تجمع للزوجات الكسولات

[سهام الامل]

والله العظيم حسبت نفسي اني اللي كتبت الموضوع ... تماما واجلس على النت ساعات والبيت حاااااايس حاولت اعمل جدول لكن امل من الروتييين ... شكرا على الموضوع( السهم)

 

[مشتاقه لريلي]

حرام عليك كلامك حلو

ابي اقرى كلامك بس الخط صغير وصارت عيوني :1eye::1eye::1eye:

كبري الخط بليييز

ولو انتي تامرين أمر 00 انتي أميرتنا هنا ومنج أتعلم 00000 على فكره أنا مشكلتي مثل وفا-رد روز000 وفعلا الزوج المشغول مايلاحظ التفاصيل بس كنت أخاف يطلع في بيتي النمل يدبي وينكشف المستور 0000 المهم على طاري الموجه المرتفعه والموجه المنخفضه شلون أقدر أخلي الموجه المنخفضه داااااايما مرتفعه عالأقل ماتاخذ وقت وترجع على طول مرتفعه 0000 ومنكم نستفيد0

 

[{نوتيلا}]

انا انضم للنادي لاني كسوله
ماعندي مشكله في النوم بالعكس احب النوم بدري و اقوم بدري 6 الصباح
و ماني موظفه
بس اكرره شغل البيت و خصوصا المطبخ اعوذ بالله كأنو العذاب الاكبر عندي
ايش الحل انا اتوقع اكتئاب

 

[الأصل والصورة]

مشتاقه لريلي تسلمين اختي على الكلام الحلو

انا اسوي الي اقدر عليه والباقي على الله

وانا منظمه وقت عيالي بالنوم ينامون اذا طولوا 10 ونص بس بنات المدارس مبكر اكيد
بس يبقى معي الصغير

والحمدلله على كل شي هي فترة وبتعدي ان شاء الله

بس الواحد لايفقد الامل بربه ويعرف انها فترة وبتعدي

بس الانسان عجول بطبعه يبقى كل شي مرتب وهادى

 

[مشتاقه لريلي]

هلا أصل وصوره أسعدني ردج عيل ممكن تعطين البنات جدولج اليومي يمكن بيفيدهم خاصه اللي ماعندهم خدامه 0000 ويعطيج ألف عافيه 0000 على فكره انتي وايد تختصرين(بردودج) يعني عمليه وهذا بعد فضل الله امشي أمورج 000 مومثلي حياتي أحب أحددها بتفاصيل التفاصيل 00موفقه انشاالله

 

[حبيبة روحها]

بقولك شي انا احب الترتيب ومنظمة بس واللة جبت ولدين تحت بعض وصااارت حياااااتي صعبة ماافضا ابدن وعيالي من النوع الصعب وفيهم نشاااااااااااااط زايد ومقدر اسيطر عليهم وش الحل

 

[روج أورنج]

انا ابغى انظم معكم

 

[السهم]

بنات
انا تعبانه عندي احتقان في اللوز
ادعو لي ربي يشفيني

 

[ح ـزن]

اقسم بالله سهومه استفدت من موضوعج
انا اكسل من مشي علي الارض
الغسيل ينوضع بالغساله يومين لين احس
ان ريحته شوي وبتطلع
عندي غسيل له خمس شهور
والمطبخ تبكين علي حاله
وبنتي تقلي خلينا نروح عند جدتي لاجل يوعانه
صحت ومن يومها حاولت اسوي لها اكل
المهم بالصدفه قبل ايام شفت توقيعج
وكل ماقراء صفحه جري علي شئ من المتراكم عندي
والحين بقت لي اخر دفعه من الغسيل الان بخلصها بالغساله
تحمست وزاد نشاطي
ومن يومين زوجي يقل بتزوج عليك مب مرتاح
كسر خاطري والله
جان اقل لابد اواصل الي بديته وبيرجع لي
اليوم اخر يوم للغسيل
وباجر النظافه
المطبخ بقي لي المسح وغسل البوتجاز
خلصت غسل المواعين ريحتهم طلعت والله
مادري اشلون اهملت جي بنفسي
وبيتي ومن متي بدت هالحاله وياي ماذكر
بس من جات بنتي وانا اهمال بنفسي واهمال بالبيت
وقريت وصية الحبيب محمد من الموضوع وطبقتها
والله لو قعدني زوجي ماحس بارهاق
وبعد لقيت رد لوحده من اخواتي بالموضوع
تقل زوجها قالها بيضتي وجهي عند هلي
والله اليوم من الصبح بعد خلصت الحمام
رحت ساعدت امه رغم انها ماتستاهل بس ساعدتها
لان خال زوجي جابوه مريض لاجل يتعالج
وماعندها حد والضيوف تعرفينهم من الظهر معبين
البيت
المهم باقي ماخلصت البيت
هي اصلا حجره وحده بحجم الديوان كبيره بس مافي
اي جماليات
ضموني لتجمعكم لاجل اجتهد اكثر
وافادتوني وربي
حياتي صعبه

