@بيسافر بالعيد @@ويش اسوي

[رشيقة كول]

اهلا بنات مدري كل عيد الفطر زوجي يسافر....يعني ما يفكر يعيد معنا.....
صرت ما افرح بالعيد....يقول روحي لاهلك....
هل ازعل وامنعه...بس عشان يحس فينا والا ايش..
والا اخليه على راحته

اف الناس ليلة العيد مبسوطة. وانا اجهز الشنطة له..ويلبس من هالملابس ويشوف زين عليه او لا..
تصدقون ما يشري للعيد هنا ولا شيء...
ولا كان وراه عيد يفكر بالسفرة حقته..بس..
المشكلة..يسافر ..لوحده بس....
تخيلو انا مقتدرة ماديا ولله الحمد...واقول خلنا نسافر..عشان العيال..يقول بعدين ان شاء الله..
لا اجازة ولا عيد نسافر...
الشكوى لله...

 

[مدري شسوي]

الله يكون في عونك

 

[غروب انسان]

خيييييييييييييييييييييير وين الاخ عايش .........
حرام لازم تجلسين معاه تتفاهمون .حسسيه انو انتي واولادك محتاجين تعيدو معاه
الله يهديه ....بس لاتعصبين معاه وخليك مروقه

 

[هزي يانواعم]

اقنعيه يروح ثاني يوم بعدين ليه كل هذا واذا راح انا استنا ء العيد بي فارغ الصبر لانه متعوده يسافر ياسلام اسوي لي جدول تمشي خاليه الصبح معكم اقنعيه والليل بي كيفه لا تضيقين صدرك وتخربين فرحتك على شان سفر ونسي حالك بي طريقه لا تخالينه اكبر همك شوفي هم الرجال اذا فكر يسافر مايفكرون الا ويش لون ينبسطون مافكرو بي حريمهم مبسوطين ولا لا تجيبين لنفسك الامراض والتجاعيد

 

[دمعة المظلوم]

يا تقنعيه يسافر ثاني يوم العيد او ثاالث

او تخليه يسفركم وياااه


وهو يساافر حق شغل ؟؟

 

[بنت باريس نجد]

اختي عليك بالدعاء في صلاة القيام وخاصه في السجوداااااا الرجال لحط في فكره سفر يعني يسافر صرت اكره العطله بسبب السفر اللهم كره اليهم السفر والفسوق والعصيان

 

[مملكة أنثى]

الله يفرج ضيقتك عزيزتي
خدي منه موقف كبير عشان يحص على دمه
بس دام انك انتي للي تجهوين له الشنطه
شو تترين
يتغير ويصير احسن
ماضني
خدي منه موقف مو بالصراخ والبكا
لا بالعقل وحسسيه انك مضايقه ومو راضيه
وان شاء الله تتعدل احوالكم

 

[دواليلي]

ادعو لنا

نفس المشكلة :tears:

 

[أم الأقمـــــار]

مجنونه اذا خليتيه يسافر

انتي اللي عووووووووووووووووودتيه

سوي مشكله وروحي بيت اهلك عشان تتفركش سفرته ويكره السفر

 

[رجاي الله]

انتي معطيته وجه بزيااااااااااده خير يسافر وين يروح وليش مايبيكم

خلالالاص كافي راح وشببع لازم تعترضين صحيح بتتعبين وبتصير مشاكل لكن وش هالسالفه لاوتجهزين له شنطته بعد؟؟؟؟؟؟؟؟؟

 

[نعومه كول]

والله انك طيوبه بزياده
لاتعطينه وجه واشتكيه على احد يقدر عليه
حلوه هذه العيد اهم مناسبه وهو هايت الله لايبلانا
وربي انه عديم احساس

 

[أحلى مدام]

الله يفررررج همك ,,,مالك الا الدعاء

 

[رشيقة كول]

الله يجزاكم خير......

 

[عداري]

الله يعينج ان شالله

 

[قطـــــريه]

للاسف الريال على ما تعود .. وانتي للاسف عودتيه .. انا زوجي بيسافر شغل بلجيكا وللأسف ماقدر اروح معاه .. بس دبرت لي سفره مع هلي للبحرين .. حبيبتي اذا هو بيستانس مره انا بستانس الف ..