تجربتكم بالولاده

أم عايشه 2009

أم عايشه 2009

New member
إنضم
2009/05/31
المشاركات
1,858
السلام عليكم ورحمت الله وبركاته

شخباركم يااأمهات يااحلوين ,,, الكل منا عاانى في ولادته وكل وحده منا لها تجربتها

الخاصه الي ماراح اتغيب عن البال كلش فأتمنه من خلال موضوعي ذي كل أم تكتب

تجربتها ويفضل من اول مااشارفت ع الولاده ( المخاض ) الا ان ولدت بالسلامه وشنو

المصااعب الي مرت عليها وشنو السهالات عشاان الحوامل تستفيد من تجاربنا

لأن انه صراحه يوم كنت حامل محتاجه اسمع الي ولدوو تجاربهم وشلون وشالأحساس

وكل شي بالتفصيل عشان اتطمن فذي الموضوع بيسهل حق كل حامل لقفه معرفه الأحداث

ههههههه يالله لحد يبخل علي بالرد ومشاركته لنه احدااثه

والدعاء :_

يااااااااااارب يذوووق كل مرأه مااحملت هالتجربه انشاء الله ويرزقهم بالذريه الصالحه يارب

اللهم ليحرمكم من الكتاكيت :)

وشكراُ ​
 
انا بالنسبة لي ولادتي كانت سهلة ووله الحمد

وعشان خاطرج بكتب كل تفاصيلها : )

انا فيوم الاحد بليل بديت احس بمغص في ظهري وبطني وكان خفيف اقدر اتحمله ونفسس الوقت كنت بكر ولا اعرف انه طلق

بس احساي قالي اقوم اتنظف من الشعر الغير مرغوب فيه و اخذلي شاور وانام

ولما صحيت الصبح حسيت الالم زاد وبس كنت مقاومة وكان بنفس اليوم جمعتنا عند الوالدة عالغدا

تزهبت ورتبت اموري وانتظرت زوجي ياخذني

والالم كل ماله يزيد يعني كل نص ساعة اتيني مغصه

وكل ما ياتني المغصة اوقف لحد ماتروح

المهم بعد الغدا امي حست اني موصله حدي فقالت شكل المغصه الي اتييج ولادة

انا خفت وفرحت نفس الوقت

المهم امي الله يعطيها العافية قالت ببخرج بشاي اذا طلق بيحمى وااذا برودة بتخف

ولما صارت الساعة 5 زاد الطلق عندي ورحت المستشفى عالساعة 6 ولما كشفت الدكتورة علي قالت مفتوح الرحم 4 سانتي وحولتني على غرفة الولادة

هناك امي نصحتني اخذ الاكسجين لانه يخليج تغيبين ويخف الالم

واشتد علي الطلق وبديت انفخ واصرخ لحد الساعة 10 بليل والا اولد

طبعا وقت خروج الراس شلو عني الاكسجين عشان اقدر ادفع

والحمدلله ساعات وحصلت احلى واغلى ولد بيدي

والله يسهل علي ولادتي هاذي مثل ولادتي الاولى يارب

ويسهل على كل حامل
 
حبيت ارد على عليك بس لسى ماولد استنى الله يسهل للجمع............امين
 
مساء الخير على الجميع والله يهون علي كل حامل ويرزقها الذرية الصالحه بالنسبة لولادتي في بنتي كانت صعبه وبطلق صناعي وطلعت الروح الي ان طلعت بس الحمد لله علي كل حال ويعظم الاجروبالنسبة لولدي حمودي حبيبي كانت حاسه بالالم من 3ايام بس يوم الولادة طلقه حار رحت للمستشفي الساعة12منفتح 4 وماجت الفجرالا انا والده والحمد لله فديته عمره شهرين الحين الله يصلحهم لي ولابوهم
 
السلام عليكم ورحمه الله وبركته

ولله قلبتو علي الموجع ذكروني فيه

كانت استنى الولاده من يوم دخل علي الشهر التاسع ولا حس ولا خبر مافيه اي طالق

وبعدين دخل الشهر العشر وانا استنى وسبحان الله جالست السبوع ولا فيه اي نيه في اولاده

وفي فجر يوم لاثنين من ربيع اول موفق 21/4/1429

خرج من دم فقط لاغير وبعد ساعتين بدى الطالق خفيف جدااا

ورحت لى المستشفى الساعه 8 صباح ودخلت وكشفت على الدكتوره وقلت ان رحمك منفتح سنتي فقط

وعطتني الدكتوره طالق صناعي الله لا عافيه موتتني من الساعه 10 صباحا لى 5 مساا وانا ماالنفتح الرحم

