بوزي شبرين ساعدوني ..

[جمانة ^_^]

السلام عليكم حبايب قلبي ،،

والله أحس لمن أبغى إستشارتكم في مشكلة و أشوف ردوودكم و تفاعلكم معايا قلبي يرفرف من الفرح

:a122:
و أحس انو الدنيا دايما بخير مادام في ناس زيكم يحسوا بغيرهم :a025:..

الله يسعدكم دنيا وآخره :a194:



مشكلتي كالتالي ..
أنا متزوجة لي سنة و سبعة شهور وأصلي من المدينة المنورة بس أتزوجت و سكنت في جدة فأتفقت مع زوجي من أيام الملكة انو مرتين في الشهر نطلع المدينة في الويك اند يعني أسبوع ايوة و أسبوع لأ.عشان أزور أهلي و أقعد معاهم..

سارت الأمور على مايرام في الشهور الأولى كنا نطلع زي ما أتفقنا ..

لكن للأسف دحين أتغير الحال صرت في الشهر مرة وحدة أطلع و أحيانا يعدي الشهر كلو و ماأطلع بحكم انو دايما يرتبط زوجي بعزايم و نشاطات و إجتماعات و قلبي يعتصر ألما كل مايمر أسبوع و ما أطلع فيه للمدينة.

فقلت خلاص لازم يتغير الوضع و أعيد القانون وأصر عليه ..

الأسبوع اللي فات قررنا نطلع المدينة لكن زوجي جاتوا رحلة على البحر مع أصحابوا ومن زمان كان يستاها هادي الطلعة و طول الوقت جالس يلح عليا اننا نجلس.. فضحيت عشانوا و قلتلوا خلاص نأجل المدينة للأسبوع الجاي يعني هذا الأسبوع يعني اليوم الربوع نطلع المدينة ..

لكن أتفاحأت انو زوجي جاني يوم الأحد اللي راح و قالي انو رئيسوا في العمل منظم رحلة الى استراحة للأعضاء و كلفه بكل تكاليف الرحلة حجز الإستراحة و الإشراف على سير الرحلة كولها ..

هوا يحكيني و أنا بدأت قمت قتلوا مايصير أنا وانت متفقين اننا نطلع عند أهلي المدينة من زمان ماشفتهم وحشوني حرام عليك ياخي :icon28: و أنفجرت عليه وعصبت و مرة مصرة اني أروح :e076:

وهو يقولي الله يخليك أوديكي كل الأماكن اللي تحبيها و أمشيكي و الأسبوع الجاي من يوم الثلاتثاء أطلعك بس خلينا نقعد لإني مرة حأستفيد من هذه الطلعة و بالذات أنا المنسق للمدير واول مرة يكلفني بعمل زي كدا..

وانا نفسي :a043:هوا على مديروا .

بالله عليكم أرشدوني أستمر على إصراري و لا أضحي دي المرة كمان ايش أتصرف و أنا في الليل بس أبكي أهلي مرررررة و حشوني :frown:.

أنتظركم ياغاليات ،،

 

[الام الحنون0000]

الله يفرج همج الغالية ويسعدج انت لازم تقدرين يمكن زوجك عنده ظروف راجعي نفسك الغالية وصبري يمكن الاسبوع الجاي تسيرين عند اهلج

 

[ورده وزهر]

انا اقول وافقي لانه إذا ماوفقتي راح يصر غصب عنكي
بس بشروط لازم يكون بمقابل يعني طلعه تسوى او هديه تكلفه مبلغ محترم وهذا رايي وانتي ادرى بزوجج

 

[دوومي عالية]

ياااااااااااااااا حبيبتي .....اصبري يالغالية..الصبر زين..

أدري إن أهلج وحشوج..وأدري إن فراااق الأهل صعب...

لكن المرأة الذكيه..هي اللي تقدر الظرووف..وإنتي زوجج ياله ظرف..وأعتقد إنه لازم تعطينه المجال إنه يروح الرحلة مع المدير..هذه فرصته..لا تظيعينها عليه...

وإنشاء الله إنتي بتروحين حق أهلج الأسبوع الياي..لكن كتعويض..ممكن تطلبين من زوجج إن يوديج المدينة أسبوعين متتالين..كنوع من التعويض بعني..شو رايج؟؟؟

وبعدين لما يكون رااايق...كلميه بأسلوب حلو..وقولي له أنا أبغيك إنك تطلع وتستانس وتروح مع ربعك كل مكان..أصلا أنا سعادتي لما أشوفك سعيد...وعطيه من هذا الكلام...وبعدين فهميه ..قولي له خلنا على الوعد إنك توديني حق أهلي..هم لهم حق علي وأنا اشتقت لهم....

يعني الزبدة...امدحيه وشجعيه على وناسته لكن في نفس الوقت فهميه إنج إنتي بعد تبين تستانسين و وجزء من وناستج يكون مع أهلج...

لكن اليوم قولي له إن يوديج المدينة أسبوعين متتالين ورا بعض كتعويض مش عقااااااب..ههههههه

والله يوفقج عزيزتي

 

[ريف 30]

وانا بعد راااايييي انك تصبري وبعدين بصراحه روحتك لأهلك مو لازم كل شهر خليكم تتمتعون مع بض في اليومين انتي وزوجك وخليها تجي منك لا بعدين يفتكر انه هو الي بدا بالفكره
والحمد لله يعني شهر بعد شهر خلي زيارتك لأهلك والله يوفقك

 

[زهرة البوادي2006]

اختي حاولي تتنازلي لانه فهمك انه عمل يعني يعود في مصلحته وكوني هادئه في قراراتك يعني ما تعصبي يمكن بعدين يعاندك قولي له انك هذه المره تنازلتي عشان مصلحته وانك تنتظري الثلاثاء وفقك الله

 

[خبيره ومتخصصه]

جمانة حبيبتي
اعطيه فرصه هالمره وانشاء الله انه يكون قد كلامه معاك
وكما يقال الاوله شرط اخره نور
ولاتتركي له الامور علي كيفك خليك قويه وشخصيتك اقوي بس بدون اي مشاكل معه
الله يسعدك غلاي

 

[dr_sayed_sara]

هاهاهاها و الله و انا بقرأ موضوعك قعدت أضحك و بالذات نفسي أضربه هو و مديره حبيبتي لازم تقدري إن زوجك رجل مهم و إستحملي شوية طيب تعملي إسه لو كان زوجك دكتور و أيام الخطبة يكون معاكي و تتصل فيه المستشفى تقوله تعال في حالة مستعجلة و يردك البيت و إنتو لسه ما كملتو 10 دقايق طلعة إحمدي ربك

 

[الصبوره]

حبيبتي أخذ وعطاء فإذا تبغين تكسبين قلب زوجك فلازم تعطي وعطاؤك من خلال القليل من التنازل فزوجك لم يرفض ولم يحرمك من الذهاب لأهلك .

عزيزتي تذكري أن في زوجات محرومات حتى من محادثة أهلهم .زوجك واضح إنه شمالي ويحب الطلعات مع ربعه فتفهمي طبيعته الشمالية حتى ما يحس إنك نكدية ومقيدته ومو معطته حريته خاصة أنه لم يرفض الذهاب لأهلك .