أما أنا قصتي غير ,,,انا كنت مسحورة من زوجة أخوي ,,أنا وخواتي (ثلاث بنات) ومرت أخوي للأسف تصير بنت خالتي بس حقدها عماها حسبي الله عليها ونعم الوكيل,, من كان عمري 14 سنة وأنا أنخطب,,ومرت أخوي كانت تقعد جدامي وتقول بتموتين وماراح تشمين ريحة الرجال في حياتج ,,,وتقعد تضحك وأنا مب فاهمة قصدها ((كنت للحين ما أعرف انها مسويه لنا سحر))...وبصراحة انا أصغر خواتي وأنا اللي كنت انخطب أكثر منهم خخخخ...كان المعاريس يتحاذفون ويتفركش الموضوع بس ما كنت منتبهة خير شر ,,لدرجة انه حتى من عيلة آل ثاني تقدموا لي ,,لين في يوم جاتني امي في المنام ((أمي متوفية)) وكررت علي اني مربوطة عن الزواج ومرت أخوي هي اللي رابطتنا ولازم نتعالج أنا وخواتي,,,وصج لجأنا لرب العالمين وتعالجت عند اكبر المشايخ فالخليج ,..وتحلمت في يوم حلم غريب وتفسيره ان السحر انفك , وبنفس اليوم اللي تحلمت فيه تقدمولي اثنين بنفس الوقت ,,واحد حضري والثاني بدوي((اللي هو زوجي حاليا)) وكنت غاسلة يدي من الزواج وقلت لرفيجتي حبيبتي اللي معاي فالجامعه اني انخطبت ومحتارة,,قالت انسي الموضوع بيروحون نفس اللي قبلهم ,,وأنا طنشت ..بس كانت مواصفات الحضري واااااااااااااايد توب وكان خاطري هو اللي يكون من نصيبي((محد يعرف الخيرة وين)) ,,,وطبعا أخت زوجي كانت مدرسة وتدور على عروس لأخوها وأختي كانت مدرسة معاها وقالت بنجي نخطب منكم ,,لأنها سمعت انه في بنات من عيلتنا عادهم ما تزوجوا اللي هم أنا وخواتي...وطبعا لما كلمتني أختي العودة قلت لها انسي((ماحب البدو ولا بتزوج بدوي,, مع العلم اني بدوية خخخ )) وزارونا خوات ريلي في بيتنا عشان يخطبون وطلعنا أنا واختي اللي أكبر مني بسنة ,,واهلي كانوا مكشخين اختي الكبيرة عدل ومضبطينها فالصالون عشان تعجب اهل الرجال و تنخطب,,,وسبحان الله أختي أحلى مني بواااااااااااايد وفيها شبه كبيييييييييير من نانسي عجرم بس خوات ريلي أشروا علي وقالوا نبي نخطب هاي لأخونا,,,طبعا أنا انصدمت لأني كنت طالعة لهم وأنا شكلي أقل من عااادي لأني كنت توني راجعه من الجامعه وتعبااااااانة وأبي بس أرقد,,,وكنت طالعة غصب عني لأني مابي أتزوج قبل أختي الكبيرة خاصة انها كانت مشفوحة عالعرس هههه,,,,بس خواتي قالوا لهم اني مخطوبة لواحد حضري وردت اخت زوجي وقالت (( احنا نبيها لأخونا ومن سبق لبق ))) ليش عبالهم فستان شارينه؟؟؟؟
وأول ما طلعوا من بيتنا ,,أختي الكبيرة انهاااااااااااااارت وتمت تبكي ,,,لأن كل ما يجون ناس يخطبون يختاروني ويتركونها ..وأبوي انصدم قال الكبيرة أحلى شلون عيون عزيز هي اللي تنخطب دايما خخخ,,سبحان الله كل الناس تشوفني حلوة ماعدا أهلي خخخ,,,,
وطبعا رفضت ولا زلت مصرة عالحضري ,,ولما استخرت فالاثنين نقزلي ريلي فالحلم ,,,وانصدمت لأني شفته بالحلم قبل لا أشوفه بالواقع وارتحت له ...أما الحضري قلبي انقبض وصارت عراقيل فالموضوع ورفضته((عسى أن تحبوا شيئا وهو شر لكم)).ويمين يسار ومحاولات من أهلي اني أوافق وأنا كنت رااااااااافضة مابي أجرح مشاعر اختي وقلت انتي أخذي هالبدوي أنا مابيه ((بالفيت المضحية)) وكنت دااايم أرفض المعاريس عشان اختي الكبيرة تنخطب قبلي لأنها حساسة وما أحب انها تزعل ,,,وطبعا دخل أخوي الكبير علي وهو معصب وقال اعترفي انتي عاشقة من ؟؟كل مالج وترفضين بالعرسان ,,أكيد في واحد في بالج (( ما دروا اني أرفض عشان اختي الكبيرة ماتزعل وغير انا مسحورات )) وطبعا فهالفترة مرت أخوي ما خلتني في حالي وكانت تقط نغزات وتقول بتعجزون وانتوا ما شفتوا العرس,,,بس ربكم كبييييييير ,,وتمت الملكة وأنا أبكي لأني ما كنت مصدقة اني تزوجت وسحرنا انفك وبنفس الوقت زوجي رفض ياخذ أختي وكان مصر علي ...ومرت أخوي انهبلت وشردت على طوووووووول عند أهلها ,,لأنها عرفت انا كشفناها ,,وبعد يومين بالضبط أختنا الثالثة تملكت وبعده بأسبوع أختي اللي أكبر مني بسنة تملكت ((كأنه عقد وانفرط)) والناس اللي في منطقتنا استغربوا واااايد انه ثلاث خوات واتملكنا كلنا خلال أسبوع ,,,
والحمدالله أنا ألحين عندي ولد وبنت ومرتاحة مع زوجي ((فدييييييييييت هالبدوي ))((قولوا ماشاء الله لا قوة الا بالله ))
طبعا قلت قصة حياتي بس تحملوني خخخخخخخ.....
