تتوقعون زوجي يغار مني وللا يبي يكبتني وللا وش قصدة؟؟

[عصير فراولة]

اهلين بلقيسيات
انا احترت في زوجي
لاحضت انه متغير علي
سويت زي ما يقولو البات
احاول اغير في ستايلي واهتم بنفسي
من ميولي حب الانجليزية
وقبل 8 اشهر صار عنده دورة لغة مدتها سنه
قلت له ابغى ادرس انا دورة عشان نستفيد سوا
وتتطور لغتنا بسرعة
رفض بشدة وقال لا تفكرين
المشكلة انه ما قال لي السبب
مع العلم اني احسن منه لغة
لما اقول له ابغى احضر دورات تدريبية يرفض
نوادي يرفض
صديقاتي يرفض
اما زوجات زملاءه عااااادي جدا ازورهم
من جد طفشششششششششششششششششت
ساعدوني

 

[Wise Woman]

هلابك حبيبتي.. ممكن زوجك مايغار منك هو يغار عليك ويخاف عليك ...ولو هو كابت عليك كان ماسمح لك بالطلعه خير شر ..دامك تزورين زوجااات اصحابه ..معناته هو يخاف عليك من المجتمع اللي مايعرفه ...

ودامك ماشاء الله عندك لغه ساعديه طيب ماهو عيب تكلموا كثير في البيت إنجليزي تتطور لغته ان شاء الله..

وانتي دام زوجك رافض تسجلي في دورات ..رضى زوجك هو أهم شيء ..وانتي طوري نفسك من خلال مواقع تعليم اللغه..ومن التلفزيون القنوات الأجنبيه مثل سماع الأخباار والبرامج الوثائقيه...

بس نصيحه حبيبتي لا تتابعين الأفلام بحجة تعليم اللغه لأن التعليم مايجي بالمعصيه أبداً..

طيعي زوجك وعليك بالصبر والإحتساب والله يسخره لك غلاتي..

 

[توتارا]

مالك الا الدعاء ادعي ربك انه يهديه
وماتدرين يمكن خير لك وانتي ماتدري (عسى ان تكرهوا شيئا وهو خيرآ لكم ) يا أختي الغالية عليك بطاعة زوجك واهم شي انك ماتزعلينه واصبري عليه والله يعوضك خير



سبحان الله والحمد لله ولا اله الا الله

 

[عصير فراولة]

الله يوفقكم ويجزاكم خير
بس صار لي 6 سنوات متزوجة وما يزداد الا عتوا ونفورا
وبالنسبة للغة في البيت دايم اتكلم معاه واذا صار عنده اختبارات يطلب مني اساعدة
مشكلته انه كثير الطلب وقليل العطاء<<<<<<<<<<<< بس مو عااااااد مرة
ظليمته قشرا
بس حاسته من تالي يدقق في الطلبات مو زي اول
وومقلل من طلعتنا من البيت للنزهه
والله اولادي طفشوا مدري كيف اتعامل معاه
وقبل شوي كلمته عشان اسجل بدورات ناعمة القادمة وقال الله يوفقها انتي تقدرين تطورين نفسك من دون مساعدة <<<<<<<<:busted_red:

 

[؛%النادره%؛]

نفس المعاناه

 

[ترانيم الألم]

فعلا بعض الرجال يغارو من زوجاتهم ولا يقبلو بأن الزوجه تتفوق عليهم في شي............

 

[Cudde Lady]

تفااااهمي معااه باسلوووب حلووو حسب شخصيته
وان شاء الله يقتنع
الله يووفقك​

 

[القلب المفتوح]

واضح أنه مادي يعني يخاف يخسر على دورتك وما يستفيد
وإذا بتتأكدي دوري عرض مجاني مثلا عن طريق النت لأي دورة لو ما تبغيها وشوفي جوابه
لكن مو معناه تفقدي الأمل
لأ بعض الرجال تجيهم أوقات يستغربون طلبات زوجاتهم بعد سنوات مو احتقار لكن يخاف يتغير الجو وما تصيري تهتمي بالبيت وتركزي على الدورة
وانت وشطارتك في إقناعه بدون إلحاح
وبالنسبة لدورة الانجليزي موجود مواقع بالنت تساعدك
الله يوفقك​

 

[عطر القمر]

زوجك مايغار منك هو يغار عليك ويخاف عليك