الا الربعه سنتي وبعدين قررت الطبيبه انه تسوياللي عمليه قيصريه
000000000000000000000000000000000
 

انا فبنتي تعذبت والله آخذت طلق صناعي ومن المغرب وانا طلقه ورى الثانيه ومررره حامي ولا ولدت الا الفجر الساعه 5 :( بس من الساعه 2 بدى مررره حار لكن الحمدلله بس طلعت بنتي زرقاء من الطلوق والمشيمه متقطعه ماطلعت كامله

لكن بولدي الحمدلله يوم الجمعه الصباح صحيت على آلم خفيف تقريبا 10ونزل معاي زي الخيوط غليظه وبنيه وتجهزت ورتبت حالي وكذا من الخوف رحت ع طول كشفت علي قالت 3 سم طلعت القسم والحمدلله وهم بصلاه الجمعه وانا آولد ماخلصو من الصلاه الا بشرت رجلي مرره تفآجأ اني ولدت على طول على باله بكون مثل البنت

ويارب تسهل علي ولادتي هذي ياحي ياقيوم

 
الله يسهل لنا احنا البكريات <<<< والله ماني فاهمه وش الطلق وكيف المغص :(
والله احسها حلم هههههههههههههه اهون على نفسي ...

يالله نستنى باقي القصص شوقتونا ..
 
ههههههههههه..ذكريااات لاتنسى ..طلق صناعي بعد دخول الاسبوع الثاني والاربعيين ومن الصباح الساعه عشرة إلى الساعه سبعه بالتحميلة الثانيه وبدأمعي الالم وقعدت اضحك هذي الولادة اللي يحكون عنها سهلة هههههه اثاري الطلق يا حليلة كان يلعب معاي..وهي تقريبا ساعه إلا ربع إلا بدا يوريني وشلووون اللعب على أصوله !!!
وحده ورى الثانيه بغييييت اموووووت .....مااقدر آخذ نفس ولا اطلع صوووت الحمدلله على كل حال ..مايمديها تروح ثواني وراجعه إلا واستغلها بطلب ابرة الظهر وعيووا لايعطوني ياها!!مايصلح لاااازم في البداية..وعليها من طلعات الروووح إلى الساعه اثنى عشر إلا ثلث..الحمدلله الله ياجرنا وجعل والدينا في الجنه..فيه حديث عن الرسول صلى الله عليه وسلم بانه سأله صحابي عن سكرات الموت كيف تكون ؟؟وفيما معناه رد عليه ب إسألوا امرأة تلد...تحس إنك مخنوووق تحت الموية ونااار في جسمك مع الم فوووق الطااقه ولماتحس ان روحك خلاااااص بتطلع ..تروح الطلقه لتكمل المشوااارمرة ثااانيه..يااازين اخر مرحلة هي اللي تحس انه ودك تنتهين بسرعه يلاااااااا..خصوصا لمايشجعونك وتحاولين تاخذين نفس عميييق وتدفعين بكل طاااقتك وماتقطعين..عشان يطلع البيبي وترتاحين واللي بعده بتكونين مخدرة وبتضيعين ماتدرين وش السالفه..الحمدلله ..الله يهووونها على كل حاامل..عليكم بكثرة الدعاء بالتساهيل وربي مارااح يخيبكم..والله يرزق كل محروم
 
