تجهيزات النفاس من الالف الى الياء

احصائياتى
الردود
29
المشاهدات
67K

تيماااااج

New member
معلومات تيماااااج
إنضم
4 سبتمبر 2009
المشاركات
130
مستوى التفاعل
0
النقاط
0
تجهيزات النفاس من الالف الى الياء
تجهيزات النفاس من الالف الى الياء

:لوازم شنطة المستشفى

حقيبة متكاملة من مذركير للمستشفى تحوي كل شي

اوانتي تجهيزيها وتحطين فيها

قميص الاستقبال عدد اثنين او ثلاثه

2- شبشب

3-منظف البشره -- كريم للوجه واليدين

---- عطر خفيف ----مشط شعر مع ربطه --- فرشة اسنان مع معجون ----مقص اظافر
للحاجه

4- (مره ) ضرووووووووووووريه مع مسكن للالم للحاجه


5- سنتيانات الرضاعه ......غيارات داخليه ......قميص قطني مريح للتغيير


6- شاحن جوووال
.....كريم لتشقق الحلمات يالله يالله نبدا من الحين

8-
-- شراريب --مرطب شفايف --فوط صحيه

9- علبه فيها كمون ودارسين لانك
ماتدرين متى اهلك بيجون

لذلك هم يعطونك براد صغير مويه حطي فيها الكون
والدارسين ......يرييييييحك مره

واذا خرجتي من المستشفى

ستيان رضاعه
فيه عندك واحة الجلابيه ب39ريال والهرم10ريال


قمصان رضاعه من اي مكان مثل محلات الانجري اوواحة الجلابيه والهرم والريس...
بناطيل3داخليه عشان الهواء وتدفئه اكثر


فوط صحيه نسائيه



فوط لمنع تسرب الحليب وخاصة في الاسابيع الاولى من الولادة

فوط للرضاعه وتجشا الطفل :


كريم لدهن منطقة الصدر .. ويصلح لأصحاب الحلمة الجافة او المتشققة :


ملابس داخلية لفترة النفاس للإستخدام مرة واحده فقط
:

كمادات للثدي تصلح اثناء احتقان الحليب وتجمعه خصوصا في الفترات الأولى من الرضاعه
من الصيدليه


كلوتات الاستخدام افضل واحدالي زي الشبكه

في الصيدليات مثل النهدي وصيدليه دله والحبيب هذي امثله

و النوع الثاني بس كلوت وانتي تحطين الاولويز

وهذي تلاقينها في سيتي بلازا والصيدليا ت
روج ناعم اوجلوس
كحل قلم او اي لاينر لاتحطين كثير العين حق


مجموعه الجسم بالياسمين من بودي شوب طبعا خذي البخاخ والوشن ومزيل رائحة الابط

ديتول مناديل للجيسم او الوجه
مشط

صابون مغربي
سائل استحمام

مرطب للجسم

سنفرة للجسم من بدي شوب


بعد ذلك تضعين قناع الطين (للوجه والجسم) وذلك لـيعمل على تنقية البشرة
والمنتجات عديدة :
قناع الطين من بودي شوب

نضع قناع لترطيب العميق والمكثف ولترفيه البشرة (مكون إما من العسل أو الخيار .. حسب نوع بشرتك )


وهناك منتجات تجاريه عديدة يمكنك إستخدامها لتأدية غرض الترطيب العميق وهو ضروري بعد هالزحمه هذي كله ..
فرشاة ومعجون
شبشب لسراميك
اغراض البيبي


بربتوزات
رضاعات
مصاصات
جهاز سماع
البيبي100ريال
حفاظات
مناديل مبلله
مفارش بلاستيك
شنطه
للطلعه150ريال
شامبو
فرشه
اسفنجه
كرسي استحمام40ريال
بودرة
مقص
أظافر
سلسله مصاصه
كريم حفاظات
مقياس حرارة

غلاية
رضاعات120ريال
فرشة تنظيف رضاعات
سرير صغير200ريال
مفارش سريرطقم للاستقبال ومفارش عاديه






نجي للاكل والشرب

التمر مع الرشاد
( تمر تشيلين منه النوى وتعجنينه معه ملعقه كبيره رشاد وسمنه وشويه حبة البركه مطحونه وتقلبينه شوي على النار )

المردود ( حلب ...سكر نبات .. حبه البركه ....محلب
....يانسون ....شمر .....رشاد غير مطحون ....قرنفل )

مره مع عنزروت ( علبه
زجاج تملينها لتر ماء حااار وتحطين فيها كسرة مره مع ملعقع كبيره عنزروت ) واذا بردت حطيها بالتلاجه وكل يوم الصبح تشربين منها تقريبا نص كاس

تجهزين نفسك بشوية اغراض مهمه


.سمنه بريه زينه


عسل طبيعي


طحين بر من النوع الممتاز


بيض بلدي اذا توفر


حليب من النوع الممتاز ويكون منزوع الدسم افضل


طبعاالاعشاب ..(الرشاد ...وحبةالبركه ....القرفه ....اليانسون ....الكمون
....الزنجبيل ...المسمار ....قهوة مسمار او قشر )


قائمة الممنوعات من الاكل والحركات

بشكل مبسط ....يمنع الجوع منعا باتا وهذا متعارف عليه لدى الكل


ممنوع الاكلات اللزجه ملوخيه وباميه البصل والشمام والبطيخ وبعضهم يمنعون
الباذنجان والجريش لانهم يسببون غازات

عدم شرب الماء بكثره ......هذي ماني
متأكده منها ناس وناس على حسب الجسم

ممنوووووووع المشروبات الغازيه
والسكريات ولاااا تكثرين من الحلا عشان السكر وزيادة الوزن ويجيب الخمول للجسم

ممنوع الحركه العنيفه وحمل الثقيل وصعود الدرج بكثره

ممنوع المشي
حافيه وخاصه على السيراميك ....والتعرض لتيارات الهواء والبرد

ممنوع التنقع
بكثره وان حصل فلا يزيد عن عشر دقائق

العطس والكح ....بس هذا مالنا يد فيه
خخخخخخخ

ممنووووووووووووووووووووووع البخور بكل انواعه بالنفاس من تعطر
وغيره ....( امي تمنع حتى الكبو لانه يدخل هوا ....تفضله بعد النفاس والدوره)

الجلوس بهدوء ورويه بدون عجله ويفضل وضع المخدات خلف الظهر وتحت
الركب


****************************** ****************************** *****
.. ما يفضل فعله في فترة النفاس

اولا واهم شي انتم تدرون
اننا مالنا صلاة والنفسيه خياااااااااااااااااااااااااااس .....فاحرصي اختي على تشغيل القران عندك ولو بصوت منخفض

احرصي
على الاستغفار طوووووول الوقت فهو يشرح القلب والصدر ويهون عليك

الاذكااااار
لاتنسينها طول الوقت ..والتسبيح والتهليل

ثانيا لصحتك وصحة الجنين اذا صارت
الساعه 9 .....افتحي الشباك وخلي الشمس تدخل عليك وعلى ولدك وخليها على جسمك شوي هذا مهمممم لصحة عظامك وعظام الجنين كما انه يعالج الصفاااار اللي يجي للاطفال

خلي لك وقت الظهريه او العصريه تحطين لك زيت بشعرك ولا خلطه بجسمك
(( هذا للي موب عجازات ))

لاااااااااااااا تكثرين من التهوله والمظااااااهر
وتكليف نفسك فوق طاقتها ...كل وحده واللي تقدر عليه (لايكلف الله نفسا الا وسعها ) اهم شي الاستقبال الحسن والبسمه الطيبه وقدمي اللي تقدرين عليه
وكثر المظاهر
يجيب لك التعب والموضوع ما يخلى وانتم سيد العارفين

