تابع >>> .. ( البنت والولـد نعمـه من رب العالميــن ) ..

الحالة
مغلق و غير مفتوح للمزيد من الردود.
السلام عليكم .. انا الحين في الظهر بس معليش صباح الخير ام رفعه مؤخرا
 
بنات توني راجعه من عند دكتور استشاري
انا من زمان اسمع ان الدكاتره الرجال للنساء والولاده افضل واروق وحتى اخبر من الدكتورات النساء
اول مره في حياتي اتعامل مع دكتور للنساء والولاده
بصراحه روعه تعامل طولة بال حلول نقاش
مش الدكتورات مالت عليهم استغفر الله
اذا دخلت على وحده ما آخذ عندها دقيقتين على بعض مستعجله مستعجله .. ومتوتره حتى لو كنت دافعه على الدخول ريااااااااال والله خساره فيهم
لاكن الدكتور هذا ماشاء الله تبارك الله ارتحت معاه كثيييييييييييييييير ..

المهم طال الكلام بيني وبينه
وباختصار الكلام بعد ماكشف علي واستفسر مني استفسارات كثيره
قال عندك ضيق بسيط في الحوض من تحت يعني مش لدرجة اني اجزم انك لازم قيصريه
وهذا يعتمد على حجم الجنين وراسه .. لو تناسب مع حجم حوظك راح تولدين طبيعي ولو كان 3 ونص وطالع فالاحتمال بسيط
وعطاني موعد بعد اسبوعين علشان يسون لي اشعه على مايكبر الجنين اكثر واصير في الاسبوع ال 37 لان هو الاسبوع اللي من خلاله راح يبان وزن الجنين ,,اكثر
يعني انا الان في الاسبوع 35 على حساب السونار وهو الأصـــــــح ويفول ان التلقيح عندي كان متأخر ..
ماعلينا من هالكلام
المهم انه عطاني امل وقال عند محاوله للولاده طبيعي .. <<< يعني مش اكيد <<< يعني بتعذب :(
توكلــــــــــــــت على الرحمـــــــــــــــن

ادعوا لي يابنــــــــــــــات تكفون بتساهيل الولاده .. والله يسهل عليكم يارب ويشرح صدروكم ياكريم
 
التعديل الأخير:
سلام كيفكم بنات انا اخر مره دخلت قطع عندي الكونكت
اخباركم وحشتوني خلاص هانت بقي كم يوم وارجع لملفكم
ارجع لبيتي وجهازي وضعي زي ماتركتكم
اشوف شريط شموعه اقول سبحان الله اخرمره دخلت فيها خبر حمل شموعه
الله يتمم عليها حملها ويسهل ولادتها اشوفكم على خبر
 
نوف اسال الله العلي العظيم في هذه الليالي الفضيله ان يسهل ولادتك وتكون مثل ما تتمنين يارب امين
 
نوووف اسأل الله العظيم ان يسهل ولادتك وتكون اسهل مما تتصورين
تبوله هلا والله وغلا والله ولك وحشه وينك من زمان عنك
سوسو وش اخبارك ان شاء الله انك بخير
والبقيه وش اخباركم
شموعه وام رفعه وطير وياليت اني ومعلومه 4 واحب بناتي وحبني وحبيته وسنيورتا وسارونه ود- ورده
وبيبيرو وجست وغيرهم وغيرهم وغيرهم ان شاء الله انكم بخير
 
السلام عليكم

الله يجزاكم خيييييييييير يا سوسو واحواء ويشرح صدوركم
 
أهلين بنات كيفكم
نوووووف << الله يكتب لك ولاده طبيعيه مسهله وميسره وكثري من الدعاء
والله أنك صادقه الحريم تسحبين منهم سحب الكلام الله يهديهم
تبووله << هلا وغلا عاش من شافك ..
 
طير << كيفك وكيف علاقتك مع زوجك
حواء << هلا وغلا أخبارك

بنات شوفوا الشريط الجديد
الله يرزق كل وحده فيكم تتمنى الحمل ..
 
شموعه شخبارك
كيفك اليوم مع المغص ان شاءالله خف
 
مبروك الشريط الجديد شفته في حوا كثير
 
م____________________________رحبا


ابشـــــــــــــــــــــــــــــــــــــــــــــــــــــــــــــركم

الحمدلله بفضل من الله ولدت... الحمدلله حمدا كثيرا يرضي وجهك الكريم

والحمدلله ربي فرحني وجبت عريس بعد اربع بنات يارب لك الحمد

بنات انا فرحانه اني افتكيت من هم الولاده
والله والله كاني مولوده من جديد من التعب اللي شفته

عقبال يارب لنوف ما تولد بالسلامه والله يفرح قلبك .

بنات اعذروني والله من الفرحه ماني قادره اكتب

انا ولدت يوم الاثنين 22-9
 
نوووف
لا تتسرعي وتاخذين زيت الخروووع لانك
قبل فتره تقولين بتاخذين ملعقتين
نصيحه لا تاخذينه اتعبني وخل الطفل يتبرز ببطني

انا اخذته بعد ما طفشت ما جتني ولاده ولاشي وخذته الا الساعة ثمانية الصبح الالام تروح وتجي

وبعدين قلت لا شكل الخروع جاب نتيجه خليني ازود الكميه واروح اشرب ثلاث ملاعق
الا بعد ساعه يخليني اروح واجي على الحمام بطني صار فاضي ما فيه شي وتصفيت من السوائل وصرت هلكانه مرررررررررررررررررره
وارووح اسوي لي كف مريم وقرفه والالام تروح وتجي .والشغاله تجينا تقول مدام انتا اليوم ليش ما فيه يطبخ

قلت لها معزومين .انا ما احب الشغاله تشوفني وانا اتوجع .......واخذت امشي بالبيت رايحه

والطلوق تروح وتجي بس اللي خوفني انفجرت على موويه كثيره مره

والطلوق وقفت قلت لزوجي ابي اروح اشوف الرحم كم فاتح.قالي الدكتور الرحم فاتح 3سم واذا تبي تروحي روحي بس ابصمي لنا
واعطيك ذيك البصمه واطلع ......عاد تذكرت يا بنات قصة الشمم

شغالتي حطت بخور شكله هو اللي وقف الطلوق معي

عاد وانا من كثر ما قريت بعالم حواء قلت لاختي هذا شمم واختي تقول الله يخارجك من عالم حواء
هذا بيوديك بدهيه .
قلت لها .............فيني شمم
وفيه وحده بالمنتدى تقول ..عاد وانا اتذكر كلام نوف او شمعه وهي تقول نتبخر بكمون وبصل
وحلتيته
واختي تقول تتبخرين بتكتمين الطفل وش الخرافات ذي
قلت لها بتبخر

واتبخر بقشر البصل والكمون الا بعد شوي تشتغل الطلوق يابنات .بس انا هلكانه ما صار فيني حيل
على الساعه احدي عش بالليل قلت خلاص انا تعبت بروح للمستشفى
وارووح لهم وكان الرحم فاتح سبع سم
بس شافوا شكلي قالوا لي الممرضات انتي شكلك تعبانه ما راح تقاومي الطلوق وما فيك شده
تخليوا جسمي يصب عرق فضيع وحطوا لي مغذي عشان يرد فيني شوي
وصارت الطلوق متقاربه والالام واصارخ
واقول انا وش اللي طخني براسي وقالي احملي
حتي السسترات اشوفهم يضحكون اقووول يا بختهم ما عنهم سالفه
المهم على الساعه اثنين قالت الرحم 8سم وانا اتذكر كلام امي

تقول اذا جاتك الولاده ادفعي على تحت وانا كل ما جاني طلق وانا ادفع والممرضه تقول
لا تدفعي على تحت الا اذا قلنا لك
ويوم شافتني كذا وانا كل ما جتني الطلقه وانا ادفع على تحت قالت خلاص بيبي قريب بيبي قريب
وانا ادفع واصارح واحس رووحي راحت الا يارب لك الحمد يطلع البيبي
الحمدلله ولدت على الساعه خمسه الفجر يوم طلع البيبي
قالوا لي الحمد لله بيبي ما فيه موت
قلت ليش قالوا فيه براز ببطنك قلت الحمدلله
انا والله شغت المويه اللي نزلت مني خضراء بس قلت يمكن من الخروع
المهم الحمدلله الحمدلله .عقبال لباقي البنات
 
اطياف ماشاء الله والحمد لله على سلامتك ومبروك ماجاكي وجعله ربي من مواليد السعاده
وكل عام وانتي بخير
وش ناويه تسمينه إن شاء الله
 
الف الف مبررررررررررررررروك والحمدلله على سلامتك اطياف الفال للباقي ربي يسهل عليهم
 
الحالة
مغلق و غير مفتوح للمزيد من الردود.
عودة
أعلى أسفل