تجهيزاتك وانتي في الشهر السادس من الحمل؟؟؟

[رقة قلب]

مرحبا بالحوامل الله يعطيكن الصحة والعافية

انتي الان في الشهر السادس ووزنك ازداد وشكلك متعبة ومرهقة ماذا بدأت تحضرين للولادة والمولود دعونا مع بعضنا نتناقش ونستفيد لانني فعلا ما ادري من وين ابدا تجهيزاتي او المولود او حاجات ثانية وحتى التسوق صعب الله يسهل علينا ؟؟؟

 

[أحبه زوجي]

هلا اختي .. موضوعك مهم

انا والله ماشتريت شي لا لي ولا للبيبي لسا..

احس اني تاخرت شوي بس ابي اتاكد من جنس المولود عشان اشتري وانا مرتاحة

ومراح اكثر باخذ الي احتاجه..

لكن امس انعزمت ..وقمت ادور شي البسه لقيت كل ملابسي ضييقة فجاة ..كل شي مايسكر سحابه

قررت اليوم او بكرة اطلع السوق اجيب ملابس حمل .. خلاص صرت دوووبية

الله يعين..

/

مشكورة اختي على الموضوع .. واذا رحت السوق برجع اقولك وش جبت لي او للبيبي

:cupidarrow:

 

[رقة قلب]

مشكوره حبيبتي عالرد انا بعد صرت دبدوبة ولكن الحمد لله اشتريت البسة فضفاضة وجميلة

راح انتظر ردك واشوف شنو نقدر نجهز ويا بعض

 

[نوسة الأمورة]

انابالشهر الرابع وبديت اشتري ملابس واسعة
لاني صراحة اتضايق من لبسي العادي

 

[ام القاسم]

انا بديت البس ملابس الحمل من الشهر الرابع واهم شي عنديبنطلون الحمل لانه مرررررره مريح ام القمصان والبلايز عادي يلبسون حتى الشهر السابع
وبديت اجهز للمولود من الشهر الخامس كل ما طلعت السوق شريت له حاجه بسيطه
والحين ادعو لي ان اقوم بالسلامه​

 

[سمو الأميرة]

انا في الشهر الخامس و بعدي ما اشتريت شي للمولود ..
بس اشتريت لنفسي بلايز واسعة و للحين ما استخدمتها لأن أغلب الملابس اللي عندي قياساتها مريحة و أكثر شي ألبس اللي قماشها ستريتش ..
بس ان شاء الله ابدأ اشتري للمولود هالشهر عشان ما اتعب بعدين ..

 

[الصبوره]

أنا أبدأ من السابع عادة مجرد أشياء بسيطة ولما أوصل التاسع أبدأ أشتري المراضع والأشياء الأخرى اليومية للبييبي _الحمدلله المحلات كثيرة وأغراض البيبي مب صعب شراؤها حتى لو الوحدة في التاسع لذا أفضل عدم الإستعجال. أما إللي حامل للمرة الأولى فمن فرحتها ما تقدر تصبر وهذا طبيعي تشوفين الوحده من الشهر الثالث أو الرابع وهي بالأسواق تجهز.

أما بخصوص ملابس الحمل فبديت لما دخلت الخامس لأني حسيت إني ما كنت أقدر أتنفس عدل لما ألبس لبسي العادي.

أنا ما أبس بناطلين فاشتريت من محل درغار اللي في السوق الإسلامي في الشارقة فساتين جنز خفيفة ومريحة أما البديز فخيطهم وطلعوا روعة ما شاء الله.

الله يقومنا بالسلامة ويسهل علينا الولادة. اللهم آمين