معلومات فديت دار الحي
بيطلقني عشان الوظيفة
السلام عليكم بلقيسات
اشحالكم
مااعرف وين ابدأ .. نفسيتي تعبااانة لا اهلي راضين استشيرهم و لا زوجي راض يتفاهم ييت اهني استشيركم و ياليت اهل الخبرة بالذات الجنوبي الشرقي و اللي مجربات يردون علي و لو بكلمتين ..
انا الله يسلمكم صار لي متزوجة 3 سنين بس ماعندي عيال و طول هال3 سنين عشت احلى ايامي مع زوجي .. حبيته من كل قلبي و اكتشفت مرتين انه يكلم بنات و واجهته و نكر .. بس حيتنا استمرت مبنية على الود و التفاهم كان يلبي لي كل طلباتي كنت اسميه فارس احلامي .. عمره ما ردني و دوم يقول لي ان شاء الله .. لكن مرات تستوي بينا خلافات و مشاكل و ذلك لزود حبي له اعصب عليه و اقوله كلام جارح بس ما كنت اقصد و نحل خلافاتنا و نرجع لبعض احلى من قبل .. و عقب لقيت لي وظيفة و فرحت لاني قدمت في المنطقة اللي زوجي يعمل فيها بس ما قبلوني لقلة الخبرة بس اتفقنا انا و زوجي ان بتم في المنطقة اللي اهلي فيها و اشتغل و اخذ خبرة 8 شهور عقب انتقل معاه و اقدم ... لكن من بداية سنة 2011 تاريخ 1-1-2011 تضاربنا و نشأ بينا خلاف و كالعادة قلت له كلام جاااارح و تركت البيت و رحت عند اهلي .. تفاجأت انه ما اتصل لي و ما تحملت رجعت له فاليل بس لقيت الشقة مقفولة و هو مب موجود قلت لامي تتصل له بس ما رد عليها و طرشت له مسجات اني موجودة خارج العمارة بس ما رد علي .. تميت في السيارة انتظره في الباركنات و غفلت في السيارة و لقيته يدق زجاج السيارة الساعة 3 الفجر .. انصدمت انه رجع هالوقت عطاني مفتاح الشقة و راح لبيت امه بدون اي تفاهم .. دخلت الشقة و حسيت بالخنقة عقب سرت بيت امه و اتصلت لامه قلت لها تخبر زوجي اني انتظره برع البيت .. انتظرته نص ساعة بس ما طلع عقب رديت العمارة و نمت من الضيق ..
الصبح اتصلت له قال لي انه طالع رايح الدوام .. قلتله ابي اكلمك قال يصير خير في الويكند ( لان هو يداوم طول الاسبوع و يرجع في الويكند ) شغلت عمري في الدوام و بالي معاه و مر اسبوع و انتظرت الويكند و ما جاني .. اتصلت له مايرد عليه و تميت اتصل له كل يوم طول الشهر و هو مب معبرني لين ما قلتله مرة ابغي مصروفي تعال عطني جاني بعد شهر عطاني المصروف قلتله بس مصروف ؟ مب جاي تاخذ شي و تأسفت منه عقب قال لي ركبي معاي في السيارة و رجعنا لبعض بس ف قلبي حزن و ضيق انه خلاني شهر و ما سأل عني بس ما عاتبته ..عقب قال لي باخذ اجازة اسبوعين لاني بسوي عملية و فرحت لانه بيقعد معاي اسبوعين لكن ما توقعت انه بداية النكد في حياتي
قريت في الانترنت ان العملية بسيطة مدتها 40 دقيقة و بنفس اليوم بيطلع من المستشفى
الصبح كنت في الدوام و فضى تلفوني كنت ابا اتواصل معاه شو سوا في العملية لكن تذكرت ان مدتها قصيرة و اول ما اخلص من الدوام بمر عليه المستشفى عشان اخذه .. مريت عليه المستشفى و انصدمت انه تعباااان وايد لانه طاح في الحمام نزل عنده الضغط..
و اول ما دخلت اسمع امه حاطة اللوم علي انه لو لا الدوام لكنت انا مرافقة زوجي الحمام و ما طاح .. بس سكتت و اهميت ف زوجي و بعد يومين طلع من المستشفى و نفسيته تعباانة ماله خلق لي .. بس صبرت لكن قام يتصرف تصرفات غريبة يصكر عني التلفزيون و مب معطيني وجه .. تعبت من تصرفه و قلتله انا اسفة لو انته مضايق مني بس هو ما عطاني وجه عقب قلتله خلاص انا بسير بيت اهلي لما تهدأ كلمني رحت و ليتني ما رحت فاليل لما اتصلت له مارد علي و رحت له لين الشقة بس هو مب موجود و رجعت لبيت اهلي و تعود على موال انه ما يرد على اتصالااتي و لا مسجاتي و بعد يومين انصدمت انه فضى الشقة لان العقد انتهى و نقل الاغراض لبيت ثاني حاولت اكلمه ماشي فايدة مايبا يتفاهم و دخلت امي في السالفة بس امي من رايها اتطلق احسن لانه ما سأل عني و هو مب مهتم و كلمت امه و كبرت السالفة و مرت شهرين و مابينا اتصال احاول اتصل له كل يوم مايرد عليه ..
انا ما عندي اخوان و ابوي متوفي ف قلت لازم ادخل ريال في السالفة و دخلت عمي و كلمته
عمي اتصل لزوجي و كلمه و عزمه في بيته و عزمني .. اجتمعنا في مجلس بيت عمي بعد الغدا فتح زوجي الموضوع و طلع عيوبي اني ما احترمه و عصبية و صار نقاش بعدين قال ل عمي برجعها بس بشرط انها تترك وظيفتها انصدمنا انا و عمي على اساس هو كان راضي و يعرف اول ما تزوجني اني بشتغل لاني اشترط عليه قبل الزواج ووافق .. بس عمي ما تطرق للموضوع وايد و قال بخليكم تتفاهمون و طلع , حاولت اتفاهم معاه عقب قال بفكر و بشوف ..
راح الدوام و الحمدلله رد على مكالماتي و تفاهمنا و رجع اخذني يوم الخميس ..و قضينا احلى ويكند و نظفنا البيت الجديد مع بعض و قلنا باقي الاغراض بنرتبهم بعدين و طول الاسبوع بينا اتصالات و مسجات و سمعني خبر حلو ان اتصلو له جهة حكومية و قبلوني و بسير بداوم معاه و اخذت اجازة من دوامي و هو اخذ اجازة يوم واحد عشان استلم ورقة الفحص الطبي و سرنا سوينا الفحص و نحن فرحانين اني بنتقل بعيش معاه و دخلنا في شهر 3 عطاني النفقة الزوجية و قال لي ما بصرف عليج مع ان راتبه ماشاء الله فوق و راتبي نااازل بس استغربت من كلامه و صار بينا شجار وقلتله ما بطلب منه الماس او هدايا بس اباك تحسسني انك القوام و قال لي اذا بتستمرين معاي وافقي على شروطي و قواعدي و راح الدوام و طول الاسبوع يعاملنا بجفا لكن قلت ماعليه مؤقت .. و الاسبوع اللي بعده نفس الشي ما يكلمني فالتلفون و اسلوبه جاااف جاني في الويكند قال فجأة انا ابا اطلقج لان حياتنا مستحيلة .. قلتله قبل اسبوعين شو حلاتنا رجعنا لبعض .. قال خلاص ما اريد استمر معاج مب اجباري اتقبل هذي الحياة و لم سألته عن السبب قال انتي عصبية و تقولين كلام جارح انا كنت مصدووومة قلت انا ما سويت شي كبير عشان تطلقني و ما قلت لك كلام جارح جاب لي سيرة المااااضي انتي و انتي و انتي ..عقب قال لي اوكي اختاري يا انا او الوظيفة ..قلتله اوكي بترك الوظيفة و بعيش معاك قال لي لا لا تداومين فحياااااتج .. قلتله ما يصير اذا انتقلت معاك بشتغل الصبح لين الساعة 1 و نص و برجع البيت ..بس اذا ما داومت طول اليوم شو اسوي اخنق نفسي في الشقة من الصبح لين الساعة 9 ؟؟ و انا ما اعرف حد هناك ؟؟ و ماعندي عيال يشغلوني بعيش في فراااغ محبوسة طووول اليوم انتظرك ترجع من الكلية الساعة 9 و تنام10؟ لانه يداوم الصبح عقب يخلص الساعة 3 ..و الساعة 5 لين 9 يكمل دراسته ..
قال لي خلاص هذا قراري ما اباج ما ابا حياتنا تستمر غصب تبينا نستمر بالذات ماعندنا عيال كل واحدمنا يشوف دربه.. و اذا تبينا نستمر لا تفكرين بالدوام طووول عمرج ..
احترت خواتي
هذا الرجل ما منه امان كل دقيقة يغير رايه و يتأثر بأراء الناس بسرعة و انااااني
بغيت رايكن بالموضوع دخيييييييييييييييييييييلكن
اشحالكم
مااعرف وين ابدأ .. نفسيتي تعبااانة لا اهلي راضين استشيرهم و لا زوجي راض يتفاهم ييت اهني استشيركم و ياليت اهل الخبرة بالذات الجنوبي الشرقي و اللي مجربات يردون علي و لو بكلمتين ..
انا الله يسلمكم صار لي متزوجة 3 سنين بس ماعندي عيال و طول هال3 سنين عشت احلى ايامي مع زوجي .. حبيته من كل قلبي و اكتشفت مرتين انه يكلم بنات و واجهته و نكر .. بس حيتنا استمرت مبنية على الود و التفاهم كان يلبي لي كل طلباتي كنت اسميه فارس احلامي .. عمره ما ردني و دوم يقول لي ان شاء الله .. لكن مرات تستوي بينا خلافات و مشاكل و ذلك لزود حبي له اعصب عليه و اقوله كلام جارح بس ما كنت اقصد و نحل خلافاتنا و نرجع لبعض احلى من قبل .. و عقب لقيت لي وظيفة و فرحت لاني قدمت في المنطقة اللي زوجي يعمل فيها بس ما قبلوني لقلة الخبرة بس اتفقنا انا و زوجي ان بتم في المنطقة اللي اهلي فيها و اشتغل و اخذ خبرة 8 شهور عقب انتقل معاه و اقدم ... لكن من بداية سنة 2011 تاريخ 1-1-2011 تضاربنا و نشأ بينا خلاف و كالعادة قلت له كلام جاااارح و تركت البيت و رحت عند اهلي .. تفاجأت انه ما اتصل لي و ما تحملت رجعت له فاليل بس لقيت الشقة مقفولة و هو مب موجود قلت لامي تتصل له بس ما رد عليها و طرشت له مسجات اني موجودة خارج العمارة بس ما رد علي .. تميت في السيارة انتظره في الباركنات و غفلت في السيارة و لقيته يدق زجاج السيارة الساعة 3 الفجر .. انصدمت انه رجع هالوقت عطاني مفتاح الشقة و راح لبيت امه بدون اي تفاهم .. دخلت الشقة و حسيت بالخنقة عقب سرت بيت امه و اتصلت لامه قلت لها تخبر زوجي اني انتظره برع البيت .. انتظرته نص ساعة بس ما طلع عقب رديت العمارة و نمت من الضيق ..
الصبح اتصلت له قال لي انه طالع رايح الدوام .. قلتله ابي اكلمك قال يصير خير في الويكند ( لان هو يداوم طول الاسبوع و يرجع في الويكند ) شغلت عمري في الدوام و بالي معاه و مر اسبوع و انتظرت الويكند و ما جاني .. اتصلت له مايرد عليه و تميت اتصل له كل يوم طول الشهر و هو مب معبرني لين ما قلتله مرة ابغي مصروفي تعال عطني جاني بعد شهر عطاني المصروف قلتله بس مصروف ؟ مب جاي تاخذ شي و تأسفت منه عقب قال لي ركبي معاي في السيارة و رجعنا لبعض بس ف قلبي حزن و ضيق انه خلاني شهر و ما سأل عني بس ما عاتبته ..عقب قال لي باخذ اجازة اسبوعين لاني بسوي عملية و فرحت لانه بيقعد معاي اسبوعين لكن ما توقعت انه بداية النكد في حياتي
قريت في الانترنت ان العملية بسيطة مدتها 40 دقيقة و بنفس اليوم بيطلع من المستشفى
الصبح كنت في الدوام و فضى تلفوني كنت ابا اتواصل معاه شو سوا في العملية لكن تذكرت ان مدتها قصيرة و اول ما اخلص من الدوام بمر عليه المستشفى عشان اخذه .. مريت عليه المستشفى و انصدمت انه تعباااان وايد لانه طاح في الحمام نزل عنده الضغط..
و اول ما دخلت اسمع امه حاطة اللوم علي انه لو لا الدوام لكنت انا مرافقة زوجي الحمام و ما طاح .. بس سكتت و اهميت ف زوجي و بعد يومين طلع من المستشفى و نفسيته تعباانة ماله خلق لي .. بس صبرت لكن قام يتصرف تصرفات غريبة يصكر عني التلفزيون و مب معطيني وجه .. تعبت من تصرفه و قلتله انا اسفة لو انته مضايق مني بس هو ما عطاني وجه عقب قلتله خلاص انا بسير بيت اهلي لما تهدأ كلمني رحت و ليتني ما رحت فاليل لما اتصلت له مارد علي و رحت له لين الشقة بس هو مب موجود و رجعت لبيت اهلي و تعود على موال انه ما يرد على اتصالااتي و لا مسجاتي و بعد يومين انصدمت انه فضى الشقة لان العقد انتهى و نقل الاغراض لبيت ثاني حاولت اكلمه ماشي فايدة مايبا يتفاهم و دخلت امي في السالفة بس امي من رايها اتطلق احسن لانه ما سأل عني و هو مب مهتم و كلمت امه و كبرت السالفة و مرت شهرين و مابينا اتصال احاول اتصل له كل يوم مايرد عليه ..
انا ما عندي اخوان و ابوي متوفي ف قلت لازم ادخل ريال في السالفة و دخلت عمي و كلمته
عمي اتصل لزوجي و كلمه و عزمه في بيته و عزمني .. اجتمعنا في مجلس بيت عمي بعد الغدا فتح زوجي الموضوع و طلع عيوبي اني ما احترمه و عصبية و صار نقاش بعدين قال ل عمي برجعها بس بشرط انها تترك وظيفتها انصدمنا انا و عمي على اساس هو كان راضي و يعرف اول ما تزوجني اني بشتغل لاني اشترط عليه قبل الزواج ووافق .. بس عمي ما تطرق للموضوع وايد و قال بخليكم تتفاهمون و طلع , حاولت اتفاهم معاه عقب قال بفكر و بشوف ..
راح الدوام و الحمدلله رد على مكالماتي و تفاهمنا و رجع اخذني يوم الخميس ..و قضينا احلى ويكند و نظفنا البيت الجديد مع بعض و قلنا باقي الاغراض بنرتبهم بعدين و طول الاسبوع بينا اتصالات و مسجات و سمعني خبر حلو ان اتصلو له جهة حكومية و قبلوني و بسير بداوم معاه و اخذت اجازة من دوامي و هو اخذ اجازة يوم واحد عشان استلم ورقة الفحص الطبي و سرنا سوينا الفحص و نحن فرحانين اني بنتقل بعيش معاه و دخلنا في شهر 3 عطاني النفقة الزوجية و قال لي ما بصرف عليج مع ان راتبه ماشاء الله فوق و راتبي نااازل بس استغربت من كلامه و صار بينا شجار وقلتله ما بطلب منه الماس او هدايا بس اباك تحسسني انك القوام و قال لي اذا بتستمرين معاي وافقي على شروطي و قواعدي و راح الدوام و طول الاسبوع يعاملنا بجفا لكن قلت ماعليه مؤقت .. و الاسبوع اللي بعده نفس الشي ما يكلمني فالتلفون و اسلوبه جاااف جاني في الويكند قال فجأة انا ابا اطلقج لان حياتنا مستحيلة .. قلتله قبل اسبوعين شو حلاتنا رجعنا لبعض .. قال خلاص ما اريد استمر معاج مب اجباري اتقبل هذي الحياة و لم سألته عن السبب قال انتي عصبية و تقولين كلام جارح انا كنت مصدووومة قلت انا ما سويت شي كبير عشان تطلقني و ما قلت لك كلام جارح جاب لي سيرة المااااضي انتي و انتي و انتي ..عقب قال لي اوكي اختاري يا انا او الوظيفة ..قلتله اوكي بترك الوظيفة و بعيش معاك قال لي لا لا تداومين فحياااااتج .. قلتله ما يصير اذا انتقلت معاك بشتغل الصبح لين الساعة 1 و نص و برجع البيت ..بس اذا ما داومت طول اليوم شو اسوي اخنق نفسي في الشقة من الصبح لين الساعة 9 ؟؟ و انا ما اعرف حد هناك ؟؟ و ماعندي عيال يشغلوني بعيش في فراااغ محبوسة طووول اليوم انتظرك ترجع من الكلية الساعة 9 و تنام10؟ لانه يداوم الصبح عقب يخلص الساعة 3 ..و الساعة 5 لين 9 يكمل دراسته ..
قال لي خلاص هذا قراري ما اباج ما ابا حياتنا تستمر غصب تبينا نستمر بالذات ماعندنا عيال كل واحدمنا يشوف دربه.. و اذا تبينا نستمر لا تفكرين بالدوام طووول عمرج ..
احترت خواتي
هذا الرجل ما منه امان كل دقيقة يغير رايه و يتأثر بأراء الناس بسرعة و انااااني
بغيت رايكن بالموضوع دخيييييييييييييييييييييلكن
اسم الموضوع : بيطلقني عشان الوظيفة
|
المصدر : الأستشارات الزوجية العامة
