تجمعنا لتعويد اطفالنا على .....

بنتي عمرها 2 و8 شهور وبديت اعودها من 25 رمضان ولله الحمد الان تنام بدون بامبرز وتطلب تروح الحمام بنفسها
اهم شي لا تصارخون عليهم علشان لا يتعقدون
 
انا سبق وكتبت موضوع عن بنتي عمرها 5سنوات وتتبرز بالبامبرز وبتدخل الروضة احترت معها دربتها وهي صغيرة مافي فائدة ودلعتها بالعاب ونفس الشيى ولها كم يوم ماتتبرز لاني مانعة البامبرز وخائفة عليها
 
لا ان شاء الله لا تخافين عليها

اخرتها بترضا للامر الواقع

اكسري حاجز الخوف عنها بالاخر بترضخ

الله يكون بعونك

وعادي 3 ايام الى 5 مافي مشكله

واذا خايفه عليها من الامساك كثري لها فواكه وعصائر
 
ساعات الطفل يحتاج لكرسي خاص فيه لحتى يضغط برجله بالارض اثناء التبرز


وبرضو لازم تشجيع حتى لو غلط ماتطلع تعابير وجهك الغاضبه امسكي اعصابك معاه


والهدايا تكون رمزيه وفوريه وبالليل لازم تصحين الطفل مره للحمام واول ميصحى يعدين تعرفين اوقات ماراح يروح للحمام

تقليل السوائل بالليل

بالتوفيق
 
دلوعة زوجها

شكرا لك وبالتوفيق

ميوسه الف عافيه ع النصيحه والتذكير
 
موضوع جدا مفيد
انا ولدي الحين بسم الله عليه عمره سنتين ونص بالزبط
بدات اعلمه عالجمام قبل شهرين
بالبدايه صعب جدا بس هو استجاب حبيب الماما بسرعه مادري يمكن حب السالفه هههههه
اول ما يصحى من النوم على طول عالحمام و افتحله الفيلم الي يحبه
عالابتوب طبعا
و اقعد اقوله ياله ماما اعمل ال....
لغاية ما عملها بعد يومين من العناء وهنا كانت الفرحه
بس ترا اقصد عمل الصغيرة مو الكبيرة هههههههه
و بكذا صرت بالنهار مالبسه حفاظ بالمرة البسه كيلوت عادي وهو كل شوي يقولي حمام و صار الحين بسم الله ماشاء الله يروح بروحه حتى من غير مايقولي
بس المشكله بالكبيرة مايبغى يعملها لدرجة انه لو بغى يعمل ومو لابس حفاظه يصير يبكي بشدة ويقولي اواه يعني يتوجع
حاولت معاه مايرضى يسويها
اخر شي عملها عالارض وانا طبعا عصبت عليه بس مو مرة عشان التعصيب الزايد عن حده برضه يجيب نتيجه عكسيه
و بالليل كمان لازم حفاظه ووقت الطلعه
الحين باقي لي شوطين
اعلمه كيف يسوي الكبيرة بالحمام
و بالليل وبالطلعه اعوده على عدم لبس الحفاظه
نسيت اقول شغله
ترا الطفل اذا ماعمل على روحه او عالارض عالاقل مرتين ماراح يتعلم
انا ولدي قبلها عملها عالارض لغاية ما عمل بالحمام
يعني لازم يتعلم خارج الحفاظ يعملها باي طريقه وباي مكان عادي لا تصعبي
المساله يبغالها صبر وطووووولة بال
ادري طولت عليكم
بس حبيت احكي قصة حياة ولدي حبيبي هههههه
​
 
ماشاء الله يااااااابختكم
انا ياااااااااائسه جدا من ولدي عمره 3 سنين وما يقدر يتحكم في نفسه

الشكوى لله
 
اليوم الساعه 9 بديت معاها طبعا بعد ماجبت لها الكرسي الخاص وحطيته بالحمام

والحمدلله سويت بالجوال تنبيه كل 20 دقيقه اوديها للحمام

وكمان جت على بالي فكره وجبت لها كرسي للاطفال روعه

علشان تجلس عليه بالصاله

علشان ماتعملها ع الارض


والحمدلله الامور تمام

طبعا التاريخ 10-10=-1423
 
السلام عليكم انا بعد بنتي بس اكبر شويه منكم خلصت في رمضان 3 سنين
وانا من يوم عمرها سنتين 3 شهور وانا اعلمها بس كنت قاسيه معها بس من بعدها بديت اهدي اعصابيي
واشتريت لها من زمان كرسي الحمام اللي يسمونه نونيه
وكانت ماتروح ولا تتشجع الا به والحين صارت تروح من دونه في اي نوع كرسي في البدايه كنت ادخلها في الوقت المناسب للحمام وتقول مافيني شي ولما ارجع البسها تتبول مررررره تعبت بس خليتها للزمن
وصارت كويسه كل يوم احسن من الثاني بس لسى البسها البامبرز في وقت النوم لاني اخاف مره
بس لما اصحى الاقي البامبرز ناشف الحمدلله بس ماتشجعت اهده منها في النوم
لان مره بللت ورفضت قبلها تصحى تروح للحمام فنامت وبلللت يارب تساعدني
كانت قبل انا اللي اذكرها للحمام والحين هي صارت تقول ابي حمام وتجري الحمدلله ارتححححححححححححححت مررره يارب تعين كل ام
 
انا ابني عمرة سنتين و 6 شهور و مشكلته انه ما يحب يجلس على كرسي الحمام بدون بنطلون يبكي
رغم انه لما يكون حابب يعمل ميه يبكي و ما يعملها على الارض
فاظطريت البسه الحفاظ مره اخرى
اما الكاكا فاذا قلت له اعملها في الحمام يبطل يعملها
فاتركه خوفا من انه يجي له امساك
حاليا هو لا زال يلبس الحفاظ
الله يسهل
اللي عندها
 
أنا بنتي عمرها سنه وخمس شهور بصراحه اخاف منها عصبيه حيييل وعنيده
 
ام حصه وحلا ممكن تحطي صورت الكرسي العادي واللي ينحط في الصاله لانو ولدي بدي اعلمه عمره سنتين
بس بلبسه الحفاض عند النوم والخرجه ولا اصبر اشوي صغير
لانو مايعرف اقوله اجيب هديه حلاوة يمكن يعرف
وشكرررررررا على الموضوع الرائع
 
الكرسي اللي بالصاله جبته من محل الكماليات

حق الاطفال عليه صور وحركات واذا جلس فيه الطفل يصفر يعني بينبسط

بصوره وانزله ان شاء الله

انتي هاتي له اي كرسي ينبسط عليه ويحس انه له

علشان لو عملها يكون ع الكرسي يمديك تلحقينه

وسنتين ان شاء الله يفهم جربي

بس الله الله بالصبر

وادخلي انتي وياه يم الحمام

وخليه يشوفك
 
الله ييسر لكم جميع حبايبي
نفسي اعلم ولدي عالحمام عمره سنتين و3اشهر
بس المشكله الحين ماراح اكون طول الوقت معاه لان عندي دراسه وماراح اوفق بينها وبينه
بس اذا انتهيت منها ان شاء الله ابدء اعلمه
الله يجزاكم خير عالموضوع
مفيد بالاخص للامهات الجدد
 
اسفه لو دخولي ضايقك لاكن المواد المعروضه على قولتك انا اتبعتها وكل حرف كتبته انا سويته مع اطفالي الثلاثه
اكرر اعتذاري​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل