بين نمرين ..؟!

[فيض~المشاعر]

آمين وجزاكم الله خير

 

[عشيبه]

الامل المفقود

انا ما فكرت في كونه مطلق واذا ع البيت عادي بربيها .. ولو يبي يرجع مرته يرجعها .. انا قلت نعطي المطلق فرصه شرات ما نعطي المطلقه فرصه .. خير بإذن الله ابي نصايح اكثر ^^

------------السلام عليكم حبيبتي فيض المشاعر انت مشا الله عليك صغيره اومطلوبه والزواج ماهوب لعبه لازم تحسبينها من جميع الجهات مثلا الاول مطلق وعنده بنت --انت عرفتي سبب طلاقه صدقيني مافيه حرمه ترغب الطلاق الا اذا قطعت الامل باصلاح زوجه اوشافت الحياه معه لابد وان تنتهي في يوم من الايام عشان كذا يمكن زوجته تركته لانها شافته مايصلح لها ولا مافيه حرمه تبي الطلاق انتبهي زين قبل ماتكوني مطلقه بعد انت اما الثاني انت تقولي يدرس برا تتوقعي دراسته برا ماتاثر على سلوكه فيما بعد يعني ممكن يتعرف على بنات اوتكون بينهم علاقات شوفي انا اضع احتمالات وانت الخيار بالنهايه لك يمكن الي اشوفه انا من وجهه نظري يشوفه غيري عادي -- استخيري والله يوفقك وسالي وانتبهي انت صغيره لاتتزوجي الا وانتي متاكده والله يوفقك :schmoll:

 

[فيض~المشاعر]

كل يوم يزيد همي الله يستر

 

[رفيقة النجوم]

والله يا أختي لا مقارنة بين الأول والثاني ولو كنت مكانك اخترت الثاني
دائما المطلق يكون في وضعه ريبة لأنه كما قالت الأخت السابقة انه المرأة ماتخرب بيتها بالسهل أبدااااااا
والأفضل للجامعية تاخذ جامعي زيها لأن الرجال بغار إذا كان مو متعلم وزوجته متعلمه
وصدقا كثير من عيلتنا أخذو مطلقين وندموا يللي حن لمرته وكان لح يطلق الثانية ويللي طلع عنده امراض نفسيه
وصلي الإستخارة والله يخترلك الخير...

 

[فيض~المشاعر]

خير بإذن الله

 

[فيض~المشاعر]

للرفع

 

[فيض~المشاعر]

ارجوكم فيضو علي مما عندكم

 

[واثقة]

فكري بعقلك مو بعواطفك...


واذا مو قادره اتركي الموضوع لواحد تثقين فيه من العائله واسأليه مين الأنسب فيهم



انا بسألك هم الحين خاطبينك؟؟ ولا بس كلام تسمعينه عنهم وتعلقتي فيهم؟؟؟

 

[فيض~المشاعر]

الاول تقدم لي كذه مرة .. والثاني كلم اخوي عني .. بس ما تقدم لأني صديته بحكم انه فيه واحد قبله
لكن قال اني مب وقف للاول .. لأنه للحين ما تزوجني ويبي يتقدم

 

[وردة الحنون]

الله يكون بعونك
بس استخيري مرتين ثلاث
والخيرة فيما اختاره الله

 

[سأظل أدعو لك]

الله يكتب لك مافيه خير وصالح

 

[فيض~المشاعر]

اللهم آمين آمين آمين

 

[دوشه بلقيس]

تبين الصراحه انتي مهما نصحناك عقلك مع الاول..فنصيحه لاتظلمين الثاني معك
بعد ماتتزوجينه بيقعد تفكيرك مع الاول...فتوكلي على الله وخذي الاول ..

 

[! غدير !]

يااختي اختاري الثاني اذا انتي شفتيه بالمنام الأخير خير انشالله لكم ..

واتمنى تسألين مفسرين احلام ..

وبعدين اختي انا انصحج نصيحه انج ما تقولين حلمج الا لأقرب الناس لك وبسسسس ..

 

[*روعة*]

الأمراولاً واخيراً راجع لك
ولو كنت مكانك بستخير وبوافق عالثاني
الأول مطلّق ومادام فيه مجال تاخذين غيره وابن حلال ليش لاء؟
شبح زوجته الاولى بيظل يطاردك واللي فهمته ان اهلك سبق ورفضوا الأول
خذيواحد اهلك راضين عن ومقتنعين فيه افضل..

 

[*روعة*]

انا ما فكرت في كونه مطلق واذا ع البيت عادي بربيها .. ولو يبي يرجع مرته يرجعها .. انا قلت نعطي المطلق فرصه شرات ما نعطي المطلقه فرصه .. خير بإذن الله ابي نصايح اكثر ^^

تدرين عاد
ارتفع ضغطي من كلامك
طيب وشنو اللي حادك انك تربين البنت وتكونين زوجة ثانية؟؟
انتي ببداية حياتك ليش ماتفكرين بعقلك
لاتتخيلين الحياة بعد الزواج(بمبي) ووناسة
ولاتبدأين حياتك مع شخص انتي عارفة انه قبلك حرمةوبنتها
لاااا..وبديتي تقنعين نفسك...
استهدي بالله وتعوذي من الشيطان
ومادام ربي مايسر لك الأرتباط بالأول لاتصرّين وتندمين بعدين,,
ياحبيبتي انتي خلي المطلّق ياخذ فرصته بس مو على حساب حياتك
هو اكييييد مايعيبه هالشي ابداً
لكن اذا توفر لك الأفضل ليش لاء؟؟
موفقة

 

[تحيه للعلم]

تدرين عاد
ارتفع ضغطي من كلامك
طيب وشنو اللي حادك انك تربين البنت وتكونين زوجة ثانية؟؟
انتي ببداية حياتك ليش ماتفكرين بعقلك
لاتتخيلين الحياة بعد الزواج(بمبي) ووناسة
ولاتبدأين حياتك مع شخص انتي عارفة انه قبلك حرمةوبنتها
لاااا..وبديتي تقنعين نفسك...
استهدي بالله وتعوذي من الشيطان
ومادام ربي مايسر لك الأرتباط بالأول لاتصرّين وتندمين بعدين,,
ياحبيبتي انتي خلي المطلّق ياخذ فرصته بس مو على حساب حياتك
هو اكييييد مايعيبه هالشي ابداً
لكن اذا توفر لك الأفضل ليش لاء؟؟
موفقة

كلااام سلييييييييييم يافيض :icon30::icon30: روعه اختصرت لج الطريج ويتهيأ لي ماعقب كلامها حيره

فكري بعقلج مو قلبج واتخذي القرار السليم ومن رايي تقرين كل المشاكل الموجوده بالقسم هذا وشوفي

تجارب البنات اللي ارتبطوا بزواج له سوابق مثل النمر الاول كللللللللللهم يعانووووون

لا تستعجلين الكره بملعبج تأني واختاري الصح

موفقه يارب

 

[منتظرة الفرج]

الله يكتب لك الخيره
حبيبتي

 

[سحاب الملح]

عن نفسي بختار الثاني.
انتي توج صغيرة شتبين في واحد مو من نفس تعليمج باجر يغار منج ويقول قعدي في البيت.وما عنده وظيفه من بدايتها من بيصرف عليه انتي؟ وبنته انتي بعد بتربينها ليش امها حيه؟ تربين ضنى غيرج مو يتيمه هي ؟ هو يمكن شافج جامعيه وحب يتزوجج. الثاني مناسب لج من حيث السن والتعليم والثقافة ورجل مسئول من ناحية غربته عن اهلة عشان يجيب الشهادة اللي ترفع راسهم . ما جلس نفس الثاني ينطر رزقه يوصله لباب بيته.
انتي توج صغيرة اخذي الثاني صفحة نظيفة بدون تبعات ماضي وحياة محطمة. احنا مو قاعدين بالمدينه الفاضلة .
وبعدين انتبهي من نمورتج لا ياكلونج بقشورج.

امــــــــا انتي ردك فلــــــــــــه.......

انا معك واضم صوتي لصوتك..........

انتي صغيييييييييييره عيشي حياتك مع واحد صغييييييير بقراطيسه ماجرب الزواج لسا ولايعرف شي مثلك مثله.......اكتشفوا حلاوة الزواج مع بعض..........مو تاخذين واحد عارف كل شي!!


بعدين السبب الرئيس لرفض الأول ان مامعه وظيفه وهذا سبب كااااااااافي

وانتي الله يهداك العاااااااااااااطفه ملخبطه امورك......


بما انك استخرتي تأكدي ان اي راي بتاخذين هو نتيجة استخارتك لله واتكالك عليه....

 

[يارب يرجع]

لاااااااااااااااااااا تاخذيييييييييييييين المطلق لو تقعدين عااااااااااااااانس لاوعنده بنت بعد انتو شلون تفكرون!!!!