تجمع حوامل الشهر الاول والثاني والثالث00

[يحبني موت"]

حبيباتي حوامل الشهر الاول والثاني والثالث

ممكن يكون لنا موضوع خاص نتشاور فيه ونفضفض وكل وحده تقول ايش حاسه

ونفيد بعض ونستفيد00000

وحيااااااااااااكم:clap:

 

[شباصه]

مرحبااااااااااااااا انا بالشهر الثااااااااااااالث
الحمدلله من اسبوع مسويه صوووره للبيبي وكل شي تمام النبض ويتحرك فديته


بس ماااعرف ليش الخوووف دايما يراودني اتم اذا واذا
خص يوم اسمع عن الحريم الي اجهضو والي مات ولدعم والي توقف نبضه اتم خاااااايفه



وانتو شو اخباركم؟؟؟

 

[~ ناريز ~]

الله يسهل عليكم يارب ويتمم لنا ولكم
ويقر عيونكم بشوفه آجنتكم يارب

لكن انا داخله بعزمكم ع شات الحوامل هههههههههه بكرى فطوركم هناك بجيب فطوري

 

[مجدولينا]

أما أنا فـ بالشهر الثاني

وحالتي كالتالي : قرفااااااااااااااااااانة من الوحم كرهت عمري و كرهت حياتي

مع انه مو اول طفل لكن اول مرة يصير معي هالشي

لكن ما اقول الا الحمدلله على كل حال

 

[ام عصافير الجنه]

انا في بداية الثالث وتعبت من الوحم ماقدر اروح لاحد ولا اشوف احد وادعي ان الله يعدي هالشهر الكريم على خير وطول الوقت افكر وخايفه لا يصير لي زي المره اللي فاتت وعلى الله ادعولي ابغى ولد يارب

 

[يحبني موت"]

انا في الشهر الثاني وخاااااااااااايفه لاني اجهضت مرتين اماااااااااانه ادعولي هذه المره يثبت ويتم حملي على خير00وعلى فكره ايش سبب المغص يقولون عشان يتوسع الرحم صح ولا

ويسلموا ياحلوين ع المشاركات الحلوه نورتوا التجمع الخاص فينا

 

[ام عصافير الجنه]

المغص عادي اذا مو زي مغص الدوره يعني انشاء الله خير خلونا نتفائل وربنا مايخيب املنا

 

[ليمونه المينونه]

وانا فالشهر الثالث وكله كسلانه وشويه تعب وهاليومين صداع


وحالي من حالكم خايفه من الاجهاض

بس ححبيت اعرف
بالشهر الثالث نحسب له 4 اسابيع والا 5 اسابيع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[أميرته]

ما شاء الله تبارك الله
مبروك عليكم السكشن الجديد :icon31:
والله يسعدكم ويثبت لكم حملكم يا رب العالمين


دام انكم لسة بأول المشوار هذا موقع مفيد جدا
يحسب لك يوم الولادة وبالتفاصيل متى تدخلين كل أسبوع وكل ترم:flex:

Pregnancy and Baby Information Index Baby2see.com duedate timeline weeks months trimesters info ovulation fertility conception calculators development contractions labor top names

ممكن تروحين للشريط الأصفر اللي فوق
الـ duedate يعني يوم الولادة
والـ pregnancy progress يعني مشوار الحمل : يبين بالتاريخ متى تدخلين كل أسبوع من الحمل

** كل اللي عليك تدخلين بالتاريخ الميلادي متى كان أول يوم من آخر دورة وهو يحسب كل شئ
والله يبارك لنا ولكم ويتمم لنا على خير جميعا

 

[BlueBerry87]

انا معاكم بالشهر الثاني

الوحم متعب جدا جدا الله يعديه على خير بس

ويتمم علينا ويرزق كل اللي تتمنى بالذرية الصالحه

 

[يحبني موت"]

مساء الخير

ربي يتمم لنا على خير ان شاءلله ويسعدنا بشوفتهم

يسلموا اميرته ع الموقع جزاك الله خير

 

[يحبني موت"]

ليمونه اول مره اسمع انه الشهر الثالث 5 اسابيع؟؟

والله صعبه احنا نبغى الثلاثه الشهور هذه تعدي بسرعه وانتي تقولين 5 اسابيع ااااااااااه ااااااااه

 

[حبيبة ميرو]

اما انا توني البارحة عارفة بخبر حملي وحاشتني سخووونة وزوجي اخترع علي وما هدأ الا ما جاف سخونتي خفت وطبعا هذا الطفل الثاي
والحمد لله

 

[دانة_بوظبي]

مبرووك عليكم وعليناا .. الحمل .. والله يتممه ع خيــر ..

ذكرتووني بالوحاااااااااااااااااااام .... تعب نفسي بصراااحه.. واليووم حسيت به رجعت لي اعراض الوحام ..

بالنسبة للاخت اللي قالت بالشهر الـ 3 .. و5 اسابيع ... { لا حبووبه انتي غلطاانه .. بداية الاسبوع التاسع يعني انتي في الثااالث ...

و 5 اسابيع يعني توج في الثاني ...

 

[ام عصافير الجنه]

يابنات انا مو اول حمل ليه بس ابسأل الرابع فيه وحم عشان انا قاعده احسب متى يخلص الثالث مافيه حيل اتوحم بالرابع كمان تعبت والله والمشكله اني ماحب الطبخ ولا احب الاكل بس اتغصب عشان البيبي الله يكتب لنا الاجر والسلامه جميعنا يارب

 

[يحبني موت"]

ام عصافير الجنه الوحم في الرابع يخف شوي وبعض الحريم يختفي عندهم

وانا هذا اول حمل لي ماعندي خبره بس سمعت كذا

 

[يحبني موت"]

بنوتات بعد شوي عندي مراجعه امانه ادعولي انه يكون حملي بخير والله خايفه


ياااااااااااااااااارب ارزقنا اجمعين00

 

[دلع الدوحه]

الله يعين الجميع ان شاء الله
انا جربت هلشى والحين صرت ام سعوودي الله يخليه لي ان شاء الله

 

[*نونه*]

يحبني موت... انتي باي اسبوع عمري؟؟؟ و ليش خايفة؟؟؟ عندك تجربة اجهاض سابقة؟؟؟

توكلي على الله و احسني الظن به

 

[*نونه*]

¨° (حساب شهور الحمل) °

الشهر الأول من أول يوم في الدورة
الشهر الثاني 4 أسابيع و4 أيام تدخلين الثاني
الشهر الثالث 9 أسابيع تمام تدخلين الثالث
الشهر الرابع 13 أسبوع و3 أيام تدخلين الرابع
الشهر الخامس 17 أسبوع و6 أيام تدخلين الخامس
الشهر السادس 22 أسبوع و2 يوم تدخلين السادس
الشهر السابع 26 أسبوع و5 أيام تدخلين السابع
الشهر الثامن 31 أسبوع و1 يوم تدخلين الثامن
الشهر التاسع 35 أسبوع و4 أيام تدخلين التاسع