رنيم <ياااي لقيت احد شمااالي كووويس
كم لك متملكه عنوووني؟؟
اهلين
تملكت يوم 23 رجب :icon26: يعني قولي تلات شهور تقريبا
بس كنا مخطوبين فترة طويله
مساله انو مايجاوبك علي اغلب اسالتك هادي خليكي متاكده منها ميزة الشمالي خخخ
مسالة مايبين مشاعره ايوا اول سبب انو مايعرف يعبر عن مشاعره وتاني سبب لانو كتوم بس مو بخيل مشاعر لكنو مايعرف يتكلم ولا ينطق ويعبر عن حبو بالافعال
هادا الشي تعلمتو من الاستاده ناعمه من مقالاتها وقصصها +قصص ابنات هنا + كتاب الرجال من المريخ والنساء من الزهره
خديها نصيحه مني اختي زوجها شمالي وانا كمان
(عموما كلكم بنوتات)
لا تبيني لزوجك وخطيبك انك مانتي عارفه حبو ليكي قد ايش او درجه العشق والحب بينكم
دايما قولي وخليكي ماكده له انو يحبك ويموت فيكي عالاخير لانو الشعور الي جوتك هادا حينتقله بالتدريج من داخلك لداخلو وبالتالي يتاكد وعقلو الباطن يثبت الشعور والحب علي طول
بسرق قلبك
دايما قوليلو كيدا : اشتقتلي صح حبي ولا صح يا دلوعي ؟ وارمشي بهدوء بعنونك حتى لو ماهو قدامك وابتسمي بخجل وثقة صدقيني الاحساس بيوصلو وبيحس بكل حركاتك تلقائي
هنا انتي كانك تسالي لكنك بالواقع تثبتي انو افتقدك واشتقتلك
ولا تساليه هل انك الي يبغاها وتكفيه في حياتو وتغنيه و و و و والكلمات هادي كلها الي تخص المشاعر من النوع دا
اول حاجه يا قلبي ^_^ مدام ربي كتبكم لبعض باذن الله انتي الي راح تسعده ونصيبه وهوا الي يسعدك ونصيبك
تاني حاجه كيدا انتي تشككي ونفسك (عقلك الباطن) انو امكن مانتي كويسة له وماتنفعي له
بالتالي بكرة الزمان اي غلطه اي هفوه اي مضاربه لاسمح الله راح يقلك الكلام الي تقوليلو الان
انتبو الرجال يحتفظ بكل كلامك خصوصا السئ عشان كدا وقت الانفعال اهدئ (هادي مشكلتي مع خطيبي ترا ودايما يمسك عليا لمن تعلمت اقفل فمي وقت الزعل وامشي زيما هوا يمشي ونهدا ونرجع او اني اغير جو نهائي قبل اطين الدنيا معاه )
مدري عندي كلام كتير بس احس راح ازعجكم بيلو دفعه وحده :blush-anim-cl:
بس منجد ماهان عليا اشوفك تسوي الغلطات النونو هادي في حق نفسك
بكرة تتبهدلي مع زوجك فيها والله يحفظك من البهدله ويخليكم لبعض :bigsmile:
