تجربتي مع الشمالي الشرقي فادت ولكن إنصحوني

[أرجواان]

اطلاق افضل حل هذا مو رجل اسمحيلي هذا اتكالي وشهواني فقط متى مابغاك جاك بس

لاكن استخيري ياحياتي وربي يفرجها عليك لاكن لو انا مكانك ماجلست عنده دقيقه انفصل واشوف حياتي وربي يعوضني باحسن منه واشوف اولادي يشيلون لما اكبر .... ولا ماتبين تصيرين ام وعندك طفل ليش تخلينه يحرمك من ادنى حقوقك فكري ياغليه كلامه مو منطقي ولاتحبينه لانه بصرااااحه مايحبك يستغلك

 

[س ر]

صراحه زوجك كانه طفل اجل يشاورك من وين ياخذ حلاوه
ضحكت من قلبي احس انه ماعنده دبره احس انه لسى مانضج كانه مراهق
انتبهي ترسليله خليك قويه

 

[عقل وقلب وروح]

شوفي يابنتي الله يحفظج انتبهي للكلام زيييييييييييييين وعلى قولة خواتنا المصريااات

ظل راجل ولا ظل حيطه وطالما راضي بانج تيبين عيال بس ماله شغل فيهم واحنا الحريم

ليش الله خلقنا ؟؟؟ مو عشان العيال اهم شي قبل هذا كله انتي تحتاجين الى تغيير بسيط

وهو تخلصج من حبج مجرد ماتتخلصين من هذا الكابوس المزعج راح تعيشين حياتج صح

فكري بهدووء وبلاش هالعصبيه والانفعاال انتي قدهااا والله بيساعدج وفلوسج وانا امج

مسكيهااا زيييييين وفري وادخري للمستقبل مو تسفرين فيها ناس ماتستاهل قلنا لج


ظل راجل ولا ظل حيطه حطيها ببالج وان جاج حياه الله وان طلع باللي يحفظه وخلج غااااامضه

تعاملي معااه انه مجرد وجود جدام الناس لا اكثر ابد لا تهتمين للتطنيش منه العبيها صح

وطلعيه هو الغبي اللي مايفهم لما باجر يشوف الخير عند من عيال وخير باذن الله توفير

مبلغ لج راح يساهم في تغيير حياتج بايجاد مشروع صغير يدر عليج مبلغ يسد حاجتج

وتوفرين منه لج ولعيااااااااااااااالج اهم شي العيااااااااااااااال بس قبلها تصرفي صح

لا تعطين زوجج اكبر من حجمه مصدق نفسه انه زوج صدقيني انتي نفختي هالبلوونه

لحد ماالهوا طيرها عنج فكري بكلامي زين والوحده مو كل يوم لها زوج وانتي تحبينه بس

غيري طريقة حبج له خلي حبج له نذاله ههههههههههههههههههههه

نذاله=طبعا كيد النساء بكل دلع وغنج اخذ اللي ابيييييييييييييييه

يالله ياحلوه وريني شطارتج وصدقيني انا شايفه انج شااطره وبتحلينها بكل تكتيك:32:​

 

[بحرانية مظلومة]

أه ه ه ه ه ه تنهيدة طالعة من القلب يابنات ....
طبعا أنا مارديت على المسج ... وبعدها رحت المسجد حسيت إني محتاجة أكون ويا ربي شوي .... وأنا هناك بدأ إتصالاته ... ومثل عادته عليه عليه ... انا طبعا مارديت ... بعدين طرش لي مسج يقولي (( أدري إنك مو في البيت لأني أنا ويا ولدي في شقتك الحين فردي علي أحسن لك )) رديت عليه وقلتله وأنا في المسجد وإطلع من بيتي أحسن لك .... قعد بعدها يتصل يتصل وأنا مارديت ... رجعت البيت وقبل ما ألحق أسكر الباب حصلته بوجهي ... معصب حد حده والنار تطلع من عيونه ... دخل يصرخ ليش ماتردين على التلفون .. فقلتله كيفي .. قالي لأ مو كيفك وبتردين غصب عنك ... قلتله مافي شي بصير غصب عني وهذي حياتي وأنا حرة فيها وأعتقد قلتلك إن كل شي بينا إنتهى .... كان معصب لدرجة إني حسيته بيضرب فهديت نفسي وحاولت ما أصارخ عشان لاينفعل أزيد ويسويها ... قعد يقولي أنا طلاق مابطلق وسوي يلي تبينه ومن اليوم مافي روحة على الشغل وماني صارف عليش وروحي إرتمي في الشارع ... أنا قلتله يعني إنت مفكر نفسك رجال ولا مسلم لما تسوي هالحركات .... يقولي أنا رجال ومسلم غصب عنك ...
طبعا صار واجد شد بالكلام بعدها ..... ومرة وحدة هدت أعصابه .... قالي شوفي يابنت الناس بقولك كلمتين سمعيهم وما أبي تردين على بأي شي .... ولا تجاوبيني ... بقولهم وبمشي ...
بالبداية بدي أذكر معلومة ماكنت قايلتها من قبل ... انا ياجماعة من أصل عربي عشان هيك عايشة بالبحرين بإقامة ... ثاني شي أنا يتيمة العائلة لأني كنت مسيحية وأسلمت من 7 سنين وعشان هيك أهلي تبروا مني ومو راضين يرجعوني البيت إلا إذا رجعت مسيحية .. وشرعا بالإسلام الشخص لما يسلم تسقط ولاية الأبوين عليه لأنه مايجوز شرعا يكونون من دين مغاير عشان هيك شرعا أنا أعتبر يتيمة..
اولا أنا إسبوع ماكلمتش والله ما أدري ويش صاير فيني ... كل مرة أقول برد عليها وما أدري ويش يصيدني ... يقول كان متأثر بوفاة إبن خاله شب صغير بالعمر ...
يقول إني لأني ما رديت عليه أمس خاف يكون صايرلي شي وكان خايف لا أكون انتحرت ويقول إني كنت مابسامح نفسي لو صار هالشي ... ولما راح الشقة (( أنا شايلة الغسيل بس للحين ماطويته ومخليته على السرير ومغطيته بغطا السرير )) شاف شي تحت غطا السرير ففكر هذي جثتي .. يقول قعدت فوق العشر دقايق خايف اشيل الغطا وتطلعين تحته...
بعدين قال لي أنا عايش بين عدة نيران ....
النار الأولى إني والله العظيم أحبك وما استغني عنك وأدري عن روحي مابقدر أهدك ... ولو ما أحبك ماكنت حصلت حجج وعاندت عشان ما أطلق
النار الثانية إننا عايشيين فبلد صغير ولازم بيجي يوم بتتزوجين وبنتقابل بالصدفة وأنا مابقدر أشوفك مع أحد غيري ...
النار الثالثة إنك من غير أهل ولو طلقتك بتضطرين ترجعين بيت أهلك لأن ماعندك حل ثاني يعني بكون السبب في رجوعك عن الدين .. وحتى لو قلتين بتحاولين تمثلين عليهم كلنا ندري إنك بيوم ما بتستسلمين وبتصيرين نفسهم
النار الرابعة ما بدي ياكي تزعلي من كلامي وأرجوكي إفهميني صح ... أنا لو حاسس إن في أمل لو 1% إنه أهلي وبيت عمي يتقبلون موضوع زواجنا كنت من زمان خبرتهم بس لازم تعرفين إن أهل زوجتي اول مايعرفون الخبر بيجبرونها تهدني وأنا مو لأني أحبها بس عشان الاولاد مايضيعون ... أما أهلي فتوهم مكتشفين إن أخي متزوج على زوجته وحالتهم حالة والمشاكل مو راضية تخلص ...
النار الخامسة إني مو عارف شلون بواجهش بالمحكمة أصلا
وأنا بقولك شي ... إذا إنتين حاسة إنك بترتاحين أكثر بالطلاق فهذي حياتك وما اقدر أوقف بطريقك وأنا مستعد أطلقش لو إنتين تبين هالشي...
قلتله انا مو مستفيدة من كل هالكلام أنا أبي ياتعدل يا كل واحد يروح بطريقه .... قالي بيمشيلي مصروف ... وبيجيني 3 ايام بالاسبوع ... وبيبيت مرة في الشهر ...

وبس مشى من عندي ....
ويش رأيكم .....

 

[الشتاء الدافئ]

مادامك رجعتي تفكري بالموضوع ارجعي صلي صلاة الاستخاره اكثر من مره ..والله سبحانه بيرشدك الى طريق الهدى والصلاح ...

 

[بيرو العمودي]

طيب راح تكوني زوجه بالسر على طول ومحرومه من الاولاد ؟
وهل تعتقدي انه راح ينفذ اللي قاله ؟
واذا طلقك الاقامه راح تتكنسل ؟
واذا ما اتكنسلت الاقامه فيكي تشتغلي وتعيشي لوحدك لين ما ربنا يرسلك ولد الحلال
اللي يصونك ويعرف قيمتك
واذا رجعتي بلدك لازم ترجعي عند اهلك مافي مكان تاني تروحيه ؟
​

 

[س ر]

الله يكون بعونك صراحه عورتي قلبي

 

[روتـــانا]

طيب راح تكوني زوجه بالسر على طول ومحرومه من الاولاد ؟
وهل تعتقدي انه راح ينفذ اللي قاله ؟
واذا طلقك الاقامه راح تتكنسل ؟
واذا ما اتكنسلت الاقامه فيكي تشتغلي وتعيشي لوحدك لين ما ربنا يرسلك ولد الحلال
اللي يصونك ويعرف قيمتك
واذا رجعتي بلدك لازم ترجعي عند اهلك مافي مكان تاني تروحيه ؟
​

نفس الاسئله كنت بسأ لها ... ومنتظرين الاجابه عشان نعرف نفكر ..

 

[الوردوالياسمن]

الله المستعان الله يفرج همك

 

[غربه احساس]

مرحبا حبيبتي ومرحبا لكل البلقيسيات الله يستر عليكم
كيف حالك اليوم
قريت اخر رد لكي
بس باين من كلامه انه غير جدي ليش الحين بس قاله
لو فرضان كلامه صحيح وين الضمانات
قوللي له انا ابي الطلاق وكل واحد يعيش حياة
وشوفي ردة فعله مره ثانيه وش تكون
هل حيكون فيه حاجات ثانيه غير ياللي قالها
واتوقع انه استخدم الرقه الرابحه له (لانه لجأ لتذكيرك انه مالك احد وانك وحيده بس علشان يخوفك )

 

[الامل السامي]

أضغطي عليه كمان حتى تحصلين على كل حقوقك...
لاتتنازلين عن حقوقك مهما بدت صغيره..تمسكي بها..
هو بدأ يعطيك خدي كل حقوقك واعرفيهاان الاسلام كفل للمرأه حقوق منها السكن والنفقه ولها الحق الكامل في الانجاب,وادا ام يعطها زوجها هده الحقوق لها الحق في الانفصال أسألي في المحكمه عن حقوقك في الاسلام
واللي دكرتيه عن أسلامك أحمد ربي أن الله هداك للأسلام وهده من أكبر النعم علينا ,,,
الله يثبتك على دين الاسلام ويفرج همك..
واللي حاصل لك هدا أبتلاء من الله أرجو منه أن يفرج همك ويعينك على زوجك ..
وشيء أخر هو بدأ ينظر لك ألآن أنك أصبحتي أمرأه قويه وكل رجل يحب اللى تاخد حقها وتطالب به .. استعيني بالله ووكلي أمرك وفوضي اليه..
قولي انا أتعاطف معك ولكن حياتي ونفسي أولى ماتركت أهلي وديني علشان أنت تدلني ,أنا أريد من يقف معي ويسندني ...هل أنت أهل لدلك؟؟؟؟
ادا ماعندك أستعداد أن تكون بجانبي الله بيفتحهاعلي من اوسع الابواب ,,وكل واحد بيروح في طريق ,,أريد كل حقوقي ..
كوني مع الله

 

[بحرانية مظلومة]

طيب راح تكوني زوجه بالسر على طول ومحرومه من الاولاد ؟
هو معتبر إن هذا الزواج سري عن أهله فقط لأننا نخرج علني في بعض الأوقات.. أما الأولاد فقال لي لو تبين أولاد ماعندي مانع إذا إنتي فعلا قادرة تتحملين مسؤليتهم ومحد حواليكي..

وهل تعتقدي انه راح ينفذ اللي قاله ؟
ممكن ينفذ لفترة لكن أكيد ماعندي ضمان إنه يستمر بهالشي ولا تنسوون إن عنده في الصوب الثاني طفلين ومسؤليتهم
واذا طلقك الاقامه راح تتكنسل ؟
أكيد... أول ما أخلص العدة بتتكنسل مباشرة وحاولت أحطها على الشغل بس مارضوا خاصة إنه صاير صعب شوي نحصل موافقة لعامل أجنبي ... بنفس الوقت أنا مفروض كمان سنتين إني أحصل على الجنسية لأني عايشة من أول ماكان عمري 9 سنين بالبحرين
واذا ما اتكنسلت الاقامه فيكي تشتغلي وتعيشي لوحدك لين ما ربنا يرسلك ولد الحلال
اللي يصونك ويعرف قيمتك
أنا أصلا عايشة لوحدي بس إذا إتكنسلت الإقامة قانونيا ما أقدر أبقى بالبلد وبصير مخالفة وإذا مسكوني بتسفر مباشرة .. مع العلم إني مابعرف بلدي غير بالإسم لأني بحياتي مارحت هناك
واذا رجعتي بلدك لازم ترجعي عند اهلك مافي مكان تاني تروحيه ؟
أهلي موجودين هني بالبحرين مو ببلدي .... وإذا إتكنسلت إقامتي حلي الوحيد إني أرجع لهم لأنهم بيحطوني على إقامتهم​

هذي يابنات الأجوبة ... عشان تعرفون ليش أنا مترددة ... الموضوع مو بس موضوع زوج أطلق منه .. الموضوع موضوع ويش أسوي بعد ما أطلق ؟؟ أنا عايشة بدوامة

 

[الوردوالياسمن]

