تجمع للزوجات الكسولات

  • بادئ الموضوع بادئ الموضوع السهم
  • تاريخ البدء تاريخ البدء
الحالة
مغلق و غير مفتوح للمزيد من الردود.
أعيش بشكل صحيح قال:
وانا اسجل معكم ان شاء الله وساقرا الموضوع من اوله باذنه وقدرته تعالى


يا معين يا قوي يا متين
أنقر للتوسيع...


يا معين اعنا على كسل انفسنا

((الهم اني اعوذ بك من الهم و الحزن و العجز و الكسل))


​
 
RO7 قال:
سجلي عندك اكسل زوجه على الاطلاق

لا وابشرك زوجي يرجع من الدوام وانا للحين نايمه ويقوم يصحيني بس وقسم ماني قادره اغير روتيني :tears:

كل شي بسوي بس مدري متى :dunno:
أنقر للتوسيع...



يا سلام يا كثر ما سويتها واخذتي كلمتين يحبهم قلبك
عادي زعلت وكملت نومي

بسسسسسسسسسسس

بعد ما صار عندي اطفال صارو يقوموني قبل ما يجي ابوهم

يعني مو انتي اكسل زوجه على الاطلاق فيه غيرك و المجال مفتوح للتسجيل​
 
انا أعاني من بعض الإهمال لنفسي ولكني امرأة عاملة وحامل بنفس الوقت وأشعر الوقت يضيع من بين يدي ولا أشعر بالنشاط إلا قليلاً
أحاول جاهدة أن أرتب كل شيء حولي ونفسي في الإجازات وأوقات الفراغ حتى لا أظهر لزوجي دائماً بأني لا أهتم بنفسي وبيتي

زوجي متفهم بعض الشيء ولكن أنا غير راضية عن نفسي أتمنى أن أحصل على مزيد من النشاط
هل يجدي أن أكون بينكن ؟؟؟؟؟؟؟؟؟؟؟​
 
أميرة الخيال قال:
انا أعاني من بعض الإهمال لنفسي ولكني امرأة عاملة وحامل بنفس الوقت وأشعر الوقت يضيع من بين يدي ولا أشعر بالنشاط إلا قليلاً

أحاول جاهدة أن أرتب كل شيء حولي ونفسي في الإجازات وأوقات الفراغ حتى لا أظهر لزوجي دائماً بأني لا أهتم بنفسي وبيتي ​

زوجي متفهم بعض الشيء ولكن أنا غير راضية عن نفسي أتمنى أن أحصل على مزيد من النشاط

هل يجدي أن أكون بينكن ؟؟؟؟؟؟؟؟؟؟؟​
أنقر للتوسيع...

حياك الله​
 
السهم قال:
الفكره الثانيه​

الحريه النفسيه​

اناس يخافون من الثعابين
وناس ثانيه تخاف من الفئران
استطاعو التخلص من هذه المشاعر بأستخدام هذه التقنيه​

ياتر تنفع معانا للتخلص من الكسل
التقنبه تحتاج شرح و فيديو
راح نستخدمها على مرحلتين
الاولى للتقبل انفسنا كماهي (ضروري)
الثانيه استبدال عادة الكسل بالنشاط​

اناجبت لكم مقطع فيديو من خلاله استطاع الرجل التخلص من مشاعر خوفه من الثعبان المقطع راح يفيدنا لمعرفة اماكن التربيت على الجسم اتمنى عدم حذفه رررررررجاء نحتاجه في الشرح​

الرجاء لانتباه المقطع به موسيقى قصروها​




اما هذا المقطع بوضح بالظبط اماكن التربيت​




إن شاء الله راح اشرحها قريب باذن الله​
أنقر للتوسيع...


هل شاهدتم مقاطع الفديو
؟؟


هل جلابتي استخدام الحريه النفسيه للتخلص من المشاعر السلبيه؟؟

انتظر ردكم( لايغلبكم الكسل ردو)
 
السهم قال:
تطبيق الفكره الثانيه​

التطبيق راح اخليه جزئين​

الاول: تقبل نفسي
1: نقدر درجة تضايقنا من الكسل يعني عشره من عشره او تسعه من عشره...
2:نقوم بالنقر في على منطقة ضرب
الكاراتيه مثل ما شفنا في مقاطع الفديو
ونردد عبارة
بالرغم من اعتقادي باني كسوله الا اني اتقبل نفسي تماماً و بعمق
ردديها ثلاث مرات
3: الان قومي بالتربيت على المناطق مع ترديد كلمة الكسل فقط ثلاث مرات على كل وضع
على الحاجب
جمب العين
تحت العين
تحت الانف
تحت الفم
على الترقوه (شوفو الفديو حتى تتعرفون على المكان الصحيح)
جانب الصدر (شوفو الفديو اوضح)
منطقة الكراتيه مره ثانيه
فوق العين مره ثانيه
جمب العين
تحت العين
تحت الانف
تحت الفم
الترقوه
جانب الصدر​

الان قدري مقدار تضايقك من كسلك من عشره وقارنيه بالتقدير السابق ​

راح تلاقين ان الدرجه قلت
حلو عيدي التمرين ثاني مره
وراح يقل اكثر بئذن الله​


المره القادمه
راح نستبدل شعور الكسل بالنشاط
همتكم تكلمو عن نتايجكم بالعربي شجعوني حاسه اني قاعده اكلم نفسي​
أنقر للتوسيع...

