معلومات سلة فواكه
تحبين تظهرين في احسن شكل ومظهر امام زوجك والناس , لكن ماذا عن مظهرك امام (.....)؟؟؟
مساء الخير
غالياتي البلقيسيات بكتب لكم كلامي بالعامي عشان يدخل قلبكم وعقلكم على طول ..
وحابه اشكر كل وحده سالت عني وراسلتني تتطمن علي واعتذر من الي ما رديت عليهم ولاجاوبت على استفساراتهم لاني امر بظروف ما يعلم فيها الا الله وهم وغم عظيمين لكن الحياه هي سجن المؤمن وادعولي ربي يكشف عني كربتي ويزيل همي وغمي ...
المهم حبيباتي موضوعي هو عن شكلج ومظهرج ولبسج ,,
طبعا انتي جدام زوجج تنشدين الكمال في الشكل والمظهر تتعدلين وتكشخين وتتزينين وتلبسين ,, وجدام الناس ما يحتاج اقول اكيد كل وحده لبسها يعبر عن ذوقها ومستواها وحالتها الماديه , وفي ناس تتفاخر بالماركات وما تلبس الا الماركات وما تحب تطلع الا باحسن واجمل شكل وابهى طله ..
يعني مافي مننا وحده تحب ان الناس او زوجها او حتى اهلها يشوفونها مبهدله او ملابسها مو حلوه او قديمه او لابسه بطريقه غلط صح او لا ؟؟؟
طبعا مظهرج هو الي يترك الانطباع عند الاخرين يمكن تقولون طولتها عليكم بس مقدمتي هذي مهمه وهي الي راح توصل لكم الي اعنيه ..
لو مثلا انعرضت عليج دعوه مهمه عند الاسره الحاكمه او اسره كبيره او عايله ثريه ومعروفه اكيد راح تلبسين احلى ملابس وترشين اغلى واجمل عطر وتكشخين وتلبسين على اخر طراز صح ؟؟؟؟؟؟؟؟؟؟
لكن شنو عن مظهرج جدام الله سبحانه وتعالي ,, اذا انتي كنتي تهتمين بطلتج ومظهرج جدام الخلق اليس الخالق اولى منهم جميعا ؟؟؟
الي اقصده يعني وقت الصلاه هل رداء الصلاه الي تلبسينه وتقابلين فيه ربج حبيبج وتوقفين به بين يدي ملك الملوك جديد ونظيف ومعطر ومبخر؟؟؟؟
طبعا اذا كنتي تقابلين الناس بريحتج الحلوه وطلتج البهيه الله سبحانه وتعالي الي عطاج وارزقج لازم تكونين في احسن صوره بين يدينه جل جلاله .. يعني رداء الصلاه لازم يكون جديد وحلو ومعطر ونظيف لان هذا هو اللباس الي تقابلين رب الكون فيه ...
هل سجاده الصلاه جديده او قديمه وحالتها حاله ؟؟؟ والله استغرب من الي تاخذ معاها الدوام سجاده قديمه عشان اذا ضاعت ما تتحسف عليها , طيب السجاده ما راح تكلفج اكثر من دينارين بالكثير ليش هالبخل ولو احد خذها وصلى عليها الاجر والثواب لج ..
يعني شفيها لو كانت سجاده الصلاه جديده وحلوه وتليق بمقام ملك الملوك الله سبحانه وتعالى ؟؟؟
هل تهتمين بنظافتج وريحتج وانتي مقابله ربج ؟؟ يعني انتي لما بتكونين مع زوجج اكيد راح تتجنبين اي ريحه كريهه او مزعجه تصدر منج سواء كانت رائحه في الجسد او الفم او حتى الرجل .. تقومين تتعطرين وتغسلين اسنانج عشان زوجج ما يشم فيج الا اطيب ريح ... زين وماذا عن الصلاه , اذا قمتي تصلين الفجر تغسلين اسنانج ؟؟؟ يمكن تستغربون بس انتو تعرفون ان العبد اقرب ما يكون لربه وقت السجود, شلون تسجدين وتكونين قريبه من الخالق وانتي ريحه فمج مو حلوه وما يسرج ان انسان عادي يشمها فما بالكم بالله سبحانه جل جلاله ؟؟؟
حبيباتي موضوعي هذي لفته دينيه عشان كل وحده تقابل ربها وهي في اجمل صوره لان الناس مو احسن من الله عشان الزينه والكشخه لهم وبس .. تعرفون شنو الي خلاني اكتب الموضوع ؟؟؟
كنت في زياره لصديقتي وقت الصلاه وصديقتي هذي كشيخه ولبسيه وانيقه ومواكبه الموضه وانسانه تنشد الجمال والكمال في كل حياتها يعني شقتها على صغرها الا انها تحفه فنيه , كل شي في حياتها جميل ومرتب ومنمق , جاء وقت الصلاه لما طلبت منها اصلي يابت لي ثوب صلاه حالته حاله حتى لونه رايح من كثر الغسيل وريحته ريحه تخزين بالكبت , يالله هذي الي ما تلبس الا الماركات ومعاشها يروح كله في ثياب وشنط واحذيه واكسسوارات ما تقدر تحط كم دينار وتشتري رداء صلاه جديد يليق بالزوار ؟؟؟ هذي الي تعشق الجمال واطقم القهوه والشاي اخر طراز ومذهبين وحتى مرش ماي الورد شاريته بالشئ الفلاني وعطورها الي تقدمها للضيوف مجموعه من اغلى الماركات استبخلت كم دينار لرداء صلاه جديد للضيوف ؟؟؟؟؟ ..