قصة ولادتي ​

حسيت بالم فظيع هذا كان يوم الجمعه 5/6/1430سويت العشاء بدري على صلاة المغرب حسيت بالم فضيع ونزلت علي مويات جلست الين بعد صلاة العشاء قلت لزوجي ما تحمل الالم بروح وكنت حاسه انهم راح يرجعوني:dunno: بس قلت اروح و اشوف كم فتح :c028: بعد الفحص حصلته الدكتوره فاتح 1 سم مثل ما توقعت :frown: قالت لازم تنويم الان المويات جالسه تنزل لازم متابعه ممكن تجيك الولاده اي وقت
وتنومت اول ما جلست على سرير اعطوني المغذيه في يدي وطول الليل تخطيط والم مستمر لما جاء الفجر و جات الدكتوره تشوف قالت لسى1سم:frown:
لما جات الساعة 8 اجتمعو دكاتره علي وفحصتني دكتوره ثانيه قالت لسى ما فتح قالت لازم احرض الطلق اكثر وسوت لي توسيع شفت الموووووت :eek: قالت خلاص باذن الله ما يجي الظهر الا ولدك بجنبك فرحت ونسيت الالم:a084: ودخلتني غرفة الولاده وجالسه اناظر سرير البيبي ومكان تغسيله وادعي ربي :c016: يسر لي الولاده واجلس الى الظهر الالام مره قويه قلت خلاص فاتح 7سم بس جات تفحص قالت فاتح 3 سم
وتحملت الالم وقالت بركب لك طلق صناعي عن طريق الوريد علشان تولدين بسرعه :c014: وجلست ادعي واسمع صراخ الحريم وهم يولدون واجلس ادعي لهم :c016: وجاء العصر وجت تفحص قالت لسى فاتح 3 سم ابغى انجن:mad: يالله ليش ما فتح رغم ان الطلق عندي حامي واجلس ابكي وادعي واستغفر
جاء المغرب دخلت علي نفس الدكتوره الي فحصتني الصبح قالت يالله لسى ما ولدتي عاد انا دموعي نزلت:icon1366: قالت هانت ان شاء الله تولدين وفحصت حصلته لسى 3سم وجلست ادعي بحرقه :c016: واقرأ دعاء تيسير الولاده وكمان سورة الزلزله وكانت المرضه معي في غرفه تطالع لي برحمه :redface:
فجاءه بعد صلاة المغرب احس بدفع واقول للمرضه احس بدفع تقول ممكن الرحم ضاغط على المثانه وسوت لي قسطرة بول وانا اقول لها لالالا احس بدفع تقول لي لالالا تدفعين لسى الرحم مفتوح بس 3سم بس انا ما قدرت قلت لها بدفع وخلاص قالت لحظه طيب اشوف كم فاتح دخلت يدها الا تقول
لااله الا الله فاتح 10 وراس طالع ادفعي وانا ابكي واحمد الله وادفع وتعطيني الاكسجين وانا ارميه اقول لها ما ابغاه :c028: الاني سمعت انه يخلي الجنين يتخدر وما يدفع كويس وكمان ما يخليك تسيطرين على اطرافك اثناء الدفع والحمد الله قبل صلاة العشاء يوم السبت الموافق 6/6/1430 طلع ايمو بعد معانات يوم وليله كامله :a122:
وتخيلو طول الوقت ما دخل بطني اي اكل بس على المغذيات تخيلو يوم كامل وليله والى تعبني زياده التخطيط ما شالوه من بطني الا لما طلع ولدي وشفته قدامي وانا اولد اقول لها شيليه تقول لالا علشان اتابع نبضه:a115: الين يطلع بس والله لما طلع نسيت كل المعانات هذي وضميته بقوه حتى وهي تخيط لي ما احس بالم الابره الان جسمني صار مره مهدود وكمان احس اني في غيبوبه من الفرحه
 
الله يسهل علينا البكريات عالم غريييييييييييييب
اللهم سهل ولادة كل حامل
وارزق كل محرومة
ياااااااااااااارب
 
انا عن نفسي بحملي الاول ولدت قيصري وبالثامن بعد
لان البنوتة كانت تعبانة وعندها استسقاء بالدماغ وتوفت بعد الولادة باسبوع>>>الله يرحمها>>>>
يعني ما اعرف وشو الطلق
بس ان شاء الله اني اولد طبيعي وبخبركم عن تجربتي
أدعو لي ان الله يسهل علي ولادتي
 
هند بنت عتبة قال:
انا بالنسبة لي ولادتي كانت سهلة ووله الحمد

وعشان خاطرج بكتب كل تفاصيلها : )

انا فيوم الاحد بليل بديت احس بمغص في ظهري وبطني وكان خفيف اقدر اتحمله ونفسس الوقت كنت بكر ولا اعرف انه طلق

بس احساي قالي اقوم اتنظف من الشعر الغير مرغوب فيه و اخذلي شاور وانام

ولما صحيت الصبح حسيت الالم زاد وبس كنت مقاومة وكان بنفس اليوم جمعتنا عند الوالدة عالغدا

تزهبت ورتبت اموري وانتظرت زوجي ياخذني

والالم كل ماله يزيد يعني كل نص ساعة اتيني مغصه

وكل ما ياتني المغصة اوقف لحد ماتروح

المهم بعد الغدا امي حست اني موصله حدي فقالت شكل المغصه الي اتييج ولادة

انا خفت وفرحت نفس الوقت

المهم امي الله يعطيها العافية قالت ببخرج بشاي اذا طلق بيحمى وااذا برودة بتخف

ولما صارت الساعة 5 زاد الطلق عندي ورحت المستشفى عالساعة 6 ولما كشفت الدكتورة علي قالت مفتوح الرحم 4 سانتي وحولتني على غرفة الولادة

هناك امي نصحتني اخذ الاكسجين لانه يخليج تغيبين ويخف الالم

واشتد علي الطلق وبديت انفخ واصرخ لحد الساعة 10 بليل والا اولد

طبعا وقت خروج الراس شلو عني الاكسجين عشان اقدر ادفع

والحمدلله ساعات وحصلت احلى واغلى ولد بيدي

والله يسهل علي ولادتي هاذي مثل ولادتي الاولى يارب

ويسهل على كل حامل
أنقر للتوسيع...


يعطيج العافيه هند ع االمرور والتجربه والحمد الله وانشاء الله ربي

يسهل علييج مو مثل الأولى أحسن منها أنشاء الله نوورتي موضووعي ولين ولدتي

بشريينه فديتج :)
 
ضحكه الم قال:
حبيت ارد على عليك بس لسى ماولد استنى الله يسهل للجمع............امين
أنقر للتوسيع...

جزااج الله خير حيااتي ع المرور ونوورتي الموضوع من قلب وذيي من أسلوبج

الرااقي انج تمريين لو تشكرين رااعيه الموضووع لو كل المنتدى مثل

حضرتج انجان المنتدى أحسن منتدى ع الأطلاق ,, الله يعطيج

وترديين اتشاركيينا انشاء الله :icon26:
 
غزال نجد* قال:
مساء الخير على الجميع والله يهون علي كل حامل ويرزقها الذرية الصالحه بالنسبة لولادتي في بنتي كانت صعبه وبطلق صناعي وطلعت الروح الي ان طلعت بس الحمد لله علي كل حال ويعظم الاجروبالنسبة لولدي حمودي حبيبي كانت حاسه بالالم من 3ايام بس يوم الولادة طلقه حار رحت للمستشفي الساعة12منفتح 4 وماجت الفجرالا انا والده والحمد لله فديته عمره شهرين الحين الله يصلحهم لي ولابوهم
أنقر للتوسيع...


مسااااااء الخيراااااات ياهلا

وااااااااااي حبييبتي الله يووجرج حسييييييت فيييج انه مثلج انه 3 اياام وطلق

صنااعي ومااأدرااك ما الطلق الصناعي كاااااااااااابووووووووس :tears:

يالله الحمد الله مبرووك علييج وعليينا ماايبنه

وثنكس ع المرور
 
الام الحنون 8 قال:
السلام عليكم ورحمه الله وبركته

ولله قلبتو علي الموجع ذكروني فيه

كانت استنى الولاده من يوم دخل علي الشهر التاسع ولا حس ولا خبر مافيه اي طالق

وبعدين دخل الشهر العشر وانا استنى وسبحان الله جالست السبوع ولا فيه اي نيه في اولاده

وفي فجر يوم لاثنين من ربيع اول موفق 21/4/1429

خرج من دم فقط لاغير وبعد ساعتين بدى الطالق خفيف جدااا

ورحت لى المستشفى الساعه 8 صباح ودخلت وكشفت على الدكتوره وقلت ان رحمك منفتح سنتي فقط

وعطتني الدكتوره طالق صناعي الله لا عافيه موتتني من الساعه 10 صباحا لى 5 مساا وانا ماالنفتح الرحم

الا الربعه سنتي وبعدين قررت الطبيبه انه تسوياللي عمليه قيصريه
000000000000000000000000000000000
أنقر للتوسيع...

وعليكم السلام ورحمت الله وبركاته

اسم الله عليييج هههههههههههههه شتسوين ذي الي ربناا كااتبه لنه

لكن بالذمه يوم جفتي الكتكووت او الكتكوته ماانسييتي كل شي :bleh:

شكرا لج قلبي ع المرور
 
~ ناريز ~ قال:
انا فبنتي تعذبت والله آخذت طلق صناعي ومن المغرب وانا طلقه ورى الثانيه ومررره حامي ولا ولدت الا الفجر الساعه 5 :( بس من الساعه 2 بدى مررره حار لكن الحمدلله بس طلعت بنتي زرقاء من الطلوق والمشيمه متقطعه ماطلعت كامله

لكن بولدي الحمدلله يوم الجمعه الصباح صحيت على آلم خفيف تقريبا 10ونزل معاي زي الخيوط غليظه وبنيه وتجهزت ورتبت حالي وكذا من الخوف رحت ع طول كشفت علي قالت 3 سم طلعت القسم والحمدلله وهم بصلاه الجمعه وانا آولد ماخلصو من الصلاه الا بشرت رجلي مرره تفآجأ اني ولدت على طول على باله بكون مثل البنت

ويارب تسهل علي ولادتي هذي ياحي ياقيوم
أنقر للتوسيع...


يالله الحمد الله هااانت الله يسهل علييج انشاء الله وتطلع لج احسن ولااده

عااد هاا نبييح اتمريين اهني وتطمنيينه وتخبريينه عن تجربتج :)

يعطييج العافيه ع المرور قلبي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل