بهدووووء .. تعالوا نذوب كقطعة سكر بين حنايا الشرقي ..

[ياسـميـن]

السلام عليكم

جزاك الله خيرا أختي حكاية حلم على ماتبذلينه وجعله في موازين حسناتك

أنا متابعة معكن منذ زمن لكني جديدة بهذا المعرف .

أرجو أن تقبلنني بينكن فقد أحببتكن جميعا وأحببت جدا أسلوب طرحك المميز .

أما إجاباتي عن أسألتك :


هل تعتقدين ان الشرقي رجل يهتم بما تلبسين ؟
نعم يهتم جدا خصوصا عند الظهور أمام الناس (زيارة ، خروج) من باب الستر أما من باب الذوق فلا يتدخل ممكن لأن ذوقي يعجبه .

هل يعتبر الشرقي رجل دقيق في اقتناء الملابس؟

نعم جدا لكنه لا يقتني أية ملابس حتى يأخذ رأيي بها وعندما يقتنع بها يقتنيها حتى لو لم تعجبني لكنه يسعى جاهدا لاقناعي بأنها جيدة .

هل يراعي الشرقي المكان والوقت المناسب للبسك؟
بشكل عام إذا لم يكن هناك أحد يغار منه (يعني بيني وبينه لا يدقق ) ولكن أي مخلوق آخر سواء رجل أو امرأة فهو يدقق من باب الستر . ونادرا ما يتدخل في غير تلك الحالات .

ماذا يفضل الشرقي بشكل عام ان تلبسي في المنزل (اللانجري)
في المناسبات..عند الخروج معه..لبسك للعباءه ..ملابس العمل؟

في المنزل يحب كل شي المهم التجدد .

في المناسبات أولا وأهم شي يجب أن تكون الملابس ساترة إلى حد ما، يفضل الألوان الفخمة . كالأسود والملابس الشيك الكلاسيكية .

عند الخروج المهم جدا أن تكون الملابس ساترة يجب أن يعمل مسح لكل نقطة في ملابسي حتى لا تظهر للخارج .

عند العمل في البيت ينصحني أن أرتدي الملابس المريحة لي , حتى لا آخذ برد مثلا ولا يحب الكعب العالي مثلا لانه يؤثر على ظهري في المستقبل ... الخ من باب الحرص علي .


هل ينتقد الشرقي ملابسك ام يعتبرها حريه شخصيه ؟
بشكل عام لا ينتقد يعتبرني حرة بذلك طالما كانت ساترة

ماهي نوعية الملابس التي تثير الشرقي ؟
يحب القصير مع كولون تحته . التنانير المكشكشة القصيرة . البنطلونات الضيقة أو العريضة وخصوصا العريضة القطنية التي تبرز تفاصيل الجسد ,
يجب العباءات جدا، الفخمة منها والمطرزة والمشكوكة .
يعشق اللون الأحمر .
يثيره جدا أن ألبس مثلا جاكيت بيجامته بحجة أني بردت مثلا فورا يعرض علي أن يعطيني سترته ويقول لي تعجبني ملابسي عليك .
" غريب لكني أتقبل ذلك "
تقريبا كل أنواع الملابس يفضلها وممكن أن تثيره المهم هو التجدد ، والمهم جدا أن تكون موافقه لمزاجه فهو مزاجي جدا وممكن يوم تثيره ملابس لا تثيره في يوم آخر حسب مزاجه ,
عندما يكون متوتر بالعمل مثلا الملابس الناعمة الخالية من التفاصيل تعجبه وتثيره وتنال ثناءه .

 

[الـحـاالـمـه]

هل تعتقدين ان الشرقي رجل يهتم بما تلبسين ؟​

نعم يهتم ولا ما صار شرقي :31:​

الشرقي أصلا من يوم ما يتزوجك وهو يعتبرك ملكية خاصة ​

ويعتبر نفسه مسؤول عنك من طق طق لسلام عليكم ​

أيضا الشرقي من شدة تركيزه يستطيع تحديد ذوقك من شهر العسل ​

وما يمكن أن ينال إعجابك وهذا إن دل على شئ​

فإنما يدل على تركيزه الشديد واهتمامه بما تلبسين​

هل يعتبر الشرقي رجل دقيق في اقتناء الملابس؟​

بالنسبة له هو يركز على الجودة لكن ما يغير أبدا الثوب والغترة والعقال​

إلا إذا خرجنا نمشي يلبس ملابس رياضة بصراحة انجنيت من الفرحة أول مرة أشوفه لابس بنطلون​

