تتعرض لحركات من الاخرين..ماالحل؟؟

[‏ نبض]

احدى الاخوات عرضت علي مشكلتها فأحببت أن أستنير برأيكم
والمشكلة تتلخص في أنها منذ صغرها وحتى مرحلتها العمرية الحالية( خريجة جامعة)
تتعرض لحركات من الاخرين على تنوعهم واختلاف علاقاتهم
هذه الحركات كالضم والتقبيل وطرح كلمات الحب والاعجاب عليها؟

ترى مالسبب؟ وماالحل؟
أيها المختصون والخبراء أفيدونا ولا تحرمونا
وفقكم ربي​

 

[اعلامية طموحة]

اختي المشكلة غير واضحه

من هم الآخرين؟ .. وشو مناسبات التقبيل؟ وشو ظروفه وضحي أكثر الله يرضى عليج​

 

[‏ نبض]

هذا اللي محيرنا حبيبتي
انه بدون مناسبات تتعرض لهذه الاشياء من زميلات الدراسة والعمل والاقارب واي محيط تذهب اليه
وهي كارهة لهذا ولا ترحب به
شاكرة تفاعلك غاليتي​

 

[سبات شتوي]

لو سمحتي بغيت استفسر .هل هي حلوة؟

 

[Ms Uae]

سبحان الله

يعني الناس يحبونها وهي ما تبغي

اذا الحركة تتضايقها ( اذا حد حضنها تقول اسمحيلي ما احب )

بس ما فيها شي

والله يوفقج وان شا الله نسمع باقي المشكلة

 

[الـ غ ـاويهـ]

اممممم

هذا شي طبيعي

هي تقريبا مثلي .. ما احب حد يضمني او يبوسني من دون سبب

خااصة البوس .. اتنرفز بسرعة

ربيعاتي دووم يسوون فيني هااي الحركاات يعرفون اني اتضايق بس يتعمدون عشاان يضايقوني

يعني شوي انحرج ..

خخخخ ^^"

مثل ما قالت Ms Uae

هو نوع من التعبير عن الحب .. ما اقصد اي حب ، حب الصدااقة و الأخوة

اكيد لما تعبر عن ها الشي ما تعبر بنفس الطريقة .. تعبر عنه يا كلامي او تسوي شي يعبر عن ها الشي

غير البوس و الحضن ..

هي تقدر تصارحهم بها الشي .. يعني ما يستوي هم يسوون شي هي ما يعيبها و هي تسكت

تقدر تقول اسمحيلي بس ما احب حد يبوسني او يحضني جي من دون سبب

و خلها تحااول تتاقلم شوي ..

على الاقل مع ربيعاتها ..

لا تاخذ الامور اكبر مما هي .. و لا يروح تفكيرها لبعيد

و السموحة

^^

 

[‏ نبض]

حبيبتي
سبات شتوي
هي فيها حلاوة لكن هاي مو سبب هالحركات لاني اشوف بنات بنفس محيطها , وأجمل منها ومايتعرضون لشيء من هذا​

 

[‏ نبض]

الغالية
Ms Uae
ايوه حبيبتي شفتي كيف؟ يحبونها وهي ماتبي
لانها تعقدت من هالشي

وهي تقولهم وتمانعهم لكن مو كلهم ينتهون
هي الي قاهرها انها ليش هي من بد البنات تتعرض لهذا؟

ليش ليش ليش أنا كذا؟
هالسؤال يعذبني لما تقوله لي​

 

[‏ نبض]

غاليتي
الـ غ ـاويهـ

لو اقتصر الامر على صديقاتها كان هانت

لكن المشكلة انها تتعرض لهذا في معظم الاماكن التي ترتادها
هذا الاشكال
هذا الي مضايقها ومحسسها انها سلعة بيد كل أحد
علما انها مستقيمة الله يثبته ويسعدها يارب وكل من تفاعل معها​

 

[اعلامية طموحة]

اختي اعذريني ماااافهمت​

وضحي أكثر ​

انا مثلا ما احب البنات يحضنوني بس اذا صار اجامل شسوي​

الحين ربيعتج كل ماتدش مكان تسلم البنات يقومو يبوسونها ويحضنوها!! اذا لين هني عادي .. بس السؤال كيف شكل البوسه وكيف شكل الحضن؟ .. هل تحسيه نوع من التحرش الجنسي؟​

سوري عذريني بس اخاف اقولج مب مشكله تطلع مشكله فعلا​

واخاف ان ربيعتج عندها وسواس وتكبر السالفه في راسها​

ثانيا كم عمرها؟ ​

وكيف وضعها اجتماعيا هل هي معروفه وتختلط بالناس ولا انطوائية؟​

 

[بردايس]

فعلا الموضوع مب واضح .. ^_^

 

[Ms Uae]

بانتظار بقية الموضوع

 

[الـ غ ـاويهـ]

ننتظر باقي الموضوع

 

[‏ نبض]

مرحبا حبايبي
اختي
اعلامية طموحة
((الحين ربيعتج كل ماتدش مكان تسلم البنات يقومو يبوسونها ويحضنوها!! اذا لين هني عادي))

تمام حبيبتي لو كان كذا عاااادي
هي لما يسوو فيها كذا مافيه اشكال عندها

لكن هي تتعرض لهذه الحركات في غير السلام
سلمنا وخلصنا نصير جالسين تجي وحدة تحضنها من ورا او تبوسها

وهالحركات تحسين ان لها مغزى مو حركات بريئة

حتى هي مو تتنرفز اذا صارت الحركة صادرة من براءة
والا كان ماشكت من هالحال يعني مو وسواس

عمرها 24
ووضعها اجتماعيا : معروفه وتختلط بالناس
شاكرة تفاعلكم
​

 

[وردة الحنون]

تمنعهم بكلمه صارمه
وان هذا الشي يزعجها

 

[‏ نبض]

حبيبتي هي متضايقة ليش يحصل لهل هالشي من بد البنات؟؟

منعت ومنعت ومنعت
واذا راحت لمجتمع ثاني تلاقي نفس الحالة
الى متى وهي تمنع؟؟
جتها عقدة من هالموضوع


طيب الاستاذة ام منصور عسى ماشر غيبتها ما نورت الاستشارة؟؟؟؟؟؟؟؟؟؟؟؟​

 

[‏ نبض]

اين انتم حبايبي؟؟؟؟؟؟؟؟؟؟؟؟؟​