 

[حب الزعامة]

صراحه كلامك جا على الجرح المشكله اني ماكنت كذا ابد وشايله بيت اهلي كله على راسي و اول ماتزوجت كنت ماشيه صح بس بعد الاطفال قل شغلي ومن كثر مااحس ان البيت مهما ارتب راح ينحاس من عيالي على ظول صرت مالي خلق اسوي شي وجا النت وكمل الناقص ههههههههه بس الاكيد كلام الاخت احلى فراشه انو لمى ارتب البيت اكون مرتاحه نفسيا واحس بالثقه اني مو مقصره بس لما يكون العكس اتنرفز بسرعه واحس بالخجل من نفسي لما عين زوجي تجي على شي مو مرتب والا مو نظيف بس هالشي يبيله شغل باستمرار طول اليوم بصراحه بسبب الاطفال الله يصلحهم يارب​

 

[الأصل والصورة]

السلام عليكم ورحمه الله وبركاته

اخباركم يالنشيطات ان شاء الله طيبين

السهم ماتشزفين شر ان شاء الله وربي يشفيج

كثري اشياء دافيه وروحي المستشفى عشان المضاد الحيوي وكوني ادخلي طمنينا عنج

مشتاقه لريلي مشكورة اختي على التواصل

وانا هالفترة شوي مشغوله بمناسبه عندنا واحاول قدر الامكان اخلي البيت مرتب

واكلم بناتي وهم من نفسهم صاروا يهتمون بس تعرفون بيت صغير وفيه اطفال ماشاء الله بعد لازم ينعفس والحمدلله ان ريلي فاهم الامور ويقدم المساعده لي واهم شي انه يحب عياله ويفهمهم الصح والغلط

وترى هالامور ماصارت بيوم وليله اهم شي التقرب لله والدعاء والتضرع لله

وربج على النيات يرزق وماعمرة ربي خيب احد وربكم ممكن ياخر بالاستجابه وهذا حكمه منه محد عارف

وين الخير والرزق

عموما انا خبصت بكلامي بس حبيت اوضح لكم هالنقطه عشان ماتعتقدون ان زوجي من زمان كذا طبعه

لا الوحده تصبر وتدعي وربكم بيسهل الامور وبيسرها

ولاحد يفقد الامل ابدا ابد والوحده لازم تكون عندها ثقه ان الامور بتنعدل مهما طال الوقت
سلام للكل

 

[ابتسامة طفولية]

السهم كلام جميل موضوع اجمل
كنت كسوله في نفسي اي في اللبس ووضع المكياج
اما الان ان عاد يجدني بملابس جميله واضع له المكياج الذي يحبه
لم اعد كسوله وذلك بفضل هذا المنتدي
اشكرك علي موضوعك

 

[مشتاقه لريلي]

سهومه حبيبتي ماتشوفين شر وفعلا ضروري تاخذينه بساعت محدده 000 اللوز مصيبه مشكوره اصل وصوره على ردج 00 ويسعدني احساسي فيه برضاج عن نفسج 0(0 والبنات اللي كسولات او مختبصات لازم تسوون جدول ياجماعه هلا بسومه سعيده لشوفتج 000

 

[مشتاقه لريلي]

أقصد المضاد الحيوي سهومه سلامات وماتشوفين شر

 

[مشتاقه لريلي]