هذا الجزء الاول الجزء الثاني بالطريق إن شاء الله
 
انا كنت كسووووووووووووووله بهال4 شهور الاخيره

ومن فتره زوجي انفجر في ويهي وقالي ارجع الاقيج نايمه واروح الاقيج نايمه والبيت كله على الخدامه

انا مو متزوج حرمه ولا اصلا احس انه عندي حرمه عادي

وجودج والعدم واحد خلااااص انا عفتج وباجر اذا تزوجت الخدامه لاتلوميني

عاد انا هنيه انفجرت اصييييييييييييييييييييييييييييييييييييييح

قالي انتي ماتلاحظين ليش انا دايما بعيد عنج وما اقرب منج ومالي خاطر منج في شي ::

قالي احس البيت ميييييييييييييييييييييت ومافيه حيااااااااااااااااه

انتي اللي نفرتيني منج

هنيه انا صحت زيااااااااااااااااااااااده وعاهدت نفسي اني اتغير

وسويت جدول بيني وبين نفسي

واشرفت على البيت وطبخت ورتبت وسيت كل اللي في خاطري ريلي

ومن بعدها الحمدلله تغير اسلوب ريلي معاي وصار ما يقصر معاي عاطفيا>>>>عاد انتو افهموها مب لازم اشرحها:)

وما يقصر في اي شي واسلوبه وااااااااااايد تغير وغير جيه انا ارتحت نفسيا

بس هالشهر ماعرفبلاني صايره كسووووووووله وانااااااام لين قبل مايرجع زوجي واحيانا الاقيه هو يصحيني من النوم...

والله فشيييييييييييييييييييييييييييييله

هاي مختصر من حياتي وياليت البقيه يفيدوننا
 
اختي السهم لج الف شكر

انا توني اشوف الموضوع وبنظم لكم

ابي اقول لكم قصتي {ما عليه تحملوني بهذر وايد بس لازم تسمعوني عشان تعتبرون}

انا كنت ببيت هلي عشره على عشره
نشيطه ومنظمه الى اقصى حد ,لي وقت محدد للنومه ووقت محدد للقعده واهتم بنفسي وايد
وانا اللي كنت اقوم من الصبح يوميا قبل الكل .اصلي واتسبح واجهز الفطور {تخيلو هالكلام من يوم كنت بخامس ابتدائي },وبعدها اصحي اهلي
وكنت اهتم بخواني الصغار{امي كنت نشيطه وراعية بيت ونظيفه يعني كانت تقدر اللي اسويه وا تترك كل شي علي بالعكس كانت ما تخليني ارتب وانظف تقول لي كفايه قعدتج الصبح قبلي وكفايه اهتمامج بخوانج الصغار}
كنت شاطره في مدرستي وعموما منظمه في حياتي
تزوجت وعمري 19وكنت ادرس
زوجي غييييييييييييييييير عني كلش ,كسول الى اقصى درجه .
النظام ما يعرف له طريق
يسهر الى قريب الفجر وينام بعد ما يرد من الدوام لين المغرب ويطلع ما يرد الا متاخر وايد
مع انه ما كان جذي ببيت اهله ,يعني ما عاش المراهقه ولا حيات العزوبيه عند اهله وقاعد يعيشه بعد الزواج
المهم انا كنت احاول استعيد نظامي وترتيبي في حياتي بس الحياه ومسؤلياتها وتربية العيال{انا انجبت طفلين ورا بعض بينهم سنه بس}يعني كانهم توام
انشغلت مع العيال ومسؤليتهم من جهه وتكيسلت من جهه ثانيه
كان زوجي اذا شافني اشتغل بالبيت وتاعبه نفسي ما يقول لي الله يعطيج العافيه لا كان يقول لي حبيبتي لاتتعبين عمرج الشغل اللي ما يخلص اليوم يخلص بكره
وكان ما يشيل العود من الارض كلش فسل
المهم صارت حياتي مضرب للفوضى والكسل ولي على هالحال وايد
الحين عيالي كبرو {الكبير 7سنين والصغير 6}ولي متزوجه عشر سنين
بس حياتي مافيها اي نظام ما شيه بالبركه مثل ما يقولون
تاركه زوجي على هواه عايش حياة العزب ومبسوط
كنت ما اطبخ {لاني حتى لما اجهز له الاكل غالبا ما ياكل }كانت امي تقول لي طبخي حتى لو ما اكل طبخي لايجي يوم يتحجج عليج ويقول مقصره معاي بس انا كنت غبيه واقول هو اللي ما ياكل
المهم فجاه وبدون سابق انذار لقيت زوجي يخونني يكلم بنات لا وهو اللي يتحركش فيهم ويرسل لهم رسايل يبي يتعرف
انصدمت {طبعا كان في اسباب وااااااااااااااااااايد لخيانته يعني مو بس اهمالي لاكن اهمالي كان واحد من الاسباب او على الاقل صرت الوم نفسي }
ما تواجهت معاه {زوجي عنيد وما يحب حد يتحكم فيه او يعطيه اوامر}
لاكن صارت بيننا مشاكل وايد وقام يقول لي كلام مثل السم انتي وانتي وانتي
واكتشفت ان كلام امي صحيح المفروض ما تركته يجرني للكسل المفروض وقفت كل شي عند حده مو اصير اكسل منه
اااااااااااااااااااااااه يابنات
والله يا السهم موضوعج جا بوقته
انا الحين انا شاء الله خلال رمضان بغير السكن ومعاه بتتغير اشيا وايد
لي عوده ان شاء الله
اخبركم فيها بكل التطورات
وبحاول اطبق تدريبات .
 
