بنتي يادكتوره ** تم الرد **

[(طيبه وحنونه)]

دكتوره لو تكرمتي ابغى مساعدتي في حالة بنتي والله مالقيت معاها حل
بنتي عمرها 3سنوات ونص ودايم اجي والقاها نايمه على لعبتها وتحرك فوقها واحيانا تصدر تاوهات يعني تمارس العاده وانا احاول امنعها مراة اسوي نفسي ماشفتها واناديها عشان تجي عندي ومرات اهاوشها ومرات اجيها واكلمها يامامه هذا عيب مايصلح وتقول خلاص ماعاد اعيدها وترجع وتكررها والله مو عارفه وش اسوي معاها بس هي دايم تجي يمي تشتكي وتقول انه يعورها لدرجة انها ما تقدر تتشطف بالمويه ومره احمرمن الوسط وريحته مره قويه وكريهه واحط لها فازلين ويخف عنها بس بعدين يرجع وانا اتوقع معاها التهاب بس ماوديتها للدكتوره خفت عليها تتاثر من هذا الشي قولي لي وش اسوي معاها واذا فيه كريم اجيبه لها وماياثر عليها قوليه لي ربي يجزاك الف خير

 

[د/همسه هذيل]

السلام عليكم عزيزتي:
عزيزتي الواضح ان بنتك عندها فطريات او بكتيريا تسبب لها الحكه و الرائحه الكريهه و احيانا يوجعها من كثر ما يحكها و على فكرة من اسباب اكتشافها للعادة السريه هي الحكه الشديدة عنده في هذيك المنطقه حكتها كذا مرة في الاول فسببت لها العادة السريه تجاهليها تماما هي ما ن تتعالج بتنساها و في موضوع مثبت عن العادة السريه اقرئيه و اما الفطريات فعلاجها يكون انك تشطفيها عدل بعد كل مرة تتبول فيها او تتغوط و ابتعدي عن الصابون الي يحسس استخدمي اكثر صابون خفيف و نشفي المنطقه جيد جيدا لان الرطوبه وسط جيد لتكاثر البكتيريا لذلك نشفيه و لبسيها الملابس الداخليه الفضفاضه او يعني مو ضيقه حتى يدخل هواء ما يكون مسكر تماما و غيريلها اياه كل يوم بالليل و بالنسبه للمرهم لازم تسوي مسحه تشوف في المختبر هل هي بكتيريا و لا فطريات و تأخذ مرهم على اساسها و لكن يأتي العلاج الاهم من الاساس وهي زي ما قلتلك فوق اهم شئ النظافة و الجفاف ...
يعطيك العافيه سلامته ..الله يحفظلك اياها و يخليها ..

 

[(طيبه وحنونه)]

الله يجزاك الف خير يادكتوره يعني اوديها لدكتوره تكشف عليها بس والله اخاف بنتي تتاثر من كشف الدكتوره وتنعدم نفسيتها لانها مشالله عليها مره فطينه بس ابغى اشرح لك اكثر يمكن تعرفين هل هي التهابات او فطريات هي زي ماقلت لك من الوسط بين الشفرتين مره احمر ومتجمع على بعض يعني من برى مو من جوى وانا حريصه على تشطيفها بالماء وماخليها تطلع الا وهي متشطفه شوري علي
وشاكره لك مره ثانيه

 

[د/همسه هذيل]

ايه اختي صحيح التشطيف و لكن التنشيف مهم جدا جدا في مثل هذه الحاله خليها ناشفه و الملابس الداخليه ما تكون ضيقهو تكون قطنيه و تغسلينها كل يوم بالماء الدافئ... و الوجع من كثر ما تحكه عادي لازم تعالجين الحكه طيب اختي قعديها كل يوم في البانيو مليان ماء دافئ و تحطين فيه كمون و بيكربونات الصوديوم جيبيها من الصيدليه انشاء الله تتحسن لو ماتحسنت لازم تسويلها مسحه الدكتورة و تشوف ايش هذا ما اقدر احدد حتى لو وصفتيلي ..
بس هذي الخلطه اللي قلتلك عليها مطهرة و مخفف للحكه و انتي استمري معاها على التشطيف و التنشيف بعد ه مهم جداااا... و طمنيني عليها ..