تبغين أساعدك في تحديد نمط زوجك تفضلي عزيزتي

الحالة
مغلق و غير مفتوح للمزيد من الردود.
اهلي جوهرتنا ,,,

اجوبتي::

1-هل يقرر بسرعه وهل هو سريع التفيذ او يشاور في الامر قبل التنفيذ ؟؟

لا لايقرر بسرعه ولاينفذ بسرعه ,,ولا يشاور..

2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟
يحب ان اشيائة ماتغير عن مكانها ,,بس مو نظامي ومرتب ..

3- اذكري بعض السلبيات والايجابيات؟؟
صامت ,,مايناقش بالمشكله,, لايعبر عن حبه بالقول
يشاهد الافلام الاجنبيه ويعشقها وكلما كات بوليسيه احبها وفضلها ,,

احيانا مرح ,, هادئ ,,حكيم ,,يساعد لكن ليس اي احد ,,








انتظرك


 
هل يقرر بسرعه وهل هو سريع التفيذ او يشاور في الامر قبل التنفيذ

لايشاور الانادرا نادرا حتى اهله
3- اذكري بعض السلبيات والايجابيات؟؟
الاجابيات كريم صبور يعطيني الثقه يحب الهدايه الراقيه والغاليه ههه مايحب السب والشتم
يحب الاطفال ولا يمل منهم
سلبياته عنيد مجازف في شغله.. كسول في المنزل فقط ..كتوم.. مايعرف يدبر عمره برومنسيه خجول حتى مني
كثير السهر والطلعات ماتفوته
خخخ
-هل هو انسان نظامي وكل شي في مكانه ودقيق في مواعيده ؟؟ أو انسان فوضوي
لااا انسان فوضوي يعتمد علي كثير في ترتيب اغراضه
ماعنده موااااعيد
 
غاليتي اكيد ندمتي انك عرضتي خدماتك هاهاههاهاها لكن جزاك الله خير ونولك مرادك
*هل يقرر بسرعه وهل هو سريع التفيذ او يشاور في الامر قبل التنفيذ ؟؟
نعم سريع التنفيذ ..اما عن موضوع التشاور احيانا

*هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟
انسان فوضوي جدا وخصوصا مواعيده مع انو كان منظم من قبل الزواج
3- اذكري بعض السلبيات والايجابيات؟؟
السلبيات: مبذر وليس باستطاعته التجميع- يكره الصوت العالي- لا يحب ان ينقد- لا يحب ان يقيد- اجتماعي جدا على حساب عائلته لكنه يحب تغيير الصداقات من فترة لاخرى- كسول في البيت نشيط وخدوم مع الغير- يكذب بسبب ودون سبب
ايجابيات: كريم- فيه صفات قيادية ولكنه يقاد من الناس خوفا على زعلهم او نظرتهم له- متحدث- محبوب من الجميع- ناجح في عمله- فيه حس فني لكنه لاينميه
 
هلا عيوني عساك ع القوه ابستنى دوري بفارغ الصبر​
 
1-هل يقرر بسرعه وهل هو سريع التفيذ او يشاور في الامر قبل التنفيذ ؟؟
سريع في اتخاذ القرارات ولا يشاور ولا يسمع بنصيحتي
2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟
في اغراضه نوعا ما فوضوي اما في مواعيده خاصة العمل فهو نظامي

3- اذكري بعض السلبيات والايجابيات؟
من اهم ايجابياته انه جدا حنوووووووووووووووون ولا يبخل علي باي شي احسه يحب يعطي اكثر من انه ياخذ
اما سلبياته ما يعرف يتكلم معايه ولا يعطيني كلام حب ههههه حرمه واحسه احيانا يستهتر بكلامي
 
الله يجزاك الف خير بس ممكن اعرف نمطي لاني محتارررة مرة دام ماوصلني الدور​
انا نادرا اخذ قرار بسرعة افكر واجد والتنفيذ مو سريع واشاور واااجد
انا نظامية و كلشي بمكانة الدقة بالمواعيد عذابي احاول بس مو دايم تزبط
سلبياتي حساسة مرة وعصبية وتضايقني الحوسة
ايجابياتي حنونة وفرفوشة وكريمة ولماحة
ومدري اذا تفيدك احب الكاجوال بالبس جينز وتي شيرت غرامي احب الجودة باللبس تهمني
وارتاح بالالوان الهادية سماوي فاتح زهر مرررة احبهم
وسامحيني طولت عليك حبيبتي بس من حيرتي بنمطي وزوجي
ويسر امرك ونولك مرادك واتاك سؤلك يارب:icon26:
 
يسلمو

1-سريع جداً
2-فووضوي لحد الجنون
ايجابياته:حنون ومسالم طيب القلب
سلبياته:عنادي ومتمحور بعلاقاته بالنت وليس له علاقات غير علاقات النت معارفه يعني من النت
يعطيكي العافيه انتظر تحليلك واي سؤال ثاني انا موجوده
 
يعطيكي العافيه عجزت بنفسي احدد نمط زوجي :icon30:

بسم الله :

-هل يقرر بسرعه وهل هو سريع التفيذ او يشاور في الامر قبل التنفيذ ؟؟

لاااا مايقرر بسرعه ويحب يشاور الناس اللي يثق برايهم بس ينفذ بسرعه :showoff:

2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟

احسه نظامي ويحب النظافه ومواعيده كويسه :icon30:

3- اذكري بعض السلبيات والايجابيات؟؟

زوجي انسان يرضى بسرعه تفكيره حلو وآرائه مقنعه حتى خواته يرجعون له
احيانا احس انه شمالي يحب يعمل ويبني له مستقبل واضح
علاقاته متعدده ومحبوب ومرح

واحيانا احسه غربي يحب السفر منطلق تفكيره مثلي يحب الحريه
متجدد وده نلف العالم مع بعض

يحب يكشخ دايم مثلي تماما وعطوراتنا مايمدي نمل منها :blush-anim-cl:

يحب اللون السماوي الفاتح واسكري الأوف وايت
والوردي وفيه الوان ثانيه انا احببه فيها مثل الأحمر والأسود والأورانج وغيرها
نقدر نقول متعدد الألوان بس يفضل الهاديه

منطلق جنسيا مافيه حدود عنده وانا مثله الا حدود الشرع
نستمتع بكل شي

هو جرئ بس انا اجرئ منه ........

يحب الصراحه ورومانسي كثير يعبر عنها بالفعل وبالكلام احيانا
دايم يقول اهم شي ننبسط كل شي عنده قداااااااااااااااااااام قدااااااااااااااااام :blow:

نسيت اقول انه مرررررررررررره كريم مايمسك الريال لازم يطيره :shiny:

فيه بعض الصفات اللي مااحبها مثل احس مزحه ثقيل شوي
وبسرعه يعصب احيانا اعصب عليه لإني رومانسيه بزياده ابغاه دايم يراعيني
وهو مايجي في باله اني ازعل او ان هالشي على تفاهته يأثر فيني


يعطيكي العافيه ياقلبي ويجزاكي عنا الف خير:icon26::icon26:


 
موفقه اختي والله يسعدك دوم
ممكن تبيني ليل شخصيتي انا؟؟؟

1-هل يقرر بسرعه وهل هو سريع التفيذ او يشاور في الامر قبل التنفيذ ؟؟
نعم اقرر بسرعه
وبعد سريعة التنفيذ
حتى بدون ما افكر
والشور هذا مخبيته في الخزينه
2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟
انا نظاميه وكلش في مكانه
لكن كنت قبل زواجي دقيقه فالمواعيد وبعد الزواج ضربت بالمواعيد عرض الحائط وهذي اخذتها من زوجي
لانه عادي يوعدني يوديني او يجي وما يصير
3- اذكري بعض السلبيات والايجابيات؟؟
عصبيه
يقتلني التفكير والاحلام والخيال وضرب الاخماس بالاسداس
اقدر الصداقات
محطمة بكل ماتحمله الكلمه
 
-
-

1-هل يقرر بسرعه وهل هو سريع التفيذ او يشاور في الامر قبل التنفيذ ؟؟
قراره يجي بعد المشاورة ، ما يقرر بسرعة يحسب حساب كل شي
ويشاور في الامر قبل التنفيذ


2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟
في العمل ، بقووة نظامي ، حتى انه من فترة نقل من مكان عمله وراح مكان الملفات والدواليب وكل شي يخص عمله مو مرتب ،
رتب كل شي ونظم كل شي ، وحتى انه سوى ديكور بسيط للمكان !!
في البيت فوضوي ، يعني مثلا ياخذ العطر من على التسريحة وما يرجعة مكانه يحطه على جنب ..
الحلاقة في الحمام (وانتي بكرامة) ياخذها من الدولاب ويحطها على المغسلة ..
دقة المواعيد .. لااا .. بالنادر تكون عندة دقة في المواعيد وعلى قولته تكون بالصدفة

3- اذكري بعض السلبيات والايجابيات؟؟
الايجابيات
مرح ، كل شي عندة مسخرة ويتطنز على كل شي .. ويسولف ويدخل معك في كل شي ..

اجتماعي .. وهالشي اعتقد لانه مرح الكل يستانس عليه وعلى ضحكة ومسخرته
وبإجتماعي اقصد ان الناس يحبونه ، لكن هو عادي ، وربعه ما يطلع معهم الا مره او مرتين بالاسبوع ، هذا اذا طلع ..!!

رومنسي

كرييييييم

يكرة شي اسمه الغيبة ، بشكل مو طبيعي !!

ما مره خاني ، هو يشتغل في مستشفى ، ومرة حماتي رايحة هذا المستشفى ولما عرفت وحدة من الممرضات ان زوجي اخو حماتي قامت تمدحه لحماتي وتقول لها انه مره محترم ..
وهو اصلا مو راعي بصبصه ، ويحتقر الشباب الي زي كذا ..

يقدر العائلة اكثر من الربع والاصدقاء ..

السلبيات
اذا عصب خلاص عصب ، بالموووت على ما يرضى ، ولازم اقل شي تعدي ليلة ما يكلمني وهذا بالنادر ، غالبا من ثلاث ايام الى اسبوعين !!
وصدقيني جربت اعتذر ، البس الملابس الي يحبهااا ، يدخل على جوو رومنسي .. ما فيه فايدة
امم خليني اقولك شي زيادة .. انا بعد اسبوعين بكمل سنة من تزوجت
فـ انا اعتقد انه اذا عصب ما يرضى ، اعتقد انه يتبع هالاسلوب علشان يأدبني .. يعني عشان ما اتهاون واعيد التصرف الي هو ما يحبهـ .. (مجرد اعتقاد ، ويمكن انا قاعدة اوهم نفسي بهالشي)

نادرا يكون جدي ، دائما يضحك وحتى اذا كنت اكلمه بجديه في اي شي ، ما يكون جدي معي
امم من الامور الي يكون جدي فيهاا : مناقشة امورنا المستقبلية مثلا شراء ارض ، بني البيت .. مشاكل اجتماعية مثل المثلية او عن الشباب الي يرقمون والبنات الي ينضحك عليهم .. بسس
شوفي عاد متى ينفتح موضوع جدي زي كذا ... بالنادر طبعا

فيه نوع من الكسل .. مو كسوووول .. بس فيه كسل

قلبه قاسي .. حنووون حيل .. لكن مجرد نتهاوش تطلع قساوة القلب ..
يعني لو اموووت من الصياح ما يهمه ..
ومره كنت تعبانة .. وكنت اصييييييح من الالم .. وهو يدري اني تعبانة ..
ما اهتم .. وما قالي تبين شي اجيب لك .. ولا حتى عطاني علاج ..
يمكن قعدت فوق الساعة وانا اتقالب على السرير مو قادرة اقوم .. وكنت اصيييح .. وهو حاط راسة على المخدة ومو سائل فيني ..
امم شي ثاني مره خواته قالو لي زوجك قلبه ولا الحجر ..
انا ما احس ان قلبه حجر الا الين نتهاوش ..



ربي يعطيك الف عافية

ادري قلت قصة حياتي ..

لا ع ــدمنااااكـ


-
-

نولي
 
جوهرة العبدالله قال:
جاوبي على الاسئلة

1-هل يقرر بسرعه وهل هو سريع التفيذ او يشاور في الامر قبل التنفيذ ؟؟
في الغالب يكون بطيء في اتخاذ القرار والتنفيذ ولا يشاور إلا في بعض الأمور التي يجهلها

2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟
هو نظامي في أشياءه الخاصة مثل السيارة ملابسه مكتبه أوراقه ... لكن المواعيد لا يلتزم بها وخاصة مواعيد الأكل والبيت


3- اذكري بعض السلبيات والايجابيات؟؟
حنون وطيب وحليم جدا لكن اقتصادي لحد البخل وسريع الغضب قليل الكلام ولا يعبر عن مشاعرة حتى في أخص الأوقات معي
أنقر للتوسيع...

هذي الأجوبة ..... ماني عارفه نمط شخصيته مره أقول شمالي
ومره شرقي الله يجزاك خير ساعديني حتى أعرف كيف
أتعامل معاه بطريقة أحسن
 
لايقرر بسرعه يحب يفكر ويحلل الامور ليس سريع التنفيذ يشاورني انا فقط ويشاركني لا كن يسوي الي مقتنع فيه ومايحب احد يعرف عن شي حتى تتم اموره مثل بيشتري سياره او يبع بيت او يشتري جدا نظامي وحريص على اغراضه الخاصه كاعطوراته مستحيل يشاركني نفس الادراج او التسريحه في حفظ اغراضه مكان جواله ومفتاحه وبوكه معروف في جهه معينه من المكتبه الخاصه فيه مستحيل تتغير دقيق جدا في مواعيده وذا كان عنده موعد يقلق و يطلع قبل الموعد بنص ساعه ايجابيته حنون من الداخل لاكن مايحب يظهر هذه الحنيه كون نفسه وخطط للمستقبل بشكل صحيح ويطمح ويسعى للمزيد مثل خلص من اقساط بيت صغير الان يحاول لشراء بيت اكبر سلبياته عصبي جدا اذا عصب يفقد السيطره على التفكير يخسر احياننا اشيا مخطط لهاوايضا عنيد
 
1-هل يقرر بسرعه وهل هو سريع التفيذ او يشاور في الامر قبل التنفيذ ؟؟
يشاور وليس سريع التنفيذ

2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟
انسان فوضوي
3- اذكري بعض السلبيات والايجابيات؟؟
حنون _رومنسي _كريم

السلبيات:كتوم _غامض_يبدي الناس على نفسه
 
جوهرة العبدالله قال:
اختي سنا فضة
مرة اخرى كتبتي الصفات المتضادة
قلتي انه يقرر وينفذ بسرعه
ثم ذكرتي انه اتكالي وكسول؟؟؟؟؟

حددي اجابتك
لاتجاوبين وانتي زعلانه منه
اهدئي وشوفي ايش الغالب في صفاته
لاتقولي معك ومعهم
لا
اذكري الغالب في صفاته هو00 بغض النظر معك او معهم
وابشري غاليتي
أنقر للتوسيع...
هلا بك اختي والله اني بالمره الثانيه سالته هو وجاوب وحطيته

طبعا بدون علم منه اني ادور عن نمطه راح احاول اوضحلك اكثر من اول وان شاء الله هالمره تجيبين قراره :tears:



1-هل يقرر بسرعه وهل هو سريع التفيذ او يشاور في الامر قبل التنفيذ ؟؟

هو قراراته مااحد يدرني عنها يعني اتفاجاء بالشي مايستشير ابداا

2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟

هو غير نظامي في حياته يعني اغراضه يرميها بكل مكان وماعنده مشكله يجلس وان كان المكان غير مرتب عكسي تماماا ماينتقد شي ولا يلاحظ شي بس مواعيده جداا دقيقه تضبطين عليه الساعه
3- اذكري بعض السلبيات والايجابيات؟؟

الايجابيات: طيب حنون وسريرته طاهره ومتسامح جداا
ومايرد احد اذا طلبه لو على حساب راحته يجي على نفسه كثييييييييييييييييييير يحب التخمخم والاحضان وهذا الشي انا اكرهه ومعوضه بعياله :1eye:

السلبيات: اتكالي جداا بخصوص اغراض وامور البيت ومايحب يعمل شي بحياته اذا كان بالمنزل احيان وده انا اروشه لنه كسلان لا يقوم نويم يعني يحط راسه ولا هو يشخر يحب ينرفزني ويقول امزح صوته عالي حتى لو يحكي كنه يهاوش يجيب اخر البيت رغم ان عياله مايخافون منه اهله عنده بالمقدمه يعني يبديهم على اي شي بحياته ومستحيل يغلطهم لو شاف غلطهم يبرره :schmoll:

اختي الجوهره انا تعبانه معه واعصابي ماهي مساعدتني انا عصبيه بسرعه اعصب وهو قالب ثلج من ناحية الحياه وامورها ذبحني ارجوك ردي علي بسرعه ودي استقر اقلها اريح روحي :sadwalk:
بارك الله فيك وجعلها في موازين حسناتك
 
1-هل يقرر بسرعه وهل هو سريع التفيذ او يشاور في الامر قبل التنفيذ ؟؟

يقرر بعد استشارة وسريع التنفيذ اذا كان هالشي يخصة اما اذا ما كان يخصة يتهاون او يأجله حتى اشعار اخر

2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟
هو نظامي ودقيق في عمله عكس مواعيده (مواعيد عرقوب) ولا يبالي، يحب الترتيب


3- اذكري بعض السلبيات والايجابيات؟؟
الايجابيات طيب القلب وعنده كل شخص يعتبر صديقه والسلبيات انه يثق بسرعة بالناس ويقول لهم كل شي..... وهو ولد امه... يقول لها كل شي حتى الاشيا الي تحصل بينا وانا اعتبرها خاصة...
 
شكرا كتيييييييير وبتمنى انك تساعديني فعلا وبستنى الرد على أحر من الجمر
1-هل يقرر بسرعه وهل هو سريع التفيذ او يشاور في الامر قبل التنفيذ ؟؟
نعم يقرر بسرعة لكن غير سريع التنفيذ با أحيانا يقرر وما ينفذ، ويشاور لكن يسوي الي براسه.
2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟
فوضوي جداً

3- اذكري بعض السلبيات والايجابيات؟؟
الإيجابيات انه هادئ قراراته سليمة واثق من نفسه عنده بعد نظر وقدرة تحمل كبيرة
السلبيات مشغوووووووول جدا ودائما مو فاضي حتى لأبسط الأمور ما بحب القعدة بالبيت دائما طالع بيعل البال لما يعمل اي عمل مع ابسط الأمور
 
الحالة
مغلق و غير مفتوح للمزيد من الردود.
عودة
أعلى أسفل