بنت عمرها سنه و7شهور هل تتعلم على الحمام ؟وشلون؟

[اريد الرومانسيه]

تتوقعون عمر بنتي سنه و7شهور اقدر اعلمها على الحمام وشلون احس انها ماتتبابز فهمتو هالكلمه يعني تتخذ وضعيت انها بتتبرز اذا سويت لها هالوضعيه تصيح لان افخاذها توجعها بالهطريقه ودي اعلمها لان يقولون البنت بسرعه تتعلم اللي عندها فكره تنصحني فيها
ومشكورين

 

[OM FIRASS]

ياقلبي بنتك بعدها صغيرووووونة الله يحفظها
بالنسبة لي اطفالي ما اجبرهم على الدهاب للحمام بس دائما اشجعهم
واللي يجلس بالحمام اعطيه هدية والحمد لله شوية شوية تعودو

وان شاء الله البنات اللي عندهم افكار يفيدونك

 

[اريد الرومانسيه]

ياقلبي بنتك بعدها صغيرووووونة الله يحفظها
بالنسبة لي اطفالي ما اجبرهم على الدهاب للحمام بس دائما اشجعهم
واللي يجلس بالحمام اعطيه هدية والحمد لله شوية شوية تعودو

وان شاء الله البنات اللي عندهم افكار يفيدونك

ودي اعلمها بالتدريج فقط مو اجبار بس تدريب شي بسيط لحد مايصير عمرها سنتين ونص خلاص تكون اجبار تعليم الحمام

 

[**روعة الحب**]

حبيبتي
لي تخليها تجلس هالوضعيه........
اشتريلها كرسي أطفال............
أو غطاء للكرسي الأفرنجي أكرمك الله.........يعني هو يتباع للأطفال عشان يصغر الدائره وتقدر تجلس.....
وفعلا البنات يتعلمو بسرعه اذا انتي حاسه انها تستوعب ابدأي علميها على الأقل وهي في البيت......
ولما تخرجي مشاوير لبسيها بامبرز لأنها صغيره ماتمسك نفسها.......
أتمنى أكون نفعتك بكلامي........​

 

[اريد الرومانسيه]

حبيبتي

لي تخليها تجلس هالوضعيه........
اشتريلها كرسي أطفال............
أو غطاء للكرسي الأفرنجي أكرمك الله.........يعني هو يتباع للأطفال عشان يصغر الدائره وتقدر تجلس.....
وفعلا البنات يتعلمو بسرعه اذا انتي حاسه انها تستوعب ابدأي علميها على الأقل وهي في البيت......
ولما تخرجي مشاوير لبسيها بامبرز لأنها صغيره ماتمسك نفسها.......

أتمنى أكون نفعتك بكلامي........​

مشكوره حبيبتي بس المشكله احس انها لسه حتى الكلام ماتتكلم الا بابا وماما وما يعني اخوها محمد شكلي بستنى شوي بع لمن تكمل السنتين

 

[زنجبيله]

الغالية لا تعوديها من اول مرة يعنى شوشوى عليها مثلا من تنش من الرقاد شلى عنها البامبرز لين الظهر مثلا بعدين لين العصر وهكذا بس لاتنسين كل شوى تذكرينها علشان تتعود وحاولى تاخذين لها كرسى الحمام الله يعزكم بيكون اسهل لها وبتشوفين ان بعد السنتين تعودت روحها والله يحفظها لش يارب

 

[NANA2]

بالعكس اختي اذا البنت ذكيه وتفهم الوقت مناسب بس المسأ له تبيلها شوي صبر واذا شلتيها لاترجعينها ابدا حتى لا تلخبطينها مره حمام ومره بامبرز بس اختاري التوقيت المناسب لك يعني فتره تكونون ماعندكم طلعات ولا مناسبات .. انا عندي بنوته عمرها سنه وعشره شهور بديت معها اليوم والله يستر..

 

[أم عمـــــــاري]

اشتري لها القصرية..كرسي صغير نفس المرحاض بس فيه رسومات والعاب لعد

 

[اريد الرومانسيه]

اشتري لها القصرية..كرسي صغير نفس المرحاض بس فيه رسومات والعاب لعد

انا نعقدت من القصريه لان اختي علمت بنتها عليها واتوهقت اذا طلعت لاي مكان بنتها ماتسويها الا في القصريه مالتها واللي لونها احمر توهقت قامت ماتطلع من البيت الا وتاخذها معاها في كيس تخيلي علشان كذا انا خايفه اتوهق لمن تكمل السنتين وابدا معاها انشاءالله

 

[مهجوله]

حرام عليك توها صغيره

 

[اريد الرومانسيه]

خلاص بصبر عليها لمن تكمل السنتين بنوتتي طماطه بستنى عليها شوي

 

[الورد البنفسجي]

لا والله انا مو مع الي تقول توها,ليش توها ؟ بعدين يتعلم الطفل على الكسل ,فالافضل لكي ان تحاولي من الان حتى تلاقي النتيجه عن اكتمالها السنتين,وافضل الطرق للتعليم هي القيصريه وهي حمام متنقل ويوجد منه اشكال عديده والوان وبعضها فيه موسيقى,يعني الطفل راح يحبه:blush-anim-cl: ,ولا تيأسي اول الايام ,لان تعليمها لهذا الشي يبيله صبر وطولة بال:shutup: ,ولازم تكونين عارفه متى مواعيد دخولها للحمام,علشان تسهل عليج المهمه وتنتظيرينها حتى تفعل شي ,وابدأي بتشجيعها والتصفيق لها:clap:.....اما عند الخروج اذا كان الطريق طويل البسيها الحفاظ حتى الوصول الي المكان وبعدها ابداي بسؤلها كل ربع ساعه اذا كانت محتاجه للذهاب الي الحمام وهكذا حتى تتعلم,اعانك الله على ذلك

 

[Om Dnoo]

شوفي ياقلبي انا عملت غلطه مع بنتي الحين عمرها ثلاث سنين ماتروح الحمام امي تقول بعد ماتفكي البامبرز حطيها على الكرسي وقوليلها حمام الخ بعدين لما يصير عمرها سنتين راح تفهم انا الحين سويتها مع ولدي عمره سنه وخمسه شهور وصار يعرف شوي بس اهم شي ياخذ فكره عن الحمام عشان مايتعبني مثل اخته

 

[ظلال غريبة]

ممكن يا أختي تاخذيلها ملابس داخليه مثل البامبرز تلبسها ومن داخل بلاستيك سهلة التنظيف وبالتدريج ممكن تخليها تنسى البامبرز وكل عشر دقائق تودينها على الحمام حتى تتعود وبالتوفيق

 

[دانيا صالح]

أهلين اريد الرومانسية حلو أنك تعطين بنيتك فكرة عن الحمام من بدري بس أنا من تجربتي أفضل التعليم الحازم بعد سنتين اشتري لها ملابس داخلية فيها صورة عروسه أو أي شي تحبه وبعدين قولي اذا سويتي عليها تتوسخ العروسه ولاتنسين الهديه بعد ماتروح للحمام ,وعموما يختلف الأطفال بسرعة التعلم ,الله معك.

 

[اريد الرومانسيه]

المشكله ان بنتي ماتفهم ماتتكلم ماتقول شي احاول اعلمها ان اللي تسويها اسميه كخ بعدين اذا رحت اغسلها اقولها سوي كخ وااشر على بتاعتها

 

[كل الغــــلا]

لسى صغيروووونه

حرام خليها تكمل سنتين


كذا بتتعبك لان لسى ماتقدر تتحكم باعضاائها


....​

 

[بائعة الوررررد]

بنتي عمرها زي بنتك وجاء يوم دخلتها الحمام وغسلتها وهي واقفه بكت ليييييييييييييين حسيتها بتنجن على طول طلعتها ياقلبي عليها خااااااااااافت من الحمام لانها متعوده اغسلها وانا شايلتها واعتقد انها باقي صغيره واذا انتي تبين تعلمينها خذيلها الكرسي حق الاطفال ويكون صغير وماتعورها رجولها اذا جلست