تجارب العرايس الجدد وذوات الخبره من المتزوجات

[مريوم الحلوه]

بحكم اني عروووس جديده والخبره قليله جدا في الحيااه الزوجيه
زمااان كنت في تجمع المملكااات وبعد الزواج حست نفسي ضايعه
عشان ذا حبيت افتح موضع تجمع العرايس الجدد والمتزوجااااات من سنوات ذوات الخبره
ابي كل وحده تتكلم عن حياتها وكيف نظام حياتها الزوجيه
وش الاشياء اللي اكتسبتها بعد الزواج وش الاشياء اللي فدقتهااا
وش العراقيل اللي عانتها كل وحده في بدايت زواجهااا او حتى بعد زوجها من سنوات
مثل اهل زوجها
خيانة زوجها
مسؤوليه اطفالها او بيت او من هالقبيل
كل وحده تفضفض لنااا نبي هالتجمع لفضفضه والدردشه
وش راح تطبخي اليوم وش راح تعملي كيف طريقه ترتيبكم للبيت يوميا واسبوعيا ومن هالقبيل
نبي نكتسب من خبرتكم ونفيدكم باللي عندنااا خلوا كل سواليفنا وفضفضتنا عن مملكتنا الخاصه وحياتناااا الزوجيه مااقصد بالجنس ومن هالقبيل لالا
في الامور الثانيه اللي احس غفلنااا عنهااا شوي وصار تركيزنااا كل في حركات الجنسيه
وحركات الدلعه والرومانسيه ونسينا حيتنااا وغيره من الامور المهمه
يالله نبي تفاعلكم
لي عوده واقولكم وش لون صارت حياتي بعد الزواج وش العراقيل اللي عانيت منهاااا​

 

[كل الأمل]

لازم تمرين بعراقيل كثيرة في حياتك خصوصا السنه الأولى
الله يوفقك ويسخر لك ويجعل زوجك مجنون فيك

 

[مريوم الحلوه]

شدعووه وين العرايس الجدد واين الي متزوجااات ماهقيت مااحد يرد ابدااا
الله يوفقج كل امل مشكوره قلبوو ع مرورج
ماقلت لنا عن تجربتج بالزواج ؟

 

[الوجه المليح]

موضوع يستحق المشااركة والاقبال

 

[مريوم الحلوه]

مشكوره ياقلبووو بس للاسف ماشفت اي تفاعل لان عن جد محتاجين لتجمع من هالنوع عشان نكتسب الخبره من بعضناااا وبنفس الوقت انفضفض وندردش

 

[الوجه المليح]

يا الله مريوم الحلوة بنفضفض لبعضنا خخخخخخ

انا ايضا لسة جديدة بالزواج لي 10 شهور

بس اللي مخلليني مب زي كل عروس هو بعد زوجي عني لسة مااتجمعنا تحت سقف واحد وتواصلنا على الهاتف وبس

يا الله معليش رح حاول اقوللك الصعوبات والصدمات اللي واجهتها وانتي كمان يا الله بلشي خخخخخخ

 

[مريوم الحلوه]

الوجه المليح ياقلبوووو عليج 10 شهووور الله يجمعج بزووج يااارب لي عوده وراح اقول وش العراقيل والصدمااات اللي انصدمت منهااا

 

[باسقة]

وش دعوى معقدين السالفة...
ترا مو لازم متزوجة يعني لازم عراقيل وصعوبات!!؟؟
ترا الموضوع تغير وضعك واشياء تتأقلمين معها بالفطرة الحمدلله .. يعني اشياء كنتي تلمسينها بالمتزوجات حولك مثل امك وخواتك او زوجات اخوانك و... والحين صرتيتطبقينها على نفسك..
وان شاء الله بتسعدين اكثر من ايام العزوبية..
اتمنى اكون افدتكن...تحيااااتي

 

[الليدي نوني]

انا لي 5 شهور و12 يوم متزوجه


(بالتفصيل) :31:

مشكوووره حبيبتي على فتح هالتجمع


بس اخاف يقفلون الموضوع :30:​

 

[مريوم الحلوه]

اول صدمه دخووول زوجي بقاعه الافراح بكيت بكاء غير طبيعي بسبب اني خلاص راح افاارق اهلي وصديقااتي

ظليت فتره ع ماتاقلمت وكل يوم ابكي مو مستوعبه اني خلاص بفارقهم ع الرغم ان مو بععدين عني بالسكن

الصدمه اللي وربي للحين اعاني منها هي لليله الدخله

اخذنا فكره ان مافي الم وظنيت ان الم دلع ومن هالقبيل لان انصدمت من هالالم وعانيت لدرجه رحت لدكتوره اتاكد اذا الغشاء انفتح او لأ من المأساه

طبعااا زوجي جنوووبي غربي
ويتيم الام وحسااااسه بدرجه اولى عانيت ان ع اقل حاجه يتحسس منهااا
والشي الثاني طبعااا عنده اخت مطلقه ولها جناح لوحدهااا طبعا هي مع 2 من اولادهاا المراهقين

كنت من اول زواجي اذا ابي اروح مشووور اوي ابي اتمشى او اي مكان كنت اقول لزوجي يالله خرجنا يالله طلعنا كنت اقولها بالجمع يعني نطلع كلنا اختك مع عيالها لان عارفه ان مافي احد يوديها وعيالها مايسقون سياره
انا مومعترضه ابدا بس للاسف زووجي تعود ان في كل طلعاتنا لازم اخته مع عيالها انا بالعكس مرحبه بالفكره بس بنفس الوقت ابي لو مره اطلع مع زوجي
زوجي جنوبي غربي يعني طبيعي يقدس اهله وهذا يعجبني بس ماابي يعاملني معامله وحده انا بالنهايه زوجته ولي وقتي الخاص وطلعاتي المختلفه ولي عوده​

 

[مريوم الحلوه]

هلا فيج باسقه قلبووو احنا مو معقدين الامور بس مهمه كان العروس الجديده وحتى اللي اخذت سنووات لازم بتواجه صعوبات في حياتها لو حتى في مسؤولية البيت واطفالها زوجهااا لو عامله كيف توافق بين حياتها في بيتها وبين عملهاااا
الحرمه اصلا من تتزوج لازم تستعد لكل شي
مهما تعلمنااا يظل في اشياء نجهلها او تكون عندنا صعوبه في تطبيقهاااا
مشكووره قلبووو ع مرورج

 

[مريوم الحلوه]

الليدي النونو مبروووك كيف الزواج وش اكثر حاجه حستي وجهتي فيها صعوبه
بالطبخ وتنظيف المنزل او معاملتج مع زوجج او الالتزماات الجتماعيه

ان شا ء الله مايغفلوا الموضوع لان عن جد محتاجين لتجمع من هالنوع زمان كنت في تجمع المملكات ايام الملكه والحين صرت حرمه عروس احتاج لعرايس ولمتزوجااات ندردش معاهم

 

[الوجه المليح]

مريومة مشكورة حبيبتي على تجاوبك الطيب

بالنسبة للدخلة انا كمان اتالمت بس مب الم فجيع يعني شوي

بس صج للحين اذا قربني زوجي باتالم لان المنطقة عندي لسة ماانفتحت على الاخر بسبب قلة المعاشرة....عذرا على الجراة في الكلام بس مالقيت الفاظ مناسبة ...

انا صدمتي اني كنت باتوقع التحق بزوجي بعد مدة قليلة من زواجي بس انصدمت لما كان يتصل ومايعطيني اي جديد مبشر عن التحاقي به وكان في كل مرة بيوصفلي صعوبة الوضع واني مارح اكون معه الابعد ان يرتقي بعملو اكثر....انا في كل مرة كنت بنصدم واتالم وازعل من الوضع وافتكر انو مايبي اكون معه فقط ...الخ من الظنون الباطلة ولكن الحين الحمد لله هو بلش باجراءات سفري اليه والله المعين...

من بين الصدمات ايضا اكتشفت ان ريلي من النوع الصعب الرضى فبعد موقف معين اتضج لي انو مايرضى الابصعوبة وبعد محاولات مكررة مني في حين افتكرتو زيي بيرضى بسهولة هههه

هذا اللي ذكرتو واي شيء اخر رح انزلوا او ما اتذكروا

تحياتي

 

[مربى جح]

ياويل حال بس عراقيل الا بلاوي الله يكفيننا الشر وربي اني انصدمت بأشياء كثيره بعد زواجي
بس الله المستعان خليني ساكته احسن .,
بقولكم طريقتي ونظامي مع اني توي عروس وحالي حالكم بس ماحبيت اطلع بدون ماافيدكم بشيء..
اولا زوجي العزيز يسوي رجيم فمايتغدى ويفطر بالدوام بس لازم اذ1 صحى المغرب قهوه وحلى وشاي وفطاير لاااازم يومياا..
المووووووهيم.,
اولااا :تنظيف البيت بالاسبوع 3 مرات الغرف اللي مااندخلها كثير مااتتنظف الا كل جمعه
انظف الارضيات اكنس المقلط وغرفة النوم وامسح المطبخ هذ1 اول مااصحى الساعه تقريبا 1 لان زوجي يجي من الدوام 3
المهم عندي مطهر داك بالصنوبر مع ديتول بالصنوبر بعد ريييحته روعه مع شوي فيري وكلوركس حطيهم بعلبة فاضيه علبة داك والا كلوركس والا اي شيء يخلي الارضيات تلق وتلمع
واكنس المقلط وارش معطر المفارش من (غناتي) خطييييييييير
وبعدها اروح اسوي لي شيء ابلعه بعدين اغسل جسمي بشكل سريع واكشخ والبس وانتظر زوجي
اذ1 جاء يدخل ينام على طول وانا اروح احوس بالمطبخ مره ثانيه بس بعد مااتابع مسلسلي طبعا يخلص الساعه اربع
بعدها اقوم اسوي حلى سريع واحيانا احطه بالفريزر عشان يبرد بسرعه وفطاير بعجينه العشر دقايق واذ1 صحى سويت القهوه والشاي
والساعه 9 ادخل اسوي العشاء ونتعشى اغسل المواعين على طول مااأجل شيء لبكرا ابدا

غسيل الملابس كل جمعه او خميس على حسب المزاج .,
ويوم الجمعه احب ابخر البيت عشان اذكر ان اليوم الجمعه واقرأسورة الكهف<<تعرفون فضلها اكيد
ووبس هذي حياتي.,ان شاءلله اكون افدتكم
دعواااااااااااااااااااتكم..
ويلاااا قولي العراقيل يمكن اساعدك.,

 

[مربى جح]

8
8
8
الظاهر اني شطحت مررره
بس لما فتحت الموضوع ماطلعت لي ردودكم كاملة وتوقعت هذي العراقيل اللي تواجهكم
الله يكون بالعون

 

[مريوم الحلوه]

انا ظليت مايقارب شهر مااطبخ ابدا الله يسلم اخته كانت تسوي الغداء وننزل لها تحت ونغدى
ومثل ماقلت لكم صرت كل وقتي مع اخته
انزل لها تحت
بحكم ان شقتي فووق

العشاء الغالب نطلع نتعشى برا
وطبعااا ظليت مايقارب اكثر من نصف شهر كنت مسافره شهر العسل
بس بعد السفر بتديت بالجد بالخصوص بعد ماداوم زوجي
طبعا زوجي يجي من الدوام بالعصر او احياانا بالمغرب بالذات شوي بعيد عنا مقر عمله

بالظهر انزل لعند اخته بعد مااجلس من النوم نتغدى وبعد الغداء
اصعد فوق ارتب شقتي اتروش اتعطر واستعد لمجيء زوجي

كل بين فتره احاول قبل مايجي بدقايق احط كم شمعه واحط ورده ع السرير

بالطبخ للاسف مااعرف اطبخ وهذا اكبر مشكله عندي اطبخ بس مو ذاك الزود
الملابس اسبوعياااا اذا زوجي بالدوم
اما احيانا زوجي يكون شفت بالليل اروح بيت اهلي انام

المشكله هي اني حيل استثقل الشغل بالشقه لان

وكمان عندي صعوبه في تقبل اني ازور بنت خالته او خالته يعني التوجيب والزيارات
بالذات بالمناسبات الزوجات وغيره
لان يوم انا بنت مو متعوده ع التوجيب والزوجات
ولي عوده​

 

[مريوم الحلوه]

بخصوص غسل الملابس زوجي متعود ثيابه يوديهم ع المغسله وفي يوم من الايام كل ثيابه لبسهم ونسه ماوداهم المغسله لان يلبس بدل
المهم طقيت ذاك الصدر وقلت له حبيبي اغسل ثيابك واكويهم لك مايحتاج توديهم المغسله
واغسلهم وللاسف تعود ان خلاص انا اغسله ثيابه و اكويهم ونسى فكرت المغسله
وحس اكره ماعندي الثياااااااااااااااب

مربى جح نظام حلو كثير يبالي اخذ والله من طريقتج لان للحين مب عارفه ارتب وضعي ابدا بالذات زوجي مره شفت يعني مره دوامه صباح ومره مساء وهكذا

 

[الوجه المليح]

حبيبتي مريومة كلما ما رحتى للزيارات استذكري فضل صلة الرحم ومكانتها العظيمة

واستمتعي باوقات الزيارة وفرفشي عن نفسك فيها وحببيها اليك كي يسهل عليك تقبلها

 

[الوجه المليح]

مريوومة حبيبتي واله اكبر عيب الرجل ايكون مزوج ومع ذلك ايودي ملابسو للمغسلة والله عيب

لاشك ان عندكم الة الغسيل بالبيت فليش صعب عليك تغسلي ثيابو والله انها من اجمل الاشغال واسهلها

وبلييز مااتخلليه ايودي ثيابو للمغسلة عييب واذا كان شذي ليش هو متزوج

 

[مريوم الحلوه]

هلا فيج قلبوو

انا بالعكس مو معترضه ان اغسل ثيابه بس الثوب الابيض يحتاج مجهود اكثر بالذات الغساله التوماتك ماتنظف عيبه البيض عدل وزوجي اغلب لبسه بدل وبونطلين بس الثوب في الاماكن الرسميه عشان كذا اتعب معاهم احاول اغسلهم اكثر من مره عشان ينظفووون