تبين تحترفين في المكياج..!!!تفضلي...

[نفرتاري]

الصراحة هاي الموضوع منقول...بس انا نقلته من منتدى ثاني للأستفادة...

الصراحة انا استفدت منه وايد....واتمنى انكم تستيفيدون منه..

شنو أهم أدوات لازم تكون موجوده عندج.....!!!

الفراشي + وعلبة شادوهات + الاساس + كونسيلر +
الكحل السائل والقلم+ مسكارا + الأسفنجه...!!

وأهم نقطه..
غسل الوجه وترطيبه

اول درس..
طريقة وضع الكونسيلر

هذه طريقة وضع الكونسيلر ع العين
ملاحظه...
طريقة وضع الكونسيلر والاساس..
هاي الطريقة الصحيحة..

وهاي الطريقة الخاطئة

​

هذه طريقه وضع الاساس ع الوجه

((مسميات اجزاء العين الاساسيه ))

1_ منطفة تحت الحاجب

2_ منطقه الجفن الثابت

3_ منطقة الجفن المتحرك

صوره اخرى موضحه اكثر

1_ تحت الحاجب

2_ الجفن الثابت

3_ الجفن المتحرك

​

 

[نفرتاري]

الدرس الثاني

أولا (( أضاءة العين))

نسمع عن شي اسمه الأضاءه... وانا راح اذكر لكم أضاءة العين
(( الشدو ))

أضاءة تحت الحاجب


والأضاءه ضروريه .. لابراز العين أكثر!!!!

عندج الفضي + الابيض + الذهبي

الأكثر أستخداما الألوان الفاتحه..للسهره تستخدمين الأضاءه اللي فيها لمعه
وللأيام العاديه..الاضاءه العاديه.. بدون لمعه..!!!

مثال للأضاءات!!
الابيض والذهبي والفضي..>>> الألوان الفاتحه

طريقة وضع الشدو اللون الواحد

1_>>>>> نحط الكونسيلر
2_ ثانيا >>>> نحط الأضاءه تحت الحاجب

3_ ثالثا >>> نحط مثل ثلاث نقاط.. وحده بداية مدمع العين..والثانيه في الوسط والثالثه في نهاية
الجفن متحرك

4_ رابعا>>> نختار اي لون..انا اخترت لون البنفسجي

وانمد لون البنفسجي ع النقاط اللي احنا حددناهم...

5_ بعدها أنحاول انموه اللون ع فوق وانموه وانموه..حتى نمزج لون البنفسجي مع الاضاءه
ع الجفن الثابت

6_ بعدها ناخذ بطبطبه بسيطه من اللون البنفسجي ونحط ع كامل الجفن المتحرك

7_ وبكذي انتهينا.. نحط الكحل والمسكره..ونرسم الحاجب

اللمسات النهائيه!!!

​

 

[نفرتاري]

الدرس الثالث​

تعلم رسم انواع الكحل​

بالنسبه لرسم انواع الكحل..​

عندنا ثلاثة أنواع معروفه..​

اولا>>> طريقة الكحل المسكر​

ثانيا>>> طريقة الكحل المفتوح​

ثالثا >>> طريقة الكحل اللبناني​

=====​

للمبتدئات...​

أنصحهم أستخدام الآي لاينر كيك..بدال الكحل السائل..
انا صورت لكم اللي عندي..يستخدم بالماء.. وعندج ماركة فور ايفر..نوعه كريمي
وعندج ماركة مكياجي وماك..اللي اتجيج العلبه مع الريشه..هم حلوه في الاستخدام!!
أنا أحب استخدام اللي يجيج مع الماي..وأنتي شوفي اللي يدج ترتاح عليه!!!​

وبالنسبه للكحل السائل..أذا تبين كحل لونه اسود..واتحسين نوعه ممتاز
عليج بكحل محمود سعيد..تلقينه في محل حميد تريم..بسوق العسيري
لكن بما انج مبتدئه انصحج بنفس طريقة نوع هالكحل..
لأنه سهل الأستخدام..اتحسينه مثل القلم...​

وأفضل أنواع قلم الكحل..ماركة سمايلنج..بعد راح تلقينه عند متجر حميد في منه الكبير والصغير
وهذا اللي عندي الكبير!!

وأنتي ترسمين الكحل..حاولي ماتنزلين فرشاة الكحل ع تحت..خليه ع حركه مستقيمه..حتى مايعرض لج الكحل..ويخرب شغلج...​

وتحت لما ترسمين خط الكحل..حاولي ترسمينه ع خط مستقيم..
حتى تقدرين بعدها ترسمين خط الشدو ع فوق!!!​

رسمة الكحل المسكر​

الكحل المسكر طريقته>>>> من قدام ضعيف وفي الأخير عريض​

رسمة الكحل المفتوح​

المفتوح يكون مفتوح من قدام... ومن اخر شي مفتوح...​

رسمة الكحل اللبناني​

يكون من قدام مصكر...وفي الأخير مفتوح​

​

​

وبعدين اتجيبين فرشاه اتحطين فيها شوي شدو اسود واتمدينه في القسم الاخير مفتوح​

ملاحظه / طريقة رسم الكحل اللبناني
((دائما تكون بستخدام قلم الكحل الأسود))


=====================​

اذا تبين اتحطين الكحل حق نفسج وماتعرفين ​

طبقت لج طريقه سهله اتساعدج تتمرسين في وضع الكحل..!!!​

اولااتحطين صبعج في هذه المنطقه..وانا افضل الاصبغ الصغير..اتمدينها ع حركة السهم اللي انا رسمته​

وبعدها ترسمين الكحل من بداية مدمع العين الى اخر منطقة الجفن
متحرك​

هذه صوره ثانيه اترويج كيف الطريقه..!!​

==============================​

الدرس الجاي طريقة وضع الشدو اللونين...
وطريقة وضع الشدو 3 الالوان....​

 

[حفيدة الأنصار]

معلومات جدا رائعه ومفيده في وضع المكياج
يسلموو نفرتيتي
لا عدمناااااك

 

[^غلا دبي^]

موضوع حلوووو


يعطيج العافيه يا نفرتاري

 

[بنت تبوكية]

والله انك روعه حبيبتي
انا مااعرف احط الكحل
انتظر جديدك حياتي

 

[نفرتاري]

درس ظل اللونين وتوزيعة

أولا>>>> .. نحط الكونسيلر ع دار مدار العين


ثانيا >>> نحط الأضاءه تحت الحاجب..اي اضاءه تحبينها>> فضي + او ذهبي او الأبيض..الخ..​

ثالثا >>> نحط طريقة ثلاث نقاط ع خط جفن متحرك آنا أخترت اللون الأزرق الفاتح

رابعا >>> انوزع اللون الأزرق ع كامل الجفن متحرك

خامسا >>> بعد ماوزعنا اللون الأزرق نرسم خط باللون مختلف فوق اللون الأزرق
وانا أخترت اللون الوردي

سادسا >>>> اموه بفرشاة الدمج ع فوق..انموه وانموه..يعني ندمجه اللونبين الازرق
والوردي..ع فوق

ثامنا >>>> نحط اللمسات النهائيه... المسكره والكحل.ونرسم الحواجب..

​

وهذه النتيجه ....

==============================
درس الدمج ثلاث الوان
أولا>>>>> نحط الكونسيلر ع دار مدار العين
بعدين انحط الأضاءه تحت الحاجب

ثانيا>>>>> اذا ماكنتي اتعرفين طريقة تقسيم كل جزء في الجفن المتحرك تقدرين اتقسمينه بالنقاط ثلاثة اقسام...او اتسوين خط بين كل قسم

وأنا حطيت أول لون الأصفر

ثالثا>>>> نحط لون الأخضر

ونحاول ندمج بين اللون الاخضر والأصفر بطرف الصبع ع الخط اللي انا اموضحته

رابعا>>>> نحط لون الوردي

خامسا >>>نحاول نحاول انموه اللون الوردي ع فوق وصولا للون الاصفر

وهذا الشكل النهائي بعد مارسمنا الحواجب وحطينا الكحل والمسكره

​

 

[هناء 11]

ماشاء الله مررررره روعة
يجزاك الله الجنه

 

[نفرتاري]

درس فانتازيا الخفيفة

هذا مثال للفنتازيا الخفيفه

ملاحظة:
شغلة جدا مهمة ركزوا عليها..
اللون الفاتح على الجفن المتحرك
واللون الغامق على الجفن الثابت

أو لا>>> نحط الكونسيلر ع دار مدار العين

ثانيا>>> نحط الأضاءه الفضيه او اللون الأبيض تحت الحاجب

ثالثا>>> نحط اللون الذهبي ع الجفن المتحرك

رابعا>>>>>>نجيب الفرشاه ونحط ع جفت ثابت أي لون تختارينه
وأنا أخترت اللون الأحمر الغامق

بهذه الطريقه

خامسا >>>> أنموه اللون الأحمر الغامق ع فوق..

سادسا>>>> نجيب قلم الكحل الأسود أو الكحل السائل ونرسم خط بهذه الطريقه
ع الجفن الثابت

سابعا>>>>>أنموه اللون الاسود ع فوق وندمجه مع اللون الأحمر الغامق

وأهم شغله..لما انموه اللون الأسود أنحاول ندمجه عدل وع قد مانقدر
مانخلي خط الكحل يبين (( أنخليه مدموج مع الأحمر))
مثل ماهو اموضح بالصوره

وهذه اللمسات النهائيه>>>

>>>> رسمنا الحاجب والكحل وحطينا المسكره واللمعه

 

[@موووده@]

موضوع مفيد جدا,,,,,,,,,,,,,, تسلمين

 

[احاسيس مرهفة]

ماشاء الله عليك موضوع رائع

 

[نفرتاري]

درس فانتازيا الثقيلة​

أولا>>>> نحط الكونسيلر ع دار مدار العين​

ثانيا>>>> نحط الأضاءه (( لونين))​

أول خطوه بنحط لون >>>> الذهبي​

ثاني خطوه بنحط لون>>> الفضي​

اللحين صارت الأضاءه تحت الحاجب لونين ذهبي وفضي​

ثالثا>>> بناخذ اللون الأزرق الفاتح وبنخط ع زاوية الجفن الثابت
نصف المنطقه​

رابعا>>> أنموه اللون الأزرق ع فوق​

خامسا>>> انقسم منطقة الجفن المتحرك لقسمين​

أول خطوه أول قسم بنحط اللون ((البرتقالي))​

ثاني خطوه بنحط اللون ((الأصفر)) عند اللون البرتقالي​

سادسا>>> بناخذ بالفرشاه طبقه من اللون الأزرق الغامق ونحطه
ع منطقة الجفن الثابت​

سابعا>>> أنموه لون ألازرق الغامق ع فوق​

ثامنا>>> بناخذ قلم الكحل او كحل السائل ونرسم نص خط
ع الجفن الثابت​

تاسعا>>>> أنموه الكحل ع فوق​

وهذا الشكل النهائي​

رسمنا الكحل والحواجب والمسكره ​

وأذا حبيتي اتثقلين ع الألوان..حطي ألوان أغمق بدرجه وحده
وراح يطلع لج الشكل..أكثر من روعه...​

=========================================​

درس اللبناني الثقيل
هذا مثال للظل اللبناني الثقيل​

​

ملاحظه>>>> الظل اللبناني الثقيل دائما يكون طريقته قلم الكحل ع الجفن المتحرك
يعني اللون الأسود ضمن هالطريقه​

أولا>>>> نحط الكونسيلر دار مدار العين​

ثانيا>>>> بنحط الأضاءه تحت الحاجب (( لونين))​

الذهبي + الفضي​

ثالثا>>> بنجيب قلم الكحل الأسود..وبنرسم ع الجفن المتحرك(( كامل الجفن المتحرك))​

رابعا>>> بناخذ الشدو الأسود وبالفرشاه بنحط فوق اللي رسمناه قبل بقلم الكحل انحط فوقه​

خامسا>>>> بنجيب الفرشاه وبنرسم نص خط عريض ع الجفن الثابت وانا أخترت اللون
(( الوردي))​

سادسا>>>>> بنجيب لون أفتح (( بختار الأزرق الفاتح)) بحطه بهذه الطريقه​

ملاحظه>>> لازم يكون اللون اللي في الخلف أغمق واللي قدامه أفتح​

سابعا>>>أنموه الشدو ع فوق مع دمج الألوان الاسود والوردي والازرق​

وهذا الشكل النهائي​

حطينا المسكره والكحل ورسمنا الحواجب​

 

[نفرتاري]

مشكورين على ردودكم الحلوة
=========================

الدروس الجاية انشاء الله

درس اللبناني الخفيف
درس رسمة الأنف
درس طريقة رسم الروج
درس رسمة الفلامنجو



​

 

[حلم الأمومة]

خطوات سهلة ..
خاطري اضبط دمج 3 الوان ..

مشكوورة نفرتاري

 

[قلبي تشوق]

واااااااااااااو روعه تسلم ايدينك على هالموضوع الاكثر من رائع...والله افدتينا.....
ونحن بانتظار جديدك...
دمتي بود..

 

[glamour]

فانتازيا الثقيلة
هذا فخاطري أظبطة
مشكوره نفرتاري موضوع حلـــــو

 

[نفرتاري]

خطوات سهلة ..
خاطري اضبط دمج 3 الوان ..

مشكوورة نفرتاري

جربيه وقولي لي...:blush-anim-cl:

نزورتي موضوعي بردودك الحلوة ياعسلولة ​

 

[نفرتاري]

واااااااااااااو روعه تسلم ايدينك على هالموضوع الاكثر من رائع...والله افدتينا.....
ونحن بانتظار جديدك...
دمتي بود..

اتمنى اتكونين استفدتي منه ....لاني بالصراحة وايد استفدت...:cupidarrow:​

 

[نفرتاري]

فانتازيا الثقيلة
هذا فخاطري أظبطة
مشكوره نفرتاري موضوع حلـــــو

هلا والله جلامور....مشكورة على ردج العسل ياقلبي...:cupidarrow:
اسمج منور موضوعي...يالله جربي وقولي لي النتيجة:smoke1:​

 

[RedRose]

روووووووووعة يعطيك العافية