أضغطي عليه كمان حتى تحصلين على كل حقوقك...
لاتتنازلين عن حقوقك مهما بدت صغيره..تمسكي بها..
هو بدأ يعطيك خدي كل حقوقك واعرفيهاان الاسلام كفل للمرأه حقوق منها السكن والنفقه ولها الحق الكامل في الانجاب,وادا ام يعطها زوجها هده الحقوق لها الحق في الانفصال أسألي في المحكمه عن حقوقك في الاسلام
واللي دكرتيه عن أسلامك أحمد ربي أن الله هداك للأسلام وهده من أكبر النعم علينا ,,,
الله يثبتك على دين الاسلام ويفرج همك..
واللي حاصل لك هدا أبتلاء من الله أرجو منه أن يفرج همك ويعينك على زوجك ..
وشيء أخر هو بدأ ينظر لك ألآن أنك أصبحتي أمرأه قويه وكل رجل يحب اللى تاخد حقها وتطالب به .. استعيني بالله ووكلي أمرك وفوضي اليه..
قولي انا أتعاطف معك ولكن حياتي ونفسي أولى ماتركت أهلي وديني علشان أنت تدلني ,أنا أريد من يقف معي ويسندني ...هل أنت أهل لدلك؟؟؟؟
ادا ماعندك أستعداد أن تكون بجانبي الله بيفتحهاعلي من اوسع الابواب ,,وكل واحد بيروح في طريق ,,أريد كل حقوقي ..
كوني مع الله

كلام رائع

 

[الوردوالياسمن]

طيب انتي خليه يحدد لك مصروف معين يكفي للايجار والفواتير ومصاريف البيت واذانقص شي بسيط عادي وحاولي انك تسيبي المانع لوانتي تستخدمي مانع عشان تحملي يمكن يحس بالمسؤليه شويه ويبات عندك في البدايه كل اسبوعين مره وحاولي انك تتواصلي مع الاستاذه ناعمه بالايميل لاني واثقه انها بعدالله بتحل مشكلتك الله يوفقك

 

[بحرانية مظلومة]

طيب انتي خليه يحدد لك مصروف معين يكفي للايجار والفواتير ومصاريف البيت واذانقص شي بسيط عادي وحاولي انك تسيبي المانع لوانتي تستخدمي مانع عشان تحملي يمكن يحس بالمسؤليه شويه ويبات عندك في البدايه كل اسبوعين مره وحاولي انك تتواصلي مع الاستاذه ناعمه بالايميل لاني واثقه انها بعدالله بتحل مشكلتك الله يوفقك

راتبه مايسمح يخصص لي مصروف يكفي كل هذا ... هذا شي أنا متأكدة منه ... إذا بيدفع لي مصروف هيكفي ثلاث أرباع أجار البيت والباقي علي ....
بالنسبة للحمل أنا أصلا وقفت المانع ....
الإستاذة ناعمة حاولت معها بالإيميل ولكن لا من مجيب ...
أنا فعلا مترددة وو عارفة ويش أقرر ... أخاف يكون كله كلام بكلام وأول مايحس إني رجعتله يرجع نفس ماكان .... لاتنسين إن الكفة الثانية أقوى وبتاخذ أصلا كل إهتمامة و وقته ...

والله مو عارفة ويش أسوي ...

هو اليوم الصبح طرش لي مسج عن مابدر منه أمس من عصبية .... أنا رديت عليه وقلتله في أشياء واجد لازم أسامحك عليها أهم مما بدر منك أمس .. وقلتله أشكرك على صراحتك معي أمس بس أنا فعلا شبعت من الكلام ومحتاجة أشوف منك أفعال ... إنت كل مرة بنوصل لطلاق بتفرش لي الأرض ورد لكن اول مانرجع لبعض بترجع نفس ماكنت وأحيانا اسؤ ... أنا محتاجة ضمانات إني بكون زوجة نفسي نفس غيري أو رجاءا أنا مابقدر أواصل معك وخلينا على موعدنا ...

بس هو للحين مارد

 

[همس اليل الهادي]

كان الله في عونك

 

[الوردوالياسمن]

الله يفرج همك الاستاذه ناعمه اكتبي لها استشاره عاجله وهي اوماتفضى بترد عليك

 

[بحرانية مظلومة]

موعدنا يابنات بالمحكمة الأحد مو الجاي .. يلي بعده ....
إنشالله يلتزم فيه بما أنه هو يلي حدده ...
دعواتكن لي جميعا من قلب صادق ...

إذا صار أي جديد برجع بخبركم ...

 

[غبووش]

الله يفرج همج عاجلا غير آآآجل يااااارب

 

[الوردوالياسمن]

الله يفرج همك ويختار لك كل مافيه الخير ويصبرك عليك بالدعاء واحنا معاك ماراح ننساك وطمنينا عليك