والشي الثاني ان وحده قريبه مني بنت خالتي اذا قامت تصلي الفجر تكون دايخه و تعبانه و تلبس ثوب الصلاه مقلوب ونقولها مقلوب تقول عادي ههههه كسوله ومن الكسل مافيها حيل تشيله وتعدله استغفر الله شلون تقابل ربها وهي لابسه شي بالمقلوب والله لوكانت جدام الناس ما كانت بترضى على روحها بهالمظهر لكن الحين تركت هالكسل عنها والله هداها ..
يعني يا قلبي باختصار جددي ادواتج الدينيه من رداء صلاه او سجاده او سبحه واقتني الجديد والحلو والغالي لان الله سبحانه الي عطاج الخير والنعمه اولى فيها من الاخرين , لاتقابلين ربج الا باطيب ريحه واجمل منظر ...
واخيرا ياليت موضوعي يبقى في قسم الزواج لان زواره كثيرين ونسأل الله الاجر والثواب .
ويابنات عادي تنقلون هالموضوع مع ذكر اسمي وابي منكم الدعاء ان الله يفرج همي وغمي ويكشف ضري ويرزقني الي ابيه عاجل غير اجل ....
غالياتي البلقيسيات بكتب لكم كلامي بالعامي عشان يدخل قلبكم وعقلكم على طول ..
وحابه اشكر كل وحده سالت عني وراسلتني تتطمن علي واعتذر من الي ما رديت عليهم ولاجاوبت على استفساراتهم لاني امر بظروف ما يعلم فيها الا الله وهم وغم عظيمين لكن الحياه هي سجن المؤمن وادعولي ربي يكشف عني كربتي ويزيل همي وغمي ...
المهم حبيباتي موضوعي هو عن شكلج ومظهرج ولبسج ,,
طبعا انتي جدام زوجج تنشدين الكمال في الشكل والمظهر تتعدلين وتكشخين وتتزينين وتلبسين ,, وجدام الناس ما يحتاج اقول اكيد كل وحده لبسها يعبر عن ذوقها ومستواها وحالتها الماديه , وفي ناس تتفاخر بالماركات وما تلبس الا الماركات وما تحب تطلع الا باحسن واجمل شكل وابهى طله ..
يعني مافي مننا وحده تحب ان الناس او زوجها او حتى اهلها يشوفونها مبهدله او ملابسها مو حلوه او قديمه او لابسه بطريقه غلط صح او لا ؟؟؟
طبعا مظهرج هو الي يترك الانطباع عند الاخرين يمكن تقولون طولتها عليكم بس مقدمتي هذي مهمه وهي الي راح توصل لكم الي اعنيه ..
لو مثلا انعرضت عليج دعوه مهمه عند الاسره الحاكمه او اسره كبيره او عايله ثريه ومعروفه اكيد راح تلبسين احلى ملابس وترشين اغلى واجمل عطر وتكشخين وتلبسين على اخر طراز صح ؟؟؟؟؟؟؟؟؟؟
لكن شنو عن مظهرج جدام الله سبحانه وتعالي ,, اذا انتي كنتي تهتمين بطلتج ومظهرج جدام الخلق اليس الخالق اولى منهم جميعا ؟؟؟
الي اقصده يعني وقت الصلاه هل رداء الصلاه الي تلبسينه وتقابلين فيه ربج حبيبج وتوقفين به بين يدي ملك الملوك جديد ونظيف ومعطر ومبخر؟؟؟؟
طبعا اذا كنتي تقابلين الناس بريحتج الحلوه وطلتج البهيه الله سبحانه وتعالي الي عطاج وارزقج لازم تكونين في احسن صوره بين يدينه جل جلاله .. يعني رداء الصلاه لازم يكون جديد وحلو ومعطر ونظيف لان هذا هو اللباس الي تقابلين رب الكون فيه ...
هل سجاده الصلاه جديده او قديمه وحالتها حاله ؟؟؟ والله استغرب من الي تاخذ معاها الدوام سجاده قديمه عشان اذا ضاعت ما تتحسف عليها , طيب السجاده ما راح تكلفج اكثر من دينارين بالكثير ليش هالبخل ولو احد خذها وصلى عليها الاجر والثواب لج ..
يعني شفيها لو كانت سجاده الصلاه جديده وحلوه وتليق بمقام ملك الملوك الله سبحانه وتعالى ؟؟؟
هل تهتمين بنظافتج وريحتج وانتي مقابله ربج ؟؟ يعني انتي لما بتكونين مع زوجج اكيد راح تتجنبين اي ريحه كريهه او مزعجه تصدر منج سواء كانت رائحه في الجسد او الفم او حتى الرجل .. تقومين تتعطرين وتغسلين اسنانج عشان زوجج ما يشم فيج الا اطيب ريح ... زين وماذا عن الصلاه , اذا قمتي تصلين الفجر تغسلين اسنانج ؟؟؟ يمكن تستغربون بس انتو تعرفون ان العبد اقرب ما يكون لربه وقت السجود, شلون تسجدين وتكونين قريبه من الخالق وانتي ريحه فمج مو حلوه وما يسرج ان انسان عادي يشمها فما بالكم بالله سبحانه جل جلاله ؟؟؟
حبيباتي موضوعي هذي لفته دينيه عشان كل وحده تقابل ربها وهي في اجمل صوره لان الناس مو احسن من الله عشان الزينه والكشخه لهم وبس .. تعرفون شنو الي خلاني اكتب الموضوع ؟؟؟
كنت في زياره لصديقتي وقت الصلاه وصديقتي هذي كشيخه ولبسيه وانيقه ومواكبه الموضه وانسانه تنشد الجمال والكمال في كل حياتها يعني شقتها على صغرها الا انها تحفه فنيه , كل شي في حياتها جميل ومرتب ومنمق , جاء وقت الصلاه لما طلبت منها اصلي يابت لي ثوب صلاه حالته حاله حتى لونه رايح من كثر الغسيل وريحته ريحه تخزين بالكبت , يالله هذي الي ما تلبس الا الماركات ومعاشها يروح كله في ثياب وشنط واحذيه واكسسوارات ما تقدر تحط كم دينار وتشتري رداء صلاه جديد يليق بالزوار ؟؟؟ هذي الي تعشق الجمال واطقم القهوه والشاي اخر طراز ومذهبين وحتى مرش ماي الورد شاريته بالشئ الفلاني وعطورها الي تقدمها للضيوف مجموعه من اغلى الماركات استبخلت كم دينار لرداء صلاه جديد للضيوف ؟؟؟؟؟ ..
والشي الثاني ان وحده قريبه مني بنت خالتي اذا قامت تصلي الفجر تكون دايخه و تعبانه و تلبس ثوب الصلاه مقلوب ونقولها مقلوب تقول عادي ههههه كسوله ومن الكسل مافيها حيل تشيله وتعدله استغفر الله شلون تقابل ربها وهي لابسه شي بالمقلوب والله لوكانت جدام الناس ما كانت بترضى على روحها بهالمظهر لكن الحين تركت هالكسل عنها والله هداها ..
يعني يا قلبي باختصار جددي ادواتج الدينيه من رداء صلاه او سجاده او سبحه واقتني الجديد والحلو والغالي لان الله سبحانه الي عطاج الخير والنعمه اولى فيها من الاخرين , لاتقابلين ربج الا باطيب ريحه واجمل منظر ...
واخيرا ياليت موضوعي يبقى في قسم الزواج لان زواره كثيرين ونسأل الله الاجر والثواب .
ويابنات عادي تنقلون هالموضوع مع ذكر اسمي وابي منكم الدعاء ان الله يفرج همي وغمي ويكشف ضري ويرزقني الي ابيه عاجل غير اجل ....
اسم الموضوع : تحبين تظهرين في احسن شكل ومظهر امام زوجك والناس , لكن ماذا عن مظهرك امام (.....)؟؟؟
|
المصدر : الزوج والزواج