تبغين أساعدك في تحديد نمط زوجك تفضلي عزيزتي

الحالة
مغلق و غير مفتوح للمزيد من الردود.
جزاك الله كل خير أختي الجوهرة
 
هل يقرر بسرعه وهل هو سريع التفيذ او يشاور في الامر قبل التنفيذ ؟؟
لا يدرس الموضوع قبل وينفذه اوقات يشااور اوقات لا
2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟

نظاامي .. لدرجه لازم احددله وقت عشان اطلع مايحب الطلعات الغير منظمه




3- اذكري بعض السلبيات والايجابيات؟؟

حنون الحمد الله _ كريم _طيب

والسلبياات :

كتوووم لا يبوح لي بمشاكله
 
هل يقرر بسرعه وهل هو سريع التفيذ او يشاور في الامر قبل التنفيذ ؟؟
لا يقرر بسرعه ولا يشاورني بس يشاور ربعه واخوانه كثير ...متردد

2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟يحب النظام بالبيت والسياره مايحب الفوضى..لكنه غير دقيق بمواعيده ابدا.
3- اذكري بعض السلبيات والايجابيات؟؟
ايجابياته"حنون ,رحيم. كريم جدا,يتحمل المسؤليه,يهتم باولاده جدا ويخاف عليهم,هادئ,غير عصبي معي لكن مع غير عصبي احيانا,
سلبياته"كتوم,قليل الكلام ,ملول يحب التغيير.


وايضا€: يهتم بنفسه من ناحيه اللبس والشكل والنظافه,يهتم ان تكون ملابسنا كلها ماركات وبالذات اولاده ..
 
صراحة ما توقعت تردين علي بهالزحمة اللي انتي فيها..

ظلمتك سامحيني:)

وجزاك الله خير وفرج همومك دنيا وآخره آمين..

هذه صفاتي من واقع سؤالي للي حولي.. آسفة للتفاصيل بس تحريت الدقة عشان يسهل عليك تحديد النمط:)


=============================


العناد

 العصبيه (ماكانت فيني من زمان بس بالخمس سنين الأخيره سبحان الله صارت فيني يمكن اقتبتستها من اللي حولي)

 التفاااااؤل مهما حصل وصار دائماً متأكده ان الله سبحانه وتعالى سيفرجها وكل شيء سيكون أكثر من رائع بإذن الله:)

 أحب الجدال والنقاش..تبادل وجهات النظر.. (عندي طولة بال من هالناحيه فقط) آخذ وأعطي في الكلام لآآآخر قطره وهالشي يضايق البعض مني


أحب المكياااااج (مادري اذا هذه صفة) بس من جد اعشق شي اسمه مكياج راقي على ستايل هوليوود

احب الرياضة كثير.. بس أتكاسل عنها أحيان كثيره.. بس اذا سويتها احس شعور بالرضا والانتعاااش روووعه

 مو مره مع الطبيعة.. يعني بالسفر مثلاً.. أفضل اسافر المدن المتقدمه الحلوه مثلا باريس روما أكثر من مدن شرق آسيا ماليزيا وغيرها اللي يتميزون بالطبيعه الخطيييرة


 عجولة وسريعه فحركاتي

أقدر العواطف بشكل كبير.. لكن مستحيل أكون حالمه ورومانسيه مثل أغلب البنات.. الرومانسيه عندي فترات معينه وبعدها خلاص أطلع منها ما تسيطر علي أبدددددد

 بصفة عامه أحب الأجواء الصاخبه العفوية.. السفر الحفلات.. أكثر من الاجتماعات الرسميه

 اجتماعيه جدا جدا.. اندمج بسهولة في الناس الجديده لي حضور جدا ملفت في الجلسه.. بس صديقاتي المقربات محدودات (2 فقط)

 أحب الروايات الغامضة البوليسيه
أكره افلام الخيال العلمي فضاء وكذا

ضحكتي عاليه - يشهد بكرمي.. بدون اسراف - تلقائية - لا اتقبل الانتقاد بسهولة - حنونه - فوضوية - جريــــــئة جدا - open minded متفتحه أتقبل الأشياء الغريبه - يهمني كثيرا المظهر الخارجي والأناقه.. لكن ذلك لا يؤثر في حكمي على الناس


وأخيراً..

أنثوية حتى النخاااع وفخورة بأني خلقت إمرأة(الحمدلله)

===============================


شكرا جزيلا ويعطيك العافيه مقدما:)
 
الغالية يازين الزين
شمالي غربي والله اعلم

وكونه مايحب البنطلون والعاري يمكن عندك عيال كبار
او انه ماتعود في بيئته عليه
 
الغالية سطر فاضي واتمنى ان تملاي سطرك بحياة سعيدة في زواجك وامور دينك والف مبروك مقدما

جنوبي غربي مع انه فيه صفات شرقي!!
لكن يتأكدلك بعد الزواج وممارسة الحياة اليومية

لانه حتى الشمالي ممكن يتحول الى جنوبي قبل الزواج وبعد الزواج يرجع لنمطه الاصلي

دائما العروسات اذا سألوني اقول لاتستعجلون 000فيه صفات كثيرة تتبين بعد كم شهر من الزواج
وعندها يكون التحليل ادق
 
-هل يقرر بسرعه وهل هو سريع التفيذ او يشاور في الامر قبل التنفيذ ؟؟
يقرر بسرعه مايشاورني في الشي

2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟
نظامي نوعا ما .. دقيق في مواعيده
3- اذكري بعض السلبيات والايجابيات؟؟
ايجابياته حنون وطيب
سلبياته عصبي وعجول مايقول كلام حب ولا شي

ولو سمحتي اختي تطلعي لي النمط حقي

-هل يقرر بسرعه وهل هو سريع التفيذ او يشاور في الامر قبل التنفيذ ؟؟
متردده مااقرر بسرعه وبطيئه التنفيذ احب اني اشاور زوجي في الشي قبل
2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟
​

امممم اني فوضويه بس في المواعيد دقيقه نوعا ما


3- اذكري بعض السلبيات والايجابيات؟؟
ايجابياتي حبوبه امززح كثيير واحب الفرفشه
سلبياتي اني اصيييح بسرعه وحساسه وخجوله

​



ومشكووووره اختي والله يعطيش العافيه

انتظر الرد


​
 
-هل يقرر بسرعه وهل هو سريع التفيذ او يشاور في الامر قبل التنفيذ ؟؟

ايه متسرع
بس يشاور

2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟

فوضوي وغير دقيق

3- اذكري بعض السلبيات والايجابيات؟؟

حنون كريم طيب معطاء



نكار يعني ينكر وسلبي
يمشي ورا هوا اهله
مبديهم علي
احيانا يكون اناني
ويحب نفسه
مايفكر الا بحاله
واشياء كثير
عمره ماكان حقاني بشي يخص اهله




رديلي
 
مشكورة حبيبتي بحاول اعطيكتفاصيل اكثر بس كنت افتكر انه غربي !!!
 
سلااااااااااااااااااام
اخير راح اعرف كيف اتعامل مع زوجى لانه بجد مانى عارفة كيف اتصرف معاه
زوجى مايقرر بسرعة ويحب يسال وتاكد قبل لا يتخد القرار
بس اذا انا قتله على شى ما يصدق واذا سمعه من غيرى على طول يصدق
ابد ما يشاورنى الا با الاشياء البسيطة
ايجابياتة انه يحب المزح وكثير الكلام ويحب يساعد وطيب بس مع الناس
سلبياتة
انسان مغرور يحب يمدح نفسة والناس تمدحة هو واهله
يحب يكون هو الكل فى الكل
ما يفكر الا فى نفسة
يحب السهر كثير بس مو معاى برة البيت
بياع كلام
نومه ثقيل
ومشكورة حبيبتى
 
تصدجين انا بنفس حيرانه في شخصيتها لانه كل الصفات اشوفة فية حتى ما عرفت له لا راس ولا رجول بس المهم رح احاول بعيد الاجايه على الاسئله من جديد وبشكل دقيق
الجواب الاول لايقرر بسرعه وليس سريع التنفيذ واحيانا يشاور
الجواب على السؤال الثاني نظامي
الجواب علي السؤال الثالث سلبياته انه عصبي ويمسك في خاطرة فترة حتى يراضية الطرف الثاني وكسلان
وايجابياته يحب عياله كثير ويحب يريحنا في الطلعات وما يحب يسهر برع البيت

اتمنا انك تفهمي شخصيته من الي كتبته لكي لاني في حيره واما عن نفسي
الجواب الاول اقرر بسرعه واشاور قبل التنقيذ
الجواب الثاني فوضوية
الجواب الثالث سلبياتي عصبية ورمانسية زيادة عن الزوم
ايجابياتي حبوبه طيبة القلب ومسامحة
 
حبيبتي انا زوجي متردد ليس سريع في قراراته ولا تنفيذها ويستشير اشخاص كثير ...... بالنسبه لكونه نظامي الاحظه في اشياء واشياء لا وماعنده دقه في المواعيد ونوعا ما فوضوي.........
ايجابياته حنون و يسوي لي شغلات كثيره اذ طلبته حتى لو مو وقتها بس عيبه متقلب ويجامل كثير
 
1-هل يقرر بسرعه وهل هو سريع التفيذ او يشاور في الامر قبل التنفيذ
لا يقرر بسرعه نادراً ما يشاور سريع التنفيذ .

2-هل هو انسان نظامي وكل شي في مكانه ودقيق في مواعيده ؟؟ أو انسان فوضوي ؟؟ هو غير دقيق في مواعيده ابداً ولكنه ليس فوضوي يحب البيت يكون مرتب ويحب الاثاث يكون على اخر موضه بالنسبه لملابسه هو لمن يغير ملابسه يرمي الملابس على الارض والكريمات لمن يستخدمها وما يرجعها مكانها ودائما اقوله رجع الاغراض مطرحها بس نفس الشي ما يحب الغرفه تكون مكركبه ابداً يحبها دائما مرتبه
3- اذكري بعض السلبيات والايجابيات؟؟
ايحابياته انه هادى بشكل عام ما يحب يقصر في بيته اي شي كل شي لازم يكون موجود في البيت واذا طلبنا منه اي شي على طول يجيبه ما يتاخر يحب اطفاله جداً هو صار في الفترة الاخيره غيور ما يقولي كلام حلو وحتى لو مدحني احسه يجاملني بس اشعر انه يحبني يحب ا هله وما يرفضلهم طلب عنده طموح واذا حط شي براسه يسوي المستحيل عشان يوصله يهتم في مظهره وفي لبسه يحب الاناقه .
سلبياته
ممكن يعصب على شي تافهه جداً احسه انه يخبي عني اسراره في العمل وبالنسبه لفلوسه ما يحب يقوللي اي شي يعني كم عنده ايش اشترى ايش خسر الشي اللي يحس انه يقلل من قيمته امامي مستحيل يقولي يحب اني امدحه احسه يحب الدلع يعني لما يشوف وحده حلوه ودلوعه احسه يتاثر ما يحب الجلوس في البيت ابداً كل يوم تقريباً يطلع وكل صيف لازم يسافر احسه من النوع اللي يمل بسرعه لانه حتى في اشيائه الخاصه يحب التغيير دائماُ .
 
الحالة
مغلق و غير مفتوح للمزيد من الردود.
عودة
أعلى أسفل