تجارب العرايس الجدد وذوات الخبره من المتزوجات

مريوم الحلوه قال:
الليدي النونو مبروووك كيف الزواج وش اكثر حاجه حستي وجهتي فيها صعوبه
بالطبخ وتنظيف المنزل او معاملتج مع زوجج او الالتزماات الجتماعيه

ان شا ء الله مايغفلوا الموضوع لان عن جد محتاجين لتجمع من هالنوع زمان كنت في تجمع المملكات ايام الملكه والحين صرت حرمه عروس احتاج لعرايس ولمتزوجااات ندردش معاهم
أنقر للتوسيع...

الله يبارك فـ عمرك حبيبتي

الزواج مو حلوووووووووووو:8:

ليتني قعدت فـ بيت اهلي انام متى ما ابي واصحى متى ما ابي :40:

بأختصآآآآر حررررريه

بس الحمدلله على كل حال


اكثر شي كان صعب علي

فراق اهلي :8:

لاني بـ منطقه وهم بـ منطقه

بعييييديييين

اكثر شي تعبني الطبخ وشغل البيت

لاني ماكنت اشتغل فـ بيت اهلي

كل شي على الشغاله :32:

والطبخ امي الله يحفظها

وبصراحه جبت العييييييييييد فـ الطبخ

بس الحين اعجبك :22:

لو تجيبين لي جمل

طبخته

<<<<<<:33:



طيب ابسألك؟؟

حسيتي زوجك تغير عن فترة الملكه :7:؟؟؟؟​
 
صرااحة الدلوعااات والغنووجاااات وااايد مايناسبهم الزواج احسن لهم يبقون عازبات خخخخخخخخخخخ
 
اممممم زوجي ابدا ماحست تغير شوفي انا كنت طول وقتي مع خطيبي ايام الملكه وكان وقتها عفوي وع طبيعته وانا كمان ماحسيت باي تغير الا بتغير واحد ان صار يهتم فيني يعني ان هو بس المسؤول عني
شوفي بخصوص المصروف كنت ناويه عوده ع ان يمشي لي مصروف شهري بس طلباتي الثانيه شي ثاني وخجلت بصراحه اقوله
بس الحمدلله هو بنفسه اول مايستلم الراتب يعطيني مصروف لو حتجت حاجه او حاجه هذا عندي ع الرغم ان لو حتجت بنزل ع السوق وبروح معااه

اكثر حاجه ندمت عليهااا اني كثرت كثير من الملابس وبالذات البوانطلين وشورتااات واخذت قد جسمييي
وللاسف زدت كم كيلووو ماقاموا يدخلون فيني يعني مضطره اعطي خواتي لان حرام ارميهم بعضهم جدد وبعضهم مالبستهم الا مره
طبعااا انا كان اخطري ازيد كم كيلووو
واللي رفع من معنويااتي كثير قالوااا انج حلويتي بعد الزواج وتغير شكلج استانست بكثير
انا والله خاطري احط يدي ع الطبخ واتفنن لان ميح لان انا وضعي مثل وضعج في بيت اهل مااسوي ولاحاجه
وفجأه دخلت في مسؤوليه
الوجه المليح صدقتي والله بس لا ان شاء الله مع الوقت نتعلم ونصير حريم سنعااااااااااات
 
اب لعيون المتزوجات
ان شاء الله بعد 3 شهور على خير بصير ادخل عندكم واقلكم خبرتي
 
مريوم والله انا كمان زدت كم كيلوووو والحين ابغى انقص شوي

وملابسي صارت ضيقة الاالقليل منها

وانا كمان اللي شافني مدحني وقال احلويتي اكثر خخخخخخخ
 
الحلو في الزواج ان الوحده تتغير للحسن من ناحيه شكلها وشخصيتهااا بعد يالله اهم شي حلويتي

ماينلام بحبك الله يتمم عليج ع خير يالله اكتسبي خبره مناااا ههههههههههه
 
اللي زوجهااا حساااسه وبالخصوص الجنوووووبي كيف تتعامل معاه لان مو بس يكون حساس مزاجي افففف

