بينتقلو حذال بيتي انقذوني..............

الله يوفقك ويكتب لك الخير
 
دخلت الموضوع وحامت كبدي وطلعت بس رجعت ودخلت تفاهمي مع زوجك اولا وخليه راضي قبل لا يسكنون وخلي فيه خطه بينكم وسيطري على عيالك من هالحين
وبسطي الأمور واللي يمون عليك موني عليه ولاتستحين من خواته اطلبي منهم اي شي تحتاجينه اي مساعده اذا راحوا عيالك لهم اتصلي وقولي يا فلانه ياليت درسين ولدي ما امداني طلع ما ذاكر
وخوذي خالتك بالسياسه والضحك والتطنيش
ما الومك اللي جرب مو مثل اللي ما جرب
فيه حموله تكون قريبه بس محترمه تستحي على دمها وفيه ناس ترتاح على حساب غيرها
 
انا اقول مو كل الحمايل زي بعض ، اللي تقول اتقي الله وخافي ربك ، شقالت المره !!!
انا اشوف من حقها تقلق اذا ام الزوج متحكمه الله يعينك عليها والله الحال من بعضه انا هم بعد بنقل قريب منهم ومره احاتي الله يعين ، بس انتي حطي في بالك انك مو رايحه حق ديناصورات ههههههه
 
اقول
(الله لايبلى رجالنا بحريم مثلكم )
الام تربي وسهر وتترجى من ولدها خير وانتوا تحرضون المره على ام زوجها...
الدنيااااااا دواااااااااره ياهوو اصحوا على نفسكم
اسالوا نفسكم هالعجوز كم بتعيش اصلا
ترضين زوجه اخوك تقول على اهلك هالكلام
واللي يقدم عمل طيب يلقااااااه بالاخره
تراهااااا امـــــــــــــــــــــــــــــــــــــــــــــــــه
مو وحده ثانيه
الكلام موجهه لكل الاخوات اللي كلامهم ؟؟؟؟؟؟؟
 
اختى انتى محظوظه مادام انتى في بيت لحالك قربهم كله فايده اولا تفتكين من عيالك في مكان امان
وثانيا تلقين مكان تروحين اذا فضيتي بدون منه وصلني ودني
وتفتكين من ابو العيال والوالده بتعطيه حنان بالكوم ولاتحاتين العيال والدراسه القوانين بتضبطهم انشا الله
والله قرب بيت الزوج مكسب وحمدي الله انهم مو معك بنفس البيت وانواع المراقبه الله يوفق بينكم
 
سبحان الله أستغرب من كثر الجاهلات في المنتدى لما تجي الوحده وتتكلم تقول أهل زوجي بيعملو وبيحطو..... وتجي وحده من أصحاب العقول الجاهله وتقولها عامليهم برسميه وحطي حدود وكلام جهلا ومحتاجين إلى ثقافة التعامل مع الأخرين وتطوير فهم العلاقات الأجتماعيه هي هذه الجاهله ماتدري أنها تدمر صاحبة الموضوع بالخبره الغبيه اللي عندها وترى الدنيا سلف ودين وأحب أقول لك أنا سكنت مع أم زوجي عدد من السنوات لكن حبيتها هي وعيالها وأحفادها الله يذكرهم كلهم بلخير على الرغم من أنها تحكميه لكن بالطيبه وبلكلمه الحلوه كسبتها
 
////الله يجزاك خير اختي تحملي عشان زوجك ترا هم اهله مهما كان بعدين وشفيها اذا سكنوا جنبك بالعكس يمكن تحبينهم وتعيشين معهم احلى عيشه وعادي انا اهل زوجي زي العسل وناس طيبين خصوصا عمتي امه الله يطول بعمرها ويخليها لنا وعادي خليهم مثل اهلك وراح تشوفين كيف يحبونك ويقفون معك والله يكتب لك الخيره
 
احلى التفاصيــل قال:
بروا ابائكم يبركم ابنائكم
لاتنسين الدنيا دواره واللي تسوينه اليوم باكر تحصدينه
والدنيا تراها فانيه خلي نيتك طيبه تجاههم والله بيكون معك
وهذي ام ياما ربت وشالت وتعبت لاتخلي كلام بعض الاخوات ياثر فيك
وحده تقولك عامليهم برسميه والثانيه تقول حالتك صعبه اخواتي الله يهديكم مايصير انتي تربين عيالك وتتاملين الخير فيهم ترضين زوجه ولدك تتكلم عليك وتقول عجوزوكل مانروح مكان نشلها؟؟؟ ترى والله
مايدخلكم الجنه بعد رضا الله الا هالعجوز ع قولتك... انتي بامكانك تحلين
هل الاشكاليه من دون تكبير السالفه وحبيهااااا مثل امك والله ثم والله
لاتحبك مثل بنتها
اتمنى تتقبلي وجهه نظري برحابه صدر والناس ماتتشابهه تفكيرها
الله يوفقك ويكتب لك الخير
أنقر للتوسيع...


كلام سليم لا غباار عليه
 
اختي لاتعطينهم وجه والله ماتسلمين انا اذا رحت من بيتي يوم اجي القاهم مفضين ثلاجتي ولا ماخذين الغاز ويقولون مامن حلالك شي حلال ولدهم من البدايه لاتعطينهم وجه الله يكون بعونك:33:​
 
لا تروحي لهم بشكل يومي يعني كل اسبوع يومين وام زوجك عامليهااا وكانهااا امك
بس لازم تعاملي العيله بصفه عامه برسميه وانا مجربه هالشي
 
اسيرة فكري قال:
اختى انتى محظوظه مادام انتى في بيت لحالك قربهم كله فايده اولا تفتكين من عيالك في مكان امان
وثانيا تلقين مكان تروحين اذا فضيتي بدون منه وصلني ودني
وتفتكين من ابو العيال والوالده بتعطيه حنان بالكوم ولاتحاتين العيال والدراسه القوانين بتضبطهم انشا الله
والله قرب بيت الزوج مكسب وحمدي الله انهم مو معك بنفس البيت وانواع المراقبه الله يوفق بينكم
أنقر للتوسيع...


:icon30::icon30::icon30:
كلا الأخت عييين العقل
 
خلي تعاملك معهم فحدود وقبل لاينتقلون حاولي تسحبي زوجك صوبك زيادة وخليه بطريقة غير مباشرة مايتدخل فالاشياء الي تخص تعاملك وياهم بمعنى اصح قولي له تلر العيال اذا جي مابنروم عليهم لابيدرسون ولا شي خلينا نخلي الزيارات فاوقات معينة وخلنا نسوي جدول تر الزمن وما الزمن لان كل شي بيد الريال هو الي بيساعدك راضيه لابعد الحدود والله يكون بعونك ويسعدك ويبعد عنك المنغصات يارب
 
غاليتي لاتحطي فبالك انها مشكله
بالعكس قرب اهل زوجك بيونسك في غياب زوجك
ولا قدر الله عليكم بظرف اكيد مابيتخلوا عنكم
انت تقولي ان ام زوجك طيبه بس تحكميه
دام الطيبه في قلبها صدقيني اذاعاملتيها بموده واحترام
رح تكسبيها وحاولي تفسري تصرفاتها بحسن الظن
يمكن لانها ماخذه عليك وتعدك زي بناتها تحب انك تخدميها
وبنفس الوقت حافضي على خصوصية بيتك وافرضي احترامك باسلوبك الحلو معاهم
واخيرا لاتنسي الدعاء بان الله يسخر لك زوجك واهله..ودمتي بخير..
 
اسيرة فكري قال:
اختى انتى محظوظه مادام انتى في بيت لحالك قربهم كله فايده اولا تفتكين من عيالك في مكان امان
وثانيا تلقين مكان تروحين اذا فضيتي بدون منه وصلني ودني
وتفتكين من ابو العيال والوالده بتعطيه حنان بالكوم ولاتحاتين العيال والدراسه القوانين بتضبطهم انشا الله
والله قرب بيت الزوج مكسب وحمدي الله انهم مو معك بنفس البيت وانواع المراقبه الله يوفق بينكم
أنقر للتوسيع...
البيت لازق في البيت وهم اصلا ما يهتمون بعيالي خير شر هم عيالهم خواته متزوجات بس ييلسن في بيوت اهاليهم ما تعرفون عمتي والا ما بقولون هالكلام ...
احسكن ظلمتوني والله اني خادمة الهم يوم يحتاجون ويوم العزايم والله عيالهم يقتلون عيالي من الضرب واذا واحد من عيالي رد الضربة بضربة ياكلونه ما تعرفون شي ولا مب جي رردودكم والله اني ما اقصر بس مظلومة........ز
 
الله يكون بعوونج اصبري وتحملي صدقيني ماراح تندمين ابد
اما بالنسبه لعيالج لا عاد تخلينهم يروحون عندهم كل شوي
سوي جدول راح تتعبين فالبدايه بس اذا استمريتي راح يتعودون عليه
وحطي في الباب قفل واوعديهم بالاشياء اللي يحبونها اذا سوو اللي قلتي لهم عليه
وهدي روحج ترا ما فيه شئ يستاهل
ولا تخلين احد ينقص علييج حيااتج عامليهم بالمعامله الطيبه وربي راح تجنين
ثمره تعاااملج
والزمن راح يثبت لج كلامي
<< يالبيه واثقه
اهم شئ علييج ام زوجج وابووه والباقين عامليهم نفس مايعاااملوونج خصوصاً المتزوجات
لانهم مالهم دااعي يتدخلون قولي بارك الله فيمن زار وخفف
<< خربتها فالاخير ههههههههههههههههههه
على العموم الله يكون في عوونج ويبارك لج في اولادج ياااااااااااااااااااارب
تقبلي تعليقي دمتي بخير وسعاااده​
 
خواتي ادعولي بتسخير زوجي والله يهديهم ويبعد شرهم واذاهم عني طلبتكم لا تردوني .........
واللله ما تعرفون كم المشاكل والمشاحنات والغيظ اللي يغيظوني فيه رغم اني والله اوديلهم احسن من اللي اوديه لأهلي
 
خواتي ادعولي بتسخير زوجي والله يهديهم ويبعد شرهم واذاهم عني طلبتكم لا تردوني .........
واللله ما تعرفون كم المشاكل والمشاحنات والغيظ اللي يغيظوني فيه رغم اني والله اوديلهم احسن من اللي اوديه لأهلي
 
السلام عليكم ورحمة الله وبركاته

عزيزتي الاخوات اعطوك انواع الاقتراحات وانتي خدي المفيد

-لاتدخي زوجك لانك بتحطيه في نارين وانتي لوكنت مكانه بتختارين اهلك ولازوجك؟؟!!
انتي تعاملي معام من دون تدخل الزوج يكفي مسؤولياته لاتقطعينه من اهله عشان عيالك مايقطعونك في نفس الوقت لاتخليه طول الوقت عندهم ولكن بطريقة غير مباشرة جهزي قهوة وحطيها واجلسي معاه مااعتقد بيروح وبيخليك اطلبي منه تطلعون بس لاتقولي من بدري عشان مايوصلهم الخبر اطلبي وانتي مجهزة نفسك وعيالك وطلعة خليها عائلية وطلعة خليها انتي وزوجك وعيالك عشان لما يتزوجوا عيالك ياخدوك واذا يصرف على اخواته وعيالهم بكيفه اهم شي مايقصر عليك وعلى عيالك بكرة حتحسي لما اولادك يحبوا اخواتهم وعيالهم


- لاتحطي حدود وماادري اش اسمه مااحنا في مدن احنا يوم تبين ترتاحين من عيالك وتخرجي او تعملي جو رومانسي خليهم يروحون بعد المذاكرة واذا في ضرب وظلم على على عيالك لاياحبيبتي عيالك بالدنيا ووضحي لزوجك خوفك انهم يتعوروا اذا لعبوا مع عيال عماتهم

-اذا طلبوا مساعدتك ساعديهم واطلبي منهم انتي واذا ماساعدوك قليلي من مساعدتك عشان يحسوا لكن امه عامليها زي امك واحتسبي الاجر واذا طلبت منك شي وبناتها جالسين قولي لهم تعالوا ساعدوني واعتقد بينحرجوا ويقوموا.


ادعي "اللهم سخر لي زوجي وام زوجي واهل زوجي واجعلهم قرة عين لي وافتحلي في قلبهم"

لله يسعد ايامك وييسرك ويكتبه في موازين حسناتك


لاتضخمي الامور عشان ماتكبر وهونيها تهون وكله اذا فكرتي وتحملتي على حساب صحتك واعصابك وانتي اهم شي ولاتنكدي على نفسك وعيالك وزوجك وطنشي اي كلام او تلميح او تجريح وانتي الكسبانة

​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل