تجربتي مع جنوبيي العنيد الغامض تعالي استفيدي...!!

[أوركيدا]

المعادله مره رهيبه شغل نوم وقت لي واصدقائة ونفسه ههههههه بالصميم طيب من زوجها مثلي يعضق القهوه والمعسل ولازم بالليل بعد العشاء يروح ياخذ له مززززة كل يوم لدرجة مرتين باليوم طفشت من هالوضع يمشيني ونتعشى برا بس لازم يرجع ويكمل بالمعسل الخاتمه نفسي بس يوم نرجع سوا ونكمل الرومانسيه لازم تجي ضرتي " المعسل " اقولة انت تعدل بيننا ماشاء الله عليك وربي تعقدت من هالمعسل وقلت له خلني اعسل معك يقول لا قولي الحمدلله قلت بس بجرب ويش يعجبك يقول احلمي نروح سوا مطعم او مقهى ويعسل معي مره نادر وماعنده الا هالهوايه ومشاهدة الاخبار ومتابعة السياسه و الكورة فريق النصر وبس

 

[ice--girl]

صباااح النور<<<خخخخ قلت خل الحق احط شيء قبل لا اولد وعاد قابلوني لو

شفتوا وجهي خصوصا اول بيبي خخخخخخ...

*************************

بنات ترى الحياة فن ...يعني تفنني باسلوبك مع الجنوبي انتي يوم سوي له جووو

وجربي معاه اللي يحبه ...مع شرط كل شيء يحبه يسويه مع ربعه لا خليك يوم

حد من ربعه وجربي ماراح تخسرين شيء...مثلا مجنون مباريات ياشيخه سهل

اشتري له ربطات لفريقه اللي يحبه وعلم وحركااات يعني جووو للمباريات

شوفي مجالس الشباب ليش يحبونها لان فيها تحدي يعني يوم لا تصيرين معاه

اختاري الفريق اللي ضده والله متعه بتموتين ضحك لاجاب الفريق اللي تشعينه قوول

ويصير بينكم تحدي مب تقهرينه هههههههههه لا بس يعني تعليقات الله لعبه حلووه

وعطيه مجاال للتحليل ياحبهم للفلسفه خخخخخ ...ولاتنسين اجواء الاكل مهمه

بيبسي فيشااار خفايف شيء زي كذا...ومايمنع اذا فاز فريقه تسوين له مسيره

في البيت بقيادة عياله دخليهم عليه عقب لاخلصت المباراه لابسين الاعلام ويغنون

يعني انتي وافكارك واللي يناسب زوجك...

************************

هذا مثال وكل وحده على حسب مايميل زوجهاااا..

**********************

وبعدين بالنسبه لردات الفعل ليش لازم تتنوع...عشان يصير مايحفظك صم ويصير

ماتلقينه فجاة لابس وطالع ليش؟؟؟ لانه بيقول يوووه الحين بقولها رايح لربعي

وبتعيد علي اسطوانتها ...فأنتي فاجأيه مره انتي اللي تجهزين له..مره انتي اللي

تقولين له يالله حبيبي روح لربعك غير جووو ...مره انا ابيك طيب اليوم انا حاجزتك

قبل اي حد يالله نرووق والا نسوي كذا ............الخ..

وقد ماتقدرين امدحي طلعته لو لفة بالشااارع وانتوا ماخذين كوووفي..قولي الحين

عرفت ليش ربعك يموتون فيك ماالومهم جلستك ماتملل وحتى اللفه بالشارع معك

تجنن ترى صدق ماابالغ هههههههههه قولي هالتعبير ترى يصدق..

.........................

يتبع بروح اتريق جوعااانه

 

[اللوزة المرة]

يا ايس والله كلامك صح ميه بالميه ..وبدون مبالغه الجنوبي الشرقي يصدق بجد انه رامبو في كل شي ..بس انتي عطينا طريقتك واحنا نطبق ..والله اللي تطبق كلامك راح ترتاح كثير مع الجنوبي
بس عندي سؤال ....انا زوجي ما يحب غير عمله وبس ..من الصبح لليل ..والبارح بس سألته يقول ماله هوايات ..زمان المطالعه بس الحين خلاص ..
هو يحب النشرات والبرامج السياسيه ..وانا موتي من مناظر الدم والحرب اكرهها..كيف اسوي ؟؟

وبعدين جربت المدح والمبالغه فيه في الجنس ..والله اني صرت استمتع مليون مره اكتر من قبل وهو مصدددق
بس المشكله ..ما عاد يقربلي بدون ما اطلبه ..وابالغ في الالحاح ..وامدحه بقوه طول ال(....)..وانتي عارفه المزاج مو دايما يسمح وبعدين احيانا احس بملل وما ابي امدح !!!مو لاقيه تجديد خلاص كل الكلام منعاد..انتي طريقتك كيف؟
وكمان كيف تساعديه على غظ عيونه الزايغه؟؟

لك مني دعوات بالسلامه لك وللبيبي ..وان شاء الله يكون من حملة كتاب الله ...ويكون جنوبي كمان مادام عرفتي حله ..هههه

 

[ice--girl]

يابنات ..انا اعطي حلول لفهم شخصيته لان انا زوجي عنيد وغامض وهذا عيبه..

بس فيه مميزات الجنوبي طيب..يرجع بسرعه..حبوب....الخ..

يعني انا طريقتي قلتها كيف اسوي له جوو صرت ارتاح مااقارن نفسي باصدقاءه

خلاص مايهمني الا وقته معاي وبس عاد لابغى يقعد في البيت طول اليوم كيفه..

اوقات اصلا يلعب سوني والله فيه طبع مستحيل يخلي الشريط لين يخلصه:busted_red:

هذا عيب فيه يعني والله طوووووووووووووووووووول اليوم كذا تخيلوا

اسبوع ونص هذا برنامجه:

دوام - يرجع يلعب سوني - ينام قبل الصلاه- يقوم يصلي - سوني-

يأذن المغرب يروح يصلي - يتقهوى فنجال مع امه ومعاي وركض سوني

- وياكل اكل بزران كله لانه متعلق باللعبه - يعني مستحيل يهد السوني

الا اذا مات جووووع:sad_1:..- يصلي العشاء - سوني ليييييييييييييييييييين

الساعه 1 وعقب ينام وهكذا....الخ

واذا غير طلع الحلاق ورجع بسرعه خخخخخخ احسه متزوج توه

او غسل سيارته ويرجع..تخيلوا انا وين موقعي من الاعراب:tears:...

يعني لو بعطي مشاعري مجال بتهاوش معاه كل دقيقه ...بس حكمت عقلي

هو اصلا هالحاله فترات واعتبرته جايته دورة السوني مب دورتنا خخخخخ

قلت خل اعطيه اجازة مني انا اكون معاه اوقات اعلق على اللعبه ونضحك

واجيب بسكويت وكابتشينووو يعني غصب وقتي معاه دخلته بس ماضايقته

وانا اروح واطلع عادي ومقضيه يومي مع امه واخته او اهلي ...

هو فترة عشان يتجدد الشوق ويكسر الروتين....وخلاص تأقلمت واقلمت

نفسي ليه اتهاوش وبعدين؟؟؟ وش الحل اللي بوصل له؟؟

انه يقولي انتي نكديه او انه ينحاااش لمجلس ربعه عشان يلعب سوني!!

وللعلم أنا اللي شريت له السوني :bleh:

لانه زهق امي اللي جابتني كله يروح مجلس ربعه طووول الوقت عشان

يلعب سوني قلت ياماما جيبيه بطريقة وفكي نفسك..

فانتظرت مناسبه واهديتها له وماخليت شريط اكشن ماجبته له خخخخخخ

والله لايوريكم حسيت اني زوجته السوني خخخخخخخخخ بس يالله السوني ولا

ضره حقيقيه :bleh:...

يعني زوجي مزاجي يوم بيصنف بر ويوم سوني ويوم نادي ويوم كوورة..

وانا ماابي احرمه من ولا شيء بالعكس خل يفرغ طاقته بهالامور احسن

من التفرفر بالمجمعات والصياااعه..

وبنات فيه انقطة انتبهوا لها الجنووووبي يوم كان صغير كيف كان يعاملونه

اهله؟؟!!

هذي نقطة بخليها لحالها عشان نعرف سر صغير في حياته عن طريقه

نتعامل معاه....لي عوده...!!

واصلا الجنوبي ملول...يحب التغيير....سواء بجدوله او حتى بزوجته ..!!

فكوووني متجدده بقولكم كيف...!!

 

[عشقة بلقيس]

{..روووعه
تسـلمـ يمنـآكـ ح ـبيبتي ..
لا عدمنـآكـ يآرب ..
..}

 

[العنود 19]

رووووووووووووووووووووووووووووووووووعه

 

[أسيرة حنانك]

تسلمين يالغلا

 

[شجوون الماضي]

بالنسبه لي انا زوجي جنوبي بس مدري هوجنوبي ايه نصه الثاني وانا شماليهشرقيه---كيف اتعامل مع هذي الصفات-- طول الوقت من الصبح الين النوم لف عنداصحابه اواخواته انابالمره مايجلس عندي ولابالبيت الالنوم اغلب اوقاته الاكل عند اخواته واصدقاءه هوانسان ملول يحب المسلالات ليش عشان بس يتفرج بالحريم-وخوفتيني انه يحب التغيير حتى زوجته فعلاهوطلق زوجته بعد عشره طويله وبعدين تزوجني --يعني كيف احط ببالي انه جاييب الحرمه جاييبه اذااصلارجعني لاني عنداهلي الله يخليك ويقومك بالسلامه افيديني:icon26::icon26::icon26::icon26:

 

[ice--girl]

الجنوبي يحب التغيير:

يحب التغيير = التجديد - مايحفظك صم - الاكشن في الحياة..

يعني مو يتملل من زوجته يقومي يطلقها ويتزوج غيرها لاااا..

بس ممكن يبحث عن غيرها ترضي شيء مفتقده فيك..

يعني انتي لازم تكونين متجدده معاه ماتعاملينه بنفس الاسلوب

يعني مايتعود انه انتي كذا داااااااااااااايما...

لا من ناحية ردات الفعل - الشكل - طريقة التعامل - الاسلوب..

يعني اكثر من جهه...عامليه نفس مايحب يعاملك..

شفتي كيف مخايك على راحته خليه على راحته يوم يقرب قربيه

اذا ابتعد خلك بعيده بحذر ..

لازم مايحس الجنوبي بالالتصاااق اللي يخنقه بيحسك تضيقين عليه..

ولاتنتظرين تنادينه يالله تعال نقعد..تعال نسولف....تعال....الخ

مايحب هالاسلوب يحب انك تجهزين له الجو وهو ينجذب له وبيجي

من نفسه...

اذكر مره كنا قاعدين بحديقة البيت انا وام زوجي واخته وكان زوجي

بيطلع الا امه نادته قالت حياك تقهوى معنااا قام قال لا يمه ماابي

مستعجل...ورايح يغسل يده في المغاسل اللي برى الا امه قالت لاخته

قومي جيب لاخوك كرسي قالت لا خلاص قال مايبي قالت لا هو لو

شاف له مكان وجهزناه له بيجي ويقعد وفعلا جابت له كرسي وجاء

قعد وشرب معانا كم فنجال في قلبي اقول وين اللي مستعجل بس

لان امه حسسته بالاهتمام وماضغطت عليه تعال تعال لا قالت يالله

جبنا لك كرسي وضبطت له الجووو ...يعني انا حتى لاحظت على

زوجي لما اقوله تعال نسوي كذا مااحسه يتفاعل احسه يحس بضغط

فاتركه وصرت لما اسوي لي جو يشاركني...

وبعدين الجنوبي يحب الطفوووليه وااجد انا عن زوجي كذا لاحظته..

لما اكون طفوليه بردات فعلي احسه ينجن علي خخخخخ

يحب يحس انه هو القوي وانتي اللي ماعندك حد غيره...

يمكن بعضكم عودت زوجها على شيء فتحس ان بعض كلامي يمكن

ماينفع وتقول انا سويت كل شيء...بس تنسى انها عودته والتغيير

المفاجئ مايحبه الجنوبي تبين تغيرين طبع فيه او شيء انتي عودتيه

عليه خليه بالتدريج...حبه حبه والله يعينك ويصبرك..

لان كلنا نعرف العلاقات من البدايات...

لي عوده...انتظر تعلقياتكم..!!

 

[زوجة غائب]

زوجي جنوبيكسول يحب المشاهده والسوني كملي كلامك كله عدل وينفع مع زوجي

 

[اللوزة المرة]

افاداتك حلوه ..بس نقطة معاملة اهله له في الطفوله خطيييره ..وانا اقول علامه لازق لهم ويموت فيهم ..ياللا انا مهتمه بهالنقطه ارجوك فيديني ...انتظرررررررررررررررررررك

 

[ام نووور]

استفدت كثير الله يجزاكي خير
ويقومك بالسلامه

 

[ice--girl]

لي عودة ان شاءالله بس شويات تعبااانه احب اكتب وانا مروقه شوي...

عشان اطووول مااحب اكتب بالتقطير خخخخخ...

 

[مرت باباي]

يله ننطرج والله شوقتيني للتكمله

ماشاء الله عليج اسلوبج وايد حلو (عن نفسي والله استفدت واجد)

يعطيج الف عافيه ... ويسر لج ولادتج ...

ننتظر التكمله ؟؟

موفقه

 

[سودالعيون]

أشكرج يالغالية ع الموضوع فوق الرااااااااااااااااااااااااااائع وأنا زوجي جنوبي غربي
أريد أعرف كيف أتعامل معه من كل النواحي وشو يحب من الزينة والدلال
بس هو حساااااااااااااااااس وينقد وعنده أصدقائه القدامى ، ورااااااااااافض أي علاقات جديدة !!! ولايحب الزيارات
يحب ربعه والكورة والنت والسيارات ومشغووول بهالأمور وأنا أنبط أحيانا وأنزعج وين أنا من كل هذا !!!

أنتظرج يالغلا

 

[حرم السيد ماجد]

موضوع رائع

 

[موتي ولادمعه y]

تسلم اناملك يا عسل والله ان كلامك كله درر
ننتظررررررررك

 

[ice--girl]

الجنوبي وطفولته:

بنات الطفوله لها تأثير كبير في شخصية الجنوبي وحتى تعاملك معاه..

لازم من امه تعرفين سوالفه وطفولته كيف عاملووه كيف كان حتى

العقاب..كيف كان تلبيتهم لرغباته وطلباته كلها تأثر..

بعطيكم مثاااال من حياتي وزوجي:

زوجي انسان عاش في عائله ملتزمه دينياً لكن اسلوب الاب كان غلط

حرمااان من كل شيء كل شيء حرااام حتى التلفزيون حرام يعني

اطفال يبون يشوفون رسوم يعيشون طفولتهم كان ممنوع..ولدرجة

توصل للضرب اذا طافتهم الصلاة ...واي غلط يطلع منهم ضرب

مبرح..ابوهم شخصيته قووويه ويخوووف كانوا يخافون منه لدرجة

زوجي وبعض اخوانه جاتهم نفس التأتأه بالكلام لان فيه عامل نفسي

لاعب بهالشيء عندهم وهو الخووف ورغم هذا كله كانوا يغلطون..

كأي اطفال مايتوبون ..

وحتى لين دخل الجامعة كان ممنوع من السفر او السهر او الطلعه

لوقت متأخر مع اصدقائه..تخيلوووا كيف هالخلفيه كانت عند زوجي

وأنا ماأدري..!! صار موقف وبقولكم كيف عرفت...!!

طبعا مستحيل زوجك يجي يقولك وش كان يصير له لو كانت طفولته شوي كانت

مؤلمه ويحس نفسه ماعاش زي باقي اصدقاءه حتى..

بس انا كنت اسولف لزوجي عن ابوي وشدته مع اخواني في الصلاة وانه ممكن

يضربهم بس انا اتكلم عن انهم يوم صاروا كبار وفاهمين يعني من الاعدادي

ماتوقعت انه راح يسترسل معي بالكلام ويتكلم عن طفولته واللي تعرض له..

فبديت اخذ واعطي معه واقوله كل الاباء كذا واعطيه من القصص والمواقف

بيني وبينكم انكسر خاطري عليه :tears:

وعقب نقعدنا نسولف عن طفولتنا وصرت اسئله انت كيف كنت ....الخ

وبعض الامور خذتها من امه وخواته عن شخصيته وتصرفاته..

الموقف اللي الحين بتكلم عنه :

زوجي يحب السفر مع ربعه...يسهر...يطلع...اوقات يمصخها..

أنا لو وحده مااعرف كيف عاش قبل الزواج اش بيكون شعوري؟؟!!

اكيد بتضايق وهاااتي يامشاكل..

بس انا بصراااحه راعيت الضغط اللي عاش فيه فترة هو الحين يبي

ينطلق يبي يحس انه مسؤل عن نفسه وله كلمته ويروح ويجي نفس

ماكان يتمنى ومايبي حد يجي يحاااسبه لان بذكره بأبووه وبيحسني ابوه..

فعشاان كذا اخليه يسهر اوقااات ويطول...ومااعاتبه الا اذا قصر في حقي..

والسفر ماارضى الا مكان اثق فيه يعني بيروحون الحسا ...الخبر..

العين ....ابوظبي عشان مناسبات مع ربعه عرس ...قنص ..يشترون

للمخيم.الخ..

والبر ينام كل ويك اند واخليه يستانس ...والله يابنات اني كنت اسوي

مناحه وليش تروح وانا من عندي ............الخ اسطوانتا المعهوده

يعني مايصير نبيهم لازقييين فيناااا :thumbdown:...

ويوم فهمت ليش هو يسوي كذا والاخ قاعد يعوض خليته على راحته

والله يوم يقولي بروح انام في البر اقوووله يالله الحين اروح ارتب لك

شنطتك حبيبي وش تلبس هذا والا هذا لا لا هذا احلى عليك.....الخ

واحسسه اني مبسووطه عشانه واقوله ياحلوك وربي صدق انك رجال

وتعجبني والحمدلله ربي رزقني واحد يقضي وقته بشيء ينفعه مب غيرك

مجمعات وخرابيط :icon30: ويستانس اني استانس له واوصيه استانس وانبسط

ولاتحاتي شيء ولاتنسى صور لي شكلك احب شكلك وانت بداوي ...الخ

والله يقولي بنام الخميس وبرجع السبت وربي انه يرجع الجمعه قبل الصلاة..

تدروون ليش ؟؟؟!! لأني مانكدت عليه وهو عنيد لو بنكد بيعاند وبيقعد..

بس حس انه انبسط وخذ كفايته وقالي لا بجي ونطلع ونتمشى ونغير جوو..

وطول ماهو هناك يرسل لي صور المخيم والطبخ وعلى فكرة انا لااتصل

ولا مسج ماابي اضغط عليه...اخيله على راااااااااااااااحته...

بنات حطوا في بالكم لازم تتفهمون شخصياتهم ونفسياتهم وتقبلوا هالشيء

الزوج مب لازم يكون لاازق فيك...لو ماتشوفينه الا وقت النوم ووقته معاك

خلاااص اهم نقطة مايقصر بحقوقك وبس لا يخلي عليك قاصر وحاجه

ولا يمنعك من وناستك..

وللعلم زوجي صار يسوي معاي نفس الشيء لما اقوله بروح لصديقاتي

يقولي يالله وانبسطي وخذي راحتك وبنص ماانا عند صديقاتي يرسلي

مسج كيف الاجواء ان شاءالله مبسووطه...!!

يعني صار يعاملني نفس مااعامله يعني انتي عامليه نفس مايعاملك وخلااص..

انتي اذا بغيتي شيء عامليه بهالشيء وصدقيني راح يرجع يعاملك

لان الجنووبي طيب الا اذا كان متطرف هذا مدري عنه خخخخخخخ!!

عشان كذا زوجي الحين مدمن رسووم متحركه :shiny:...وكل شيء ماسواه

يبي يسويه الحين ...الله يعيني اتحمل يطلع طاااقته مصيره يمل ..