هل يراعي الشرقي المكان والوقت المناسب للبسك؟​

نعم يراعي و يبدي رأيه لكن من بعيد لبعيد وانا بطبيعتي ذويقة ​

فيبدي رأيه بحذر لأنه يعرف إن ذوقي كويس وعنده خبر من أهله​

مثلا يعني إذا لبست لزفاف فستان يمكن ما عجبه كثير ​

واليوم الثاني لبست شي عجبه يقول لو لبست بالعرس هذا يكون أحسن ​

ماذا يفضل الشرقي بشكل عام ان تلبسي في المنزل (اللانجري)؟​

بالنسبة لي أعيش في بيت أهله ​

فممكن يكون السؤال على جهتين في البيت أمام أهله​

يفضل بل يفرض علي الكم الطويل الساتر مع أني لا أقابل أحدا من إخوانه​

لكن الشرقي محافظ جدا بطبيعته من هذه الناحية ​

لكن بالنسبة لي في الغرفة ألبس كل شئ ​

بالذات وقت العصرية لأن هذا وقت جلوسي معه ​

فتلاقيني ألبس كل شئ ممكن يخطر على بالك ​

من الرسمي إلى السبور إلى الفساتين الناعمة القصيرة ​

إلى الجلابيات ، جينزات والتنورات الميدي ​

المهم إني أحرص على التجديد والتنويع وأحس إن تجدد الواحدة منا وثقتها بنفسها ​

هو الي يخلي الشرقي ينبهر فيك​

مثلا زوجي ما يحب البناطيل وأنا أموت في شي اسمه بناطيل لكن تنويعي في اللبس خلاه​

يعترف لي مرة قال لي أنتي بصراحة كل يوم والثاني بتبهريني أكثر :5:​

مع إن لبسي كان بسيط بس متجدد​

ومع أني البس أشياء أعرف أنه ما يحبها​

نقطة مهمة لازم تعودي زوجك على كل أنواع اللبس ​

حتى ما يستنكر عليك ويقيدك بشكل معين لأن لو بيده يسويها :37:​

في المناسبات..عند الخروج معه..لبسك للعباءه ..ملابس العمل؟​

بالنسبة للشرقي لكل مقام مقال ​

لكن يركز على نقطة مهمة عنده وهي الإحتشام أمام الناس وأهله​

ما عدا ذلك إلبسي ما شئتي هذا طبعا في حالة كانت الزوجة واثقة من ذوقها​

والا يا ويلها من تحطيم الشرقي :4:​

هل ينتقد الشرقي ملابسك ام يعتبرها حريه شخصيه ؟​

ينتقد ما تجاوز الإحتشام ​

لكن ذوق وما ذوق هذا راجع للزوجة لو شعر الزوج أنها مهزوزة في ذوقها واختيارها​

تبدأ التحسينات والتعديلات​

لكن إن أوحت الزوجة له أن ذوقها راائع وأنه يثير إعجاب من حولها سيعجبه ​

ولو كان مخالفا لذوقه​

ماهي نوعية الملابس التي تثير الشرقي ؟​

تثير الشرقي أو تثير إعجابه ؟​

بالنسبة للي تثير إعجابه ​

المخصر القصير​

هذي الموديلات تجننه​

​

​

​

التايورات ​

​

​

​

كذلك الجلابيات الأنيقة والراقية تلفت انتباهه خاصة إذا كانت مخصرة وانسيابية على الجسم​

​

​

​

أيضا هو كنمط دقيق التركيز يحب الملابس التي فيها تفاصيل جميلة​

​

​

​

​

أو نقوش راائعة ​

​

​

​

​

أيضا المرصعة بالكريستالات اللماعة ​

​

أيضا مما يشتريه من هدايا ارى أنه يلفت إنتباهه المخمل المطرز​

​

أيضا يحب التنسيق بين اللبس والإكسسوارات بدقة​

​

مثلا أنا اشتريت في زواجي إكسسوارات الوان بحسب اللبس​

لكن نصحني في ثالث يوم من أيام الزواج أني إذا أردت​

أن يبرز الإكسسوار أن ألبس لونا لا يكون هو ​

اللون الغالب في اللبس حتى يظهر جمال الإكسسوار ​

ويظهر جمال اللبس وحتى أبرز اللون الأقل في اللبس​

فعلا نصيحته وجدتها تطبق في دور الأزياء هههههه​

ما قلت لكم شرقي ابو التركيز​

نأتي لأهم نقطة في الموضوع وهي بيئة الشرقي ،​

البيئة بالنسبة للشرقي ​

هي التي تحدد رمز الأنوثة بالنسبة له ​

وهذي نقطة لا بد من مراعاتها ​

مثال على ذلك أنا زوجي نشأ في بيئة خليجية​

تعنى بالجلابيات والمطرزات والتايورات ​

أصبح زوجي يرى هذه هي قمة الأنوثة ​

بينما لا تعترف بيئتهم بالبناطيل لذلك لا يحبها أبدا أبدا​

على النقيض أخي شرقي حتى النخاع​

ولكن نشأ في بيئة مغايرة يحب البنطلونات ويتمنى من زوجته أن تلبس له ​

لذلك يجب على زوجة الشرقي أن تركز على البيئة التي يعيش فيها زوجها ​

كمان نقطة مهمة الشرقي إذا أعجب بك ككل سيعجبه أي لبس تلبسينه ​

وإذا أحبك بصدق نلتي إعجابه في أي شكل​

وأهم من اللبس عنده الرشاقة هي قمة الأناقة وبدونها لا تتعبي نفسك بأحدث الموديلات ​

فلازم تحرص زوجة الشرقي على جسمها ورشاقتها و أهم شي يكون الخصر منحوت والكرش ما في ​

أتمنى إني مثل ما أنا استفدت أفدت​

ولكم خالص ودي​

عبـ الشهادةــق​

:cupidarrow:​

أرووع اجااابة للان

 

[NAYZ]

اشكركم على جهودكم واثراء الموضوع واقدر جهدكم والاخت حكاية حلم .

ياريت كانت اضافتي او مشاركتي تحضى بقليل من وقتكم . او الاخت الحالمة

يعني اذا انتو ما جاوبتونا تسأل مين ؟؟؟ >> تتمسكن هههههه

واعتذر اذا كان النقاش غير ممكن بس هالمرة سامحوني هههههه

 

[الـحـاالـمـه]

السلام عليكم ..

وعليكم السلام ورحمة الله وبركاته

صراحة الموضوع في قمة الروعه..
أختي حالمه انتي قلتي ان اكثر اللي يمدحون الشرقيين هم الشرقيات ..
وانا اقول لك اني جنوبيه غربيه شماليه وامدح الشرقي وامدحه كثير ..


لكن بعد ما غيرت من اطباعي ..

اهووه قلتيها حبيبتي بعد ماغيرت طباعي

وبعد ماحاولتي تفهميه

يعني مو مثل الشرقيات لانهم فاهمين الشخصيه وتقريبا نفس الطباع

كنت دايم بمشاكل انا واياه طبعا نختلف جذريا بالصفات وما نتحد ابدا ..
لمهم فهمته وفهمت نمطه .. والحمد لله والشكر ننعم بحياة مستقره هادئه بفضل الله سبحانه ..

ان شااء الله على طووول

لكن النقطه الوحيده اللي عجزتاتجاوزها هي الصوت العالي والصمت او الغموض وهذي مهمه بالنسبه للشرقي ..

حسيت ان زوجي الشرقي الشمالي يحبني غامضه صامته هادئه ..
في موقف مره صار لي استنتجت من خلاله انه يحب المرأه القويه الواثقه من نفسها طبعا انا طيعتي ما احباهين احد ولا اجرحه وما اعرف اخذ حقيسلاحي دائما البكاء فقط وهذا للاسف في هالزمن نقطة ضعف لان اسلوبي هذا جعل من بعض الناس مدخل لاهانتي لانني لا استطيع ان ارد على احد ودائمة الشكوى له فقال لي مره ( ساده انتي جدار واطي كل من بغى نطه ) حسيته الكلمه جرحت مشاعري وجتني مثل الصدمه ..
قررت بعدها الا اشكي له ابدا ..

من الخطأ انو الوحده تقول لزوجها انتقادات الناس عنها
او تشتكي من تعامل الغير لها
وصدقيني حبيبتي تقدري تغيري من شخصيتك وتدافعي عن نفسك وتاخدي حقك بنفسك

كنت مثلك بالضبط البكااء كان وسيلتي
الين الحمدلله اتغيرت تماما
اتعلمت ماأتأثر بالاراء السلبيه
اتعلمت اطوور حالي


أما بالنسبه للصمت كثيرا ما قرات ان الشرقي يحب المرأة الغامضه الصامته ولكنني اشعر معه بانني ثرثاره لانه هو دائم الصمت مما يجعلني اتكلم كثيرا حتى اخرج من هذا الصمت القاتل ,,

هوه بطبيعته صاامت
وثرثتك تزيييييد من صمته

ولكنني احاول جاهده وجربت ذلكمرارا ولكنني عندما اصمت كذلك يصمت هو لانههذا طبعه فنجلس اوقات طويلهدون الحديث وهو يحسبني زعلانه لانني كنت اذا زعلت لا اتكلم معه ..
أرجوا ان نتناقش في موضوع الصمت وكيف نستطيع فعل ذلك ؟؟

ايش تقصدي بمرااارا ؟؟

يعني يووم ساكته وايام لا

لا حبيبتي احنا هنا نتكلم عن داائما
عن نهج واسلووب تتبعيه مو مره ومره لا
والنتايج مح تجي بين يوم وليله

والصمت له اساليب وفن
يعني مو اكون ساكته وانا ملامح وجهي عاديه او مبوزه
ضروري تكون الابتسامه الناعمه مصاحبتني

كذلك كيف اكون واثقهمن نفسي لانه يعشق المراة الواثقه من نفسها حتى لو لم تكن جميله وانا لست واثقة من نفسي مع انني ولله الحمد اتمتع ولله الحمد بعدة صفات جميله فانا متعلمه وجميله وتزوجت صغيره بينما يفرقني عن زوجي 13 سنه ولكنني لست واثقة من نفسي لانني اشعر ان ذلك يعتبر غرورا مني فانا احب التواضع والكل يمتدحني حتى عند زوجي ولكن كيف استطيع ان أكون صامته وواثقة من نفسي ..
أرجوا مساعدتي في ذلك ؟؟؟؟؟؟؟؟؟
أرجوا منكن التعقيب على كلامي وفهي ....
​

حبيبتي الكلام او الثرثره تعتبر طااقه داخليه في الشخص
مح تقدري تتحكمي فيها الا اذا خرجتي لو على الاقل جزء منها

فالافضل تخرجي الطاقه دي من داخلك عشان تقدري تتحكمي فيها وتقدري تكوني صامته مع زوجك وماتتكلمي معاه الا بالمفيد والضرووري

وانا حقوولك كيف في عدة طرق

منها انك تتكلمي مع اخواتك مع مامتك مع صحباتك مع جاراتك
او حتى مع نفسك

لا تستغربي اتكلمي مع نفسك اي موقف يصيرلك وحابه تحكيه لاحد اذا ماحصلتي
احكيه مع نفسك واتخيلي انك تحكيه لاحد

الرجل لانو يخرج ويضطر طبعا انو يتكلم فبذلك قاعد يبذل مجهوود كبير بالنسبه له
فلمن يرجع للبيت والبيت بالنسبه له مكان الرااحه
فتحصليه يلتزم الصمت ومرات الصمت القااتل
وطبعا من رجل لرجل يختلف

بينما المراه جالسه في البيت لاتقابل احد ولا شي يادوبك اذا خرجت مناسبه او عزومه او زارت احد مره او مرتين بالاسبوع
فتكون عندها رغبه شديده بالكلام
فالافضل لك انو رغبتك بالكلام تطلعيها لاي احد او حتى ممكن عن طريق الكتابه
المووهم خرجيها من داخلك وحتلاحظي نفسك انو بعدها حتقدري تتحكمي بنفسك اكثر
وحتكوني سااكته اكثر


حكيلك موقف صار لجارتي
صار بينها مشاده بينها وبين زوجها وحبيت انها تتناقش معاه
فقامت لبست وحضرت حالها وانتظرت زوجها يرجع في غرفة النوم
وطبعا على بال يرجع جلست تعمل تمرين مع نفسها
سوت حالها تتكلم معاه وتحاول تشرح موقفها واتكلمت وطلعت اللي بقلبها كله
وهذا كله وهو مو موجود مجرد تمرين

طبعا هوه لمن جا ودق الباااب راحت فتحتلو
حست نفسها انو مافيها تتكلم خلاص راحت الطاقه اللي بداخلها كلها
حتى نفسيتها صارت احلى وقدرت تبتسملو طبعا لمن شافها مبتسمه ولا بسه
حضنها بشده واعتذر منها
واتكلمو عن اللي صار بس باختصاار شديد جدا


بالنسبه للثقه بالنفس هذا بالاول لزم تثبتيه لنفسك
قبل مع زوجك

الكلام فيه حيطوول حبيبتي ان شاء الله اذا قدرت حكتبلك فيه
بس فيه مواضيع كثيره بالمنتدى تتكلم عن الثقه بالنفس
اقريها وثقفي نفسك وطوري حالك من جوه ومن بره
وحتتولد عندك الثقه بالنفس دايركت

أتمنى اكون قدرت اجاوب على تساؤولاتك
ويكون وصلك كلامي حبيبتي
​

 

[جوريه و رديه]

أختي حكايه .. يارب كل حرف كتبتيه ب ميزان حسناتك .. أفدتيني كثير ولا هانو البنات ..
انا زوجي شرقي بحت بس نقطتين غربي ..
وانا جنوبيه شرقيه
والله أحاول جاهده اني أتكيف معه وافهمه .. ربك يعين ويسخر يارب

 

[الـحـاالـمـه]

احب ازيد بالنسبه للاخت رمووش طويله

فكري دائما بالمزايا الايجابيه للصمت

انو بيعطيك هالة من الجاذبيه والوقااار فاي شي ممكن يزيدك جاذبيه في عيون زوجك اكيد بتسويه

كل مره تفكري فيها بالمزايا الحلوه حتكوني اكثر مقدره على الصمت

وعشان تخرجي زوجك من حالة الصمت في عدة طرق كتبتها في الموضوع الاول

ذكرتني فيها وحده من البنات هنا

ان شااء الله اجيبها وانسخها لك هنا

واللي عندها رابط الموضوع او تقدر تنسخوهنا فياليت تساعدني
لاني ناسيه فين كتبتو وحقعد ابحث عنو


.

.​

 

[الـحـاالـمـه]

.
.
رائع ..

إذا أحتاج الآن ، أن أعمل على نفسي من ناحية :
-اتساع الثقافة والاطلاع ،
-ترتيب أموري الخاصة والتنظيم : من لا يستطيع أن ينظم أموره من باب أولى ألا يستطيع تنظيم أمور غيره .
-العناية الجسدية الدقيقة : عنايه وليس تجميل أتوقع أن الشرقي دقيق ما يمشي عليه أحط مكياج ووجهي فيه حبوب والا استشور وشعري جاف ومتقصف ههه
- التدريب على التحكم بأعصابي <<هذي تحتاج وقت الله يعين
- التدريب على خفض الصوت + النعومه في المشية والكلام

وراك وراك يا الشرقي والزمن طويل

.. الله يسعدك حبيبتي ويسخر لك من حيث لا تحتسبين ..
.
.

انتي الرااائعه عزيزتي

هكذا نريد من كل زوجه ان تستوعب تماما وتفهم مايجب عليها القيام به اولا ثم تاليا

​

 

[الـحـاالـمـه]

اختي حكايت حلم ....اشكرك من كل اعماقي على ردك الرئع كاروعتك


هذي فعلاً صفاتي كانك تتكلمين عني والله بدون مبالغه صبوره الا ابعد حد هاديه جداً واسوي اشغالي كلها وغدا في وقته ولي هو يحب والبتسامه ماتفارقني ولاسأله مستحيل اسأله لا بطريقه مباشره ولا غيره بس جربت اني امدح نفسي عنده واشوفه بس يبتسم مايعلق ابد برغم انه صريح جداً حتى لو يجرح يقول بس لمى امدح نفسي مايتكلم بس احس من نظرته انه مؤيد ...الحمدالله على كل حال كلامك جميل الله ينور عليك زي مانورتينا على اشياء ماانتبهنا لها دمتي بحب يالغلا

اذا راى مايعجبه فيكي فهوه بنظره لا يحتاج للكلام

اما اذا كان العكس فلابد من الانتقاد لانه يرى انه يوجهك للطريق الصاائب

من وجهة نظره فهو لايرى انه يجرح او ينتقد هوه يرى بانه يصحح لك ويقومك



.
.


قال لي زوجي ذات مره حين سالته كيف تجد طعامي
هل هوه لذليذ يعجبك ام لا
لانك دائما تاكل دون ان تعلق
فأخبرني

انه اذا كانت هناك مزهريه جميله في البيت فهل يعقل ان امتدح المزهرية
واقول بانها جميله >> هوه يرى بانه من غير المعقووول :33:


ولكن اذا رايتها متسخه او منكسره فهنا يجب ان اعلق

أرأيتي عزيزتي كيف يفكر الرجل الشرقي

.
.


ولكن احب ان اهمس في اذنيكي بان هذا كان في اول زواجي
حيث انه الان بات لا يمل من مدحي او الاطرااء بكل ماقوم به :21:

​

 

[الـحـاالـمـه]

عندي سؤال بعد هل يحب الشرقي انك تناقشينه بيومياتك والاشياء اللي تصير معك ؟ وتكونين حاطته بالصورة وتعلمينه آول بآول ولا يعتبرها غير مفيدة ؟ ويشوفك مزعجة !!

احس فيهم فضول احيانا لمعرفة كل شي بس بسبب حذرهم يكون كلامهم رؤوس اقلام او يمكن تجنب للأسئلة الجانبية؟

آسفة اذا كثرت اسئلة لكنه الغوص بالبحار هههههههه

الله يسعدكم كلكم كلكم

اذا هوه سأل عن يومك اعطيه مقتطفات واحكيلو عن الاشياء الحلوه والمثيره
اللي صارتلك بس حبذا لو باختصااار يعني لاتعتبريه صحبتك جالسه قدامك
في تفاصيل مهمه عندنا يشوفوها تافهه كثير

احكي المختصر المفيد


واذا ماسالك فالافضل ان لا تتكلمي ولكن ليس دائما يعني ممكن تبادري انتي اذا حسيتي
الوقت والجو يسمح احكي شويه عن يومك

بس اذا حبيتي تثيري فضولو ويسالك عن يومك

كلمي وحده من اخواتك او صحبتك واتكلمي عن رؤووس اقلام مثيره
فقط
بس بدون تدخلي بالتفاصيل
اذا قفلتي من الممكن انو يسالك ويقووول ايش فيه ليه الحمااس دا كلو

بدي الطريقه تكون جات منو مو منك :22:
​

 

[الـحـاالـمـه]

ميدو

انا من رأي تكونين واضحة لانك بتكسبين ثقته بس خليها على مراحل وافضل شي برأيي ان الانسان يكون على طبيعته مدري عن الغموض بس عيشي حياتك واسمعي قلبك .

معنى الوضوح عشان يفهمك ويتقبلك ومو معناه انك تكبين عشاك عنده لان الرجال مو مثلنا نحب التفاصيل يعني هم اجمالا

انا هذه طبيعتي يعني شي فيني مع كل الناس مو بس الشرقي احس اني ارتاح اذا كنت واضحة مع الطرف الاخر .

في امووور نحتااج نكون واضحين فيها
واموور لا

الغمووض حلو لانك بتكوني سر في نظر زوجك يحاول يكتشفك ويتعرف عليكي
ويتقرب منك

اما الوضووح الدايم لن يجعلك مثيره وجذابه في عين زوجك ​

 

[الـحـاالـمـه]

بصراحه اناا الشي الى الآن محيرني معااه المزاجيه اقصد اني لاحظت اننا نكون بطلعه ومبسوطين ومروقين فجأة من غير مقدمات يسرح ويصمت وبعدين احسه يبدأ يتوتر ويعصب من اى كلمه منى او من الأولاد ليه نفسي افهم هذى النقطه بالذات واذا سألته يقول مافي شي بس خلاص طفش ويسكت بسم الله وش السالفه ماادري

في الوقت الي كانت ساكت ومسرح
اكيد كان يفكر وقتها بموووضووع او موقف قد صارلو او بشي يخص الشغل

وكلامك معاه واصوات الاولاد كان يشتت تفكيرو فسببلو العصبيه والتوتر وقلبة المزاج

طبعا بحكم انو شخص غامض ويحب الخصوصيه
مح يقولك وقتها بايش كان يفكر ولا حتى انو اصلا قاعد بالو مشغوول بشي


فالمطلووب منك في دي الحاله انك تلتزمي الصمت وتتركيه يفكر ويسرح مع حاله
وتحاولي تطلبي من الاولاد الهدوووء

اكيد بيقدرلك الموقف
واذا رجعتو البيت بوقت رايق قولي الاولاد كانو مبسوطين وكانت خرجه مره حلوه
بس سكوتك في الاخير وترهم وخوفهم

اكيد نط براسك موضووع وجلست تفكر فيه
وبعدها اسكتي
.
.

هذا سبب السبب الثااني انو يكون انتهى وقته في هذاك الوقت
طبعا كلنا عارفين انهم بيتوتين ويحبو جلسة البيت
فلو خرج بيخرج عشانك وعشان الاولاد عشان يبسطكم ويفرحكم

بس يكون له وقت محدود مرات يطول ويقصر على حسب الحاله

فاذا شفتي انو انقلب اعرفي انو وقتو انتهى خلاص وماعاد فيه حتى يجاامل
وحاب يرجع للبيت للهدووء والاستكناان والرااحه
فتجاوبي معاه وقتها ووفريلو الراحه والهدووء

ولا تزعلي من قلبتو عليكم


صدقيني مع الوقت والاستمرااريه حيتقرب منك اكثر
لانو بيحس انك تفهميه على طوووول
وحيحس انو محتاجلك على طوول جمبوو طول مانتي فاهمتو ومريحتو


.
.


​

 

[الـحـاالـمـه]

حكايـة حلــم
كفيتي ووفيتي بيض الله وجهك
بس ماجاوبتي استفساري الشخص يقدر يحدد نمطه بنفسه ؟

والشرقي بالنهايه مثل هالفيس

:10:

طبعا حبيبتي كل شخص يقدر يحدد نمطو بنفسه

كلنا حددنا انماطنا بنفسنا

مافي احد بيكون اعرف من نفس الشخص بنمطو ​

 

[سيــ نجد ــوف]

لكم ازواجكم ويخليهم لكم
السلام عليكم خواتي البلقيسيات
انا معكم في الرجل الشرقي زوجي شمالي شرقي
وكنت ابحث عن موضوع للرجل الشرقي واخيرا وجدتكم وانا معكم
كل الصفات اللي انكتبت من اخواتي زوجات الشرقي موجودة عند زوجي
لكن لاحظة فيه تقارب بين صفات الشمالي والشرقي يفرق بس ان الشمالي لايحب الالتصاق واذا حصل موضوع مهم مشغل باله بالبيت او بالدوام يحب ينعزل في غرفة بعيدة عن ازعاج البيت مثل المجلس واحيانا ينام بالغرفة لحد ما يلقى حل او ينتهي الموضوع الشمالي متعب لكن حبوب وكريم وطيب
الله يخليه لي ويحفظه
ولكم اخواتي الله يحفظ ​

 

[red door]

ننتظر المزييييييييييد وينج ياحكاية حلم

 

[برائة]

الحالمة الله يجزيج الخير كلامج روعه وفيد

انا لاحظت الشرقي كل ما عاشرتيه اكثر كل مافهمتيه اكثر وحبيتيه

فعلا نمط مميز ويبغا معاملة خااااصة **

 

[الحالمةبالسعادة]

شكرا الك كتير يابرائة وهدا من زوقك
وياريت نضل على تواصل حتى نستفيد من بعض لانه زي ماحكيتي بدو معاملة خاصة
كتير تعبني الشرقي الشمالي الي عندي بس هو والشهادة لله كتير قلبه طيب وحنون

 

[الحالمةبالسعادة]

حكاية حلم ساعديني
انا زوجي شرقي شمالي
تعبت منه في عنده صفة وهي انه متقلب فجاة بزعل
بضله صامت وانا من عشرة اله بعرف وقتها انه متضايق بسبب بكون تافه يعني مثلا اذا نمنا انا وياه مع بعض الظهر وصحي هو قبلي وان شفته لما صحي وماقمت معاه وكملت نومي بسكت طول الوقت لاني ماقمت وقعدت معاه
كيف اغير فيه هادي الصفة
كمان اذا تركته ورحت نمت قبله وماسهرت معاه بزعل بس مابحكي انه زعل بحسسني انه زعلان بطريقة معاملته معي بضل صامت ومابحكي الا اذا حكيت معاه بس بعدين بسرعة برضى

 

[متزوجه ولكن]

اكثر ما يأثر على شخصية الشرقي بيئته خاصه من ناحية اللبس
يكون يبغاك تلبسين زي ماكانوا يلبسون خواته بالضبط سواء لبسهم موافق للشريعه او لا
في بداية زواجي كنت اتصادم معه من هالناحيه كثييييييير
لما نروح للسوق يبي يجيب لي نفس لبس خواته وهم مايلبسون الا بناطيل وحتى لبسهم بسيط جدا

لين جيت مره عطيته درس صحاه
رحنا للسوق على اننا نتمشى كان السوق سوق بسيط يعني تشرين منه ملابس بيت تقريبا مو كشخه
والشرقي تهمه الفخامه والكشخه جداااااااا
وقعد يتنقى لي بناطيل يقول شوفي ذا وشوفي ذا اشتري لك اياهم بس تلبسينهم لما تطلعين مو بالبيت لانه عارف اني البس بالبيت كل شي لكن لما اطلع لا تربيت اني ما اطلع بهاللبس ابدا الله يثبتنا وياكم
قلت له طيب ورني زي ايش وطلع لي واحد قال شوفي هذا حلو قلت له انا شاريه واحد نفس طبيعه البنطلون الي اختاره لكن سعره ضعف الي الي اختاره تقريبا اربع مرات او اكثر وقلت له شفت الفرق مع ذلك ما البسه الا لك بالبيت بس
حسيته انصدم وترك هالموضوع نهائي



هل تعتقدين ان الشرقي رجل يهتم بما تلبسين ؟
اكيييد يهتم وهذي طبيعته سبحان الله لكن مايعلق اعرف من عيونه اذا ما اعجبه يبين على عيونه حتى لو ماتكلم .


هل يعتبر الشرقي رجل دقيق في اقتناء الملابس؟

جدااااااا جدااااااا خاصه بملابسه يدور الاسواق ثم يرجع لهن مره ثانيه عشان يأخذ اللبس الي اعجبه
لكن لما اروح معه اذا اعجبه لبس اخليه ياخذه على طول هو متردد فواجبي اجزمه على اللبس واشجعه ياخذه
مع انه داخل البلد مايلبس الا الثوب والشماغ مستحيل يطلع بغيرهم وانا عاجبني كذا ومايلبس البدل الا خارج السعوديه
اما عني ما اخليه يختار لي ما احب اصلا اخذه معي للسوق الا اذا له حاجه وهذا نادر جدا(السوق كله فتن)


هل يراعي الشرقي المكان والوقت المناسب للبسك؟


صراحه ماله دخل بلبسي ولا يحدد لي ابدا ايش ألبس

ماذا يفضل الشرقي بشكل عام ان تلبسي في المنزل (اللانجري)
في المناسبات..عند الخروج معه..لبسك للعباءه ..ملابس العمل؟

في البيت.. يحب التجديد وخاصه لما ترفعين ملابس ثم تلبسينها بعد ماينساها فيظن انك كل يوم بلبس وهو مايدري انك كرفتي ام اللبس قبل. يمووووووت على الاسترتش لانه يطلع المستخبي ومو استرتش ضيق لا بالعكس واسع وطايح سواء فستان او بنطلون لكن بدون شي تحتهم:5:
اما بالمناسبات والخروج معه البس على ذوقي يمكن عشان شرقيتي يعجبه ما ألبس غالبا فمايعلق على ابدا على ملابس خروجي
اما بالنسبة للعبائه عكسكم تماما:4:
وده البس عباية كتف ومخصره وملونه وعيوني كلها تبين زي ماقلت يبيني زي خواته:33:
دائما ينتقد عبايتي لانها واسعه ونقاب عليه طبقه يمكن كل ما اطلع معه ويشوفني يمسكها تطنز وانا اضحك عليه واتطز فيه


هل ينتقد الشرقي ملابسك ام يعتبرها حريه شخصيه ؟

زي ماقلت كننا نتصادم باللبس ويحاول يتحكم بلبسي
لكن بعد فتره اصبح اللبس حريه شخصيه تامه الحمدلله
ماهي نوعية الملابس التي تثير الشرقي ؟
سبحان الله يختلفون
فمثلا عندي فستان احمر فخم للمناسبات الكبيره جدا يعني لما كنت عروس فقط البسه
اخوي وزوجي شرقيين
اخوي لما شافه علي انجن عليه ويقولي يجنن الفستااااااااااااان
بينما زوجي لما شافه على طول قالي روحي غيري هالي عليك لانه شافه ثقيل علي وياله اتحرك فيه غير مريح
مع ان اخوي ماله دخل بملابسي ولاعمره تدخل فيها
يعني يختلفون الشرقيين نفسهم بالملابس

بالنسبه لشرقيي نادر مايقول رايه بلبسي
ولاحظت اكثر الملابس الي تثيره
اول شي الجلابيات هذي شي ثاني عننننننده لكن صعب اكثر من لبسها وانا توني لاحقه عليهم لما اصير حرمه كبيره
ويمكن الوان محدده بالجلابيات الالوان الرسميه وتكون مطرزه لكن تطريز خفيف يعني مايكون عليها شغل كثيير
والفساتين الطويله والهاديه خاصه لما يكون فستان اسود:36:
وبالبيت الساتان والاسترتش واللبس الشفاف عموما اللبس الي يبرز مفاتنك

 

[متزوجه ولكن]

قال لي زوجي ذات مره حين سالته كيف تجد طعامي
هل هوه لذليذ يعجبك ام لا
لانك دائما تاكل دون ان تعلق
فأخبرني
انه اذا كانت هناك مزهريه جميله في البيت فهل يعقل ان امتدح المزهرية
واقول بانها جميله >> هوه يرى بانه من غير المعقووول

ولكن اذا رايتها متسخه او منكسره فهنا يجب ان اعلق
أرأيتي عزيزتي كيف يفكر الرجل الشرقي




ما أقول الا سبحان الله على تفكيرهم
فعلا لما تفهمينه ترتاحين وتبعدين عن المشاكل
اعجبتني هالنقطه كثييييييرا
شكرا لك يالحالمه ونفع الله بك

 

[عاطفية جدا]

أخواتى العزيزات : أشتركت فى المنتدى من أجل الصحبة الجميلة والرائعة
عندى مشكلة تؤرقنى فزوجى تنطبق عليه صفات الشرقى
وأنا عاطفية ورومانسية جدا فأجمل شئ عندى هو الحضن الدافئ
وزوجى كان فى الماضى يفعل ذلك
ولكن منذ فترة قل ذلك وأنا أمر بأزمة فراغ عاطفى شديدة و فكيف أتصرف معه
علما بأننا تزوجنا بعد قصة حب طاهرة وقد مر على زواجنا 14 عام
ولكنى مازلت أحبه