تبين تعرفين اكثر عن الموضه .....؟ ! حياك تفضلي

الحالة
مغلق و غير مفتوح للمزيد من الردود.
ام فطومه

ام فطومه

New member
إنضم
2008/06/27
المشاركات
3,254
soed0q15w.gif

.

السلام عليكم ورحمہ الله وبركاتہ..

صبآحڪ / مسآئڪ ممم

دآئمآ الاحظ بنآت يسمعون ڪلمآت في الفآشن وآلموضہ بس مايعرفون معناهآ ،
تبغى تعرف ايش اشهر المارڪات ومين المصممين
وايش نوعية الأقمشہ و الرموز اللي بين البنات لما يحڪون فيها
و ڪلمات في الميڪ اب والفاشن ..
يعني تبي تعرف اساسيات الفاشن من و إلى ..!



نبدأ بسم الله :

الفرق بين البلوزة والشيرت (قميص) ! وإيش يعني توب ؟!




- البلوزة هو لبس للمراة بس ويكون أنيق عادة
يكون فيه أزرار و في كثير من الأحيان يكون واسع شوي ..







بينما الشيرت (القميص) يكون عادي المسمى للمرأة والرجل و حق طلعات بسيطة





وممكن يكون تي شيرت (نص كم ) و ممكن يكون قميص علاقي






او حتى جابونيز ..
* إيش يعني جابونيز؟

يعني الكم اللي يجيكي اقصر من النص الكم والأطول من العلاقي
..زي اللي شايفته بالصورة فوق ^ ..

—————

أنواع التي شيرتات ..

تسمعينهم يقولون ( بولو شيرت ) ( قميص بولو ) ..

هذا شكله





وفي الفستان اللي على شكل قميص يسمونه بالانجليزي shirt dress
عندنا في العالم العربي عموما نلبسه لحاله او نلبس معه تايت
( و التايت هو الهيلاهوب الثقيل بس ما يكون مقفل من تحت يجيكي
يمكن لتحت الركبة او يجي أطول )
وهذا شكل القميص اللي على شكل فستان



وفي أنواع وألوان من القمصان بس هذي اللي معروفة عندنا ..

عندنا كمان نسمع يقولون ( سكارف ) ..يعني شال ..
يتلف حول الرقبة في البرد وبعضنا يشتريه ويستعمله في الحجاب ..




..




وفي بلايز (هاي نك) ..يعني برقبة عالية تجي بدون كم ، أو نص كم ، او كم طويل …


يتبع




 
التعديل الأخير بواسطة المشرف:
اضافة صور



والهاي نك يعتبر من البلوفر .. اهااا جينا هنا ع كلمة (بلوفر) وش معناتها ؟؟
معناتها اي بلوزة وقميص نلبسه عن طريق الرأس ..
يعني ندخل راسنا اول وبعدين ندخل جسمنا ..
من إيش جاية كلمة بلوفر من
a garment pulled over the head

وهذه صور للبلوفرات المتعددة ..




بالنسبة للبناطيل
.. في البناطيل البيرمودا يعني تحت الركبة
وفيه التنانير اللي تحت الركبة زي كذا شكلها





وفيه الميني سكيرت
( يعني تنورة قصيرة لنص الفخذ )



طيب بالنسبة لحركات القماش ..

نسمع درابيه .. !

وهي حركة لف القماش بطريقة معينة زي هالصورة





وفي حركة الكشكشة
وهذي هي تجي ع تنانير او فساتين او حتى ع شنط ..





وبالنسبة للخامات في خامة التل هذي هي







وفي برضو عندنا خامة الدانتيل وهذا شكلها





وصحيح في حاجة اسمها كورسيه corset

هذي مشد يستخدم عشان يشد المنطقة العليا عند المراة ..
ويجي منه أنواع وهالشيء حتتعبين لين تلاقينه ما ادري ليه ما يوفرونه لنا
3.gif
..!







طيب ننتقل إلى الجزم وانتم بكرامة ..

هذا البووت إلى حد الكاحل ..





وهذا بووت كمان بس لحد نص الساق




يتبع
 
وهذا البووت العالي لحدود الركبة ..





وفيه جزم الكعب والصندل معروفة .. في الفلات هذي صورته






طيب بالنسبة للشنط ..

في الشنط اللي ع الظهر يسمونها Backpacks







وفي شنط الماسنجر messenger bags (الساعي او المبعوث )
تجي بيد وحدة تتلبس ع ذراع واحد او تدخليها من راسك وتصير مايلة ..وهذه صورها





الشنط اللي تتمسك باليد وصغنونة يسمونها ( كلتش )





وفي الشنطة الكبيرة لها عدة اسماء وهي
tote bag + holdall bag + carryall bag







طيب نجي للماركات ..




لويس فيتون








هذي ماركة لويس فيتون مشهورين جدااا في كل مكان
وعندنا حدث ولا حرج ..
16.gif

الماركة هذه معروف انها ما تنزل تخفيضات ابد ع قد ماهي مو محتاجة ..
ناس كثير يسمونها ( إل في ) ننطق الفاء V ..
وهو اختصار إسم الماركة ..
أنشئت هالماركة الفرنسية من زمان الزمانات سنة 1854 ميلادي ..








برضو ماركة فرنسية أسسها كرستيان ديور سنة 1946
هو أساسا من عائلة غنية استمدت ثروتها من تصنيع الأسمدة ..
كانوا يبغونه يصير دبلوماسي بس قال معصي ما بقى الا هي ..:31:
انا عندي هوايات واهتمامات فاشيونية .. :32:
فصار يرسم تصاميمه ويبيعها بـ 10 سنت ..
يعتبر مبلغ حقير اللحين .. :31:



كل هذا من تجميعي للي يبون يعرفون اكثر عن الموضه

هذا موضوع الاخت نولي الله يعطيها العافية


http://www.niswh.com/vb/showthread.php?t=186024

مصطلحات الفاشن بالصور


اتمنى لكم الافادة والمتعة
 
مشكوووووره يالغلا على موضوعك الروعه
الله يجزاااك الجنه
ننتظر جديدك يالغلا
 
تسلمين ياقبي مجهود رائئئئئئئئئئئئئئئئئئئئئئئع
منك نستفيد​
 
حلو بس ليت في احد يضلل ياناس ملينا نشوف اللحم في الصور ...


عموما الموضوع تووحفآآ وتشكرين عليه ماقصرتي تعبك واضح وللأمانه افدتيني انا شخصيا كثثثثثير
 
الحالة
مغلق و غير مفتوح للمزيد من الردود.
عودة
أعلى أسفل