تجربتي في تخفيض وزني

[سـارة]

السلام عليكم ورحمة الله وبركاته..

شخباركم يارشيقات ؟؟

انا كتبت الموضوع وانمسح وبكتب لكم السالفة باختصار ..

انا وزني 66 وقبل عشرين يوم بدات ريجيم قاسي مع المشي على السير لمدة ساعة كاملة

اول عشرة ايام نزلت 6 كيلووو الحمدلله تفاجأت حيل على النتيجة الحلوة .. وصار وزني 60

والعشرة الايام الثانية غيرت طريقة الريجيم صرت افطر فطور قليل السعرات الحرارية وما اتغدا بس اكل نخالة واشرب ماي والعصر امشي ساعة والليل اكل تفاحة وللا زبادي يعني عشا بسيط ..

واليوم خلصت العشرة الثانية وطلعت على الميزان:tears:


كم تتوقعون نزلت :sadwalk:









ولا كيلو تخيلو !!!!!!! وزني مثل ماهو 60 ماتحرك وانا حارمة نفسي من العزايم والمطاعم وما اتعشى وهالكه عمري بالمشي

وعشرة ايام مب هينه حتى الحلو ما آكل :tears:




ليش تتوقعون صار معي كذا والله تحطمت .. من صار لها مثلي ..​

 

[mo0onat]

هلا اختي
الي اعرفة ان الجسم بداية اي رجيم يبداء يفقد كم كيلو واغلبها السوائل الي في الجسم وبعدين يبدء الوزن بصعوبة ينزل هذا سبب
والسبب الثاني اذا كان الجسم محروم من الاكل يصعب علية عملية حرق السعرات الحرارية

 

[اهديك عمري]

يمكن انتي تشربين الكافي هذي الاشياء تثبت الوزن

 

[هموسهـ]

ماقصروا البنات معك يالغلا ^^

 

[سـارة]

هلا اختي
الي اعرفة ان الجسم بداية اي رجيم يبداء يفقد كم كيلو واغلبها السوائل الي في الجسم وبعدين يبدء الوزن بصعوبة ينزل هذا سبب
والسبب الثاني اذا كان الجسم محروم من الاكل يصعب علية عملية حرق السعرات الحرارية

بس انا مو حارمة نفسي يعني آكل فواكه وخضار بس يمكن يبي له وقت لين ينزل :sad_1:

مشكورة على ردك الله يعطيك العافية ..​

 

[سـارة]

يمكن انتي تشربين الكافي هذي الاشياء تثبت الوزن

ايه كنت احط ملعقة كوفي مع حليب قليل الدسم بس توني ادري انه يثبت
وانا حارمة نفسي من الشاي الاخضر على اساس مايثبت :thumbdown:

الله يعطيك العافية على المعلومة توني دريت عنها ..​

 

[سـارة]

ساره ولاتتضايقين ولاشئ دايم تصير

ماسمعتي عن شئ اسمه كسر ثبات الوزن ..!

في عدة طرق لكسر هالثبات بحثي عنها واخذي الطريقه اللي تناسبك

وانا عن نفسي جربت عصير الكيوي مع الاناناس لمدة ثلاث ايام مع الثلاث وجبات والحمد لله الحين وزني رجع ينزل ...

روقي يالغلا


وماقلتي لنا وش كان رجيمك بالبدايه ومنكم نستفيد

ايه انا اعرف ثبات الوزن بس احسب ان ثبات الوزن يجي في الريجيم اللي بدون رياضة او مشي

وانا كل يوم امشي بس يمكن الثبات يجي في الحالتين ..

يبي لي اجرب هالعصير مابقى شي ماجربناه ..

وكان ريجيمي يالغلا يعتمد على كل شي فيه حرق للسعرات الحرارية ..

اول شي اصحى الصباح اشرب خلطة مكونة من ( ملعقتين كبار قشر+ملعقة صغيرة كمون+ملعقة صغيرة شمر+ملعقة صغيرة زنجبيل+كم حبة قرنفل)

وهالخلطة تسد النفس بشكل مو طبييييييييييعي ..

بعدين آكل نوع واحد فاكهه وغالبا كنت ىكل برتقال عشان ما يذبل وجهي ..

وبعد فترة آكل ملعقتين نخالة مع كاس ماي << والنخالة تمنع الامساك وانت بكرامة مرة زيييييينة والة الان انا مداومة عليها ..

والعصر او المغرب امشي وبعد العشا آكل فجل ابيض ولبن زبادي قليل او منزوع الدسم ..
والزبادي معروف في حرق السعرات ..

وبعدهم ىكل ملعقتين نخالة وكاس ماي ..

وخلص الريجيم << شوي صعب بس عن تجربة مرة روعة وكله اشياء تسد النفس :blush-anim-cl:​

 

[سـارة]

ماقصروا البنات معك يالغلا ^^

مشكورة على مرورك ,, نورتي :blush-anim-cl:​

 

[ملكة بعيونه]

شرب الماء مع الرجيم ممتاز

 

[ثقتي عاليه]

عشره ايام مو كافيه

استمري وبتشوفين النتيجه

عشان تكسرين الوزن

يوم او يومين اكلي كل شي اللي في الدنيا

وردي على رجيمج الاصلي

راح تنقصين

موفقه

 

[عيشالك]

ايه صدق اذا ثبت الوزن ارجعي يومين كلي كل شي عادي وبعدين اعملي دايت بكدا الجسم يجيه تشك زي الصدمه وينخفض الوزن

 

[العذراءالبتول]

ستين حلوووووو عقبالي يارب ادعولي .........تعرفين شوه حاولي تغيرين شيء فنظامج مثلا امشي نص ساعه وسوي تمارين الايروبك او اي تمرين يحطر عبالج وشربي مااااااااااااااااااااااي واااااااااااااااااااايد واكلي الصبح والليل لا تاكلين ترى انا اسوي هالاشياء ونقص وزني ومرررات يعاند مايطيع ينقص بس اغير روتيني وينقص واملل وزيد وهذي حياتي صراع في صراع خخخ

 

[um muna]

السلام عليكم ورحمة الله وبركاته انا أمراة متزوجة في العشرينات من عمري عندي مشكلة انا طولي 157 ووزني84

 

[*999*]

يـــــــــــــــــــــــاقلبي لا تخااااااااااااافي

عادي ترا اللي يسوا رجيم ينحفو بالبداية :a084:بعدين يثبت الوزن أو يزيد <<<<

وبعد مدة أوزني راح تتفاجئ الوزن راح ينزل وبقوووووووووووووووووووووووة :c011:

وأوزني نفسك بعد شهر أو ثلاث أسابيع

وادعيلي

 

[استشارية الحب]

الــ 60 الباقية

هي وزن العظام و الدم و للحم

و الــ 6 الاولى هي وزن الشحم فقط

 

[ref8150]

الله ينزل وزنج من غير مرض

 

[تيتاني]

مبرروك على نزولك وعقبال ماتوصلين الوزن المثالي

بقولك عن تجربتي

انا كنت دبدوبه وكنت اسوي رجيم واسوي رياضه ولا كان ينزل مني ولا كيلو

تعبت بعدين صرت اكل كلشي بس بكميات قليله ودخلت نادري رياضه ومشالله نزلت وزن كبير