متابعين يالسهم معاكي بس كملي الموضوع ياعسل ويعطيكي العافيه يارب
 
رمانه العود قال:
متابعين يالسهم معاكي بس كملي الموضوع ياعسل ويعطيكي العافيه يارب
أنقر للتوسيع...

تصدقين اني وقت عن كتابة افكاري لاني لاحظت ان ما في احد متفاعل مع الافكار بس يشكون من حالتهم و يروحون انت طبقتي؟اذا فيه تفاعل كملت من عيوني الثنتين ؟\
 
انا انظم معكم وانا مو بس كسولة الا شكلي ابدخل موسعة غينيس اكسل امراة بالعالم اشوى فيه احد مثلي احسب نفسي الوحيدة بالدنيا تكفون يابنات ودي نتكاتف سويا ونتعرف على اسباب مشكلة الكسل وعلاجة نسيت اعرفكم بنفسي انا متزوجة وما عندي اولاد واشتغل معلمة لو تشوفون وشلون يجيني هم اذا جيت اصحح دفاتر البنات اه لو يلغونها ههههههه بس الحمد لله بالشرح افهم البنات
 
انا من زوووووود الكسل كل يوم افكر اجيب لي خادمة بس عشان تمشط شعري وتشترلي اغراضي واغراض عيالي
:biggrin:
ولما كنت صغيره رن التلفون وكان قريب مني مديت يدي لقيته يبعد عني بس شبر
قمت اصرخ وانادي الشغاله المسكينه جااات ترررركض
كان اقول لها قربي لي التلفون ابغا ارد ع المتصل
تخيلوا الشغاله تلقون ودها تشدخ التلفون براسي:smoke1:
اما بعد الزواج فلاااااا
سنعه بس بطلوع الروح لاني في الاصل كسووووووووله:msn-wink:​
 
هههههه الله يقطع شركم وشرنا هذا الشغل مايخلص دايم شغل الشكوى على الله
 
هلا فيكن يالبلقيسيات وانا معكم بهذا التجمع لاني مثلكن واردى منكن لكن نسال الله السلامه والعافيه ومن عاقبة هالكسل:no::icon1366:
 
حبيبتي ماشاء الله تبارك الرحمن وحدة عندها هذي الدورات وتقول عن نفسها كسولة
لا حبيبتي ما انت كسولة بس ماتحبي شغل البيت او ماتعودتي عليه
حبيبتي حاولي تحبينه وراح تنجحي به كما نجحتي بالدورات
حبيبتي انا مشكلتي اني حواسة وما خلص شغلي بدري:icon1366:
يعني طول اليوم وانا اشتغل والي شوف بيتي يقول هذي مكبرة وسادتها:a227:
بصراحة انا مستغربة من الشغالات الوحدة تخلص شغل البيت بسرعة وتقعد فاضية وقت طويل
كيف يسوو ما أدري:dunno:
 
يحليلكم و يحليل ردودكم ههههههههههههههههههه لا انا مو كسوله بس لازم تصحون من الكسل بسكم قوموا
 
ما اعتقد وحده تصير كسوله وهي ام او بتصير كسوله ( مع تأنيب ضمير حااد)

انا لما تييلي هالحاله ساعات اقول حق روحي ميخالف ارتاحي تستاهلين انتي راس المال :msn-wink:

بس اهم شي انظف على الطاير المكان الي يقعد اهوا فيه ( خمس دقايق تنظيف بعدين اشب شموع بو ريحه )

وابدل بسررعه قبل لا ايرد

واذا دش انا مرتزه يعني من الصبح قايمه ومنظفه ( وانا والله ما صارلي ربع ساعه بس الله وكيلج شغلي كله ركض بركض يعني امشي واصفق بطوف )

كسوله واعترف بس ما احب العفسه والتبهدل
 
الحالة
مغلق و غير مفتوح للمزيد من الردود.
عودة
أعلى أسفل