تأكدت من زواج زوجي....... حسبي الله على اللي خربت بيتي

ح ـزن قال:
ليش واجهته غلطتي غلطه كبيره
كنتي تستمرين ومن تحت لتحت تخططين ووياج الاخوات هنا
ارجعي بيتج
ولاتتركيه ينام عندها
لان الحين خلاص تركتي لها المجال
ارجعي بيتج
صبر اجهز لبنتي الاكل وارجع لج
يابعد طوائفي لاتزعلين
لابد يستمر وضعج مثل قبل
لاجل لاتاخذ راحتها الاخت وبتطيرها لو بس صبرتي
ارجعي بيتج ولايهمج من استغرابه
وقلي له مافيه نوم الا هنا
وهي دامها مسيار بتظل مسيار ليوم الدين
ماراح تتساوي وياي
خليه يروح لها بالخش مثل زمان
وامنعيه يروح لها لاجل يرجع يروح بالسر
صبر بنتي يوعانه برب برجع لج
أنقر للتوسيع...
أنا مع أختي حزن والله يعينك يااارب
 
اختي لو طلعتي وزعلتي وطلبتي الطلاق بيقول عنده ولد منها؟؟
يعني عله بحلقك لين هو يمل منها
بعدين الي بالسن هذا ياقلبي وتتزوج اصغر منها تريها تتفنن بالجنس تحب تبين انها صغيره وقادره ع اشباعه
وهي الحين فرحااااااااااااااااااانه انك دريتي وزعلتي صار لها لحالها وهذا مرادها وانتي قدمتيه بطبق من ذهب
ارجعي وكيديها خليها تفهم انك الاساس بس اول خليه هو يجي يراضيك
يالله يارب يفرج همك وهم كل بلقيسيه يااااااااااااارب
 
عزيزتي أنا مع الأخوات أرجعي لبيتك وحطي شروطك وحاولي تضييقي عليها وعليه في المقابلات اوفي الزيارات وصدقيني هوشاريك أكثر منها ولاكان فرصه لهما في الخروج بزواجهما على العموم انتي تعرفين نقاط ضعفه وأغلب الرجال الجنس أهم شئ عندهم حاولي تشغلينه فيك بأسلوب محبب وليس منفر والله يعينك ويرده لك وينصرك عليها
 
الله يكون بعونك ويفرج همك ويهدي زوجك ويسخره لك وبالنهايه انتي تعرفين طبع زوجك وتصرفي معه على هالاساس
 
ماعاد تصرفي معاااااااااااااااااه قريت قصه للاستاذه ناعمه
عن الصرف بشوف لج رابطها نفس مشكلتج
ارجعي لبيتك ارجوك اسمعي الكلام
زمان عم زوجي قالي كلام للحين اذكره
كنت غضبانه من زوجي ورحت بيت ابوي
اتصل فيني وقال انتي الحين تظنين انج انتصرتي في معركتج معاه
الا انسحبتي وهذه هزيمه
لو في حد عنده معركه يتركها ويهرب ولا يظل في بيته ويواجهه

شوفي
اساسا هو يدري انج بترجعين له والا ماتزوج
لاتقولين سر مو سر
انت مفروض ترجعين لاجل لاتتركين له فراغ لاجل يروح لها
وانسي سالفة الطفل تماما
لاتتذكريه بهالمرحله بالذات
انا اقلج ايش مزعلج بسالفة الطفل انه رمز لانه مارس مع غيرج
ارجعي ولا يهمك من رايه فيج الحين حتي لاتخبريه انج راجعه لين يقابلكم بالبيت
ومنها تعرفين لو بيرجع البيت ولا عندها
الخوف يجيبها هي وولدها ببيتج فهمتي ارجعي ارجوك
قولي عيالي مب مرتاحين ببعدنا ويسالوني عنك طول اليوم
وانا ابا استقرارهم النفسي وهذه حقيقه
ومارجعت الا لاجلهم مو علشانك تحججي بالعيال
وتري لاتدخلين اهلج بالموضوع
راح يكبر ويتشعب لو خبرتيهم لا تتناقشين وياهم
ماحد يرضها لبنته مهما كان
المهم لاتتركين بيتك لان في غيرك اخذت زوجج منك
ارجعي اسمعي الكلام لاجل لايطيح الفاس بالراس بعدين
وتندمين
نحن بعيدين عن الموضوع ونشوف احسن منج لانج داخل الحدث
ارجعي لبيتج وتجاهليه حريه ماتعرفين اسلوب القهر
كنه مب موجود لو ناداج تسوين له شئ سوي الي يبيه بدون نقاش
حسسيه انه ولا شئ
لاتتركيه يقرب منج مهما تحايل عليج
لين تتفقي معاه انه يروح لها يوم واحد بعد ضغط منه طبعا
حسسيه بقيمتج لانهم يحاولون الصلح عن طريق الفراش
قلي له عفتك ماقدر
لين تشوفين دموعه < اخر مرحله من المحاولات
وبعدها تفنني في امتاعه احلبيه حلب لين مايقدر يسير ويتشكي من ريوله :)
وانا مستعده احلف لج الان
ان زوجج بعد ماكشفتي زواجه منها اختفي الشئ الجميل الي حول علاقته فيها
وهو السريه يعني الان الموضوع صار مايسوي شئ بالنسبه له
ارجعي بيتك يابنت الناس سمعي الكلام
اصلا هو بيتك وحقك الشرعي وهو اللي يطلع منه مب انتي
حاولي تكونين جاده شوي معاه
احس انج ماتعاملينه بجديه
ولا تقلين له كلمة حبيبي بهالايام
ولا اي كلمة كنتي متعوده تناديه بها
ناديه باسم بنته او ابنه
غيري من نفسج واهتمامج بروحك
والله راح ادعي لج ياقلبي
والاخت الي قالت زواج المسيار حلال
وين الحلال من السريه اهم شروط الزواج الاعلان
ودامه سري فهو باطل
 
انا اقول ردي لبيتك واترسي حياته واعملي محاولات يطلقها قبل تجيب بعد منه
ومافيها شي اذا طلق واعتقد اهي عارفه شروط الزواج المسيار الزوج مايتحمل شي وفي رجاجيل زواج شرعي وخمس اولاد وطلقو
 
ياحبيبتي انتي زوجته ام عياله وهذيك زوجته وام لعياله انتي لك حقوق وواجبات وهي لها حقوق وواجبات ولايجوز ان تطلبين من زوجك تطليقها
ولابد ان ترضي بالواقع وزوجك صادق في انه لايريد تطليقها حتى لايهدم بيت على حساب بيت ويمكن كلامي قاسي عليك ولكن لابد انتستمعي لصوت العقل وابعدي عن العواطف والقرارات الانفعاليه
لانك لوتطلقتي وشتتي عيالك وش تستفيدين وهل انتي واثقه انك اذا تطلقتي بتتزوجين شاب اكيد بيتقدم لك متزوج لان هذه نظرة المجتمع
الحل بيد زوجك ان يتقي الله ويقوم بالعدل بينكم
ولاينقص في حقوقك ويظلمك وانصحك ان ترجعين وتربين عيالك في بيت ابوهم وتكونين لهم شمعه تحترق من اجل ان تربينهم تربيه صالحه تجنين ثمرتها في الكبر ارجعي لبيتك وتعوذي من الشيطان ترها دنيا
زائله بكل ملذاتها احتسبي الاجر وارجعي والله ماراح يخيبك

اسأل الله العظيم رب العرش الكريم ان يكون ماالم بك واكربك
واهمك بردا وسلاما عليك كما جعل النار بردا وسلاما على ابراهيم

 
ياقووووووة قلوبكم يالحريم تقولن اترسي راسه عشان يطلقها طيب زوجته المسيار بالطقاق يطقها بس الولد اللي بينهم حرااااااام عليكم طفل توه جا لهدنيا فجأة ينحرم من أبوه والله مايصير
وبعدين حبيبتي هذه لحظة غضب وانفعال وعدم القدرة على ضبط النفس أنا اللي اقوله أرتاحي أول شي سواء كان فبيتك أو فبيت أهلك أهم شي ماتتعبين نفسك وبعدين فكري بإيجابيات زوجك وسلبياته وشوفي طبعا الحين جا دور العقل مو العاطفة ترى طبيعتنا يالحريم الله يهدينا اذا عصبنا ننسى كل شي يسويه لنا ازواجنا وبعدييييين اذا راجعنا انفسنا نتذكر والشي الثاني طنشيه اذا رجعتي مو من البداية لاااااااا عشان مايقول الحريم عبو راسها يوم تاخذون على بعض طنشيه مع الهتمام بالنفس والبيت والاولاد وبعدين عيشي حياااااتك خليكي اجتماعية اشغلي نفسك اطلعي تونسي طبعا هو راح يلبي طلباتك لأنه الواضح انه على قولات البدوو يبي السليلة يعني الصلح لكن لاتطنشيه بالجنس هااااا لاتقصرين معاه بهالشي صدقيني راح يحبي وراك حبي والله ماأحررررررم عيالي عن ابوهم بسبب انسانه حقيرررررة​
 
يا الغالية

قصتك كما هي قصتي،

و لا يهمك، بالنسبة لي ما تركت البيت و لا راح اطلع منه، انا زوجته حلاله و هذول عيالي ربي يخليهم لنا.
ليش احرم عيالنا من ابوهم. إذا ما عشانه عشان عيالك يا الغلا.

إرجعي لبيتك و عيشي حياتك، و إعتبريها نزوة و إن شاء الله راح يرجعلك الله زوجك و ابو عيالك،
إحتسبي عند الله الخير، و اكثري الإستغفار، و قول "لا حول و لا قوة إلا بالله".

أعاننا الله على ما ابتلانا و رزقنا من حيث لا نحتسب. و جعل ذريتنا صالحة حسنة بارة بنا.

دمتي صبورة و قوية
الأم الحزينة
 
عزيزتي
عندما يتزوج الزوج من الاخرى فلما نلقي اللوم على الأخرى و انها خربت بيوت و نلغي مسؤلية الزوج و رغبته في ذلك
و كأنه مسير و لا يعرف ماذا يريد و كأنها هي من تسعى وراءة و ليس العكس
لا تجعلي الزوج كل اهتمامك لكي لا تصابي بخيبة أمل كما و أنصحك أن لا تتركي بيتك ليس لتغيظيها و لكن لاجل اولادك و لأنك ببساطة لا زلت تحبين هذا الزوج
و من حقك التمسك به
و انصحك ان تعيشي سعيدة و لا تربطي سعادتك بتركه لها أو بقاءة معها
إذا أردته فأبقي لانك تريدينه و لان في ذلك مصلحتك و اولادك و اعتبريها غير موجودة
و خذي حقوقك كامله و لا تقارني نفسك بها أو تفكري بها اطلاقا
 
واللله ماني عارفه ايش اقولك غير حسبي الللللللله على كل رجال خاين وكداب ربي ينتقم المنتقم الجبار منهم يشوفوا في عمرهم وعافيتهم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل