السلااااام عليكم ...
والله زماااان عنكم يابلقيسياااات
في البداااايه اسجل اعجاااابي بالرائعه حكاية حلم ...ويارب عسى احلامك كلها سعيده 
اعرف عن نفسي ..انا ((بيالة شاي )) قد يعرفني القديمااات في هالمنتدى ..فقد تركت وابتعدت لمده سنتين تقريبا ..وجاءني امس مسج من احدى العزيزات يحتوي على رابط هالموضوع الحلو
طبعا انا زوووجة شرقي شررررررررررقي ..لدرجه اني احيانا احس انه ماله من البوصله الا الشرقيه فقط فلا يكاد يعترف بباقي الاتجاهااات
عشت فترررره طويييله اتخبط لمحاااوله فهم هالمخلوووق الغاااامض ..فانا اعشقه واحبه ولكن لماذا اعاني معه !؟؟!! ...طبعا تعرفت على بوصلة الشخصيه وتتلمذت في هذا المنتدى المميز وتلقيت تدريبات من الاستاذه ناعمه ..فتمكنت من فك رموووز هالشخصيه واصبحت افهمها ولم يعد غااامضا ..استمتعت بلعبة الاستكشاف واللعب على نقاط الضعف وتقدير رداة الفعل ...اسلتزم مني الامر جههههد وكفاااح واصرار خااصه اني غربيه ..ولدت لاكون معاكسه له (سبحان الموفق) ..تمكنت من التخفيف من غربيتي والسيطره على نقاط الاختلاف ...قد كان الموضوع ممتعا في البدايه خاصه عندما تتلقين نتائجه راائعه نتيجه جهدك وتعبك
....
....
ولكن
....
...
...
انا الان اعاني من مرحلة استطيع ان اطلق عليها (( الاحباااط)) ..وبالانجليزي (( i am fid up)) .. لا اريد ان انقل لكم طاقه سلبيه من كتاباتي ..ولكن قد اجد من تفهمني ممن لهن باااااع ونفس طوويل مع الشرقي
على مدى السنين التي مضت منذ ان تعرفت على شرقيته وانا اسعى جاااهده للوصول الى ارضاااءه ...اعلم تماااام العلم انه يحبني بل يعشقني ...ولكن لانه يتطلع دائما الى الكمال ...دائما اشعر انني لست بالمستوى المطلوب ..على جميييع الاصعده .. سواءا بالطبخ ولا بالتنظيف ((وهذي اكثر الجوانب اللتي اتعبتني ))او التربيه ..دائما هناك هفوات وزلات يركز عليها ...اشعر انني تحت المجهر اربع وعشرين ساعه ..اصبح الامر متعبا ومرهقا وممللا ...ماان اصل الى درجه مرضيه في جانب معين اجده انتبه الى النقص في جانب اخر ..قمممة الاحباااط ..أعي تماما انه بذلك يسعى الى دفعي للكماال ..ولكن ستوووووب ...لم اعد اريد الكمااال ...عندها التفت الى نفسي ووجدت اني لم اعد اعرفني ..لقد ضيعت نفسي وشخصيتي ..لم اعد كما كنت ...لا انكر ان زواجي بالشرقي دفعني لتصحيح جوانب النقص في شخصيتي ..ولكن انا احب غربيتي ...نعم احب كل ماهو مختلف عنه ..احب اعيش انطلاااقه ..احب اعيش البساااطه واكرره القيود والقوانين والتنظيم والسااااااعه ...وصلت لمرحله شعرت اني لم يعد لي نفس ...اريد ان اتنفس خاااارج قيود الشرقي ...اصبحت استمتع اذا سافر بممارسة غربيتي ..استمتع بفوضوية غرفتي ..فلايوجد شرطي مرور ...ولا توجد قوانين وانظمه..ان من اصعب الشخصيااات للتغير هي الشرقي ..فلايستطيع ان يخفف من شرقيته لنلتقي عند نقطه وسط !!..وماالاحظه انه كل ماكبر كل مازادت شرقيته !!
الحمدالله رب العالمين ..احمده واشكره على زوجي ..فكلامي السابق لايتعدى فضفضة غربية في احضان شرقي ههههه .. ربي يديمها نعمه ومايحرمنا وجودهم
اسمحوا لي على الاطاله ..لاعرف هل هي فضفضة خبرة 8 سنين ..ام فرحة لقااءكم مره اخرى
عزيزتي بيالة شاي
مرحلة الاحباط اللي وصلتيلها لانك اتخليتي عن غربيتك
وكان الاولى انك ماتتخلي عنها
نعم المفروض نتقبل شرقية ازواجنا ونحاول نتماشى معاهم ونرضيهم
بس المفرووض كمان نستفيد من غربيتنا عشان نغير من شرقيتهم شويه
نفس الاحباط هذا عشته قبل كم سنه انا انسانه متجدده واعشق الحياه
واحب اروح عن نفسي كثير بحكم غربيتي طبعا
واكره الروووووتين والملل اللي بشرقيي وامقته بشده
وكان التعايش معاه صعب
فكنت اعمل مفاجات بشكل دايم من اشيااء بسيطه جدا
يعني الغدى اللي اسويه كل يوم يعتبر مفاجاه
اقولو اليوم عامله مفاجاه حتاكل اصابعك وراها واكون عامله مصقه
واليوم اللي بعده اقووولو اوووه منت عارف اليوم المفاجاه ايش هيا حتقعد
على السفره مح تقدر تقوم واكون عامله مثلا ايدام بازيلا يعني اكله عاديه
كل اكلاتي كانت مفاجئات طبعا في البدايه ردات فعله باااردددددددددددددده جدا
بس كنت اتحامل واطنش
وكنت حتى الحلى اسوي منه مفاجاه وحتى قميص النوم او البيجامه اللي البسها
كنت اقولو غمض عيونك قبل لاادخل الصاله واذا دخلت اقولو افتح عيونك
وادور حولين نفسي واقول ايش رايك
وتحصليني لابسه بيجامه اكون قد لبستها الف مره قبل
يعني مو جديده
بس الموهم اني اعمل اكشن من شغلات بسيطه وصار كل يوم في مفاجئاه
مره على الغدى ومره على الحلى ومره بملابسي
الين ادمن المفاجئات
وصار ينبسط ويتفااااعل معايا مررررررره والبرود اتحول لحراااره
وحمااس وتصفيق
وصار يقول حياتي معاكي جنه ماتخيلها بدوونك
صار يكره الروتين وصار يحب التجديد والتنويع
بس طبعا مو على طول بس اقدر اقلك اتحسن بنسبة 70 %
هذا بالنسبه لكسر الروتين
بالنسبه للقوانين والترتيب والدقه تقدري تخففي من حدتها
بانك تبينيلو بكل الاساليب انه اللي يسويه اكثر من المطلوب
يعني مو من المنطق يترك كل شي ويهمل تعبك بكل الامور
ويركز على غلطه تافه وعاديه
دايما بينيلو انه تركيزو يكون على اشيااء بسيطه وعاديه
انا امشي على مبدا التجااهل بدي النقطه
مرات كثيره اتجاهله مهما يتكلم ويعلق تحصليني اتجاهل كلامه وتعليقاته
وفي مرات يعلق على حاجه
اقولو تارك الاشياء الكبار اللي عملتها وتركز على النقطه الصغيره
قمة الاحبااط
وبعدها ازعل وطبعا بحكم انه ليا مكانه كبيره وعميقه جدا بقلبه
صار زعلي عنده غااالي جدا
وصار يخاف يزعلني ويفتقد ضحكتي وحناني وفرفشتي ودلعي
فيرجع يسكت ويبطل يعلق
وصار يمسك نفسه كثير عن التدقيق
ولمعلوميتك زوجي واصل لمرحلة الوسوسه بالنظااافه والدقه والترتيب
يعني مو مرتب وبس لا واصل للوسوسة
وكلنا عارفين انه الوسوسه مرض نفسي
يارب لك الحمد والشككر مازلت اتعب معاه بس الحق ينقال
اتخطيت اموووور كثيره ومازال عندي الامل باني اوصل لمراحل اكبر
بس طبعا انا مو هدفي منه بالمره يتخلى عن شرقيته بس يتنازل عن بعض الامور
ويخفف من حدة بعضها
لانه مهما يكون صعب الواحد يتخلى بالمره عن شخصيته لانه ممكن يوم ينفجر ويرجع اخس من قبل
الوسط والتوزان دايما حلو
قولو ماشاء الله تبارك الله
لانه يعلم الله قد ايش تعبت وتالمت وعانيت وانحرمت من امور كثيره
حتى وصلت لدي المرحله من حياتي
حبيبتي بيالة شاي
دايما كوني واثقه من حالك وقولي انا مو مقصره
اهو شوف سويت وسويت وسويت
في كل مره يعلق على هفوه او زله او غلطه
قولي بكل ثقه انا ماغلطت والشي دا يصير عادي
وهذا مايعتبر تقصير مني ابدددددددا
ومايرضيني انك تعلق او تحسسني بالتقصير
لاني قايمه بواجباتي على اكمل وجه
واذا تشوف اني مقصره فهذا الشي راجعلك
راجع نفسك لاني متاكده من عدم تقصيري
واذا كنتي مقصره فعلا
فقولي هذا من تعليقاتك لانها تحبطني
وتحسسني مهما عملت بنظرك ناقص
فعلى ايه اتعب حالي
خلي النقاشات هذه تصير كثيره بينكم
اقلبي الطاوله عليه وحسسيه انه الغلطان
بكثرة تدقيقاته
الحياه حلوه اذا عشناه ببسااطه
واتعاملنا مع الزلات والاخطاااء العاديه بشكل عادي
وحسسيه انه محد يشووفها زلات الا هوه
ولا هيا تعتبر طبيعيه وموجوده عند كل شخص
ودايما اتكلمي عن انجازاتك وعظميها وكبريها
حتى لو كانت شغلات بسيطه مثل الطبخ او تربيه الاطفال
او ترتيب البيت
ضخميها وانتي تتكلمي عنها واتكلمي حتى عن التفاصيل الصغيره
وبيني انك تجتهدي وتبذلي جهدك عشان تقومي بكل مسئولياتك باكمل وجه
وتحتاجي للتقدير ولرفع المعنويات وللتشجيع
مو العكس
سكوتك بيخليه يتمادى
لكن نقاشاتك معاه الدائمه والمستمره
بتخليه يعمل كنترول على حاله
صدقيني
بس بالاهم خلي مكانتك بقلبه تزيد وتكبر :26:
موفقه حبيبتي
قوي عزيمتك من جوى واشحني نفسك بالامل والتفااؤل
وانزعي عنك الاحباط وتاكدي انها مرحله وحترجعي
توقفي على رجوولك من جديد
وحتكون ابواب السعاده مفتووحه قدامك
لسى قدامك الحياه طويله
يارب يسخرلك زوجك ويهدي سرك حبيبتي