اذا تقدرين حطي لك
غساله صغيييره زي اللي بجيان وبنده ....حطيها بالحمام واغسلي غسيلك اول باول
اريح لك .....اذا عندك شغاله تعتمدين عليها خير وبركه

حااااولي
تنامين بدري مع طفلك اريح لنفسيتك وجسمك


نصااااااااااااااااائح ذهبيه للراحه البدنيه


اذا كنت ممن يشكون الالم الكثي الزائد عن الحد فلا تترددين باخذ
المسكنات من بندول وغيره

استخدمي القربه او الكماده الساخنه لتخفيف المغص
في البطن او من تحت تحطينها وتجلسين عليها
او على اسفل ظهرك ......تريييييييحك
مرررره

افتحي الدش على الماء الدافئ واجعليه على صدرك مع التدليك الخفيف
....وذلك لتخفيف الالم وادرار الحليب .....واستخدمي كريم طبي لدهن الصدر لمنع تشقق الحلمات

اذا احتقن الصدر والطفل نائم او غير جائع او رفض الرضاعه فالجئي
للشفط لان احتقان الحليب يؤذي الصدر ويسبب ارتفاع الحراره

لااااااااااااااااا تنسين اهمية شمس الصباح لك ولطفلك


اذا توفر
عندك احد يمسك الطفل فاستغلي الفتره لنوم عميق لتتعدل نفسيتك ويرتاح جسمك
خلصنا تجهيزات ونصايح ...............نجي لنظام الاكل


الفطور ....( من 7 الى 10
)

على الر يق ....تمره مع رشاد تؤخذ مع أي شي حار
...قهوة نفاس او حليب دافي
بعد ساعه .....حلبه باي طريقه تعجبك ....وهي تؤخذ
بالعشر الايام الاولى فقط

بعدين الفطور اللي يعجبك
::

مصابيب مع
عسل

عصيده او محلى او حنيني او فريك


خبز بر مع عسل وبانكيك بر
وحلاوه طحينيه لانها تدر الحليب بس لاتكثرين عشان السمنه

الظهريه
......تشربين شاي اعشاب اللي يعجبك ( كمون – قرفه – يانسون – شمر – زنجبيل .........الخ )وممكن تخلطينهم لو حبيتي ..............تجنبي الميراميه لانها تنشف الحليب

اللهوم ....او السفوف

يابناااااااااااااااااااات
اهم شي باللهوم انه يؤخذ مع شي دافي قهوه او حليب دافئ .....لانه اذا كان بارد يلصق بالفم وجدارالمعده وما يصير له اي فايده .....خااااااااااصة الرشاد

اللهومات كل وحده وطريقتها بس هي تؤخذ في الصباح والمساء


فيه
نصيحه لكم ياحلوين ....اذا تأثر الطفل باللهوم اقطعيه فورا ......يعني مثلا يسبب له مغص او استفراغ او سهر وعدم نوم

الغداء
......

مرقة اللحم ....مهمة
جداا ترم العظم وتقوي الظهر وتدر الحليب ....يخلط معها شوي لهوم او حلب

ممكن مطازيز او مرقوق او قرصان


صحن سلطه خضرا


ممكن مرقة
لحم او دجاج مع خضار منوعه من كوسه وجزر وبطاطس وبازلاء يعني مرق بس بدون
طماطم....ترشين عليه ماش مطحون او تطبخين معه شوية حلبه وتاكلينه مع خبز
بر....او شوية رز للي يموتون بالرز وما يستغنون عنه خخخخخخخخ....لاتطالعون فيني انا ما احب الرز

بس ابتعدي عن الممنوعات


****************************** ****************************
العصريه والمغربيه


اشربي شاي الاعشاب


اشربي عصيرات بس
لاتكون بارده

كولي فاكهه بس لا تقربين المحظورات


ممكن قهوة قشر او
قهوة مع نونخه وقرنفل مع تمر ..................حطي مع القهوه اول فنجان مره بس لاتكثرين

****************************** ***************
العشاء


زي الفطور ......او اذا حابه
شوربه من أي نوع مع سلطه وكاس حليب منزوع الدسم

ممكن دجاج مشوي مع الشوربه
.....وحطي مع الشوربه ملعقه صغيره لهوم حق الشوربه

ممكن حنيني او فريك
.....اللي تشتهيه نفسك

ممكن وجبه سريعه بس لا تعلمين احد كوليها بالدس بدون
ماحد يدري خخخخخخخخخخخخخ

يااااااويليييييييييييييييييييي ييه الحين بنطق


****************************** ************************


المغاصس والمره
والتحاميل


المره والعنزروت ...مع القهوه احسن
شي كل صبح وعصر .....بس بالفنجان الاول ولا تكثرين

المغاطس تجلسين بالمويه
الدافيه مع الملح لمده لاتزيد عن 10 دقائق

التحاميل كل وحده وراحتها
,,,,,,,

فيه ناس تفضل الشعبيه


وناس تفضل الطبيه


وناس ما
تستخدمها ابدا

كل وحده ورغبتها ......بالنسبه لي استخدم الطبيه بعد النفاس
مباشره او بالايام الخيره فقط

الغسول
.....

.....يغلى الماء والارطا ( ما اعرف له اسم
ثاني ) مع ملح خشن ...بكميه تكفي اسبوع مثلا

وبعدين يصفى ويوضع في الحمام
وتتشطفين فيه مره الصبح ومره بالليل


****************************** ****************************** ****

اتمنى يعجبكم النظام وتستفيدون منه ادعوالي ان الله يسهل لي ولادتي
..........ودمتم بالف صحه وعافيه

والله يعينكم على الواء واء
 

ساندرين

New member
معلومات ساندرين
إنضم
26 يناير 2009
المشاركات
1,293
مستوى التفاعل
0
النقاط
0
الإقامة
( في عااالمي الخاص)

ربي يسعدك ويوفقك ويجزاك الجنه على هالموضوع
انشاء الله ربي يسهل عليك وعلي وعلي الجميع يارب


بس حلوة الواء واء

تستااااهلين التقيم راح اقيمك :32:
,,,,,,,,,,
:18:ســـــــــــاندرين
 

جماانه

New member
معلومات جماانه
إنضم
5 سبتمبر 2008
المشاركات
53
مستوى التفاعل
0
النقاط
0
الإقامة
in the world
ألف ألف شكر لكِ حبيبتي
وربي ريحتيني من دوخة الراس
لاني بكريه ومو عارفه شسوي
موضوع متكاااااااااامل من الالف الى الياء
تستحقين التقييم عليه
والله يجزاكِ الجنه ويسخر لكِ زوجك وذريتك ويهوّن عليناااااا
 

ورودي

New member
معلومات ورودي
إنضم
24 ديسمبر 2008
المشاركات
391
مستوى التفاعل
0
النقاط
0
موضوع رائع بس ما كان اشياء المستشفي كثيره هي كلها ليلتين وبتطلعي
 

AUDI

New member
معلومات AUDI
إنضم
29 يونيو 2008
المشاركات
2,362
مستوى التفاعل
0
النقاط
0
يسلموووووووووووووووووووو
 

8_8

New member
معلومات 8_8
إنضم
28 مارس 2010
المشاركات
209
مستوى التفاعل
1
النقاط
0
الإقامة
في قلب محبيني
على ها الاكل ما بنخلص النفاس الا الجسم
هع
حدث ولاحرج
 

تيماااااج

New member
معلومات تيماااااج
إنضم
4 سبتمبر 2009
المشاركات
130
مستوى التفاعل
0
النقاط
0
تسلمووووووووووون على مروركم والله اسعدتني ردودكم كثير انتظروني راح اجمع لكم مواضيع اكثر علشان نستفيد اكثر
 

aso0ola

New member
معلومات aso0ola
إنضم
27 مارس 2008
المشاركات
497
مستوى التفاعل
0
النقاط
0
الله يسهل ولادتج وولادتى

يزاج الله خير
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه