تجهيزاتي للبيبي ...

[شباصه]

الاغراض اللي بجهزها للبيبي باجر انشالله بروح السوق


افرولات بزلاغ3
افرولات بدون زلاغ 3
بيجامات 2من5
ملابس طلعه 3
طواقي 3
قفازات3
زلاغات5
صدريات 3
فوط صغار
فوط كبار للجسم
فوانيل داخليه 6
قماطات 3
بطانيات 2
مفرش تبديل حفاظ
شنطة اغراض الحمام
وفيها شامبو وصابون للجسم وبودره وكريم مرطب وسودا كريم للحفاظ وعدة الاظافر ومشط وليفة استحمام وكله من بيبي جونسن
مراضع صغيره للشاي والماي والعصير
اسفنجة الاستحمام الكبيره اللي ينحط عليها البيبي
الة تعقيم مراضع
بانيو
لهايات
فراشي تنظيف المراضع
صابون ملابس البيبي


قلت ما بكثر الملابس لان البيبي بسرعه يكبر وبيتغر مقاسه وش رايكم في شي ناقص غير الاثاث ؟؟؟؟

 

[ملاك الحلام]

سم الله نبدأ ,,,,
اغراض الطفل
مفرش قطن (مهاد) ( 8)
سدارات العدد من (10)
شراب يدين ورجلين ( 6 )
قبعات ( 6 )
بربتوزات ( 10 )
رباط للمهاد ( 4 )
بطانيه ( 2 )
مفارش ( 6 )
بيت الطفل ( 1 )
طقم كامل لتقديم الطفل( بدله ــ مفرش ـــ قبعه ـــ مهاد ) عدد ( 2 )
فوطه كبيره
فوطه صغيره
بدل مجموعه ( 8 ) وتوجد عند مذركير وسيتي بلازا (سنتر بوينت)
مشط
مقص اظافر
جهاز قياس الحراره
اسفنجه لتنظيف الطفل
جهاز تعقيم الرضاعات
حوض استحمام
علب الحليب للشنطه
ترمس للماء الحار
رضاعه صغيره للماء (2)
رضاعه كبيره للحليب (2) 120 مل
حلمات رضاعه (4)
مصاصه(2)
فرشه للتنظيف الرضاعه
اكياس حفاضات الاطفال
شامبو اطفال
زيت الاطفال
بودره اطفال
كريم اطفال
فازلين
مناديل مرطبه للحفاظ بدون رائحه عطريه
مناديل مرطبه للجسم بدون برائحه عطريه
شامبو لغسيل ملابس الطفل
حفائض
قطن للاذن والجسم
زيت زيتون
بودره السر
لصاقات جروح
اعواد اذان
عايدين
زيت خروع للاطفال
سرير للطفل
مفرش للسرير

هذي المعلومات الي عندي اتمنى انك استفدتي منها دعواتك

 

[اساس الغلا]

اي زين انا استفدت من بعض الاشياء الي قلتوها
الله يسهل علينا جميعا

 

[المنــــى]

يااااااااااااربي ..

وربي من كثر مااقرى عن تجهيز البيبي حسيت اني بديت اضيع ... :sadwalk:
شباصه شغلك معقوول جدا وحسيت انك منضبطه ومش مبذرة ...
أما ملاك مكثرة ملابس حيييل ..

وحبيبت اقولكم أولا :
عن جهاز التعقيم حق الرضاعات ...

قريت إنه مو زين كثرة استخدامه .. ووحده قالت لي ان أولادها كلهم بالسابع
ومثل ماتعرفون مناعتهم أضعف من غيرهم وماكانت تعقمهم إلا مرة بالأسبوع بماي مغلي وملح وتحفظهم بالثلاجه ...
والحمدلله صحتهم زينه اللهم بارك وماجاهم شي يعني هالجهاز خساير على الفاضي

وكذلك جهاز التسخين ماله داعي ابد من قناعتي
لأني بخصص لماي الرضعه مطاره ( ترمز ) اغلي فيه ماي واحطه جنبي ومتى مابغيت لقيت فيه مويه دافيه .. :icon30:

والاهم منه جهاز متابعه الطفل ..


وبوصيكم ثانيا
يابنات الله ما أمر بالتبذير حاولوا تكونون اقتصاديين
وجيبي الضروري اللي تحسينه مو ضروري بس للفشخرة انصحكم يا حبيباتي تخلونه ..
والبيبي يكبر بسرعه وبس يصير عمره 3 شهور مضطرة تغيرين ملابسه

قريت كثير اللي تجهز بـ 5000 واللي تجهز 3000 ... واللي تحجز جناح ملكي وتسوي بلاوي وتدفع دم قلبها بس عشان تطلع أطلق من فلانه .. :detective2:

الأفضل يا خواتي تنون انكم تتصدقون اذا ربي سلم أطفالكم وسلمكم
ولا المشتريات الكثيرة بتغـثــك كثير أما الصــدقه بتبارك بصحتك وصحة أولادك والعقيقه لا تهملونها هذي سنه بدت خلق تهجرها ..

وربي البذخ والكشخه الزايد ماتجيب إلا الحسد وتفتح عيون خلق الله عليك

قلبت عليكم داعيه ... :bleh:

بس وربي من كثر مااشوف هالحريم شلون منهبلين ومسرفين بشكل فظيع التجهيز ...
اللي يعجبها كلامي تدعي لي واللي ما يعجبها هم تدعي لي وتسوي حالها ماقرته ..

بالتوفيق يالغوالي ... :icon26::icon26::icon26:
​

 

[شباصه]

شباصه شغلك معقوول جدا وحسيت انك منضبطه ومش مبذرة ...

اي يا الغاليه لاني ما بشتري بس مره وحده في طلعات ثانيه يوم بيجي البيبي وبشتريله زياده
هاي طبعا بتكفيني حق شهرين لان بعد كذا بيكبر البيبي وبشتريله شي جديد وهذا غير الهدايا اللي بتجيني والله اخاف ما اعرف شو اسوي بهن