يا أخوات أنا حبيت أحذركم من الكريمات المخلوطة مع بعضها ..
وهيه ( الدكوين 4 / رتين a / وديبروسيلك)
أو ( الدكوين/ وسكنورين / وإ ليكا )
بعض البنات الله يهديهم وضعت الخلطة بدون ذكر محاذير لها وهي إنها ماتنوصف لأي بشرة لابد بوصفه طبيه ..وبمقدار معين ..ولمدة معينة..
أنا أخذت هالوصفة من منتدى ..وجلست عليها شهرين وتشجعت لأن النتيجة كانت تعتبر جداً فورية..بياض مع صفاء وشوية امتلاء في الجسم ( يعني انتفاخ )ونهاية الشهر الثالث
اتفاجأ بظهور تشققات حمراء في باطن الفخذين من الاعلى بجانب المنطقة الحساسة وخلف الركب و أعلى الأرداف َ.شبه كثير خطوط زيادة الوزن البيضاء لكن التشققات كانت أوسع ..فما كان مني إلا إني رحت لطبيبة جلدية ووريتها الخطوط اللي خلف الركب وقلت لها فيه مثلها بأماكن ثانية فقالت احتمال انها زيادة وزن أو من طول الوقوف لأنك معلمة..
ووصفت لي كريم ايطالي مرطب ورجعت وبعدها ب9 ايام تقريبا برزت التشققات اكثر وتوسعت لدرجة الجلد ( تمزع )ورحت لها مره ثانية سألتني إذا استخدم علاج أو كريم..فقلت لها على الثلاثه كريمات ..ونهرتني وطلبت أوقف الكريمات وقالت السواد اللي كان أفضل من وضع الجلد الآن التشققات من أصعب الأمور الجلديه في العلاج مالها حل وهذي التشققات نتيجة الكورتوزون اللي تشبع فيه الجلد وتمركز بالاماكن الحساسه اللي تكون قابليتها للإمتصاص أكثر..مافيه حل ..إلا علاج جديد يخليها ماتتوسع أكثر بس لاتحلمين تروح نهائيا ( ووصفت لي حقن الميزو ثرابي) للجلد تضرب المناطق المصابه بمسدس براسه حقنه فيها محلول وتخيلو الألم اللي استحالة أقدر أوصفة الجلسه الوحده ثمنها 300 ريال وبالشهر لابد 3 جلسات .والله العظيم ليا سنه ونص وللآن ما التئمت التشققات أو حتى تحسنت .. وجسمي شان صرت منفوخه كأني كيس سكر :frown:
خسارة فلوس وخسارة بشرة ( والله ماذكرت السالفة إلا للعظة والعبره لاتستخدمون شيء كيماوي خليكم على المواد الطبيعية)
