بهدووووء .. تعالوا نذوب كقطعة سكر بين حنايا الشرقي ..

[نفسي طموح]

في آخر ساعة من الجمعة الله يسعد قلوبكم جميعا ويسخر لكن أزواجكن يارب العالمين ويضاعف اجركما ياحكاية حلم والحالمة , استفدت منكم كثير

وفي حاجة يقولها لي شرقيي دايما لكل شي مفتاح وفي هالملف عرفنا وش هو مفتاح الشرقي

الأنوثة بكل ماتحمله من معنى

 

[متى ارجع]

اااااااب

 

[الحالمةبالسعادة]

يابنات والله اني قلقانة على حكاية حلم
طول غيابها علينا
ان شاء الله يكون غيابها خير يارب
والله بديت بجد اقلق عليها

 

[متزوجه ولكن]

هذا من ذووقك حبيبتي الله يسعدك ​

بس عاادي ياقلبي ردي قبلي او بعدي او باي وقت ​

احنا هنا هدفنا كلنا نساعد بعضنا ​

ردك رااائع جدا عليها ​

وكثير انصح بدا الاسلووب هوه الافضل في التعامل مع الرجل والوصول لقلبه ​

موفقه ياقلبي مره انبسطت من ردك ​

تسلميييييييييييييييييين ياعسووله انتي

ردي كان استفادتني من توجيهاتك
ولما جربته فعلا نفع مع الشرقي
حتى انه لما يكون مخطي واستخدمت معه هالاسلوب يعتذر
مو لازم بكلمه اسف
بس يسوي اي تصرف كأنه يعتذر بطريق غير مباشر



الي ماجربت هالاسلوب مع الشرقي خسرااانه

الله يسعدك ويجعل ماقدرمتي لنا في ميزان حسناتك:3:

 

[اسرا]

تسلمي كلام جميل
بعدني ما اعرف زوجي شرقي او غربي شمالي او جنوبي بس هو صفاته نفس الصفات الذي ذكرتيها
بصراحه تعبت معاة اريد مساعدة
اتمنى الرد

 

[اسرا]

محد رد ارجو الرد

 

[حكايہ حلمـ]

مرحباً \حنونة ومتزوجة
طبعاً المضوع مو حبسة بس مجرد نظام
عندي فكره يا أخواتي افكر اسويها
بكتب في لوحة وورق كبير
شعارات نريد تغير النظام \ الشعب يريد تغير النظام \ وبكتب الطلبات
والله بسويها ونشالله تجيب نتيجة
وبحط بوسه وحركات وش رايكم ياحلوات

هههههههههههههه
حلوة الشعارات اعجبتني
والاحلى ايجابيتك
انت رووووعه
تأكدي الايجابيه تنعكس على نفسيتك بالدرجه الاولى
استمري:35:​

 

[حكايہ حلمـ]

ياحبيبتي والله من عيوني

ترى والله بباالي موضووعك وباذن برد عليكي

بس اعذريني انتي وباقي البنات

عم زوجي اتوفى امس المغرب ومن امس انا جالسه عند اهل زوجي
ومشغوووله مره
فترة عزى ومخبووصين
وماقدر افتح جهاز الاب وانا عندهم الا خطافي زي دحين

اذا رجعت بيتي باذن الله برجعلكم على طول حبيباتي

​

لا حول ولا قوة الا بالله
انا لله وانا اليه راجعون
عظم الله اجركم وغفر لميتكم
معليش ياعمري
والله توني ادري حتى انا كان عندي ظروف وما قدرت ارد عليكم
الله يكون بالعون
شخبارك الحين حبيبتي ان شا الله احسن
طمنيني ..​

 

[حكايہ حلمـ]

عظم الله اجركم يالحالمة وغفر لميتكم واسكنه الله فسيح جناته (انا الله وانا اليه راجعون .)
ّّّّّّ
ّّّ
ّ
يالغوالي انا اريد منكم المساعده كيف اعرف من الشرقي الشمالي الرقم السري تبع جواله ؟؟! هو طبعا عنده جوالين يقول واحد للعمل وواحد عادي ,,,أحاول اصدقه واثق فيه (بمعنى اخر احاول اقنع نفسي انو ما يخون ولا له علاقات )..:39::39::39:
لاني حديثة الزواج وعمله بمكان اخر يعني كم يوم عندي ويروح ما يطول اخاف افتح الموضوع ويزعل وانا ازعل ويروح ما خذ بخاطره مني ما الحل حبايبي ... احس انو للحين انا ما فهمته كويس تعبني؟ ابغى اعرف نقطة ضعفه ؟؟ ​

يالبى عمرك ياعمري
الحل مو انك تعرفي الرقم السري لجواله
يعني مثلا لما تلقي الرقم
وتشوفي حاجه ماتسرك ابد وش راح يكون موقفك
دايما نكرر
الحياه الزوجيه تحتاج للعقل اكثر من العاطفه
لاتقولي جرحني وخاني ومن هالكلام الفاضي
اذا زوجك عنده ايجابيات كثيرة
ويستحق انك تحافظي عليه
الحب بحد ذاته نعمه:37:
تجاهلي كل الامور السلبيه
حاولي قدر الامكان التقرب منه واغراءه وجذبه لك
ياقلبي حتى لو كان في حياته احد
تاكدي انك انتي الصح
وتاكدي مليون بالميه ان من في شخصيته شرقيه
لا يلجا للعشيقه الا من حاجه ونقص فعلي
اذا ما ارويتي تعطشه للحياه الزوجيه راح يدور غيرك
ابداي من الصفحه الاولى
وطوري نفسك
بعد زوجك عنك فرصه كبييييييييييره
لاغراءه والاستعداد له في كل مره يزورك
ولو عرفتي تستغلي نقطة بعده صح
راح تستفيدي بشكل كبير
رديت على وحده من البنات بشان اغراء الزوج البعيد
اقري الملف ومتأكده راح تستفيد
بالتوفيق:3:​

 

[حكايہ حلمـ]

الحالمه

عظم الله اجرك قلبي
واحسن الله عزاك



vimto55

احسن لك ياقلبي لاتعرفينه
صحيح ان ينشغل بالك
بس ولو

وصدقيني لو كان يسوي شي غلط راح تحسين
ابعدي الشكوك عن راسك
انا شرقيه وزوجي شرقي
وكل منا لنا خصوصيته
وانا محترمه خصوصياته لاني فاهمه احساسه
وهو حاط رقم سري لجواله
ولكمبيوتره
لا وحاطه بغرفه ومسكر عليه لانه مكتبي
بس ولافكرت اتعب نفسي بالتفكير بهالموضوع

برافو تصرف سليم 100%
اضافه لذلك الاهتمام به وعدم تطنيشه
استولي على قلبه وعقله
انتي تستحقينه اكثر من غيرك
يكف انك الصح بحياته وغيرك غلط:18:
​

 

[حكايہ حلمـ]

::



موضوع رااائع وتفاعل اروع الله يحفظكم جميعا ويحفظك اختي حكايه

عندي سؤال مهم بخصوص شرقيي

الله يسعدها اللي تريحني بجواب


الشرقي ما يحب المرأه العامله ومع هذا خطبني وهو عارف اني اشتغل

والان انتقل الى الدمام .. وانا في المزاحميه


هل مطلوب مني اني اترك وظيفتي والحقه ..؟ خصوصا مع التلميحات والذبات اللي يرميها علي من وقت لوقت ؟

اخاف اتركها واضيع لأن ظروفه الماديه ماااااااش وهو مكااااابر درجه اولى وما يعترف بأهميهي وظيفتي في حياتنا


الله يسخر لكم ازواجكم ويسعدكم عطوني رايكم ​

شوفي ياقلبي قرارك بيدك
انتي عندك استعداد تفرطي بوظيفتك
خصوصا ان كانت حكوميه
والله حسافه
ومو كل زوجات الشرقيين ربات بيوت
كثير منهم عاملات
ويختلف باختلاف الظروف والبيئه
بعض الشرقيين يفكر بشكل عقلاني ومنطقي اكثر
المهم اذا هو راعي ذبات
وانتي حريصه على مستقبلك المهني
اكتبي شرط بالعقد وظيفتك
الحق مايزعل
وهو عارف انك موظفه قبل لا يخطبك
خلاص يتحمل النتائج
المهم انتي بيضي وجهك قدامه
لاتقصري معه ماااااااره
عشان مايلقى عليك مدخل
ويبدا يقول الوظيفه هي سبب تقصيرك
وانتي وشطارتك​

 

[حكايہ حلمـ]

انا زوجي شرقي بس عجزت اعرف
هل هو شرقي جنوبي او شرقي شمالي ؟؟؟؟
مع العلم اني للحين متملكه
عشان كذا ماعرفته زين ...

ماعرفتي لانك ماقريتي الملف كله
او ماقريتيه بتركيز
لاتحسبن المجد تمرا انت اكله
لن تبلغ المجد حتى تلعق الصبرا
لازم تتعلمي وتطوري نفسك:37:
وتصبري اكثر واكثر
العلم يبيله صبر
الاجابه موجوده بالملف وفازت بالاجابه وحده من البنات واهديتها ورده:5:
والله اتمنى اقولك الاجابه
بس مو من صالحك
ابحثي تستفيدي اكثر:35:​

 

[الـخزآمى]

من طول الغيبات جاب الغنايم
وين كنتي متغبيه؟؟؟يالله اعترفي
عسى المانع خير يارب
والله نور الملف برجعتك انت والحالمه وباقي البنات
بس وين دفى؟؟؟الله يردها لنا بالسلامه​

 

[الـحـاالـمـه]

لا حول ولا قوة الا بالله

انا لله وانا اليه راجعون
عظم الله اجركم وغفر لميتكم
معليش ياعمري
والله توني ادري حتى انا كان عندي ظروف وما قدرت ارد عليكم
الله يكون بالعون
شخبارك الحين حبيبتي ان شا الله احسن

طمنيني ..​

جزاكي الله خيييييير

الحمدلله انا بخير انتي كيفك

طولتي غيبتك وافتقدناكي

انتبهي تعييها مره ثانيه
المره دي سماح بس المره الجايه بنعاقبك :19:​

 

[خوخة خجولة]

الله يعطيك العافية ع الموضوع الرائع

 

[الـحـاالـمـه]

شوفي ياقلبي قرارك بيدك

انتي عندك استعداد تفرطي بوظيفتك
خصوصا ان كانت حكوميه
والله حسافه
ومو كل زوجات الشرقيين ربات بيوت
كثير منهم عاملات
ويختلف باختلاف الظروف والبيئه
بعض الشرقيين يفكر بشكل عقلاني ومنطقي اكثر
المهم اذا هو راعي ذبات
وانتي حريصه على مستقبلك المهني
اكتبي شرط بالعقد وظيفتك
الحق مايزعل
وهو عارف انك موظفه قبل لا يخطبك
خلاص يتحمل النتائج
المهم انتي بيضي وجهك قدامه
لاتقصري معه ماااااااره
عشان مايلقى عليك مدخل
ويبدا يقول الوظيفه هي سبب تقصيرك

وانتي وشطارتك​

صادقه حكايه

هيا وشطارتها تقدر تحافظ على وظيفتها
خصوصا انه خطبها وهيا متوظفه

بس ماتقصر وتحسسه وتعطي ايحااء
انه بيتها وزوجها اهم ​

 

[حكايہ حلمـ]

السلام عليكم ورحمة الله وبركاته

بدخل في الموضوع لاني حدي مقهوره ... انا متملكه من سنتين .. وزواجي باقي عليه شهر تقريبا وخطيبي كويس بس فيه صفة وهي انه ما يحب يعطيني اذا احتجت ولا حتى يسدد جوالي تخيلي له 3 شهور ما سدده وطوال فترة الملكة مشغلي هالاسطوانه ظروفي صعبه ظروفي صعبه ...حتى من غير مناسبه ومن غير ما اطلبه وعلى فكره انا ما اطالب الا بحقوقي وهذا شي لازم عندنا كل بنات الجماعه كذا ملزوم الخطيب بخطيبته والا محد قاله يخطب

المهم المهر عطانياه بس بدون فلوس الذهب ...
وطبعا عذره ظروفي ... ومشيتها له
لكن تخيلوا سافر قبل اسبوعين برا يتمشى الاخ ويغير جو هنا وين راحت الظروف ...
ولاهمه احسه ما يستحي وهو يقول بسافر وطوال الوقت يتذمر ظروفي صعبه من جد مايستحي على وجهه

وانا معيشني في ازمه احاول اقتصد في كل شئ وخايفه تخلص فلوسي .. من عقب العز الي كنت فيه يوم كنت اخذ مصروفي من ابوي كنت معروفه بين الكل بالاناقه والدلع واللبس الكشخه والغالي ... لكن بعد ما ملكت صرت استحي اخذ مصروف من ابوي حتى ابوي متوقع ان خطيبي يعطيني ويلبيلي كل طلباتي ... آآآآآآآآآآآآه ياقلبي وطلبته مبلغ وقلتله ابيه ضروري لان ناقصني اغراض ضروريه ... قال بالفم المليان والله ما اقدر ياقلبي اهلي بياثثون بتيهم وتعرفين الظروف ... اااخ يانااس
قلتله وانا تعرف عروس وناقصني اشياء وتعرف لازم هالاشياء ...( وطبعا ماسكه نفسي والا ودي انفجر عليه لانه مايفهم ) قال داري بس ما اوعدك .. قلتله حاول ما ابيها الحين لو بعد اسبوع عادي قال بحاول بس ما اوعدك
قلت لا لازم معليش وغيرت الموضوع

احس كرهته من جد تخيلو قبل شوي كلمني يقول بسافر جده ودي اغير جو ...
خلاااااااااااااااااااص انفقعت مرااااااااااااارتي منه
كذااااااااااااااااااااب معاه فلووووس بس ما يبي يعطيني مدري وش فيه متعقد والا مريض فهميني بالله

المهم هو كان ناوي يزورني الاسبوع الجاي بس طبعا قال باجلها عشان بسافر جده (الي يسمعه يقول باريس)

عاد اعطيته وجه وسمحتله المره الاولى يسافر مدري كيف سمحتله بس المهم قلتله لا ما ابي تسافر .. قال لازم ودي اغير جو .. قلتله توك ما امدك

وسكت بعدين قلت هاه غيرت رائك بتجلس؟ قال لا
قلت اذا لا ما عاد فيه زياره اختار ياانا يالسفره لجده ... خلاااااااااااااااص رفع ضغطي طولت بالي وجربت اسايسه حسيته خذا فكره اني بزره ويلعب علي بكلمتي

صبرت على قل عطاياه وما استفدت شئ الا زادت الحاله واعجبه الوضع

وخلااااااااااااص من جد ماسكه نفسي وش معناها انه يبخل علي وما يعطيني وماغير يعطي اهله واهله ما شاء الله ماغير يشفطون منه والا ويسافر ويبسط نفسه والمشكله يسوي نفسه برئ وما هو فاهم شئ ... ويعنني ما اقصد
والادهى والامر انه يقول خذي من ابوك والا من امك ..
ومحسسني ان مالي حق .. وان ماله شغل فيني

فهموني كيف اسوي معااااااااااااه على فكره شرقي شمالي وحامت كبدي منه

سكرت منه وانا العبره خانقتني وانا اول ماكلمته كنت مستانسه ... سبحان الله ذبذباته سلبيه وعنده القدره انه يقلب مودي فوق تحت .. ما ودي اقول حسبي الله عليه
لانه يظل غالي بالنسبه لي حتى لو اقول كرهته اقولها عشان ابرد قلبي ...

لا حول ولا قوة الا بالله ...

والهم الي ذابحني كيف بعيش معاه بكره وهو يحط الفلوس هنا وهنا وانا يحرمني او يقول ماعندي هالانسان من جد ما يقدرني وش ابي فيه انا ..؟ ... اقسم بالله اعرف نفسي بوصل لمرحله بطلب الطلاق ... لاني ما اتحمل الشح والقحط في الحياة ... ولو ظروفه صعبه كان من عيوني قدرته بس اعرف انه ما عليه ماشيه معاه ...
بالله قوليلي وش تنصحيني حتى احيانا تجيني لحظات ودي يطلقني قبل ما اتورط معاه
لانه الحب لحاله ما يوكل عيش ... وبعدين الي مايلبيلي طلباتي من دون سبب هذا بصراحه ما اعتبره يحبني ولا يقدرني ... حتى لو قالي وحلفلي ...

ياحالمه وربي اكتب ومقهوررره ودموعي بعيوني اخاف اتورط معاه واندم والحيره ذابحتني

كان فيه دكتوره نفسيه لما كنت بالجامعه تقول انتبهوا تتزوجوا بخيل لان البخل في الطب النفسي ماله علاج ابدا

فكيف السواة بالله

هل اصارحه ..؟ مع اني ما احب لاني اعرف ما ارح يبرد قلبي بالاجابه ويمكن انقهر اكثر...
وش الحل

ادعولي ان الله يسخره لي ويجعله تقيا نقيا غنيا كريما حليما مخموم القلب ...

هل لمشكلتي حل و كيف اتجاوز هالازمه ؟؟؟ ...نفسيتي تعبااانه وما عاد اكل .. ونحفت والشهيه مسدوده باسبابه
لا حول ولا قوة الا بالله ​

انتي بالذات يبي لك جلسه
اتمنى تقري الملف من اوله
وتري ردود الحالمه والبنات والله درر
راح تستفيدي منها
ومعليش يالغلا
يبي لك بعض الامور الضروريه
اللي ممكن تفهميها من خلال الملف
اتمنى لك التوفيق​

 

[حكايہ حلمـ]

جزاكي الله خيييييير

الحمدلله انا بخير انتي كيفك

طولتي غيبتك وافتقدناكي

انتبهي تعييها مره ثانيه
المره دي سماح بس المره الجايه بنعاقبك :19:​

انا الحمد لله بخير
والله حتى انا فقدتكم بس مو بيدي ظروف:8:
توووووووبه من دي النوبه ماراح اعيدها
.
.
.
<<<<خااافت من زعل الحالمه *_^ ههههههههههههه​

 

[خوووله]

ممكن احد يرد علي



زوجي الشرقي رافض حكاية المصروف وانا عندي راتب بس شوي اقل من الف ريال مايسويلي شي وما يغطي على احتياجاتي

شسوي

 

[الـحـاالـمـه]

تسلمي كلام جميل
بعدني ما اعرف زوجي شرقي او غربي شمالي او جنوبي بس هو صفاته نفس الصفات الذي ذكرتيها
بصراحه تعبت معاة اريد مساعدة
اتمنى الرد

بلاول حددي نمط زوجك

روحي لملف الانماط مثبت بالقسم هنا
وجاوبي على الاسئله وحددي نمطه
وع اساس نمطه روحي للملف التابع له عشان تفهميه وتعرفي كيف تتعاملي معاه

​