تجمع للمسجلين في حافز

[بسمه18]

السلام عليكم ورحمه الله وبركاته
حبيت اسوي تجمع للمسجلات في حافز كل وحده سجلت
تذكر لنا مستواها التعليمي والوظيفه اللي عرضوها لها
لاني سمعت انهم وضفوا في غسيل اموات وجمع مطاط ومزارع الدواجن
ومتى يصرفوا الاعانه
ياليت يالمشرفات :27:ماتحذفوا الموضوع لانه مهم

 

[وبقيت حسرتي]

انا سجلت لكن مارسلو رساله بالقبول ولا بأي وظيفه ممكن اتاكد في احد ارسلو له بالقبول

 

[بسمه18]

بنااااات معقوله مافيه اي تفاعل

 

[الدموع المبتسمه]

هلا بسومه

يعطيك العافيه موضوع مهم

انا سجلت بس ما اتصلو ولا ارسلو <<<ننتظر على أمل تنصرف االاعانه

في وحده من زميلاتي اتصلو على أختها وظفوها اداريه بروضه

ووحده ثانيه اتصلو عليها وظفوها معلمه بمدرسه اهليه ورفضت وقالو لها باقي لك فرصتين..

واتوقع الوظائف اللي سمعتي فيها يكونو هم مختارينها

لأن شفتي من ضمن الخيارات الموجوده اللي ذكرتي .....​

 

[حبيبة ميتوو]

للاسف انا مسجله ولا حس ولاخبر مارسلو ولاشي

الله كريم

 

[يالبى قلبك1]

لاسف سجلت بس مارسلو شي
ان شالله يكون لنا نصيب في الاعانه

 

[@@الجوهره@@]

انا بعد مسجله ولا بعد ارسلو شي

 

[خجلانه من نفسي]

لاحس ولاخبر ابشركم ااذا سمعت شيء:33:

 

[ام ايونه]

لاحس ولا خبر

 

[@@الجوهره@@]

بنات أنا جتني رساله من حافز اليوم :

شكر لك مبادرتك لاكمال البيانات المطلوبه الرجاءالمسارعه لتعبئة نموذج الدخل الثابت في ملفك الشخصي بموقع حافز كخطوه أخيره لتقييم طلبك


كل يوم طالعين لنا بشي جديد مدري وش السالفه

لازم ادخل اكمل البيانات بس مدري وش قصدهم بالدخل الثابت
بدخل اكمل البيانات واعملكم

 

[أم ديبو]

وأنا كمان سجلت وجاتني رسالتين
الأولى إكمال البيانات والثانية الرقم السري
وبعد كذا لا حس ولا خبر

 

[themoongirl]

انا واعوذ بالله من كلمت انا نفس حالة الاخت/@@الجوهره@@ ورحت عدلت بياناتي بس مجرد اسئله اذا كان عندك دخل سواء من دوله او من الاسهم او من الشركات وتكتبين كم دخلك ودايركت هو يطلع لك المجموعوترسلين الطلب وفكرتهم هي اذا كان الدخل اقل من 2000 فانتي تستحقين المكافئه بـــــــــــس يطرحون هذا الدخل من 2000"مثال :لو كان دخلك 500 بتكون الاعانه لك قيمتها 1500"اما اذا كان دخلك اكثر من 2000 بيقولون لك ماتستحقين المكافئه>>>>>>>ترى هذا الشرح

 

[أم ديبو]

تو جاتني الرسالة الثالثة اللي فيها عن الدخل الثابت
بس مو راضي يمشي معي
قاعدة كل شوي أعيد المحاولة
والله ييسرها لي ان شاءالله

 

[البنت المدلله]

انا اللي سمعته ان الاعانة تصرف على حسب السن
يعني من سن 20 حتى سن 35 فقط

 

[مالكة الإحساس]

أنا أختي جاتها هالرساله الاخيره اللي عن الدخل الثابت بس احنا ماعندنا دخل يعني وش نكتب في الفراغات
نخليها فاضيه ولاكيف؟؟

 

[زهرة الامل 2011]

جتني رسالتين رقم سري وتعديل بيانات وبس

طيب اللي يقولون يطلبون تحديد الدخل

مين جاتها رسلة تحديد الدخل

حسبنا الله سيؤتينا الله من فضله انا الى الله راغبون

 

[الحوريه الحزينه]

ارسلت ولاعبروني باي شي ارسلتلهم مره ثانيه ردوا قالو طلبك جاري التحقيق وسفهوني

 

[اناسكره]

اانا اليوم جاتني رسالت تحديد الدخل الثابت ---اللهم اغنني بحلالك عن حرامك وبفضلك عمن سواك

 

[زوجي حيااتي]

ياحلوين الي جاتها رسالة الدخل الثابت
وهي ماعندها شي

تكتب صفرين

بالنهايه بيقلك تم ارسال الطلب بنجاح

وبالتوفيق يالغوالي

انا ما جاتني لسا بس جت لأخوات زوجي

 

[صديقه منوله]

والله عندي احساس انهم يضحكون علينا في احد المنتديات يشرحون حقت الدخل الثابت وحده قالت يابنات اخاف احط صفر ماتوصل المعامله اقدر احط ريال ههههه ردها ضحكني