تحبين زوجـــــــــــــــــــــــــــك ؟؟؟؟؟؟؟؟؟؟؟؟؟؟.؟؟؟؟؟؟؟؟؟

  • بادئ الموضوع بادئ الموضوع سلامي26
  • تاريخ البدء تاريخ البدء
سلامي26

سلامي26

New member
إنضم
2009/09/29
المشاركات
835
بسم الله الرحمن الرحيم
السلام عليكم ورحمة الله وبركاته
اشحالكم خواتي ......

..... ...... ...... ...... ...... ...... ...... ..... .......
اكيد كل وحده تحب زوجها وتموت فيه
لانه الوحيد اللي اختارته من بين الملايين وفضلته عليهم
ولانه سندها وعزوتها وبوعيالها
يتعب ويسير ويرد عشانها وعشان راحتها هي والعيال
..... ..... ..... ..... ..... ...... ....... ..... ...... .....
يعني يستاهل بوعيالج كل خير منج .... ويستاهل انج ادلعينه وتفاجئينه اذا ما كان كل يوم
عشان العيال خليها يوم وترك ..... واذا بعد صعبه على الاقل خليها في الاسبوع مرة
____________________________________________________

بعطيج نصايح وربي بتفيدج في حياتج وبتغير وايد اشياء في حياتج اليومية
وبتلاقين حياتج الاسرية سلسة وخفيفه وحلوة بأذن الله
_______________________________
______________________________
بسم الله الرحمن الرحيم
اول شي البيت.... عندنا كلنا عيال واعمارهم تختلف الله يحفظهم
من عمر الشهور الين 15 وفوق ويعفسون البيت وغيرة
اذا كنتي عايشة في فيلا سويلهم ملحق لعب برع الفيلا يكون فيه حمام عزكم الله ورتبية لهم بحيث يكون لهم فصل دراسي ومتنفس للعب
واذا كنتي عايشه في بيت صغير او شقة
لا تحرمينهم من اللعب ولا تخبين عنهم التحف واكسسوارات البيت واطلعينها بس يوم ايونج ضيوف
هذا اكبر غلط لأنه بيولد عندهم نقص وبيسببون لج احراج سواء في البيت او برع البيت بيحبون يلمسون كل شي
خلي بيتج مرتب كأنج عروس جديدة وحطي كل اللي نفسج فيه حتى لو كنتي عايشه في غرفة في بيت اهل زوجج
خليها الجنة اللي يرتاح فيها معاج ولا تحرمينه من هذا الشي
صدقيني الرجال من يطلع من البيت الفجر ... ويتركم في البيت انتي وعيالج
الاف الاماني تخطر في بالة عشان يريحكم
يقظي نص يومه بعيد عنكم في الشغل ... عشان يستلم هاراتب ويصرفة عليكم ولا تقولين يقصر
لان لو شلتي انتي المسؤولية بتعرفين ليش بعض الازواج ما يعطون بعض الحريم مصروف او يعطونهم شي بسيط
فلنفرض ان زوجج راتبة 10000 درهم ويايب منج 3 اطفال وعندج خدامة
وساكنة في بيت ملك والحمدالله
بس فكري .... بفواتير الكهربا + الماي + اغراض البيت + احتياجات عيالج+راتب الخدامة+بترول السيارات+فواتير التلفونات+حالات الطوارئ مثل المستشفيات.... وشوفي انتي لما يكون نص الشهر وتذمرين وتقولين ابغي وبروح وليش فلانة و و و و
غمضي عينج بس عشر دقايق ...
وفكري فيه لما جا يخطبج
ولما تزوجتوا
وفرحتكم بأول حمل
وفرحتكم بأول مولود
وخوفج عليه لما يطلع ويتأخر...
فكري وانتي مغمضة لما تقارنين نفسج في الغير سواء عندهم ولا ما عندهم
ويرجع حبيبج بوعيالج الظهر عشان يفتك من حر الشغل وضغط المدير
وانتي اصلا ما تعرفين طبيعة شغلة
سواء كان عسكري او دكتور او موظف في مكتب

.....(( الشغل وقومة الصبح ))) تعب
ويلاقيج تذمرين وتطلبين




تاااااااااااااااااااااااااااابع​
 
تابع للموضوع....

ويمكن تكونين انتي طيبة وحبوبة وكل الصفات الحلوة فيج بس بيتج مب نظيف ولا مرتب
وما تعرفين كيف تتصرفين وتسكتين الاطفال لما مسكين ينتظر متى يدخل البيت عشان ياكل ويسبح وينام
ضغط . ضغط . ضغط . ضغط
ما يستاهل صح!!!!!!!
يمكن وحده تقول يستاهل عشان زوجي ما يسأل عني او هاملني او ما يصرف علي او خاني مرة او او او
كل احتمالاتج ممكن تكون موجوده.. طيب شو الحل؟؟؟
اعاملة بالمثل ؟؟ لا وألف لا
ليش
مب لانه هو رجال وانتي مرأة
عشان امج وابوج .... الي تعبوا عشانج وعطوج لهالرجال بعقد وشهود واحيانا شروط
اذا كان زوجج عاصي لا قدر الله او اناني
روضيه .... لميه انتي من اول وجديد.... صدقيني الرجال مسكين ما صار عنيف وقاسي الا لان كانت عنده اسباب قبل لا ياخذج
لا تزيدين النار حطب .... لا
جربي والله العظيم وهو معصب ويصارخ بأعلى صوته ويهدد
قربي منه بكل قوتج واحظنيه
بتلاقينه بينهار وممكن يصيح ( واذا صادفتج هالحالة) معناتها تعباااااااااااااااااااااااان ومب قادر يشتكي لحد

كم وحده بين ان زوجها عليه ديون أو قاعد في اجار او راتبة ضعيف؟؟؟
ليش ما تكونين انتي الحل لهالمشاكل
بتقولين كيف

كانت وحده من الخوات تشتكي للإستشارية بضرب الزوج

سالتها الاستشارية شو الحل اللي انتي تشوفينة مناسب لج
قالت اروح بيت اهلي!!!!!
رديت عليها الاستشارية ... انتي بعتقادج اذا هو تعبان من البيت والعيال والدوام وبتصرفج هذا بتحلين الموقف وبتخلينه يراضيج من بيت اهلج ... انتي غلطانة..
بالعكس انتي تهيئينة تدريجيا والله وانتي مب حاسة على انه يتعود على فراقج
قالت طيب شو الحل؟
قلتلها بسيطة
اذا ضربج .. اكتبيله رسالة قوليلة شكثر تحبينة ... وبعدين اذكريله عن نهي الاسلام لضرب المرأة
اشتريلةهدية وحطي فيها صورة الخطوبة واكتبيلة عمري ما بندم على اختياري لانك اغلى انسان بحياتي
واذا استمر بضرب ....
طرشيله بنتج الصغيرة مع وردة ورسالة واكتبي فيها ( بابا ، يارب ما يكون زوجي قاسي ويضربني ))
بيفكر في بنته وبيحط صورتج في صورتها وبيعرف حجم الغلط
بس لا تيأسين من انج اتروضينه
كل رجال عنده نقطة ضعف
كوني مثل الشجرة المثمرة . اذا القيت بالحجارة القت ثمرا طيبا
حبيبتي الزوج ولي وسند وذخر
ويمكن في حالة ثانية يكون زوجج غني وعنده املاك ويسفركم كل سنة وعيالج في احسن المدارس وانتي تلبسين كل الماركات
بس مافي بينكم عاطفة!!
بعتقادج ليش؟
لان المادةغنتنا عن السعادة !
لان ما نشوف الوقت اللي نقعد فيه مع بعض نروح بيت اهله واهلج
نتزاور بين ربعنا
نحتفل بمناسباتنا الخاصة بعيد عن الجميع
________
________________________________________________
شوفي حبيبتي
الاسبوع فيه 7 ايام
قسمية وانتي متعاونة معاه ... وهذا الجدول اعطي لكثير بنات وطالبات
ونفعهم بطريقة ما تتخيلينها
كيف هذا الجدول وشو الهدف منه


تااااااااااااااااااااااابع
 
++++++++++++++++++++++++++++++++++++++++
الهدف انج تاخذين حقوقج انتي وعيالج وابو عيالج وبدون تقصير
والطريقة هي:
الأحد = دوام
الاثنين = دوام
الثلاثاء = دوام
الاربعاء = دوام
الخميس = خاص فيج انتي من طلعات وغيرة يعني يعشيج برا تروحين السوق معاه .. السينما !!
الجمعة = للعيال واهلج واهلة وبس.. وتكون الظهر الغدا بيت اهلة والعشا بيت اهلج والجمعة اللي


والجمعة اللي وراها العكس وطبعا عيالج بيكونون مستانسين
السبت = حق ريلج وبس ما تطلبين منه اي شي. كيفه وين ما يبا يروح ومتى ما يرجع لا تسألينة خير شر
لانة عطاج حقج وحق عيالج واهلة واهلج
ايام الدوام هاي بيكون هو فيها مضغوط يعني اذا دوامة رسمي من الصبح لين الظهر
بيرجع جهزيلة الفوطة والحمام وفي الفترة اللي هو يسبح فيها انتي جهزي الغدا
ودايما دايما دايما خصصي له مكان يقعد فيه للغدا والعشا والفطور وتقعدين انتي على يسارة عشان تناولينة الاكل بيمينج
وعشان اليوم اللي ما ياكل فيه معاكم على السفرة يكون مكانة باين وتشتاقين له وتعرفين قيمتة
وعيالج بيكبرون وبيعرفون انه هذا مكان بابا وهذا مكان ماما على السفرة
بعد ما يخلص غدا ... لا تقعدين جالسة تاكلين
قومي وراه لين المغسلة ... ودلعيه امسحي على راسه قوليله يعطيك العافية وغيرة من الكلام الحلو
وناوليه عقب 10 دقايق الجرايد مع الشاي والقهوة وصحن الحلو
لين العصر بيسير يصلي عنج وبعدين هو حر في تصرفاته لا تلزمينة ... ممكن يرجع ويقعد معاكم في البيت افتحي المواضيع اللي تريحه قوليلة سوالف عيالج اللي تضحك
ولا تتشكين وايد
العيال مسؤوليتهم الاكبر عليج انتي مب هو
اذا زوجج من النوع اللي ينام عقب الظهر او صلاة العصر
احرصي انج توعينة لصلاة المغرب حتى لو كان تعبان ... لانه في ذمتج .. وعشان ما يسهر ويلخبط نومة.
بعد صلاة المغرب قابليه عند التلفزيون وعيالج ... اتعشوا واول شي تسوينة تنيمين عيالج وتعلمينهم النوم الصحي 8:00 نايمين
كوني دايما كاشخه ولابسه ومتعطرة ... ربيعاتج والاعراس مب احسن عنه


تاااااااااااااااااااااااااااااااااااااااابع
 
جهزيلة ماي حار لرجوله وقعدي عنده سولفي وانتي تهمزين رجولة بتلاقين الوقت مر وهو يسمع سوالفج ومرتاح



خصصي يوم لج ويوم له في الاسبوع تمسجينة صدقيني هذا له اثر نفسي كبير عند الرجال.
اليوم اللي بيكون يومة السبت مثلا يوم بيرجع من عند ربعه ولا السينما جهزيلة الحمام بهاطريقة


وخلية يشتاق لكل يوم سبت عشان فيه راحتة من كل الجوانب
خلي بينكم تنافس في المحبة منو اللي يعطي الثاني اكثر.
دايما قعدي جنبه في الصالة او بيت اهلج واهلة...

ميزي ريحتج بخلطة انتي تسوينها وخليها ريحتج الاساسية


بحيث لو سافر او راح في مهمة او رحلة وحطيتيلة ريحتج في ثيابة يشتاقلج او راح اي مكان وشم نفس ريحتج .... ((( ركزي انج تسوين خلطة خاصة فيج)))
مب اتسيرين تتعطرين مثلا بعطر كرستيان ديور .. وعقب يشم العطر في غيرج!!!!
وخلي باقي الوقت اذا هو حاب بيقضيه معاج.... واذا هو مشغول خليه يخلص شغلة
وتحملي تنامين عنه
اطمني انه وصل وشوفيه اذا متعشي ولا يبا حاجه وبعدين استأذنيه ونامي
.......
حبيبتي
الله يخلي كل زوج وزوجة امين
 
بس تخيلي كم وحدة مطلقة

وكم وحدة عانس
وكم وحدة زوجها متزوج عليها لانه مش مرتاح ؟
وكم وحدة ( ارملة)


وتتمنى ظفر هازوج!!!
يارب يارب يارب يارب اديم المحبة بين كل زوج وزوجتة ولا يغير عليهم
وان شالله اكون فدتكم بهالموضوع


دعواتكم لي بالثبات خواتي​

 
مشكووووره ياقلبي على النصايح الحلوه صرااحه استفدت كثير

ربي يجزاك الجنه
 
الله يسعدك اختي اماني نجد
www.almsloob.com-2db17cefb0.gif
​
 
روووووووووووووووعة
موضوع جميل ومتعوب عليه

الله يوفقج حبيبتي ويثبتج ويحقق آماااااااااالج
 
تستاهل أحلى تصفيقه وجزاك الله كل خير موضوع رووووووووووعه بمعنى الكلمه
 
الاخت العزيزه سلامي
موضوع رائع جزاك الله خيرا وجعله في ميزان حسناتك
 
جزاكيــ اللهــ الفــ الفــ خيير

اختيــ عـلـى النصائحــ الحلللوهــ

واللهــ يوفقكــ ويسعدكـــ انتــ

وابوو عيالكــ
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل