم مشكلة تمر بها صديقتي و أتمنى ألقى النصيحة أو الحل لمشكلتها :sadwalk:
هي تشتكي من قلة المعاشرة الزوجية لأن زوجها على حد كلامها مشغول لدرجة 100% عنها في الدوام لأنه يعمل في الشرطة :busted_red: و دايما يرجع البيت على الساعة 1:30 أو 2:00 الصبح و في هالوقت تكون هي يا راقدة أو تعبانه من العيال و هو طبعا يحط راسه و يرقد من التعب إلي يشوفه من الشغل :thumbdown:

تأقلمت على الموضوع بس في قناعة نفسها تشوف إن هالأمر طبعا مب طبيعي تخيلوا تقول مرات يمر علهم شهر و ما يكون بينهم أي اتصال جنسي !!!!!!!!!!!!!!!!!:sly:

هي حابه تسأل و خصوصا حد متخصص في العلاقات الزوجية ممكن تحدد أو تتفق معاه على أيام معينة في الأسبوع كيوم الأثنين و الخميس مثلا من كل أسبوع يكون يوم ( المعاشرة الزوجية ) و لازم الطرفين يجبرون عمارهم مهما كانت ظروفهم على المعاشرة .. لأن على كلامها شايفه برنامج أجنبي يتكلم عن هالموضوع و ان الأجانب يحددون أيام للمعاشرة و ذلك لأنشغالهم .

هل هالشي صح إذا سوته و لا راح يأثر عليها و على علاقتها بزوجها مستقبلا و خصوصا إذا تم منشغل عنها طول عمره بهالدوام علماً أن مر على زواجهم 4 سنين !!!!!!

و لكم جزيل الشكر :bye1:​

 

[تلج هش]

السلام عليكم ...اعتقد لو قالو لك ان يوم الاثنين والخميس لك هذه الوجبه مثلا برياني ....من ثاني اوثالث مره خلاص ما تبين ...اعتقد ان عمله يتوجب عليه ان يرد متاخر...فهي لازم ترتب وقتها عشان تستقبله ما ترقد عنه والرجال اذا حصل حرمته كاشخه وجاهزه والجو يكون مريح للمعاشره اعتقد بتسهل الامور...شو رايك؟؟

 

[أحلام الطفولة]

ما ادري احس ان تحديد وقت للجماع مررررره صعب .. يعني اقصد إذا اليوم الي تم تحديده .. جاءا وهو تعبااااان مررره وهي مسكينه متجهزه .. ومتحمسه للأسف .. وهو ما يقدر مجهد .. يماشيها شوية ويقول لها معليش انا تعباااااااااان طبعا وشي اكيد انها راح تاخذ في نفسها .. وممكن تكون فيه مشاكل ..

ما ادري انا اشوف انه لما يجي من الدوام تعبان انها تستقبله وهي متزينه وتريحة .. وينام في حضنها .. يمكن يحس شوي بلاش يعني تحديد .. او في الخميس والجمعة إذا كان ما عنده عمل ،،

والله يوفقها .. ويحنن قلبه عليها،،

 

[some1]

غريبة هالقصة ،
يعني التعب موجود أو غير موجود فأنا اللي أعرفه انه الرجل قد يتأثر لحد ما ،، ولكن ليس لهذه الدرجة ،،
والله أعلم !!

 

[some1]

 

[عريبة ساس]

انا لاتفق معك على تحديد موعد معين0000المعاشره الزوجيه حب وانسجام ورغبه بين الاثنين000المفروض هي تأقلم وقتها مع زوجها000وعندها فرصه كبيره لانه طول النهار خارج المنزل 00تهتم ببيتها وتنام فترة الصباح جيدا او حسب ماهي تنظم وقتها 00واذا لقاها مهيئه جو رومانسي ومتكشخه تعبه كله بيطير وبيعاشرها حتى لو كان تعبان000لانه تعبان لازم يرتاح000والمعاشره الزوجيه تخفف عليه التعب وضغط العمل وبيلاقي نفسه مرتاح معها 000بس اكيد مو كل يوم0000يعني كل يومين او3 ايام بالاسبوع تضبط له جو
وعلى فكره انا زوجي يعاشرني فترات متباعده فهو دايم مشغول 00وايضا كبير بالسن000لكن احبه ولا انزعج من ذلك حلو تجي برغبتنا الاثنين

 

[عريبة ساس]

اسفه على الاطاله

 

[أم غايـــة]

:icon26: أشكركن خواتي على ردكم لموضوعي و أنا بعد رأيي من رأيكم :icon30:
و راح أوصللها ردودكم و إن شاء الله تتيسر أمورها :icon26:​

 

[نبرة حزن]

لاأنا مب مأيده هالشي لان هالشي بيكون مثل عمل اجباري واذا هي والا هو مايبون بس بيحسون ان واجب عليهم ويمكن اتسبب خلافات

 

[ضياء القمر]

انا في وجهة نظري

راي عكس راي الباقين

بالعكس النظام ما في اجمل واحلا منه لمثل هذة الظروف

اما بالنسبة لتحديد الايام فهي فترة كافية لتجديد العلاقة ولزيادة الرغبة


فلوكنت نفس الظروف

لبرمجت ظروفي بالنظام

وعلى العكس هناك اكثر من فائدة

اولا مدة كافية للاشتياق
ثانيا تكون ليالي لها طعمها الخاص

ثالثا مشاركة الزوج بالنظام والبرمجة وتحقيق الوعد

 

[ذكرياتي]

هي مب سالفه تحديد ايام

الماشره الزوجيه مايبالها تحديد ايام لان مب تعال وارقد وخلاص

لازم الطرفين يكونوووون يبووووووون هذا الشي...

يعني ياما هي تبادر يالشي او هووو اما 2 متفقين على يوم معين وبدووون اي مقبلات احس ماله طعم


اذا هي تبى وتحس انه هوو جاااااااااف خليها تبادر بالشي وبشطارته بتخليه يعاشره لو شوو كان فيه من التعب ترا الرايايل ما في شي يلهيهم عن الجنس....لو شايل يبل بس خلي الحرمه تذوبه عل طول يذووب

 

[سنديان]

عربيه ساس كلامك مضبوط100%اهم شي الانسجام والظروف المناسبه يعني الشغله ماهي اداء واجب وبس

 

[zenah]

لا لا تحديد يووم ممل جدااا

لكن عندي اقترااح ليش هي ماتسوي لو مرره في الاسبووع مفاجاه له ((لبس مغري-ورود-شموع-سهره حلووه))وبكذا تكون ضربت عصفورين بحجر يعني كسرت الروتين وفي نفس الوقت حققت رغباته ورغباتها
اتمنى اني افتدك

يسعدك ربي,,

 

[دلوعة مملكتنا]

انا ضد تحديد الايام لانه مب شي يعني يكون مثل عمل واجب


ولللللللللللللكن


اذا الظروف مب مواتية

لا والله باحدد يومين بالاسبوع او الويكند بس

لانه شي احسن من ولاشي


احسن ما تعود على فراقها

والمهم انه يكون سريركم واااااااحد ومحد من اليهال ينام بالغرفة معاكم


لانه لو كان حد بالغرفة بيصير صعب تقربين منه او يقرب منج لان بالكم مشغول بالياهل الموجود

فخلي عيالك كلهم برع الغرفة حتى لوتعبتي معاهم بالبداية

بس هالشي مهم لصحتج النفسية حتى


تكون مشبعة من هالناحية ومزاجج رايق لما تفرغين

وبالتوفيق

 

[*زين الوصوفي*]

مب طبيعي ادووووووووووووووووور على الخلل وين بالضبط اهي متأكده في زوجها ما عنده سوالف برع البيت !!!

 

[* ليلى *]

اختي المعاشره هي اظهار
المحبه و الحب بين الطرفين ما لها وقت او زمن محدد
اذا المعاشره احلي و اجمل في اي وقت من النهار اذا
توفر الوقت و المكان للزوجين.

 

[أم غايـــة]

ردودكم حلوة بصراحة أحس إني يالسة في مجلس حريم و كل وحدة ترمس
و تعبر عن رايها :clap::icon30:​

أولا : هي ترقد بغرفة بروحها عيالها مب وياها .​

ثانيا : تقولي إن زوجها مب من الرياييل إلي بالإغراء أو الجنس تييب راسه .​

ثالثا : صار لها موقف بعد الزواج أول ما قامت تحس إنه يطول بالأيام و الأسابيع و ما يصير بينهم شي فكانت هي حليلها تبادره يعني تتقرب منه و كان يرد عليها ( أوووه خليني أنا تعبان !!!!!!!!!!!!! ) فمن يومها ما تحاول معاه :sly::icon28:​

 

[تفاحة حمرة]

انا لا اؤيد هذا الشيء ابدااااااا فهو من شانه قتل المتعة وتصبح وكانها وظيفة رسمية

الجماع شيء اسمى من ذلك , احساس ومشاعر مرهفة من المستحيل برمجتها لتبدا في العمل في يوم معين وساعة معينة

هذه المشاعر تنشا في لحظة معينة نتيجة موقف او كلمة او نظرة

وهنا يكمن جمال الموضوع وحساسيته

انا اعتقد ان الحل يكمن عندها فهو بالنهاية رجل ويحتاج لذلك الشيء وهي بفطنتها وذكائها يجب ان تستغل الاوقات المناسبة لبدئ اللعبة

تلبس تتزين تتعطر حتى تفوح منها رائحة تدوخ زوجها وتجلس معه جلسة صفاء وود ولاتدخل موضوع المعاشرة الجنسية ابدا

فقط جلسة ود وسمر وومكن بعض القبلات الرقيقة وطبعا الكلام العذب الرقيق وتشعره كم هي تقدر تعبه من اجل العائلة

حتى وان لم تنتهي هذه الجلسة الحميمية بالمراد فيجب تكرير مثل تلك الجلسات طوال الوقت بشرط ان تكون في الوقت المناسب

وبعد فترة سيشتاق هو لتلك الجلسات ويطلبها منها ولابد من كل ثلاث او اربع جلسات ان يحدث الجماع

وفقها الله مع زوجها