يعني عشت معاه بمشاكل بداية الزواج وياما صحت على تصرفاته يعني

اوقات يجي من السفر يتسبح ويغير ويقولي الله مع السلامه يروح ينام في

البر:icon1366: شيء يقهر وانا اللي متعدله ومضبطه له الجوووو...

بس اقوله اوكي يالله الله يحفظك...ولا كلمه بعدها ونظرة حزينه خخخخخ

طبعا طل يحس بس شسوي مو كل شيء بالحياة بيدي هم لهم تفكيرهم

الخاص :busted_red:...

راح ارجع اكمل نقطة عن مراهقته اللي اثرت على حتى تصرفاته بالغلط..!!

وراجعه لكم....!!

بس بنات يعني بليز ادعوا لي ربي يوفقني ويحقق لي اللي ابيه واذا عجبكم

كلامي وتصرفاتي قولوا ماشاءالله :blush-anim-cl:....

 

[ice--girl]

أشكرج يالغالية ع الموضوع فوق الرااااااااااااااااااااااااااائع وأنا زوجي جنوبي غربي
أريد أعرف كيف أتعامل معه من كل النواحي وشو يحب من الزينة والدلال
بس هو حساااااااااااااااااس وينقد وعنده أصدقائه القدامى ، ورااااااااااافض أي علاقات جديدة !!! ولايحب الزيارات
يحب ربعه والكورة والنت والسيارات ومشغووول بهالأمور وأنا أنبط أحيانا وأنزعج وين أنا من كل هذا !!!

أنتظرج يالغلا

هلا حبيبتي...

حبيبتي انتي اذا فهمتي شخصيته وتفكيره خلااااص بتعرفين شاللي يحب

وشاللي يكرهه..وبعدين اوقات لازم تعاملين زوجك انه اخووك يعني

لما يبي يطلع ويروح ويستانس استانسي له لاتقولين لا انت متزوج ولازم

تقعد ...........الخ لان هالكلام يعطيه رساله الزواج = سجن

الزوجة= السجان

ليش؟؟!!

تبينه يهرب اكثر هالكلام مايجيب نتيجه ابد...قلت لك انتي عامليه باللي

يحبه ووقته معاك لازم توضحينه ترى هو لو نايم طول الوقت في البيت

وعقب طلع عنده انه هو كان معاك خخخخخ صدق والله كذا تفكيرهم

بييقولك انا طوول الوقت في البيت عندك وش تبيني اسوي اكثر..!!

خلاص انتي خصصي وقت له معاك مثلا بعد العصر قهوة وحلا وسوالف..

حددي يوم السبت تطلعون تغيرون جووو شيء زي كذا والباقي كيفه

وفهميه هالشيء انت لك حق لنفسك ولربعك ولي وانا ماابي الا وقتي معك

ننبسط فيه مو شرط نطلع لا في البيت وقعدة رواقه وخلاااااص ..

انتي تفنني بالجو تلعبون اونوو ...ورقة...سوني...تشوفون فيلم كيفكم

الجنوبي يحب هالاجواء وانتي ابدعي له..!!

تسوين له مسااج...تنظيف بشره ... حمام دلع...يعني تفنني مو شرط

شيء يخص الجنس وللية حمراء ترى يحبون الونااسه واللعب..

وبس:shiny:

 

[توته99]

مرحبا
انا زوجب جنوبي غربي
اعاااااني معاااه كثير مابيحب الجمعات
بفضل يكون له صديق معين مابيجب يختلط بقرايبنا
يحب النت طلعات البر معانا هذي نقطه يجابيه مابيحب يزوح مع اصحابه ولا يسافر معاهم
حتى السوق بيرفض ينزل معي
انا متاكده انه بيحبني بس
كشفته عنده علاقات بالماسنجر والجوال شفت صورها بجواله حصل بيننا مشاكل
وكل مره يكذب علي
وبالاخر يقول هذي نزوات من الشيطان وانا بحبك ومابستغني عنك
بجد مصارت اثق فيه ابدا وعايشه معاه بس مشان بناتي
بيكذب كثير حتى بابسط الامور
افيدوني كيف اتعامل معااااه
وهل مازال فيه مل تتصلح الامور بيننا؟
​