بنتي 4سنوات كيف احميها..

[ام ميمي وتوته]

السلام عليكم ورحمة الله وبركاته
اخواتي كيف حالكم ..
ما عرفت لمن اشتكي عشان القى حل تعبت الصراحه من التفكير
عندي بنت عمرها 4 سنوات
كنت دايما اتركها عند اختي لما اطلع بس مرة اكتشفت يوم كنت عند اهلي انه بنت اختي (عمرها تقريبا 7 سنوات) دايما تاخذ بنتي ويتخبون وكل ماصرنا صوبهم مايسون شي وبنتي تقولها يلا يلا نكمل وهي تقولها اسكتي ، مسكت بنتي بعيد وكلمتها شو تسون قالتلي تبغي تلبسني بمبرز ،امها عرفت عنها وقامت تنهرها بس حاولت كم مرة عقب ملت لانه بنتي تخبر عليها،

وبعد فترة كانت تلعب ويا بنت اخوي بعمرها ويتني تصرخ ماما حصه تقولي نلعب هني وتأشر تحت عيب ماما صح
خليتها ترد بيتهم نفس الوقت ، ويوم رحنا بيتهم بعد فترة لقيتهم متخبين وبنتي اطل من تحت ثيابها سحبتها وطلعت من البيت قالتلي ،انه هي اللي طلبت منها

واليوم لقيتها في غرفه عمها مع ولد عمها (عمره 7) قافلين الباب ويوم طلعت قلتلها شو تلعبون قالت كنت في الحمام وهو يغسلني حسيت مثل الصفعه جت على وجهي وصابني صداع كلمتها قلتلها عيب قالت هو دخل علي وقال بغسلج وحط ايده حاولت امسك نفسي عشان ماتخاف وماتخبرني مرة ثانيه وخليت ابوها يكلمها لانها تسمع كلامه اكثر مني

خلاص تعبت وين مااروح الكل يحاول بستغلها وهي الهبله عادي عندها اخخخ قولوي شو اسوي تعبت وانا الاحقها هذي وحده ومتعبتني الباقي شو بسوي فيهم
شوروا علي من تجاربكم الله يرزقكم الجنه يارب

 

[زهرة الشرق]

انتبهي يالغاليه عليها وكل ما تجلسي معاها حاولي تكلميها وكانها وحده كبيره وقولي لها عيب وما يستوي حد يشوف عليكي هناك وما تمسكي خوفيها انه لو سوت شي هناااااك راح يصير شي يخوفها

نصيحه مني خليها تنسى المكان من الحين لانها لو تعودت لاسمح الله راح تكبر ويكبر معاها هالطبع وراح تروح للعاده السريه

ما قصدي اخوفك بس نصيحه من اختك

 

[فتاة الحاسر]

لااااااااااااااااااااحول ولا قوة الآ بالله

الله يهديهــــــــا يارب ويحميها ويحمي كل اولااااااااادنا ويستر عليهم

 

[شفايفي توت..!]

علميها عيب ولا تخالطينها وااجد وياهم وحاولي تشغلينها باي شي او وقفي هالبزارين عند حدهم او علمي امهاتهم يتصرفون وياهم

 

[ام ميمي وتوته]

جزاكم الله خيرا على ردودكم والله يعينه على تربيتهم

 

[MOoON24]

الله يعينج والله انا صارت عندي هاي المشكلة عند بنتي وولد اختي وبنت اختي الثانيه وأكثر عن مره شفناهم بس الحين لاااا لاني قلت حق ولد أختي لوكررتها بضربك وكان عمر بنتي وبنت اختي 5سنوات نفس العمرو ولد اختي 7سنوات

 

[مسرعه بشويش]

خبرو اهاليهم لاتسكتوا

 

[ام راما&منور]

لاحول ولا قوةالابالله الله يعينا على هذاالجيل ويصلحهم ربي

 

[وردة الاشواق]

لاتخليها تلعب معهم وصدقيني انو لعبك معها اغلى واحلى عليها ويساعد لخلق علاقة جميلة بينكم وكمان حتى تكوني صديقتها المقربة

 

[ام ميمي وتوته]

جزاكم الله خير على ردكم

 

[سندرلا بلقيس]

انا يا عمري جبت 4 بنات وكنت اتبع تربية امي ببناتي والحمد لله الله يحفظهم

اقول لهم من لسى وهم اصغار ان الولد فوق راس جني هههههههههه واذا توحد بالبنت جها الجني ههههههههههههه
والبنت مع البنت اذا يلعبون بروحهم ما معهم احد يجيهم جني الولد هههههههههههه

بس والله انفعت هههههههههه

بس لما صاروا اشوي اكبار فهمتهم لان اعيالنا غير عنا فاهمين كل شي

وعليكم يا خواتي اتحصنون اعيالكم كل ليلة