حزن حبوبتي يعطيه العافيه زوجج خبرج ولا واحد غيره يسويها صج وعذره جاهز حطي نفسج مكانه 00الحريم الحين يدورون شي يفتح المادري شسمها وانتي هدوم مكودتهم شتلبسون عيل ولا ملابسكم سفري سوري حبيبتي مابي أضيق خلقج بس انتي يبيلج علاج جذري لاتظنين انج بهاليومين صرتي نشيطه الحين عندكم ضيوف وهذا أكبر دافع عشان يخليج تطلعين بأحسن صوره (انتي ساكنه في بيت مع أهل زوجج ولا في غرفه )0 المهم إذا راحو الضيوف ممكن ترجعين مثل ماكنتي ومن غير ماتحسين 000 حبيبتي الكسل بعرفنا عيييييييييييييييييييب ترى احنا لو فينا سنع جان مادشينا هالموضوع داشين ندور حلول بس كل وحده فينا تحاول كثر ماتقدر تغطي على نفسها واذا دخلنا هني أخذنا راحتنا علاآخر 0000 (إنتي ماقلتي عندكم خدامه ولا لا شوفي عزيزتي العضوه اللي قالها زوجها بيضتي وجهي نجحت ليييييييييييييييييش؟لإن بينها وبين زوجها تحدي -وبعدين أكيد ماوصلت لمرحاتج أكيد أمورها الشخصيه مدبرتها وبنتها مو طاقها الجوع -وأخيرا وهو المهم ان فترة تحديها مؤقت إهي عارفه غن بتجيها خدامه وهذا دافع كافي للصبر على خدمةأهل الزوج انا مااقول هالكلام تقليل من شأنها لاوالله أصلا إهي الوحيده إللي عطتنا جدول 0000 إخذي منها جدولها وظبطيه حسب مايناسبج ---لاتنسين قسمي أعمالج المنزليه شي يومي وشي شهري وشي اسبوعي سجليها بدفتر وكل يوم الصبح جيكي على دفترج وقولي شعلي اليوم وأديه وذا بتنامين الليل حطي صح عند اللي سويتيه وغلط عند اللي ماسويتيه وخلي الخميس والجمعه إجازه من الاعمال الاسبوعيه وبعض اليوميه 0000 حبيبتي لاتزعلين مني لما قلت سفري بس احنا إذا عرفنا وحده مثاليه تزوج زوجه تعور قلوبنا يعني ماعادت عنده مرغوبه فمابالج إذا كان فيها عيب الكسل وملحقاته 000 اتمنى تتقبلين كلامي بصدر رحب

 

[السهم]

شكرا على الموضوع( السهم)

العفو

 

[السهم]

[/size]
المهم على طاري الموجه المرتفعه والموجه المنخفضه شلون أقدر أخلي الموجه المنخفضه داااااايما مرتفعه عالأقل ماتاخذ وقت وترجع على طول مرتفعه 0000 ومنكم نستفيد0

حلو كل شي ياخذ و قته

• اهم شي انك تحظنين نفسك لفي يدينك عل جسمك و رددي عبارات الحب انا احبك يا نفسي ,انتي تستحقين ان اعتني بك
• ناظري في المر................لالالا هذي بعدين اشرحها خخخخ

هذي الاشياء انا اسويها و تفيد لان الموجه الهابطه تحتاج لحب و بدال ما نشحذه من ازواجنا نوفره لانفسنا

 

[جود جده]

انا كسوله
بس اكتشفت اذا نظفت المطبخ قبل النوم اصح نشيطه اكنس واغسل
ومشكلتي ما احب الكوي اخليه يتراكم ....واصحى مالي خلق وابغا انام
لاكن لاحظت زوجي بدا يظايق من نومي ويقول اصحي بدري خلصي شغلك عندك وقت
فقررت لانووووووووووووووم
صرت اغسل الملابس اول باول في الليل واكوي الصباح المطبخ نفس الشئ اي كاسه او ملعقه على طوووووووووووول اغسلها
اذا دولابالملابس مرتب ومطبخك نظيف ماراح تحسين بحوسه
ادعو الله يبعد الكسل والنوم عني وعنكم

 

[السهم]

انا انضم للنادي لاني كسوله
ماعندي مشكله في النوم بالعكس احب النوم بدري و اقوم بدري 6 الصباح
و ماني موظفه
بس اكرره شغل البيت و خصوصا المطبخ اعوذ بالله كأنو العذاب الاكبر عندي
ايش الحل انا اتوقع اكتئاب

هلا
ماشاء الله عليك
ياحلو قومة الصبح
انتى مافيك اكتئاب او شي ما فيك الاشوية مشاعر سلبيه بشوية تمارين حريه نفسيه تتخلصين منها
راجعي الصفحه الي فيها تدريبات الحريه النفسيه في الصفحات الاولى من موضوعي

 

[السهم]

بقولك شي انا احب الترتيب ومنظمة بس واللة جبت ولدين تحت بعض وصااارت حياااااتي صعبة ماافضا ابدن وعيالي من النوع الصعب وفيهم نشاااااااااااااط زايد ومقدر اسيطر عليهم وش الحل

انا مريت بنفس تجربتك عشت بدوامه
بس فيه شي راح يفيدك بعد الدعاء اذا نامو عيالك اجلسي جلسات استرخاء مع تنفس عميق مريح للنفس