غير كذااااا منزعجه بالحيل لان لازم قبل ماينام شي اساسي اني اسوي له مساااج وهالشي يتعبني


ابي اعو نفسي بس انا جنوبيه وكسوووله

زوجي للاسف عيبه شخصيته بالحيل ضعيفه جدام بس اخو الكبير وهو ماعنده الا اخوو واحد فقط
واخذ فلوسه ع الرغم ان احنااا بالحيل محتاجين لهااا عشان نعمر بيتنااا بس للاسف زوجي اذا قاله قال الحين ماعندي وفلوسه سلفتهم واحد
اللي قهرني ان اخووو دايم يقول لزوووجي لالالا تخلي زوجتكه تركب عليك يعني يصير كل شي ع كيفهااا
حتى يوم راح نسافر شهر العسل قال راح تروحوا وراكم بني وتضيعوا فلوسكم في السفر
وسافرنا قال لاخوه عشان يسكته سفرتنا بفلوس الحرمه وانا بصراحه مادفعت حاجه

ومره من المرات كنا طالعين نتغدى ع البحراخو زوجي لمح ان مو لابسه جواريب راح سوهااا سالفه
يعني احس يدخل روحه في حيتنا وكان يبي مصلحتناااا

صرت مشاكل كثيره بسبب اخووو ع اشياء تافهااا وزوجي كالعاده ضعيف الشخصيه امام اخووو​
 
موفقين بالتجمع الجديد انا من تجمع المملكات اللي كانت فيه الاخت مريووووووووووووومه

وحلوو لو يتثبت هالمووضووع راح يفيدنا بحيااتنا

وبعد اربع شهوور نجي نحكي معااكم ونستفيد منكم
 
حبيبتي هذاك مب ضعف الشخصية بس احترام وتقدير لاخوه الكبير

فرقي بين الضعف والاحترام
 
هلا فيج قلبو ماريحوني بحبك عاااد ياقلبووو من شوي رحت لتجمع القديم واطلع ع المشركااات جاتني الغصه الله ع ذيك الايام الحلوه ودردشتناااا
واتمنى التفاااعل هم يكون هنااا مثل مافي قسم المتملكااات

ياقلبووو الوجه المليح هو جادمي وجادم خواته ينتقد اخوه وحتى خواته ويقول ابي حقي بس لو جه وقت الجد يتردد ويصير شخص ثاني
وضع اخوه المادي ممتاز وجالس يعمر لها في المنطقه اللي هو فيهااا واحنا كمان جالسين نعمر في المنطقه اللي احنا فيها هو طمع وقال راح اعمر معاكم وقال لاخوه ادفع لك ولي بعدين اعطيك احنا بح خلصت فلوسنا لان يدفع من الجهتين وكل مره اقوله طالب بحقك يقول بيعطيني اخو احنا وربي محتاجين لها لفلوس
 
الله يرحمها الوجه المليح يتيم الام يحتاااااااج احس معامله خاصه

انا زوجي زمان كان دلوووع امه وكان مدلله بدرجه اولى بس فجأه توفت وهو توها في مرحلة المراهقه وتغيرت حياته من مدلل الى مشتت وضايع لان كل خواته متزوجات وفي منطقه بعيده
وعاش الصدمه فتره وللحين احس مو مستوعب ان امه توفت لها تقريبا اربع سنوات وللحين يزورها في قبرهااا

يكفي ان هو جنوبي غربي ويتيم ام اف يبي له معااااااااااامله خاصه وشوي اتعب بصراحه
 
الوجه المليح قال:
مريومة مشكورة حبيبتي على تجاوبك الطيب

بالنسبة للدخلة انا كمان اتالمت بس مب الم فجيع يعني شوي

بس صج للحين اذا قربني زوجي باتالم لان المنطقة عندي لسة ماانفتحت على الاخر بسبب قلة المعاشرة....عذرا على الجراة في الكلام بس مالقيت الفاظ مناسبة ...

انا صدمتي اني كنت باتوقع التحق بزوجي بعد مدة قليلة من زواجي بس انصدمت لما كان يتصل ومايعطيني اي جديد مبشر عن التحاقي به وكان في كل مرة بيوصفلي صعوبة الوضع واني مارح اكون معه الابعد ان يرتقي بعملو اكثر....انا في كل مرة كنت بنصدم واتالم وازعل من الوضع وافتكر انو مايبي اكون معه فقط ...الخ من الظنون الباطلة ولكن الحين الحمد لله هو بلش باجراءات سفري اليه والله المعين...

من بين الصدمات ايضا اكتشفت ان ريلي من النوع الصعب الرضى فبعد موقف معين اتضج لي انو مايرضى الابصعوبة وبعد محاولات مكررة مني في حين افتكرتو زيي بيرضى بسهولة هههه

هذا اللي ذكرتو واي شيء اخر رح انزلوا او ما اتذكروا

تحياتي
أنقر للتوسيع...
الحمدلله ان ان شاء الله ع ن قريب راح تكووني عند زوجج وصدقتي قله المعاشره هي سبب الالم

شوفي ياقلبووو انا اول مارحت لدكتوره قلت لهااا عن وضعي اني اتوتر واني اسكر رجولي وان احس بالم شديد ومن هالكلام
المهم قالت خلاص راح اكشف اذا انفتح الغشاء او لا طبعا الله يعزكم دخلت صبعهااا وقالت ان الغشاء مفتوح وباقي جزء بسيط جدااا بس اعتبري نفسج مفتوحه ويمكن مع المعاشره تشوفي دم انا خفت وبعدها قالت موشرطه لان في بعضهم ماينزل كله الغشاء الا حتى بعد الاولاده
المهم قالت ان عندج شويه التهاب واخذت عينه من داخل
كتبت لي غسول مع حبوب لي انا وزوجي
طبعا كانت الحمدلله ان هي التهاب خارجي لان نيجة التحليل طلعت بعد اربع ايام وقالت الحمدلله انك كويسه
وقلت ان سبب الالم الاتهاب اللي فيك وكمان المفروض يكون الجماع يوم وترك عشان توسعي

وعطتني طريقه ايام التبويض عشان اذا ابي احمل وبس
صعب بالحيل الزوج يكون بعيد عن زوجته والله يجمعج بزوجج يارب

انا زوجي الحمدلله بسرعه يرضى بس بسرعه يزعل ويعصب حتى ع اشياء تافها​
 
انا زوجي الحمدلله بسرعه يرضى بس بسرعه يزعل ويعصب حتى ع اشياء تافها


خخخخخخخخخخخخخخ اعطيني سرعة الرضى اعطيك صعوبة الزعل خخخخخخخخخخ
 
ان لان حساسه عشان كذا زعوول للاسف حتى في الاشياء الخاصه مره بس قلت كلام كذا وزعل وحس اني جرحته وربي ان لو اي احد اقوله هالكلام مايصدق ان في احد يزعل ع هالكلام ولا يعتبره تجريح
 
ع فكره زوجي يقول الحمدلله الحين تزوجناااا بس باقي الاطفال زوجي من قبل وقبل مايخطبني معروووف يموت ع شي اسمه اطفاااال
يعني مجرد مايشوف طفل يريح امه وهو ياخذه الين مايناااام

هو عنده شوي قلق حاط في باله ان يمكن يكون وضعه مثل اخوه طبعا اخوه كان عنده ضعف وانجب اطفال بالانابيب
حاولت اوضح له ان هذا مو وراثه ولاتحط في بالك هالشي ومن هالكلام ان صحيح احب الاطفال بس هم عيشني بالقلق بسبب تعلقه الكبير يعتبر الاطفااال اهم الحياه واهم كل شي
يعني هو مايجلس ع النت بس مره شفت جالس ع لاب توبي وجالس يشاهد مراحل نموو الطفل
صحيح ماخذناا حاجه من تزوجنااا ومااخذت بصراحه الا كم يوم من دخل علي صح وصار الانزال داخل
مع ذلك احس بقلق ماادري ليش يمكن لان زوجي يحب الاطفال بجنون
ولو انا من ناحيه لسمح الله ماانجب اطفال اكيد بتصير كارثه والرجال مب يصبر ع الرغم ان واثقه من نفسي ان ماعندي اي مشكله
عشان كذا الغيت فكرت تأجيل الاطفال
يعني لو احمل الحين ماراح اقول له لان عارفه ان هالشي راح يسعد زوجي بالحيل ويريحني نفسيا
لان لو تاخرنا زوجي بداخله راح يتعب نفسياااا وانا كمان راح اتعب مو شرط يوضح لي بس راح اعرف ​
 
صباحكم رضا وسعاده ...........
حبيت اشاركم في موضوعكم ومدري ليه جاي في بالي احكيلكم عن هذي السالفه رغم انه متزوجه
لي 9 سنين ماشاء الله وعندي ولدين وبنت .....والحمدلله نوعا ما مرتاحه مع زوجي ........
بس كل مااتذكر ليله زواجنا ......يمكن احس بحزن ...والا بقهرر .... والا مدري وش يسمونه ......
المهم انا بنت قبايل ...وزوجي حضري ......وعاداتنا وعادات اهل زوجي تختلف ......بس قبل الزواج
كان فيه ترتيبات كثير ....وتقريبا عرفنا عادات وتقاليد بعض (( يعني اهلي واهله ))
كان دايما يقولي انه بعد الزواج راح اكشف على اخوانه وناكل على سفره وحده .... وانا كنت رافضه المبدأ
لأنه حرام .....ولأنه مو عندنا ها لكلااااام ابد .حنا بدو وعييييييب...واحنا مجتمع محافظ مسسستحيل اهلي يرضوا بهذا الوضع ......

يوم العرس .....آآه ياحريم ...فيني غصه كل مااتذكر .....بعد الزفه وانا قاعده في امان الله على الكوشه
والدنيا مو شايلتني من الفرحه والسعاده ........ وصاحباتي ينادون علي ويصفرون ويصفقون .........
طبعا وانا ابتسم لذي وارسل بوسات لذي ..والوجه بيتشقق من الضحكه .......
وما التفت الا اخوان زوجي 3 في عين العدو على الكوشه جايين يباركون
انعفست فوق تحت ......واتلخبطت والله من الصدمه اللي انا فيهاحسيت الدنيا تدور فيني كاد ان يغمى علي ..... وكنت ناويه اخرب الليله واتهور واقوم انزل من الكوشه ....بس مسكت نفسي في اخر لحظه
بس الأستياء والنكد كان واضح علي ....
هم صح اصغر منه بس كلهم بسن زواج وبعمري يعني مو صغار قال ايش طالعين يباركون ويتصورون ......
والله اخواني الصغار استحووا من الحريم وما خشوا يتصورون معنا ...
طبعا كل الحريم وبالأخص اهلي ووصاحباتي انصدموا من الموقف .... يحسبون انه انا عارفه بالموضوع ....
بعدها مااخذت من زوجي ولا من اهله حق ولا باطل كل مافتحنا الموضوع وسألته ليه سوييتو هذي الحركه ..يقول انا اتفاجأت زيك ..وهذا ترتيب اهلي ....واهله يقولوا انه كان يدري .
على بالهم بهذي الحركه يمشون كلامهم ويخلووني اكشف عليهم واكل معهم على سفره ......
كانت مشاكل في البدايه وانا انتصرت عليهم والحمدلله
اسفه ازعجتكم ............بس حبيت افضفض ......فيني حسسسسره .........
 
السلام عليكم ورحمة الله وبركاته

واخيرا يامريووووووووووم حنيت علينا وفتحتي الموضوع

يــ الله على البركة انشالله

انا باقي لي يومين واكمل ثلاث شهور زواج :2:

وزوجي جنوبي شرقي صح مريوم يحب المساج مدلع نفسة الجنوبي:11:

وبالنسبه للطبخ مريوم انصحك بكتاب النخبه خطيييييييييييييييييير انا صراحة من جنبها بالطبخ لكن مو معقول كل يوم
زوجي يروح عند اهله ياكل خصوصاً اني ساكنه قدامهم

واهم شئ نصحتني فيه اختي قالت لاتوري كتاب الطبخ لــ اهله

وفعلاً احيان كنت اسوي حلى او اكله بالمرررره تعجبهم يقعدوا يمدحوا فيا مشالله عليك نفسك حلو بالطبخ وتبدعي .....الخ ومن هــ الكلام:21:


بس اللي يقهرني شئ واحد زوجي مايحب جلسة البيت بالمرره متعود من يوم انه

عزابي ع الكازنوهات والكشتات مع اصحابه الشباب لدرجة احيان يوديني لبيت اهلي يوم كامل وهو يروح مع اصحابه

لما صرت اجلسة بالبيت بالقوه الجوال ماينزل من اذنه وعلى فينك متى بتجي وهـ ياقلبي

مع اني كذا مره اطلب منه يقفل جواله وهو جالس معاي بس بيتحجج بــ اهله يمكن يحتاجوا شئ منه خصوصا انه هو اللي بيشوف طلباتهم




يوووووه يامجدولين وربي حركة تقهررررر انا عصبت منها


ابقوا بحفظ الرحمن​
 
هلا فيج انوار المحبه شوفي الجنوبي بشكل عااام يقدس اهله بالحيل

ويحب المساااج بالحيل وحساس ويحب الرومانسيه
لي عوده راح اشوف كتاب النخبه
 
سلاااااااااااااااااام
احلى تجمع والله لااااايوقف

انا عروس لي 10 شهور تقريبا

الزواج حلو ومو حلو هههه

حلووو لأني ارتحت من عذابي سابقا في بيت اهلي كتبت قصتي هنا انا

الموووهيم

طبعا انصدمت صدمة عمري ثاني يوم زواج من الالم
وجلست شهر ماسوينا شي
لأني اصلا كان عندي عقده قبل
ومشت امورنا تماام وعاال العاال بس كنت مو عارفه انظم نفسي < الى الآن


واكبر مشكله واجهتني خيانته لي بعد ماكملنا شهرين تقريبا

بس اعجبكم خليته يتوووووووب
بكيت وتحطمت ووو
بس بعدين رت ع الصامت وطبعا زوجي ينجن اذا شافني مجروحه وساكته يقول اصرخي هاوشيني بس لاتسكتين كذا ارجعي مثل قبل سولفي اضحكي معاي <جنوبي زوجي
طبعا انا طول الوقت كااشخه واضحك مع صديقاتي في التلفون ومو معطيته وجهه بس من جوا ودي اقوم وطلع حرتي فيه مجرررررررررررروحه
يعني اهملته بشكل كثيييير
وحس انه بيفقدني وبيفقد سواليفي <الغربي الجنوبي يحب خفة الدم والسواليف واللعب والمغامرات ورومانسي لأبعد درجه وانا كنت معاه تماام لأن انا شخصيتي مثله بالضبط بس بعد الخيانه مااكلمه نهاااائي
والبنت اللي كان يكلمها السبب صديقه كلمها من جواله والبنت لصقت في زوجي سبحان الله خاااينه تلعب ع 2
طبعا كسر شريحته قداامي وبكى قال اسوي اي شي لو تبين اذبح نفسي بس ماافقدك
وسامحته قلت له ترى انت الحين كسرت ثقتي فيك شد حيلك ورجعها < ابي احسسه بالذنب والقهر
والحين اوضح له اني واااثقه بس انا العكس ههههههههه اراقبه من بعيد:31:
بس في الاخير صار زوجي ماشي معاي تماااام



نجي للمشكله الثانيه
انه مدخن
قررت اتحدى نفسي اني اخليه يترك الدخان قبل لانكمل سنه
جلست6 شهور اعطيه محاضرات وكلام حلوو واني ابيه يتركه لأني اخااف عليه واحبه مووت وماابي افقده
مراات يتأثر بس مايتركه يقول بعدين
سويت له صوره عن التدخين ان صحته غااليه علي وحطيتها خلفيه في الاب توب
وصرت ارسله عن اضرار التدخين وان اهله امه وابوه منى عينهم يشوفونه تارك الدخان <<تلاحضون اني اتكلم بالمشاااعر والعواطف
يعني الاسلوب الحلوووووو والكلام الحلو اهم شي مع الجنوووبي بالذاااات مايجيب راسهم الا هالكلام
والحمد لله بعد 6 شهور من زواجنا ترك التدخين



المشكله الثالثه





انه مو محافظ ع الصلاه
بجد تعبت نفسيتي
لمحت له بس مطنش
تعدل يوم وعشره لا
الى ان قررت يوم اواجهه بالموضوع
قلت له طبعا بشكل حزين ومكسور ودمعتين انا كنت احبك كنت اشوفك قدوتي بلدنيا < هو اكبر مني بكثير
بس الحين انت خليتني انفر منك وقل حبك في قلبي بسبب بعدك عن الله <على فكره غربي جنوبي يعني يقدس الحب والمشاااعر ويخااف موووت اني اكرهه وانا استغليت هالنقطه فيه
وبعد المدح يأثر فيه كثير يعني اذا جيت ابي انتقده في شي مو عاجبني فيه اول شي امدحه واقول كل الاشياء الحلوه فيه وازود من عندي
بعدين اطلع اللي في قلبي
وماقصرت من ناحية لمحاضرات خليته يسمع شريط الصلاه تشتكي حييييل مؤثر هالشريط
تأثر كثير ووعدني يحافظ ع الصلاه
وللحين ماشين تمااام الحمد لله الله يثبته يارب

وصار مايسمع اغااني ويهتم بالمحاضرات عكس بداية زواجنا اذا شغلت محاضره تضايق وقفل المسجل
وفيه محاضره اسمها رجال ومواقف ل محمد العريفي اهديتها زوجي < الجنوبي يحب الهدايا خصوصا من الانسانه اللي يحبها اي شي لو شوكولاته ههههههه اهم شي هديه لو بسيطه يعني يعرف انك ذاكرته فيها

وصار كل مايركب السياره يسمعها واصلا المحاضره حلووه كثييير ومن النوع اللي يحبها زوجي وتدخل قلبه < يعني اخترت اهديه على اساس اللي يميل له قلب زوجي ويأثر فيه

قولو ماشاءالله ترى والله اني شفت اشياء كثييره لو غيري ماصبرت بس الدنيا علمتني الصبر
وصرت اشتغل عليه من تزوجته يعني سويت له اعادة تأهيل هههه
فيه اشياء كثيره فيه مو حلوه يعني شويه مغرور وكثيييير يسب اي احد يشوفه في الشارع ينتقده ويضحك عليه بس الحمد لله تغير الحين طبعا من القصص اللي جبتها له


والحين فيه شي قاااهرني وعدني نطلع هاليومين لمدينه غير مدينتنا اللي ساكنين فيها نغير جو وكان يقول هالرحله ماراح اجلها <لأني انا اعرف طبعه الغربي كسووول وماعنده غير الكلام والوعود بس معاي انا لااااااااا لازم اخليه يقدر الوعود ومايخدعني
والبارح يقول لا خليها مره ثانيه تخيلو يوم جاء وقت الجد وبنطلع قال خلاص مره ثانيه
سكت ماتكلمت
قال زعلتي <عارف بعد
قلت لا اصلا تعودت منك الكلام وبس <مو اول مره يسويها
قلت له وين اللي يتمنى يسعدني ومايرفض لي طلب وين اللي يقول يحبني ويوعدني ويخلف وعده وكلام كثييير وكم دمعه<<مستغلته بقوووو لأن الدموع نقطة ضعف الجنوبي ههههههههههه شريره
بس عاد مو دموع بزياده بعدين يتعود ويصير عااادي

قال خلاص تجهزي وانا مسوي لك مفاجأه هههههههههه <اشك والله انه مايأجل المفاجأه:1:

يووووه تكلمت وااجد اعذرووني
بس ان شاءالله اكون افدتكم
وأي شي اذكره بجيكم ههههههه

دعواااتكم ترى محتااجتها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل