بنتي و التأتأة

[غراشيب]

هلا سوبر ناني ..

مشكلة بنتي البكر بدت من أسبوع تقريبا ..
أول مابدت تتعرف على الكلمات و تكون الجمل ..

عمرها سنتين ..
و أخوها الصغير عمره 10 شهور ..

اتأتأ بداية ما تبا تقول جملة من أكثر من كلمة .. فهمتي علي ؟
أيام أتأتأ .. أيام لا ..؟؟

أنا طنشتها مب عاطتنها ويه .. و أكلمها وايد و أشجعها ..
و حتى اللي بالعايلة كلهم مطنشين و يشجعونها على الكلام ..

أنا صراحة وايد خايفة يستمر الموضوع وياها بعد ماتكبر ..


شو رايج ..؟

 

[some1]

حبيبتي بعدها بنتك صغيرة ، لا تشغلي بالك إن شاءالله بعد ما تكبر شوي بيصير النطق عندها أسهل و أوضح ،،،

 

[آه ياقلبي]

لا تستعجلي عليها انا ابني لين وصل عمره 3 سنوات كان مايتكلم
خفت عليه واااايد وعلى طول دخلته حضانه والحين عمره 7سنوان وماشاء الله عليه يتكلم وش حلوه
ومتفوق في مدرسته

 

[Pink Dove]

أختي لسه بدري على ملاحظة التأتأة .. البنت لسه في مرحله التعلم .. وانا بنصحك تدخلي دورة تعلم لغة الطفل ان شاءالله بتستفيدي منها والله يعينك

 

[غراشيب]

مشكوووورات أخواتي ..

الله يجزيكم ألف خير .. طمنتوني